Төтенше жағдайлардың алдын алу және зардаптарын жою жөнiнде облыстық комиссия құру туралы

Күшін жойған

Алматы облысы әкімдігінің 2004 жылғы 29 сәуірдегі N 69 қаулысы. Алматы облысының Әділет департаментінде 2004 жылғы 01 маусымда N 1648 тіркелген. Күші жойылды - Алматы облысы әкімдігінің 2007 жылғы 04 маусымдағы N 118 қаулысымен

Ескерту. Күші жойылды - Алматы облысы әкімдігінің 2007.06.04 N 118 қаулысымен

Қазақстан Республикасы Үкiметiнiң "Төтенше жағдайлардың алдын алу және зардаптарын жою жөнiндегi ведомствоаралық мемлекеттiк комиссия туралы" 2003 жылғы 11 маусымдағы N 554 қаулысын орындау мақсатында облыс әкiмдiгi ҚАУЛЫ етедi:
1. Төтенше жағдайлардың алдын алу және зардаптарын жою жөнiнде облыстық комиссия құрылсын (N 1 қосымша) және оның құрамы бекiтiлсiн (N 2 қосымша).
2. Таратылған облыстық төтенше эпидемияға қарсы комиссияның мiндеттерi төтенше жағдайлардың алдын алу және зардаптарын жою жөнiндегi облыстық комиссияға берiлсiн.
3. Аудандар мен Талдықорған, Қапшағай, Текелi қалаларының әкiмдерi бiр ай мерзiм iшiнде төтенше жағдайлардың алдын алу және зардаптарын жою жөнiндегi аудандық және қалалық комиссиялар құрсын, оларды басқаруды өздерiнiң орынбасарларына жүктей отырып, таратылған аудандық және қалалық төтенше эпидемияға қарсы комиссиялардың мiндеттерiн соларға тапсырсын. Төтенше жағдайлардың алдын алу және зардаптарын жою жөнiндегi мамандардың жұмыс iстейтiн лауазымдары есебiнен аудандық және қалалық комиссиялардың төрағалары орынбасарларының, хатшыларының штаттық бiрлiктерiн ескерсiн.
4.Осы қаулының орындалу барысына бақылау облыс Әкiмiнiң бiрiншi орынбасары В.А.Долженковқа жүктелсiн.

Облыс әкiмiнiң
мiндетiн атқарушы В. Долженков

Облыс әкiмiнiң қаулысына
N 1 қосымша
29 сәуiр 2004 ж.

Төтенше жағдайлардың алдын алу және зардаптарын жою жөнiндегi облыстық комиссия туралы
ЕРЕЖЕ

