Ескерту. Күші жойылды - Оңтүстік Қазақстан облысы Кентау қаласы әкімдігінің 2011.03.14 N 81 Қаулысымен.
Қазақстан Республикасының 2001 жылдың 23 қаңтарындағы N 149 "Халықты жұмыспен қамту туралы" Заңына, Қазақстан Республикасы Президентінің 2009 жылғы 12 наурыздағы "Мемлекет басшысының 2009 жылғы 6 наурыздағы "Дағдарыстан жаңару мен дамуға" атты Қазақстан халқына Жолдауын іске асыру жөніндегі шаралар туралы" N 765 Жарлығына, Оңтүстік Қазақстан облысы әкімінің 2009 жылғы 11 наурыздағы "Мемлекет басшысының 2009 жылғы 6 наурыздағы "Дағдарыстан жаңару мен дамуға" атты Қазақстан халқына арналған Жолдауын (Жол картасын) Оңтүстік Қазақстан облысында жүзеге асыру жөніндегі іс шаралар жоспарын бекіту туралы" N 79 қаулысына сәйкес және халықты жұмыспен қамтуды кеңейту шараларына ықпал ету мақсатында Кентау қаласының әкімдігі ҚАУЛЫ ЕТЕДІ:
1. Кәсіптік лицей, колледж және жоғарғы оқу орындарын бітіріп жұмыссыз жүрген бітірушілерге (бұдан әрі - Бітірушілер) кәсіпорындарда, мекемелерде және ұйымдарда (бұдан әрі - Жұмыс беруші) жастар тағылымдамасы ұйымдастырылсын және өткізілсін.
2. Бітірушілер үшін жастар тағылымдамасын ұйымдастыру келесі шарттарды ескере отырып өткізіледі:
1) оқу орындарын бітіріп жұмысқа орналаспаған Бітірушілердің қалалық еңбекпен қамту және әлеуметтік бағдарламалар бөлімінде (бұдан әрі - Уәкілетті орган) жұмыссыз ретінде тіркелуі;
2) Бітірушінің алған мамандығы бойынша еңбек өтілі және дағдының болмауы.
Уәкілетті орган:
1) келешекте одан әрі даму және өндірісін кеңейту перспективасы бар және Бітірушілер үшін жастар тағылымдамасында әлеуетті жұмыс беруші бола алатындар жайында ақпарат жинау жұмыстарын іске асырады;
2) Жұмыс берушінің кадрлық сұраныстары негізінде, жастар тағылымдамасында қатысу үшін жұмыссыз Бітірушілер арасында талдау жұмыстарын жүргізеді;
3) жұмыссыз Бітірушіге жастар тағылымдамасында қатысу үшін жолдама береді;
4) Бітірушілерге жастар тағылымдамасы аясында жұмыс орындарын беруге ықыласты Жұмыс берушімен келісім-шарт жасайды.
Келісім-шартта Жұмыс беруші мен Уәкілетті органның құқықтары мен жауапкершілігі, жұмысқа қабылданатын жұмыссыз Бітірушілердің саны жастар тағылымдамасы аясында Жұмыс берушінің ұйымдастырған мамандықтарының тізімі ескеріледі.
Келісім-шарт кемінде 6 ай мерзімге жасалады.
4. Жұмыс беруші:
1) жастар тағылымдамасынан өтуі үшін Уәкілетті орган жолдаған Бітірушімен Қазақстан Республикасының Еңбек кодексіне сәйкес еңбек шартын жасайды;
2) жастар тағлымдамасы аясында әрбір жұмыс орнында қауіпсіздік жағдайының жасалуын қамтамасыз етіледі;
3) жастар тағылымдамасына қатысушылардың жұмыс уақытына есеп жүргізу табелін және актіні жүргізіп, әр айдың 25 – ші жұлдызында Уәкілетті органға өткізеді;
4) жастар тағылымдамасына жолданған Бітірушіні тағылымдаманың мерзімі біткенше, өз құзырымен тұрақты жұмысқа қабылдап алуға құқығы бар;
5) еңбек шартының мерзімі өткендігі немесе Бітірушінің тұрақты жұмысқа қабылданғаны және жұмыстан босағаны жайлы Уәкілетті органды 3 күн ішінде хабардар етеді;
6) еңбек шартының мерзімі өткеннен кейін жұмыссызға жастар тағылымдамасына қатысқаны туралы пікір (ұсыныс хат) береді.
Ескерту. 4-тармаққа өзгерту енгізілді - Оңтүстік Қазақстан облысы Кентау қаласы әкімдігінің 2010.04.20 N 118 (қолданысқа енгізілу тәртібін 3-тармақтан қараңыз) қаулысымен.
5. Уәкілетті орган жұмыс берушімен түзілген келісім шартты, Қазақстан Республикасының заңнамаларында көзделген жағдайларда бұзуына құқығы бар.
6. Жастар тағылымдамасын өткізу жөніндегі іс-шаралар бюджет қаржысы есебінен қаржыландырылады.
7. Жастар тағылымдамасына қатысушылардың еңбек ақысы ай сайын бюджетте қаралған қаржы шегінде уәкілетті органмен төленеді.
Ескерту. 7-тармақ жаңа редакцияда - Оңтүстік Қазақстан облысы Кентау қаласы әкімдігінің 2010.04.20 N 118 (қолданысқа енгізілу тәртібін 3-тармақтан қараңыз) қаулысымен.
8. Осы қаулының орындалуын бақылау қала әкімінің орынбасары М. Қонысовқа жүктелсін.
9. Осы қаулы алғаш жарияланғаннан кейін күнтізбелік он күн өткен соң қолданысқа енгізілсін.
Қала әкімі К.Табылдиев
