Қазақстан Республикасының 2003 жылғы 9 шілдедегі Су кодексінің 39, 116-баптарына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін- өзі басқару туралы" Заңының 27-бабына, Қазақстан Республикасы Ауыл шаруашылығы министрінің 2015 жылғы 18 мамырдағы № 19-1/446 "Су қорғау аймақтары мен белдеулерін белгілеу қағидаларын бекіту туралы" нормативтік құқықтық актілерді мемлекеттік тіркеу Тізілімінде № 11838 тіркелген бұйрығына сәйкес Ақтөбе облысы әкімдігі ҚАУЛЫ ЕТЕДІ:
Ескерту. Кіріспе жаңа редакцияда – Ақтөбе облысының әкімдігінің 20.12.2016 № 536 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).1. 1 қосымшаға сәйкес, бекітілген жобалық құжаттамасы негізінде Елек өзені мен оның салаларына (Жарықтың, Көктөбенің, Тамдының, Табанталдың, Есеттің, Жақсықарғалының, Тәнірбергеннің, Жамансуды, Ақсуды) су қорғау аймақтары мен белдеулердің бекітілген жобасы белгіленсін.
2. 2 қосымшаға сәйкес, Елек өзені мен оның салаларының су қорғау аймақтары мен белдеулері шегінде шаруашылық қызметін жүзеге асыруға жол берілмейтін шарттар тізбесі бекітілсін.
3. Ақтөбе қаласының және аудандардың әкімдері:
су қорғау аймақтары мен белдеулерінің шекараларын нақтылы түрде көшіруді, жерді есепке алу құжаттамасына өзгерістер енгізуді және осы жұмыстардың жүргізілуіне тұрақты бақылауды қамтамасыз етуді жүзеге асырсын;
су қорғау аймақтары мен белдеулерінің шегінде құрылыс және басқа арнайы қажеттер үшін аумақты бөлу мен пайдалануды осы қаулының 1 және 2 тармақтарының талаптарын қатан сәйкесте жүргізсін.
4. Ақтөбе қаласы мен аудандардың, ауылдық (селолық) округтердің әкімдері, су қорғау аймақтары мен белдеулерінің шегінде орналасқан пайдаланылуында жер учаскелері бар, ведомстволық тиесілілігі мен меншік нысанына қарамастан кәсіпорындардың, ұйымдардың, басқа да шаруашылық жүргізуші субъектілерінің басшыларына, олардың санитарлық жай-күйін тиісті дәрежеде күтілуін және шаруашылық жүргізу режимінің сақталуын қамтамасыз ету ұсынылсын.
5. "Ақтөбе облысының табиғи ресурстар және табиғатты пайдалануды реттеу басқармасы" ММ (Ж.И.Иманқұлов) жобалық құжаттарды Елек өзені және оның салаларының ластануына, қоқысталуына жол бермеу және су қорғау аймақтары мен белдеулерінің аумағын пайдалану режимін сақтауды қамтамасыз ету іс-шараларын әзірлеу үшін Ақтөбе қаласының, Алға, Қарғалы, Мәртөк және Мұғалжар аудандарының әкімдіктеріне, мемлекеттік уәкілетті органдарға тапсырсын.
6. Осы қаулының орындалуын бақылау облыс әкімінің бірінші орынбасары І.Қ. Өмірзақовқа жүктелсін.
7. Осы қаулы бірінші ресми жарияланғаннан 10 күнтізбелік күннен кейін қолданысқа енгізіледі.
| Облыс әкімі | Е. Сағындықов |
| Ақтөбе облысы әкімдігінің 2009 ж. 20 сәуірдегі № қаулысына 1 қосымша |
Елек өзені мен оның салаларының су қорғау аймақтары мен белдеулері
"Елек өзені мен оның салаларының су қорғау аймақтары мен белдеулерін белгілеу" бекітілген жобалық құжаттамасына сәйкес бекітіледі:
Елек өзені мен оның Жарық, Көктөбе, Тамды, Табантал, Есет, Жақсы Қарғалы, Тәңірберген, Жамансу, Ақсу сияқты салаларының су қорғау аймағының ені көпжылдық орташа межелік деңгей кезіндегі деңгейден тасқын су кезеңіндегі көпжылдық орташа су деңгейіне дейін және қашықтықты қосқанда 500 метр;
Елек өзені мен оның салаларының бастаулары, сондай-ақ бұлақтар үшін су қорғау аймақтарының ені 50 метр;
Ақтөбе салалық су қоймасының су қорғау аймағының ені, көп жылдық орташа межелік деңгей кезіндегі деңгейден тасқын су кезеңіндегі көп жылдық орташа су деңгейіне дейін және қашықтықты қосқанда 1000 метр. Су қорғау аймағының ішкі шекарасы қалыпты толық деңгей кезіндегі су деңгейінен өтеді.
