Бюджеттік инвестициялардың қаржы-экономикалық негіздемесін әзірлеу немесе түзету ережелерін, сондай-ақ заңды тұлғалардың жарғылық капиталына мемлекеттің қатысуы арқылы іске асыру жоспарланған бюджеттік инвестицияларды іріктеуін бекіту туралы

Күшін жойған

Қазақстан Республикасы Экономикалық даму және сауда министрінің 2010 жылғы 22 шілдедегі № 126 Бұйрығы. Қазақстан Республикасы Әділет министрлігінде 2010 жылғы 16 тамызда Нормативтік құқықтық кесімдерді мемлекеттік тіркеудің тізіліміне N 6395 болып енгізілді. Күші жойылды - Қазақстан Республикасы Экономика және бюджеттік жоспарлау министрінің 2014 жылғы 30 маусымдағы № 187 бұйрығымен

Ескерту. Бұйрықтың күші жойылды - ҚР Экономика және бюджеттік жоспарлау министрінің 30.06.2014 жылғы № 187 бұйрығымен.

Ескерту. Тақырып жаңа редакцияда - ҚР Экономикалық даму және сауда министрінің м.а. 2012.07.12 № 214 (алғаш рет ресми жарияланған күнінен кейін қолданысқа енгізілетін бюджеттік инвестициялардың қаржы-экономикалық негіздемесін түзетуге қатысты ережелерін қоспағанда, 2012.10.01 бастап қолданысқа енгізіледі) Бұйрығымен.

Қазақстан Республикасы Бюджет кодексінің 156-бабының 7-тармағына сәйкес, БҰЙЫРАМЫН:
1. Қоса беріліп отырған Бюджеттік инвестициялардың қаржы-экономикалық негіздемесін әзірлеу немесе түзету ережелері, сондай-ақ заңды тұлғалардың жарғылық капиталына мемлекеттің қатысуы арқылы іске асыру жоспарланған бюджеттік инвестицияларды іріктеуі бекітілсін.
Ескерту. 1-тармақ жаңа редакцияда - ҚР Экономикалық даму және сауда министрінің м.а. 2012.07.12 № 214 (алғаш рет ресми жарияланған күнінен кейін қолданысқа енгізілетін бюджеттік инвестициялардың қаржы-экономикалық негіздемесін түзетуге қатысты ережелерін қоспағанда, 2012.10.01 бастап қолданысқа енгізіледі) Бұйрығымен.
2. Инвестициялық саясат департаменті (Б.К. Тортаев) және Заң департаменті (Д.А. Ешімова) осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.
3. «Қаржылық-экономикалық негіздеменің мазмұнына, әзірлеу тәртібі мен мерзіміне қойылатын талаптарды, сондай-ақ мемлекеттің заңды тұлғалардың жарғылық капиталына қатысуы арқылы іске асырылуы жоспарланатын бюджеттік инвестицияларды іріктеу тәртібінің талаптарын бекіту туралы» Қазақстан Республикасы Экономика және бюджеттік жоспарлау министрінің міндетін атқарушының 2009 жылғы 3 наурыздағы № 34 бұйрығының күші жойылды деп танылсын (Қазақстан Республикасының Нормативтік құқықтық актілерін мемлекеттік тіркеу тізілімінде 2009 жылғы 27 наурызда № 5610 болып тіркелген).
4. Осы бұйрықтың орындалуын бақылау Қазақстан Республикасы Экономикалық даму және сауда Вице-министрі М.Ә. Құсайыновқа жүктелсін.
5. Осы бұйрық 2010 жылғы 1 қыркүйектен бастап қолданысқа енгiзiледi.

Министр Ж. Айтжанова

Қазақстан Республикасы
Экономикалық даму және сауда
министрінің
2010 жылғы 22 шілдедегі
№ 126 бұйрығымен бекітілген

Ескерту. Қосымша жаңа редакцияда - ҚР Экономикалық даму және сауда министрінің м.а. 2012.07.12 № 214 (алғаш рет ресми жарияланған күнінен кейін қолданысқа енгізілетін бюджеттік инвестициялардың қаржы-экономикалық негіздемесін түзетуге қатысты ережелерін қоспағанда, 2012.10.01 бастап қолданысқа енгізіледі) Бұйрығымен.

Бюджеттік инвестициялардың қаржы-экономикалық негіздемесін
әзірлеу немесе түзету ережелері, сондай-ақ заңды тұлғалардың
жарғылық капиталына мемлекеттің қатысуы арқылы іске асыру
жоспарланған бюджеттік инвестицияларды іріктеуі

