Ескерту. Күші жойылды - Ақмола облысы әкімдігінің 2009.06.09 № А-6/249 қаулысымен
Қазақстан Республикасының "Қазақстан Республикасындағы жергілікті мемлекеттік басқару туралы" заңына сәйкес, коммуналдық меншікті тиімді басқару мақсатында облыс әкімдігі ҚАУЛЫ ЕТЕДІ:
1. Ақмола облысы әкімдігінің 2003 жылғы 5 тамыздағы N а-8/211 "Мүлікті есептен шығару тәртібі туралы нұсқаулықты бекіту туралы"» қаулысына (Ақмола облысының әділет басқармасында 2003 жылғы 5 қыркүйекте N№1992 бойынша тіркеуден өткен) келесі өзгерістер мен толықтырулар енгізілсін:
Ақмола облысының коммуналдық мемлекеттік мекемелеріне және мемлекеттік кәсіпорындарына бекітілген мүліктерді есептен шығару нұсқаулығында:
1-тармақта "немесе" сөзі "және" сөзімен ауыстырылсын;
5-тармақта "немесе" сөзі "және" сөзімен ауыстырылсын;
6-тармақ келесі редакцияда жазылсын:
"6. Мемлекеттік кәсіпорындардың мүлкін есептен шығару жүзеге асырылады:
баланстық құны 1000 еселік ең төмен есепті көрсеткіштен артылғанда - мемлекеттік басқару органының келісімімен және Ақмола облысының қаржы департаментінің жазбаша рұқсат беруінен кейін (бұдан әрі қарай - Департамент);
100 пайыздық тозуында немесе баланстық құны 1000 еселік ең төмен есепті көрсеткіштен артылмағанда - мемлекеттік басқару органының келісімімен және Департаменттің/аудандық (облыстық маңызы бар қаланың) қаржы бөлімінің жазбаша рұқсат беруінен кейін";
7-тармақ келесі редакцияда жазылсын:
"7. Атқарушы орган болып табылатын мемлекеттік мекемелердің мүлкін есептен шығару Департаменттің келісімімен жүзеге асырылады";
8-тармақ келесі редакцияда жазылсын:
"8. Жергілікті бюджет есебінен қаржыландырылатын және мемлекеттік орган болып табылмайтын мемлекеттік мекемелердің мүліктерін есептен шығару мемлекеттік басқару органының және Департаменттің/аудандық (облыстық маңызы бар қаланың) қаржы бөлімінің келісімі бойынша орындалады";
11-тармақта "Басқарма" сөзі "Департамент/аудандық (облыстық маңызы бар қаланың) қаржы бөлімі" сөзімен ауыстырылсын.
2. Осы қаулының орындалуын бақылау Ақмола облысы әкімінің орынбасары А.қ.Нұрғалиевке жүктелсін.
Облыс әкімінің м.а.
