Күші жойылды - Қазақстан Республикасы Ақпараттандыру және байланыс агенттігі төрағасының 2009.03.30 № 148 бұйрығымен.
Қолданушылардың назарына!!!
Бұйрықтың қолданысқа енгізілу тәртібін 4-тармақтан қараңыз
"Бәсеке және монополистік қызметті шектеу туралы" Қазақстан Республикасы Заңының 31-бабының 3-тармағына сәйкес, БҰЙЫРАМЫН:
1. Қоса беріліп отырған тауарларға (жұмыстарға, көрсетілетін қызметтерге) бағалардың алдағы көтерілуі туралы реттеуші органның хабарлау ережесі бекітілсін.
2. Қазақстан Республикасы Ақпараттандыру және байланыс агенттігінің қаржы-экономикалық талдау және әкімшілік жұмыстар Департаменті (Н.Б.Оразалиев):
1) осы бұйрықтың Қазақстан Республикасы Әділет министрлігінде мемлекеттік тіркеуін қамтамасыз етсін;
2) осы бұйрықты Қазақстан Республикасы Әділет министрлігінде тіркегеннен кейін бұқаралық ақпарат құралдарында ресми жариялауды қамтамасыз етсін және оны Қазақстан Республикасы Ақпараттандыру және байланыс агенттігінің құрылымдық бөлімшелері мен аумақтық органдарының назарына жеткізсін.
3. Осы бұйрықтың орындалуын бақылау Қазақстан Республикасы Ақпараттандыру және байланыс агенттігі төрағасының орынбасары А.Д.Бишиғаевке жүктелсін.
4. Осы бұйрық ресми жарияланған күнінен бастап он күнтізбелік күннен кейін қолданысқа енгізіледі.
Төраға
Қазақстан Республикасы
Ақпараттандыру және байланыс
агенттігі төрағасының
2007 жылғы 29 желтоқсандағы
N 517-Ө бұйрығымен бекітілген
Телекоммуникация және пошта байланысы саласындағы тауарларға (жұмыстарға, көрсетілетін қызметтерге) бағалардың алдағы көтерілуі туралы реттеуші органның хабарлау ережесі 1. Жалпы ережелер
1. Тауарларға (жұмыстарға, көрсетілетін қызметтерге) бағалардың алдағы көтерілуі туралы телекоммуникация және пошта байланысы саласындағы реттеуші органның ескерту ережесі (бұдан әрі - Ереже)»"Бәсеке және монополистік қызметті шектеу туралы" Қазақстан Республикасының Заңына сәйкес әзірленді.
2. Осы Ереженің мақсаты тауарларға (жұмыстарға, көрсетілетін қызметтерге) бағалардың алдағы көтерілуі туралы телекоммуникация және пошта байланысы саласындағы реттеуші органның хабарлау тәртібін айқындау болып табылады.
3. Осы Ереже жекеменшік нысандарына қарамастан, телекоммуникация және пошта байланысы саласындағы тауар нарықтарында үстем (монополиялық) жағдайға ие нарық субъектілеріне (бұдан әрі - нарық Субъектілері) арналған.
4. Осы Ережеде мынадай негiзгi ұғымдар пайдаланылады:
1) реттеуші орган - Қазақстан Республикасының заңнамасына сәйкес телекоммуникация және пошта байланысы саласындағы бағалардың (тарифтердің) мемлекеттік реттеуін жүзеге асыратын өкілетті мемлекеттік орган;
2) тауар (жұмыстар, көрсетілетін қызметтер) - азаматтық айналымның объектісі болып табылатын мүлік.
Осы Ережеде пайдаланылатын өзге ұғымдар мен терминдер Қазақстан Республикасының заңнамасына сәйкес қолданылады.