1. Жалпы ережелер

1. Осы Заңды тұлғалардың жарғылық капиталына мемлекеттiң қатысуы арқылы iске асыру жоспарланған бюджеттік инвестициялардың қаржылық-экономикалық негiздеменi (бұдан әрi - ҚЭН) әзiрлеу немесе түзету ережелері, сондай-ақ iрiктеуi (бұдан әрi - Ережелер) Қазақстан Республикасы Бюджет кодексiнiң 156-бабының 7-тармағына сәйкес әзiрленген және заңды тұлғалардың жарғылық капиталына мемлекеттiң қатысуы арқылы iске асыру жоспарланған бюджеттік инвестициялардың ҚЭН мазмұнын, әзiрлеу немесе түзету тәртiбi мен мерзiмiн, сондай-ақ iрiктеу тәртiбiн айқындайды.
2. Ережелерде мына негiзгi түсiнiктер пайдаланылады:
1) дамуының стратегиялық құжаты - Ұлттық басқарушы компанияларының, ұлттық холдингтерiнiң, жарғылық капиталына мемлекет қатысатын ұлттық компаниялардың, сондай-ақ квазимемлекеттiк секторының басқа да субъектiлерiнiң қаржы-шаруашылық қызметi жоспарларының 10 жылға арналған даму стратегиялары мен 5 жылға арналған даму жоспарларын өңдеу мен бекiту бойынша Қазақстан Республикасы заңнамасында белгiленген тәртiпте бекiтiлген ұлттық басқарушы компанияларының, ұлттық холдингтердiң, жарғылық капиталына мемлекет қатысатын ұлттық компаниялардың, сондай-ақ Қазақстан Республикасы заңнамасында белгiленген тәртiпте бекiтiлген квазимемлекеттiк секторының басқа да субъектiлерiнiң қаржы-шаруашылық қызметi жоспарларының 10 жылға арналған даму стратегиялары және 5 жылға арналған даму жоспарлары;
2) Инвестициялар - заңды тұлғалардың жарғылық капиталына мемлекеттiң қатысуы арқылы iске асыру жоспарланған бюджеттiк инвестициялар;
3) Инвестицияларды Алушы - жарғылық капиталды ұлғайту немесе қалыптастыру үшiн қаражатты түпкiлiктi алушы болып табылатын, Инвестициялар есебiнен iс-шараларды iске асыратын заңды тұлға;
4) компонент - iс-шараның аяқталған сипаты бар құрамдас бөлiгi;
5) қаржылық схема - қатысушылар арасындағы бюджеттiк ақшаның ағыны;
6) қатысушылар - Инвестицияларды алуға және бөлуге қатысатын ұйымдар;
7) ҚЭН-ді түзету - iс-шараларды, техникалық-технологиялық шешiмдердi толықтыруға және (немесе) өзгертуге, бекiтiлген iс-шараларға көзделген шығыстарды ұлғайтуға немесе қысқартуға әкеп соғатын, Инвестициялардың белгiленген қаржылық-экономикалық параметрлерiнің өзгеруі;
8) маркетингтiк орта - Инвестицияларды алушының қызметi жүзеге асырылатын және нысаналы клиенттермен табысты ынтымақтастықтың қатынасын белгiлеу және қолдау мүмкiндiктерiне ықпал ететiн белсендi ұйымдардың және шарттардың жиынтығы;
9) нәтижелiлiк - Инвестициялардың экономикалық және қаржы тиімділігінің, сонымен қатар тікелей және түпкілікті нәтижелерге қол жеткізу мүмкіндігі, сондай-ақ тиімділік пен сапа көрсеткіштері болған жағдайда, есептермен расталған дәйектемелердің болуы;
10) негiздiлiк - әрбiр құрамдауыш бөлiнiсiнде iс-шараларды iске асыруға арналған қаржыландыру көлемiнiң, сондай-ақ iс-шараларды балама көздерден қаржыландырудың мүмкiн еместiгiнiң құжатпен және есептермен расталған дәйектемелерiнiң болуы;
11) орындылық - Инвестициялардың экономикалық орындылығының, олардың ел экономикасына ықпалының негiздемесi мен стратегиялық және (немесе) бағдарламалық құжаттарға сәйкес келуі;
12) өнiм - материалдық-заттай (материалдық өнiм) немесе материалдық емес (зияткерлiк өнiм) нысанында, немесе жұмыстар мен (немесе) қызметтер түрiнде, соның iшiнде қаржылық, берiлген шаруашылық қызметiнiң нәтижесi;
13) тiкелей нәтиже - қол жеткiзiлуi осы функцияларды, өкiлеттiктердi жүзеге асыратын немесе қызметтер көрсететiн ұйымдардың қызметiне толық байланысты болатын, көзделген бюджет қаражаты шегiнде атқарылатын мемлекеттiк функциялар, өкiлеттiктер және көрсетiлетiн мемлекеттiк қызметтер көлемiнiң сандық сипаттамасы және/немесе Инвестицияларды Алушының белгілі бір мөлшердегі және сападағы өнімді өндіруі;
14) түпкiлiктi нәтиже - тiкелей нәтижелерiне қол жеткiзумен ұштасатын, халықтың өмiр сүру деңгейi және (немесе) сапасының, экономиканың, қоғамдық қауiпсiздiктiң жай-күйi (жай-күйiнiң өзгерiсi);
15) iс-шара - заңды тұлғалардың жарғылық капиталын ұлғайтуға немесе жарғылық капиталын қалыптастыруға бастама жасайтын бюджеттiк бағдарлама әкiмшiсiнiң (бұдан әрi – Әкiмшi) стратегиялық жоспарының жобасында немесе бюджеттік бағдарламада көзделген нәтижелiлік өлшемдеріне жетуіне бағытталған және аяқталған түрі бар, ҚЭН шеңберiнде орындалатын өзара байланысты iс-қимылдар кешенi.

