Ескерту. Күші жойылды - Атырау облысы әкімінің 30.03.2009 N 15 шешімімен.
Қазақстан Республикасы Үкiметiнiң 2003 жылғы 14 тамыздағы N 816 "Қазақстан Республикасы Үкiметiнiң 2002 жылғы 25 шiлдедегi N 832 Қаулысына өзгерiстер мен толықтырулар енгiзу және Қазақстан Республикасы Үкiметiнiң 2001 жылғы 28 желтоқсандағы N 1745 Қаулысының күшiн жою туралы" қаулысына сәйкес шешім етемін:
1. Облыс әкiмiнiң 2002 жылғы 8 қазандағы N 492 "Ауыл шаруашылығы субъектiлерiне жергiлiктi деңгейде бюджеттiк несие беру Ережесiн бекiту туралы" шешiмiне (облыстық Әділет басқармасында 2002 жылғы 13 қарашада N 1195 тіркелген, 2002 жылғы 3 желтоқсанда "Атырау" газетінде жарияланған, облыс әкімінің 2003 жылғы 3 наурыздағы N 14 шешімімен өзгерістер енгізілген) келесі өзгерiстер мен толықтырулар енгiзiлсiн:
көрсетілген шешіммен бекітілген ауыл шаруашылығы субъектiлерiне жергiлiктi деңгейде бюджеттiк несиелер беру Ережесiнде:
1 бөлімнің:
36 абзацы келесі редакцияда мазмұндалсын:
"ұлттық валютадағы сыйақының ставкасы бюджеттік кредит мерзіміне тең өтеуге дейінгі мерзіммен бағалы қағаздардың ұйымдасқан қайталама рыногіндегі операциялар қорытындысы бойынша алдыңғы тоқсанда қалыптасқан қаржы министрлігі ұлттық валютада айналысқа шығарған мемлекеттік орта мерзімді индекстелмейтін бағалы қағаздар бойынша табыстылықтың өлшенген ставкасына тең";
2 бөлімнің:
4 тармақтағы "1012578200 бағдарламасы" сөздері "101257900 бағдарламасы" сөздерімен ауыстырылсын;
4 бөлiмнің:
24 тармағы алынып тасталсын;
27 тармақ келесi мазмұндағы 12) тармақшамен толықтырылсын:
"12) бағдарлама әкiмшiсiмен келiсiлген несиенi өтеу кестесi";
5 бөлімдегі:
31 тармақ келесі редакцияда мазмұндалсын:
"31. Банк-заемшы мен ақырғы заемшылар арасындағы кредиттік келісім-шарттар және кепілдік келісім шарттар банк-заемшының оң қорытындысынан кейін үш күн ішінде жасалынады.
Кепілдік келісім-шарт жасалған соң банк-заемшы кепілдік мүлікті жылжымайтын және жылжитын мүліктің тіркелуін жүзеге асыратын органдарда тіркеуден өткізеді".
33 тармақтың 1) тармақшасы келесі редакцияда мазмұндалсын:
"1) кредитті банк-заемшы және түпкі заемшымен жасалған кредиттік келісім шартта көрсетілген жеңілдетілген (каникулдың) кезеңі өткеннен кейін тоқсан сайын тең үлесте өтеуі шартымен. Сонымен қатар жеңілдетілген кезеңнің ұзақтығы кредит мерзімі ұзақтығының 1/3 (үштен бірінен) аспауы тиіс";
6 бөлiмдегі:
37 тармағы келесі редакцияда мазмұндалсын:
"37. Аудандар (қала) әкiмдерi ауыл шаруашылығы субъектiлерiмен тиісті комиссияларға ұсынған бизнес-жоспарларын қарап, комиссияның оң қорытындысын алып, iрiктелген бизнес-жоспарды аудан (қала) әкімі қол қойған қолдау хат пен салалық қорытынды қоса бағдарлама әкiмшiсiне қарауға жiбередi";
38 тармақ келесі редакцияда мазмұндалсын:
"38. Жеңiлдетілген кредиттеуге рұқсат алу үшiн ауыл шаруашылығы субъектiлерi аудандық (қалалық) әкiмиятының комиссиясына мынадай құжаттар тапсырады:
1. Кредит беру туралы арыз;
2. Бизнес-жоспар;
3. Кепiлдiк мүлiктiң баршылығы және оның жағдайы туралы анықтама".
40 тармақ келесi редакцияда мазмұндалсын:
"40. Аудан (қала) әкiмияттарынан келiп түскен бизнес-жоспарлар мен оған қоса берілген құжаттама бағдарлама әкiмшiсiмен түскен күннен бастап бес күн мерзiмiнде қаралады, олар оң баға алған кезде салалық тұжырымдамамен қоса банк-заемшыға берiледi. Банк-заемшы, өз кезеңінде, бағдарлама әкімшісінен материалдарды алғаннан кейiн он бес күнтізбелік күн iшiнде ұсынылған бизнес-жоспарларды кредиттеу немесе бас тарту жөнiнде шешiм қабылдауға және бағдарлама әкiмшiсiне, сонымен қатар, несие сұраушыға қорытындысын хабарлауға тиісті";
41 тармақ келесi редакцияда мазмұндалсын:
"41. Банк-заемшы кредит беру туралы шешiм қабылдағаннан кейiн оларды қаржыландыру үшiн банк-заемшы кредиттеу комитетiнің оң бағасын алған бизнес-жоспарлар тiзiмiн бағдарлама әкiмшiсiне ұсынуға мiндеттi";
8 бөлiмнің:
54 тармағы алынып тасталсын.
2. Осы шешiмнiң орындалуын бақылау облыс әкiмiнiң орынбасары Қ.Қ. Ищановқа жүктелсiн.
Облыс әкiмi