2. Тауарларға (жұмыстарға, көрсетілетін қызметтерге) бағалардың алдағы көтерілуі туралы хабарламаны ұсыну тәртібі
5. Нарық Субъектілері тауарларға (жұмыстарға, көрсетілетін қызметтерге) бағалардың алдағы көтерілуі туралы реттеуші органды отыз күнтізбелік күн бұрын жазбаша түрде ескертеді.
6. Тауарларға (жұмыстарға, көрсетілетін) қызметтерге бағалардың алдағы көтерілуі туралы хабарламаға:
1) көтеру себептерін растайтын құжаттар (шикізат, материалдар, қызметтер құнының өсуін растайтын тиісті шарттардың көшірмелері);
2) қызметтің әрбір түрі бойынша баға жобасы;
3) бухгалтерлік теңгерім;
4) қаржы-шаруашылық қызметтің нәтижелері туралы есеп;
5) еңбек және жалақы жөніндегі есеп;
6) өндірістік - қаржы қызметі туралы есеп;
7) негізгі құралдар мен материалдық емес активтердің болуы және олардың қозғалысы;
8) тұтастай кәсіпорын және әрбір түрі бойынша жеке шығындардың баптары бойынша таратып жаза отырып, бағалардың жобасын есептеу үшін қолданылатын табыстар мен шығыстар туралы жиынтықты деректер;
9) еңбекақы төлеудің қолданылып отырған жүйесі туралы деректер;
10) шикізат және материалдар шығысының қолданылып отырған нормалары, қызметкерлер санының нормативтері туралы деректер;
11) егер бар болған жағдайда есепке алу саясаты;
12) егер бар болған жағдайда инвестициялық бағдарламалар (жобалау);
13) ағымдағы және күрделі жөндеуге және негізгі құралдар құнының өсуіне алып келмейтін басқа да жөндеу-қалпына келтіру жұмысына бағытталған шығындардың жылдық сметасы;
14) негізгі құралдар құнының өсуіне алып келетін күрделі жөндеу жұмыстарын жүргізуге бағытталған шығындардың жылдық сметасы;
15) негізгі құралдарды пайдалану мерзімін көрсеткен амортизациялық аударымдарды есептеу;
16) негізгі құралдарды пайдалану мерзімін көрсеткен амортизациялық аударымдардың жиынтық есебі;
17) тауарларды (жұмыстарды, көрсетілетін қызметтерді) өткізудің жоспарланған көлемін растайтын құжаттар - ниет етілген хаттамалары, шарттар, тауарларды (жұмыстарды, көрсетілетін қызметтерді) өндіру (жеткізу) көлемдерінің есебі, жобалық қуаттылығы және оны іс жүзінде пайдалану туралы деректер;
18) дебиторлық және кредиторлық берешектің түсіндіріліп жазылуы қоса беріледі.
Нарық субъектілерінің тауарларына (жұмыстарына, көрсетілетін қызметтеріне) баға түзу тәртібін Қазақстан Республикасының Үкіметі айқындайды.
7. Реттеуші орган бағаны көтеру себептері туралы қосымша ақпарат сұратуға құқылы, ол нарық Субъектілері сұрауды алған күннен бастап бес жұмыс күннің ішінде берілуге тиіс.
8. Реттеуші орган тауарларға (жұмыстарға, көрсетілетін қызметтерге) жаңа бағаларды қолданысқа енгізгенге дейін отыз күнтізбелік күн ішінде нарық Субъектілеріне тауарларға (жұмыстарға, көрсетілетін қызметтерге) бағаны көтеруге дәлелді қорытындымен тыйым салуға құқылы.
Тауарға (жұмысқа, көрсетілетін қызметке) дәлелді қорытындыны алған күннен бастап нарық Субъектісі тауарға (жұмысқа, көрсетілетін қызметке) бағаны көтеру жөнінде іс-әрекетті тоқтатуға және осы іс-әрекеттермен тұтынушыға келтірілген залалдың белгіленген тәртіппен орнын толтыруға тиіс.
