Ескерту. Күші жойылды - Қызылорда облысы Сырдария ауданы әкімдігінің 2010.01.10 N 13 қаулысымен.
Қазақстан Республикасының "Қазақстан Республикасындағы сайлау туралы" Конституциялық Заңының және "Қазақстан Республикасындағы жергілікті мемлекеттік басқару және өзін-өзі басқару туралы" Заңының талаптарына сәйкес Сырдария ауданының әкімдігі Қаулы етеді:
1. Сырдария аудандық мәслихатына депутат болуға үміткерлер үшін сайлаушылармен кездесу үшін берілетін үй-жайлар N 150 Айдарлы сайлау учаскесі бойынша N 139 орта мектебінің мәжіліс залы және N 151 Жетікөл сайлау учаскесі бойынша ауылдық клуб болып белгіленсін.
2. Үміткерлердің үгіттеу баспа басылым материалдарын орналастыру үшін орындар сол ауылдық округі әкімі аппараттарының жанындағы тақта болып белгіленсін.
3. Айдарлы және Жетікөл ауылдық округінің әкімдері осы қаулымен белгіленген үгіттік баспа материалдары орналастырылатын орындарды стендтермен, тақталармен және тұғырлықтармен жабдықтасын.
4. Қаулы алғашқы ресми жарияланған күннен бастап қолданысқа енгізіледі.
Аудан әкімі С. Тәуіпбаев