1. Төтенше жағдайлардың алдын алу және зардаптарын жою жөнiндегi облыстық комиссия (одан ары Комиссия) үйлестiрушi орган болып табылады және төтенше жағдайлардың, авариялардың, апаттары мен табиғи зiлзалалардың алдын алу және зардаптарын жою саласында бiртұтас мемлекеттiк саясатты қалыптастыру және жүргiзу мақсатында құрылған.
2. Комиссияның басты мiндеттерi мыналар:
- төтенше жағдайлардың, авариялардың, апаттардың және табиғи зiлзалалардың алдын алу және зардаптарын жою саласында бiртұтас мемлекеттiк саясатты қалыптастыру және жүргiзу;
- жергiлiктi атқарушы органдардың олардың құзырына жатқызылатын мәселелер бойынша заңнамалық және басқа да нормативтiк құқықтық актiлер жобаларына арналған ұсыныстарды жасау жөнiндегi қызметiн, сондай-ақ аталған құжаттар жобаларын белгiлеген тәртiпте қарауды және Төтенше жағдайлардың алдын алу мен зардаптарын жою жөнiнде ведомствоаралық мемлекеттiк комиссияға берудi үйлестiредi;
- қауiпсiздiктi қамтамасыз етуге және халықты төтенше жағдайлардан, авариялардан, апаттар мен табиғи зiлзалалардан қорғауға бағытталған экономикалық, ұйымдық-техникалық және өзге де шаралар жүйелерiн қалыптастыру жөнiнде облыс әкiмiне ұсыныстар дайындайды;
- жұқпалы аурулар эпидемияларының және адамдардың жаппай улануының, жануарлар эпизоотияларының және өсiмдiктер ауруларының алдын алуға, шектеуге және жоюға, облыстың шекаралары мен аумағын аса қауiптi және карантиндi жұқпалардың орын алуы мен тарауына санитарлық күзет қоюға бағытталған төтенше жағдайлардың алдын алу және зардаптарын жою жөнiндегi аудандық және қалалық комиссиялардың, кәсiпорындардың, мекемелердiң, меншiктiң барлық түрiндегi ұйымдардың қызметiн үйлестiредi;
- эпидемияға қарсы және эпизоотияға қарсы шараларды жүргiзуге байланысты карантиндi-шектеу шараларын енгiзедi және алып тастайды;
- аурулардың таралуын болдырмау және осы құбылыстардың зардаптарын жою үшiн айрықша қауiптi жұқпалы аурулар ошақтарына мамандандырылған медициналық құрамаларды, басқармалар мен ведомстволардың шұғыл топтарын жiберу жөнiндегi денсаулық сақтау органдарының iс-қимылын үйлестiредi;
- қауiптi жұқпалы аурулардың таралуының алдын алу жөнiндегi халықты медициналық және ветеринариялық-санитариялық жағынан сауаттандыру үшiн бұқаралық ақпарат құралдарын пайдалану жөнiнде денсаулық сақтау және ветеринария органдарының iс-қимылын үйлестiредi;
- адамдар мен жануарларды орналастыруға енгiзiлген шектеулердi сақтауға бақылау жасайды, жүктердi аурулар ошағынан сыртқа шығарады, басқа да каратиндi шараларды орындауды жүзеге асырады;
- төтенше жағдайлардың алдын алу және зардаптарын жоюдың күштерi мен жабдықтарын жасау және дамыту саласында бiртұтас техникалық саясат жүргiзедi;
- төтенше жағдайлардың алдын алу және олардың зардаптарын жою кезiндегi облыстық жүйенiң iс-қимылының негiзгi бағыттарын жетiлдiру мен одан әрi дамуын белгiлейдi;
- төтенше жағдайлардың алдын алуға, облыстың халқы мен аумағын төтенше жағдайлардан қорғауға және осы бағдарламаларды орындау жөнiндегi жұмыстарды үйлестiруге бағытталған облыстық мақсатты бағдарламалар жасауды ұйымдастырады;