Су құйылатын су қоймалары мен көлдер үшін су қорғау аймағының ені акваториясы 2 ш.м. дейін болса 300 метр және акваториясы 2 ш.м. астам болса 500 метр;
Батпақтардың су қорғау аймақтарының ені 300 метр;
Бағалы өндірістік балықтардың уылдырық шашу орындарын қорғайтын ормандардың тыйым салынған белдеулері орналасқан Елек өзені бассейнінің учаскелерінде су қорғау аймақтарының ені осы белдеулердің еніне тең, бірақ белгіленген су қорғау аймақтарының енінен кем емес;
Қалалар мен елді мекендер аумақтарындағы су қорғау аймақтарының мөлшері мен шекаралары бекітілген бас жоспарға сәйкес және ағынды канализациялар мен жағалаулықтар болуына қарай жобалау мен құрылыс салудың нақты шарттарын негізге ала отырып;
Орталықтандырылған шаруашылық - ауыз сумен қамтамасыз ету көздері үшін санитарлық қорғау аймақтары орналастырылған учаскелерде су қорғау аймақтарының мөлшері мен шаруашылық жүргізу режимі санитарлық қағидалармен және нормалармен;
Жоғары жақтан ағатын су беті сулары (өзен аңғарларының бұрмалары, жол-көлік желісі, бөгеттер, орман алқаптарының шеті) Елек өзені бассейнінің су нысандарына келу мүмкіндігінен айыратын табиғи және жасанды шептер мен кедергілер су қорғау аймақтарының шекараларымен Елек өзені мен оның Жарық, Көктөбе, Тамды, Табантал, Есет, Жақсы Қарғалы, Тәңірберген, Жамансу, Ақсу сияқты салаларының, Ақтөбе салалық су қоймасының су қорғау белдеулерінің ені – 50 метр, (одан бетер - аумақтың су нысанына іргелес жатқан жердің түріне және баурайларының тіктігі жобаның 6.1-1 кесте). Су қорғау белдеулерінің шекаралары онжылдық кезеңдегі жағалауларды болжамдық өңдеу еніне ұлғаяды.
Жағалауды бойлай ағаш-бұта белдеулері немесе қорғаныс және жағалауды бекітетін құрылыстар болған кезде бағалы ауыл шаруашылығы алқаптарында су қорғау белдеулерінің енін 10 метрге азайтылуына рұқсат етіледі.
Аса бағалы балық шаруашылығы маңызы бар Елек өзені бассейні су айдыны учаскелері үшін су қорғау белдеулерінің ені (уылдырық шашатын орындар, қыстау шұңқырлары, шырланатын учаскелер) іргелес жатқан жердің еңістігіне және сипатына қарамастан кемінде 100 метр қабылданады.
Қалалар мен елді мекендер аумақтарының шегіндегі су қорғау белдеулерінің шекарасы оларды су нысанының ластануы мен қоқыстануын болдырмайтын жағалау аймақтарын міндетті түрде инженерлік немесе орман мелиорациялық (жақтаулар, опырылған ағаш-бұта аймақтары) жайластырған кезде жобалау мен құрылыс салудың нақты шарттарын негізге ала отырып белгіленеді.
|
Табиғи ресурстарды қорғау және ерекше қорғалатын табиғи аумақтар бөлім бастығы |
Қ.Аязов |
| Ақтөбе облысы әкімдігінің 2009 жылғы 20 сәуірдегі № 127 қаулысына 2-қосымша |
Су қорғау аймақтары мен белдеулерін шаруашылық пайдалану режимі
Ескерту. 2 қосымша жаңа редакцияда - Ақтөбе облысы әкімдігінің 18.10.2024 № 294 қаулысымен (алғашқы ресми жарияланған күнінен кейін қолданысқа енгізіледі).
1. Су қорғау белдеулерінің шегінде:
1) су объектілерінің сапалық және гидрологиялық жай-күйін нашарлататын (ластану, қоқыстану, сарқылу) шаруашылық қызметіне немесе өзге де қызметке;
2) су шаруашылығы және су жинайтын құрылысжайлар мен олардың коммуникацияларын, көпірлерді, көпір құрылысжайларын, айлақтарды, порттарды, пирстерді және су көлігі қызметіне байланысты өзге де көліктік инфрақұрылым, кәсіпшілік балық өсіру объектілерін, балық өсіру шаруашылықтары мен олардың коммуникацияларын орналастыруға және қызмет көрсетуге байланысты балық өсіру объектілерін, балық шаруашылығы технологиялық су айдындарын, жаңартылатын энергия көздерін (гидродинамикалық су энергиясын) пайдалану объектілерін, сондай-ақ су объектісіндегі рекреациялық аймақтарды қоспағанда, демалыс және (немесе) сауықтыру мақсатындағы ғимараттар мен құрылысжайларды салмай, ғимараттар мен құрылысжайларды салуға және пайдалануға.
