Күші жойылды - ҚР Еңбек және Халықты әлеуметтік қорғау министрінің 2010.09.30 N 327-ө (ресми жарияланған күннен бастап күшiне енедi және 2010 жылдың 1 қазанынан бастап туындаған қатынастарға қолданылады) Бұйрығымен.
РҚАО-ның ескертуі!
Бұйрықтың қолданысқа енгізілу тәртібін 4-тармақтан қараңыз.
«Кедейлік шегін анықтау тәртібі туралы» Қазақстан Республикасы Үкіметінің 2000 жылғы 8 сәуірдегі № 537 қаулысымен бекітілген кедейлік шегін анықтау ережесінің 4-тармағын орындау үшін БҰЙЫРАМЫН:
1. 2010 жылдың 3 тоқсанына арналған Қазақстан Республикасы бойынша кедейлік шегі Қазақстан Республикасының Статистика агенттігі өткен тоқсанға есептеген ең төменгі күнкөріс деңгейінің 40 пайызы мөлшерінде анықталсын.
2. Әлеуметтік көмек және әлеуметтік қызметтер департаменті (Манабаева К.А.) осы бұйрықты:
1) заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін және ресми жариялауын;
2) облыстық, Астана және Алматы қалаларының жұмыспен қамтуды үйлестіру және әлеуметтік бағдарламалар басқармасына жеткізуді қамтамасыз етсін.
3. Осы бұйрықтың орындалуын бақылау Вице-министр Ә.Б. Нүсіповаға жүктелсін.
4. Осы бұйрық алғашқы ресми жарияланған күнiнен бастап күшiне енедi және 2010 жылдың 1 шілдесінен бастап туындаған қатынастарға қолданылады.
Министр Г. Әбдіқалықова