- авариялар, апаттар, табиғи және өзге де зiлзалалар нәтижесiнде зардап шеккен азаматтарды, сондай-ақ төтенше жағдайлардың зардаптарын жоюға қатысқан адамдарды әлеуметтiк-экономикалық және құқықтық қорғау, медициналық сауықтыру мәселелерi бойынша басқармалардың, комитеттердiң, бөлiмдердiң, жергiлiктi атқарушы органдардың, кәсiпорындар мен ұйымдардың қызметiн үйлестiредi;
- төтенше жағдайлардың алдын алу және олардың зардаптарын жою саласында облысаралық ынтымақтастықтың негiзгi бағыттарын белгiлейдi.
3. Комиссияның төмендегiдей құқықтары бар:
- өз құзыретi шеңберiнде төтенше жағдайлардың алдын алу және зардаптарын жою саласында басқармалардың, комитеттердiң, бөлiмдердiң, жергiлiктi атқарушы органдардың, меншiк түрiне қарамастан кәсiпорындар мен ұйымдардың өзара iс-қимылын жетiлдiруге қажеттi шешiмдердi қабылдайды;
- белгiлеген тәртiпте облыс әкiмiне комиссияның құзырына жататын мәселелер бойынша қаулылардың, шешiмдердiң және өкiмдердiң жобаларын ұсынады;
- басқармалардан, комитеттерден, бөлiмдерден, жергiлiктi атқарушы органдардан, меншiк түрiне қарамастан кәсiпорындар мен ұйымдардан олардың қызметi туралы Комиссияның жұмысына қажеттi ақпарат сұратып алады;
- басқармалардың, комитеттердiң, бөлiмдердiң, жергiлiктi атқарушы органдардың, меншiк түрiне қарамастан кәсiпорындар мен ұйымдардың төтенше жағдайлардың алдын алу және зардаптарын жою, соның iшiнде бюджеттен бағдарламалық шараларға бөлiнген қаражаттарды жұмсауға бақылау мәселелерi бойынша мақсатты бағдарламаларды орындауына бақылауды жүзеге асырады;
- төтенше жағдайлардың алдын алу және зардаптарын жою мақсатында белгiленген тәртiпте олардың ведомствоаралық қатыстылығына қарамастан көлiк құралдарын, материалдық-техникалық, медициналық және азық-түлiктiк ресурстар мен қорларды тартады;
- Комиссиялардың мүшелерiн хабардар ету, шұғыл жинау және төтенше жағдайлар аудандарына дереу шығу, алдын алу шараларын жүргiзу үшiн кезекшiлiкке арналған басқармалардың, комитеттердiң, бөлiмдердiң, жергiлiктi атқарушы органдардың, меншiк түрiне қарамастан кәсiпорындар мен ұйымдардың автокөлiктерiн кестеге сәйкес жұмылдырады;
- меншiк түрiне қарамастан кәсiпорындардың, мекемелер мен ұйымдардың мамандары мен техникалық қызметкерлерiн төтенше жағдайлардың алдын алу және зардаптарын жою мәселелерi бойынша талдау, сараптау және басқа жұмыстар жүргiзу үшiн жұмылдырады.
4. Комиссияның жұмысын материалдық-техникалық қамтамасыз етудi облыс әкiмi аппаратының қаржы-шаруашылық және жалпы бөлiмдерi жүзеге асырады.
5. Облыс әкiмiнiң бiрiншi орынбасары Комиссияның төрағасы болып табылады.
6. Комиссия өз қызметiн жұмыс жоспарына сәйкес жүзеге асырады. Комиссияның мәжiлiсi қажеттiгiне қарай, бiрақ әр тоқсанда бiр рет өткiзiледi. Комиссияның шешiмдерi хаттамамен рәсiмделедi.
Облыс әкiмiнiң шешiмiн талап ететiн мәселелер бойынша Комиссия белгiлеген тәртiпте тиiстi ұсыныстар енгiзедi.
7. Комиссия қабылдаған шешiмдер оның құзырына сәйкес барлық облыстық басқармалардың, комитеттердiң, бөлiмдердiң, ТЖ жөнiндегi аудандық және қалалық комиссиялардың, сондай-ақ меншiк түрiне қарамастан кәсiпорындардың, мекемелердiң және ұйымдардың мiндеттi түрде орындауына жатады.