Осы тармақшаның ережесі Қазақстан Республикасы Су кодексінің 125-бабының 7-тармағымен және 145-1-бабымен белгіленген талаптарды ескере отырып қолданылады;
3) бау-бақша егуге және саяжай салуға жер учаскелерін беруге;
4) су объектілерінің және олардың су қорғау аймақтары мен белдеулерінің ластануын болғызбайтын құрылыстармен және құрылғылармен қамтамасыз етілмеген қазіргі бар объектілерді пайдалануға;
5) жекелеген учаскелерді шалғындандыруға, егін егуге және ағаш отырғызуға арналған жерлерді өңдеуді қоспағанда, топырақ және өсімдік қабатын бұзатын жұмыстарды жүргізуге (оның ішінде жер жыртуға, мал жаюға, пайдалы қазбаларды өндіруге);
6) шатыр қалашықтарын, көлік құралдары үшін тұрақты тұрақтарды, малдың жазғы жайылым қостарын орналастыруға;
7) пестицидтер мен тыңайтқыштардың барлық түрлерін қолдануға тыйым салынады.
2. Су қорғау аймақтарының шегінде:
1) су объектілерін және олардың су қорғау аймақтары мен белдеулерінің ластануы мен қоқыстануын болғызбайтын құрылыстармен және құрылғылармен қамтамасыз етілмеген жаңа және реконструкцияланған объектілерді пайдалануға беруге;
2) ғимараттарға, құрылыстарға, коммуникацияларға және басқа да объектілерге реконструкция жүргізуге, сондай-ақ құрылыс, су түбін тереңдету және жарылыс жұмыстарын жүргізуге, пайдалы қазбалар өндіруге, кәбіл, құбыр және басқа да коммуникацияларды төсеуге, белгіленген тәртіппен жергілікті атқарушы органдармен, бассейндік инспекциялармен, қоршаған ортаны қорғау саласындағы уәкілетті мемлекеттік органмен, халықтың санитариялық-эпидемиологиялық саламаттылығы саласындағы мемлекеттік органмен және басқа да мүдделі органдармен келісілген жобасы жоқ бұрғылау, жер қазу және өзге де жұмыстар жүргізуге;
3) тыңайтқыштар, пестицидтер, мұнай өнімдерін сақтайтын қоймаларды, көлік құралдары мен ауыл шаруашылығы техникасына техникалық қызмет көрсету, оларды жуу пункттерін, механикалық шеберханаларды, тұрмыстық және өнеркәсіп қалдықтарын төгетін құрылғыны, аппаратураларды пестицидтермен толтыратын алаңдарды, авиациялық-химиялық жұмыстар жүргізуге арналған ұшу-қону жолақтарын орналастыруға және салуға, сондай-ақ судың сапасына кері әсер ететін басқа да объектілерді орналастыруға;
4) мал шаруашылығы фермалары мен кешендерін, сарқынды су жинағыштарды, сарқынды сумен суарылатын егістіктерді, зираттарды, мал қорымдарын (биотермиялық шұңқырларды), сондай-ақ жерүсті және жерасты суларының микробпен ластану қаупіне себепші болатын басқа да объектілерді орналастыруға;
5) жүктелім нормасынан асырып мал жаюға, су тоғандарының режимін нашарлататын мал тоғыту мен санитариялық өңдеуге және шаруашылық қызметінің басқа да түрлеріне;
6) су көздеріндегі су кемерінен екі мың метрге жетпейтін қашықтықта орналасқан ауыл шаруашылығы дақылдары мен орман екпелерін пестицидтермен авиациялық өңдеу және авиация арқылы минералдық тыңайтқыштармен қоректендіру тәсілін қолдануға;
7) концентрациясының жол берілетін шегі белгіленбеген пестицидтерді қолдануға, қардың үстіне тыңайтқыш себуге, сондай-ақ залалсыздандырылмаған көң қосылған сарқынды суды және тұрақты хлорорганикалық пестицидтерді тыңайтқыш ретінде пайдалануға тыйым салынады.
Су қорғау аймағында мәжбүрлі санитариялық өңдеу жүргізу қажет болған жағдайда уыттылығы әлсіз және орташа тұрақсыз пестицидтерді қолдануға жол беріледі.
