Ескерту. Күші жойылды - ҚР Ұлттық Банкі Басқармасының 30.05.2016 № 147 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) қаулысымен.
Қолданушылардың назарына!
Қаулының қолданысқа енгізілу тәртібін 2-тармақтан қараңыз.
Екiншi деңгейдегi банктердің қызметiн реттейтін нормативтік құқықтық актiлердi жетiлдiру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі – Агенттік) Басқармасы ҚАУЛЫ ЕТЕДІ:
1. Агенттік Басқармасының «Екiншi деңгейдегi банктер үшiн пруденциалдық нормативтер есеп айырысуларының нормативтiк мәнi мен әдiстемесi туралы нұсқаулықты бекiту туралы» 2005 жылғы 30 қыркүйектегі № 358 (Нормативтік құқықтық актілерді мемлекеттік тіркеу тізілімінде № 3924 тіркелген) қаулысына мынадай өзгерістер мен толықтырулар енгізілсін:
аталған қаулымен бекітілген Екiншi деңгейдегi банктер үшiн пруденциалдық нормативтер бойынша есеп айырысудың нормативтiк мәнi мен әдiстемесi туралы нұсқаулықта:
3-тармақта:
екінші бөлігі мынадай редакцияда жазылсын:
«Банктiң заңды тұлғаның акцияларына (жарғылық капиталына қатысу үлестерiне) салымдары, сондай-ақ заңды тұлғаның реттелген борышы және жиынтық мөлшерi банктiң бірінші деңгейдегі капиталы мен екінші деңгейдегі капиталы сомасының он пайызынан асатын, заңды тұлғалардың меншікті капиталына өзге де салымдар, сондай-ақ акцияларға (жарғылық капиталға қатысу үлестерiне) салымдар, реттелген борыш және банктің бас ұйымының, банктің еншілес ұйымдарының және банк капиталына қомақты қатысатын ұйымдардың меншікті капиталына өзге де салымдар банктің инвестициялары болып табылады.»;
мынадай мазмұндағы жетінші бөлікпен толықтырылсын:
«Осы Нұсқаулықтың мақсаттары үшін мынадай ұйымдар халықаралық қаржы ұйымдарына жатады:
1) Халықаралық қайта құру және даму банкі (the International Bank for Reconstruction and Development);
2) Халықаралық қаржы корпорациясы (the International Finance Corporation);
3) Азиялық даму банкі (the Asian Development Bank);
4) Африкалық даму банкі (the African Development Bank);
5) Еуропалық қайта құру және даму банкі (the European Bank for Reconstruction and Development);
6) Америкааралық даму банкі (the Inter-American Development Bank);
7) Еуропалық инвестициялық банк (the European Investment Bank);
8) Ислам даму банкі (the Islamic Development Bank);
9) Скандинавиялық инвестициялық банк (the Nordic Investment Bank);
10) Еуропалық Кеңестің Даму Банкі (the Council of Europe Development Bank);
11) Еуразиялық даму банкі (Eurasian Development Bank).
12) Халықаралық валюта қоры;
13) Халықаралық даму қауымдастығы;
14) Көптарапты инвестицияларға кепілдік беру агенттігі;
15) Халықаралық инвестициялық дауларды реттеу орталығы.»;
11-тармақта:
үшінші бөлігінде «облигациялар шығарылымын» деген сөздер «облигацияларды» деген сөзбен ауыстырылсын;
мынадай мазмұндағы төртінші бөлікпен толықтырылсын:
«Облигациялар, оның ішінде «Қазақстан Республикасындағы банктер және банк қызметi туралы» Қазақстан Республикасының 1995 жылғы 31 тамыздағы Заңына сәйкес міндеттемелерді қайта құрылымдау аясында шығарылған облигациялар Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Мемлекеттік емес облигациялар шығарылымын мемлекеттік тіркеу және облигацияларды орналастыру және өтеу, облигациялар шығарылымының күшін жою қорытындылары жөніндегі ережені бекіту туралы» 2005 жылғы 30 шілдедегі № 269 (Нормативтік құқықтық актілерді мемлекеттік тіркеу тізілімінде № 3822 тіркелген) қаулысында бекітілген тәртіпте банктiң реттелген борышы деп танылады және облигацияларды орналастыру қорытындылары туралы есептің болуын талап етусіз банктің меншікті капиталына енгізіледі.»;
12-1-тармақта «шығарылған (сатып алынған) қаржы құралдары бойынша шығыстарды» деген сөздер «шығарылған (сатып алынған) қаржы құралдарының есептелген амортизациясын ескергендегі әділ құндарының арасындағы теріс айырманы» деген сөздермен ауыстырылсын;
35-тармақтың бірінші бөлігінің үшінші абзацы «және содан кейiнгi екi ай iшiнде» деген сөздерден кейін «осы Нұсқаулықтың 35-1-тармағында көрсетілген тиісті заемшылардың міндеттемелері бойынша» деген сөздермен толықтырылсын;
мынадай мазмұндағы 35-1-тармақпен толықтырылсын:
«35-1. Осы Нұсқаулықтың 35-тармағының мақсаттары үшін мынадай талаптардың біріне сәйкес келетін заңды тұлғалар заемшыларды қоспағанда, барлық заңды тұлғалар заемшылар тиісті заемшылар ретінде түсініледі:
1) заңды тұлғаның жарғылық капиталына қатысу үлестерінің не заңды тұлғаның орналастырылған (артықшылықты және қоғам сатып алған акцияларды шегергенде) акцияларының елу пайызынан астамын иеленген не осы заңды тұлға немесе осындай тұлғаға бақылауды жүзеге асыратын тұлға акцияларының (жарғылық капиталына қатысу үлестерінің) елу пайызынан астамымен дауыс беру мүмкіндігі бар жеке тұлға туралы ақпарат бар;
2) жиынтығында заңды тұлғаның жарғылық капиталына қатысу үлестерінің не заңды тұлғаның орналастырылған (артықшылықты және қоғам сатып алған акцияларды шегергенде) акцияларының елу пайызынан астамын иеленген не осы заңды тұлға акцияларының елу пайызынан астамымен дауыс беру мүмкіндігі бар жеке тұлғалар туралы ақпарат бар;
3) заңды тұлғаның жарғылық капиталына жай акцияларының (қатысу үлестерінің) соңғы меншік иесіне дейін жай акцияларының (қатысу үлестерінің) он және одан астам пайызын иеленуші заңды тұлғаның акцияларының (қатысу үлестерінің) барлық меншік иелері туралы ақпарат бар;
4) Қазақстан Республикасының Үкіметі не Standard & Poor's рейтинг агенттігі иемденген шетел валютасында Қазақстан Республикасының тәуелсіз рейтингінен төмен емес барынша төмен талап етілетін рейтингі немесе басқа рейтинг агенттіктерінің бірінің осыған ұқсас деңгейіндегі рейтингі бар шетел мемлекеті бақылайтын заңды тұлға болып табылады;
5) халықаралық қаржы ұйымы болып табылады;
6) Standard & Poor's рейтинг агенттігі иемденген Қазақстан Республикасының тәуелсіз рейтингінен төмен емес борыштық рейтингі немесе басқа рейтинг агенттіктерінің бірінің осыған ұқсас деңгейіндегі рейтингі бар ұйым болып табылады;
7) жиынтығында заңды тұлғаның жарғылық капиталына қатысу үлестерінің не заңды тұлғаның орналастырылған (артықшылықты және қоғам сатып алған акцияларды шегергенде) акцияларының елу пайызынан астамын иеленген не осы заңды тұлға акцияларының (жарғылық капиталға қатысу үлестерінің) елу пайызынан астамымен дауыс беру мүмкіндігі бар осы тармақтың 4), 5), 6), 7) тармақшаларында көрсетілген жеке және заңды тұлғалар туралы ақпарат бар;
8) инвестициялық қордың басқарушы компаниясы, сондай-ақ аталған инвестициялық қордың акционерлері (пай иелері) болып табылатын және заңды тұлғаны бақылауды жүзеге асыратын осы тармақтың 4), 5), 6), 7), 8) тармақшаларында көрсетілген жеке және заңды тұлғалар туралы ақпарат бар.
Осы тармақта көрсетілген ақпарат «Кредиттеу жөніндегі құжаттамасын жүргізу ережесін бекіту туралы» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2007 жылғы 23 ақпандағы № 49 Қаулысында қарастырылған құжаттардан алынуы мүмкін.»;
53-1-тармақтың төртінші бөлігінің үшінші абзацы мынадай редакцияда жазылсын:
«халықаралық қаржы ұйымдары болып табылатын Қазақстан Республикасының резиденті еместер алдындағы қысқа мерзімді міндеттемелер;»;
53-2-тармақтың екінші бөлігінің бесінші абзацы мынадай редакцияда жазылсын:
«халықаралық қаржы ұйымдары болып табылатын Қазақстан Республикасының резиденті еместер алдындағы міндеттемелер;»;
53-3-тармақтың екінші бөлігінің төртінші абзацы мынадай редакцияда жазылсын:
«халықаралық қаржы ұйымдары болып табылатын Қазақстан Республикасының резиденті еместер алдындағы міндеттемелер;».
2. 2013 жылғы 1 қаңтардан бастап қолданысқа енгізілетін осы қаулының 1-тармағының төртінші және бесінші абзацтарын қоспағанда және 2011 жылғы 1 шілдеден бастап қолданысқа енгізілетін осы қаулының 1-тармағының жиырма сегізіншіден бастап отыз тоғызыншыға дейінгі абзацтарын қоспағанда, осы қаулы Қазақстан Республикасы Әділет министрлігінде мемлекеттік тіркеуден өткен күннен бастап он төрт күнтізбелік күн өткен соң қолданысқа енгізіледі.
Осы қаулының 1-тармағының жиырма бесіншіден жиырма жетіншіге дейінгі абзацтарының қолданылуы 2010 жылғы 1 тамыздан бастап туындаған қатынастарға қолданылады.
3. Стратегия және талдау департаменті (Н.А. Әбдірахманов):
1) Заң департаментімен (Н.В. Сәрсенова) бірлесіп, осы қаулыны Қазақстан Республикасы Әділет министрлігінде мемлекеттік тіркеуден өткізу шараларын қолға алсын;
2) осы қаулы Қазақстан Республикасы Әділет министрлігінде мемлекеттік тіркеуден өткен күннен бастап он күндік мерзімде оны Агенттіктің мүдделі бөлімшелеріне, «Қазақстан қаржыгерлерінің қауымдастығы» заңды тұлғалар бірлестігіне мәлімет үшін жеткізсін.
4. Агенттіктің Төрайым Қызметі (А.Ә. Кенже) осы қаулыны Қазақстан Республикасының бұқаралық ақпарат құралдарында жариялау шараларын қолға алсын.
5. Осы қаулының орындалуын бақылау Агенттік Төрайымының орынбасары Қ.Б. Қожахметовке жүктелсін.
Төрайым Е. Бахмутова