Облыс әкiмi
аппаратының басшысы Н. Сүлейменов

Облыс әкiмiнiң қаулысына
N 2 қосымша
29 сәуiр 2004 ж.

Төтенше жағдайлардың алдын алу және зардаптарын жою жөнiндегi облыстық комиссияның құрамы

1.	Долженков Виктор Анатольевич	- облыс Әкiмiнiң бiрiншi орынбасары-төтенше жағдайлардың алдын алу және зардаптарын жою жөнiндегi Комиссияның төрағасы
2.	Работягов Владимир Николаевич	- төтенше жағдайлар жөнiндегi облыстық басқарманың бастығы- Комиссия төрағасының орынбасары
3.	Дүрiмбетов Еркiн Ермекұлы	- облыстық мемсанэпидбақылау басқармасының бастығы-комиссия төрағасының орынбасары
4.	Нұрлыбаев Асхат Жексембайұлы	- төтенше жағдайлар жөнiндегi облыстық басқарманың Талдықорғанаймақтық орталығының бас маманы-Комиссияның хатшысы
Комиссия мүшелерi
5.	Абдраимов Ғалымжан Райылұлы	-«"Мемсәулетқұрылысинспекциясы басқарма бастығы
6.	Ағментаев Серiкбай Айтышұлы	-«"Қазақстан темiр жолы" Ұлттық компаниясы ЖАҚ-ы филиалының бастығы (келiсiм бойынша)
7.	Айтуғанов Нұрмұханбет Сәрсенбекұлы	- ҚР Ауылшаруашылық министрлiгiнiң облыстық аумақтық басқармасының бастығы
8.	Балтабеков Жолтай Балтабекұлы	- облыстық ауылшаруашылық департаментiнiң бастығы
9.	Бөлекбаева Нұрила Декенқызы	- облыстық еңбек, жұмысқа орналастыру және халықты әлеуметтiк қорғау басқармасының бастығы
10.	Виноходов Вадим Николаевич	-«"Қазселденқорғау" ММ бастығы ның орынбасары (келiсiм бойынша)
11.	Дандыбаев Тимур Тұрарұлы	- Алматы аймақтық гарнизонының әскери полициясы отрядының бастығы (келiсiм бойынша)
12.	Данаев Дәурен Төлегенұлы	- облыстық мемлекеттiк өртке қарсы қызмет басқармасының бастығы
13.	Досқараев Жеңiсбек	- облыстық орман және биоресурстар жөнiндегi басқарманың бастығы
14.	Дүйсекеев Аманкелдi Дүйсекеұлы	- облыстық денсаулық сақтау басқармасының бастығы
15.	Дүйсенбеков Жанат Нұрмұханбетұлы	- облыстық аймақтық орман және аңшылық шаруашылығы басқармасының бастығы
16.	Жәйсенбекова Күлiмхан Жәйшiбекқызы	- облыстық ақпарат және қоғамдық келiсiм басқармасының бастығы
17.	Жанғабылов Серiк Кенжебайұлы	- СПИД-ке қарсы облыстық орталықтың бас дәрiгерi
18.	Жандарбеков Рыскелдi Үдiлхайұлы	- Алматы облысы бойынша Кеден басқармасының бастығы (келiсiм бойынша)
19.	Жучков Виктор Дмитриевич	- ҚР ҰҚК шекаралық қызметiнiң бас аймақтық штабының бастығы (келiсiм бойынша)
20.	Изенбаев Әкежан Дүкенұлы	- облыстық жол және коммуналды шаруашылық басқармасының бастығы
21.	Қазанғапов Алмаз Ниязбекұлы	-«"Қараталмұнай" ЖШС бас директоры
22.	Қасымов Қалмұханбет Нұрмұханбетұлы	- облыстық iшкi iстер бас басқармасының бастығы
23.	Көпбаев Тұрсын Көбенбекұлы	- облыстық коммуналдық мемлекеттiк«"Көлiк департаментiңкәсiпорны бастығының мiндетiн атқарушы
24.	Ноғайбаев Сәбит Қанапияұлы	- Алматы облысы бойынша ҰҚКД бастығының бiрiншi орынбасары
25	Мәүкебаев Темiр Рамазанұлы	- облыстық әскери комиссар
26.	Мейрембаев Жексенбай Арғынғазыұлы	- телекоммуникацияның облыстық дирекциясының бас директоры
27.	Меренков Владимир Петрович	- автомобиль жолдары және инфрақұрылымдық кешенқұрылысы басқармасының бастығы
28.	Мұхамедов Эдуард Кенжебайұлы	- Балқаш-Алакөл алаптық су шаруашылығы басқармасының бастығы
29.	Нимилостев Петр Прокофьевич	- ҚIIБ жол полициясы басқармасының бастығы
30.	Рябин Анатолий Николаевич	-«Алматыауылқұрылысы АӨҚК бас директоры
31.	Сапожников Валерий Иванович	- Талдықорған обаға қарсы стансасының бастығы
32.	Сатқалиев Молдағали Әбдiғалиұлы	- облыстық қаржы басқармасының бастығы
33.	Тойбаев Асқар Ендiбайұлы	- көлiктi бақылау басқармасының бастығы
34.	Тұрашев Қазбек Қалмұхамедұлы	- облыстық судан құтқару қызметiнiң бастығы
35.	Нұрдаулетов Моряк Нұрдаулетұлы	- облыс прокурорының орынбасары
36.	Тұяков Жеңiс Шiлбiнұлы	-«"ТАТЭК" ААҚ бас директоры
37.	Шормақов Аманжол Мұхамеджанұлы	- облыстық күрделi құрылыс басқармасының бастығы
38.	Шойынбеков Төлеген Уәлиұлы	- облыстық сауда және қызметтер көрсету саласы басқармасының бастығы

Облыс әкімі
аппаратының басшысы Н. Сүлейменов