Ескерту. Күші жойылды - Оңтүстік Қазақстан облысы Кентау қаласы әкімдігінің 2011.10.31 N 331 Қаулысымен.
Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабына және Қазақстан Республикасының "Халықты жұмыспен қамту туралы" Заңының 18-1 бабының 4 тармағына сәйкес, Кентау қаласының әкімдігі ҚАУЛЫ ЕТЕДІ:
1. Кентау қаласы әкімдігінің 2006 жылғы 13 ақпандағы N 82 "Нысаналы топтардағы жұмыссыздарды әлеуметтік жұмыс орындарына орналастыру және әлеуметтік жұмыс орындарын ұсынатын жұмыс берушілерді іріктеу Қағидасын бекіту туралы" қаулысына (нормативтік құқықтық кесімдерді мемлекеттік тіркеу тізілімінде 2006 жылдың 28 ақпанында N 14-3-22 санымен тіркелген, "Кентау шұғыласы" газетінде 2006 жылғы 11 наурызда жарияланған) төмендегі өзгерістер мен толықтырулар енгізілсін:
көрсетілген қаулымен бекітілген Нысаналы топтардағы жұмыссыздарды әлеуметтік жұмыс орындарына орналастыру және әлеуметтік жұмыс орындарын ұсынатын жұмыс берушілерді іріктеу Қағидасындағы:
7 тармағы төмендегі редакцияда жазылсын:
"Әлеуметтік жұмыс орындарын құрмақшы болған жұмыс берушілер, уәкілетті органға құрылатын жұмыс орындарының саны, еңбек ақы мөлшері көрсетілген еркін нысанда өтініш береді".
8 тармағы төмендегі редакцияда жазылсын:
"Әлеуметтік жұмыс орындарын ұсынатын жұмыс берушілердің тізімін уәкілетті орган жасайды және екі жақты "Уәкілетті орган – Жұмыс беруші" келісім шартқа тұрады".
11, 12 тармақтары алынып тасталсын.
17 тармақтағы: "төлеуді үш жақты келісімнің" деген сөздер "келісім шарттың" деген сөздермен алмастырылсын.
2. Осы қаулы алғаш жарияланғаннан кейін күнтізбелік он күн өткен соң қолданысқа енгізіледі.
Қала әкімі К. Табылдиев