2. Инвестициялар ҚЭН-iнiң мазмұны, әзiрлеу немесе түзету тәртiбi және мерзiмi

1-параграф. Инвестициялардың ҚЭН-iн мазмұнына қойылатын талаптар

3. ҚЭН-де Инвестициялардың орындылығын қуаттау, сондай-ақ жоспарланған iс-шаралардың негiздiлiк және нәтижелiлiк өлшемдерiне сәйкестiгiн растау, ҚЭН іс-шараларының толық инвестициялық кезеңiне келтіріледі.
Егер, бiрнеше көздерден қаржыландыруды көзделінетiн болса, ҚЭН-де Инвестициялар сомаларының негiздемесiн бөлiп көрсете отырып, бүкіл іс-шаралардың орындылығы және негiздiлiк пен нәтижелiлiк өлшемдерiне сәйкестілігі ашылады.
3-1. Егер қаржы-экономикалық негіздеме шеңберінде жоспарланған іс-шаралардың аналогы немесе үлгілік қолданылуы болмаса, қаржы-экономикалық негіздеме іс-шараларының толық инвестициялық кезеңі ескеріле отырып, соның салдарынан жоспарланған іс-шаралардың негізділік пен нәтижелілік критерийлеріне сәйкестігін растау мүмкін болмаса, онда қаржы-экономикалық негіздемені кезең-кезеңмен әзірлеуге рұқсат етіледі.
Бұл ретте, ҚЭН-де жоспарланған іс-шаралардың негізділік пен нәтижелілік критерийлеріне сәйкестігі салалық сараптаманың қорытындысы негізінде жасалады.
Осы тармақтың талаптары қызметінің негізгі мәні Қазақстан Республикасының аумағында халықаралық мамандырылған көрмені ұйымдастыру және өткізу болып табылатын заңды тұлғаларға ғана қатысты қолданылады.
Ескерту. Ереже 3-1-тармақпен толықтырылды - ҚР Экономика және бюджеттік жоспарлау министрінің 11.12.2013 № 369 бұйрығымен.
4. ҚЭН мынадай құрылымға сәйкес келедi:
1) Инвестициялар паспорты;
2) «Ретроспектива» бөлiмi;
3) «Институционалдық» бөлiмi;
4) «Негiздiлiк» бөлiмi;
5) «Нәтиже» бөлiмi;
6) қосымшалар.
Мақсаттарды, міндеттерді, шешуші көрсеткіштерді, қаржы-шаруашылық қызметі көрсеткіштерді және ұйым туралы басқа да мәліметтерді ашу үшін орынды болған жағдайда ҚЭН басқа-да бөлімдермен, тараулармен, параграфтармен және қосымшалармен толықтырылуы мүмкін.
Егер ҚЭН бөлімдермен, бөлімдер тараулармен, тараулар параграфтармен толықтырылса, әр қосымша ретінде ұсынылған бөлімнің және (немесе) тараудың, және (немесе) параграфтың сәйкес белгілеуі («бөлім», «тарау», «параграф»), сондай-ақ аталуы болуы керек.
5. Инвестициялар паспорты осы Ережелердің 1-қосымшасына сәйкес нысанда ұсынылады.
6. «Ретроспектива» бөлiмi мынадай құрылымға сәйкес болады:
1) «Бюджеттік бағдарламалар» параграфы, онда Инвестициялар бұрын осыларға сәйкес жүзеге асырылған бюджеттік бағдарламалар көрсетіледі, және ол осы Ережелердің 2-қосымшасына сәйкес нысанда ұсынылады. Жоспарланған нәтижелерге қол жеткізбеген жағдайда «Ретроспектива» бөлімі жоспарланған нәтижелерге қол жеткізбеу себептері ашылып көрсетілетін «Себептер» параграфымен толықтырылады;
2) «Қатысушылардың қаржы жағдайын талдау» параграфы, онда қатысушылардың қаржы жағдайы, соның ішінде бар талаптар мен міндеттемелердің сомасы және сапасы туралы ақпарат көрсетіледі;
3) «Несие қоржыны» параграфы, егер Инвестицияларды Алушы қаржы ұйымы болса. Параграфта ҚЭН енгізудің алдындағы айдың соңындағы, соңғы үш жыл ішіндегі, жағдайы, қаржыландырудың әрбiр көзі (бюджеттік қаражаттар, меншікті қаражаты, үшінші жақтың несиелері, Қазақстан Республикасының Ұлттық Қорының қаражаттары) бөлінісінде Инвестицияларды Алушының несие қоржынының жағдайы туралы тоқсан сайынғы ақпарат келтіріледі;
4) «Макроэкономикалық жағдайды талдау» параграфы, онда ҚЭН іс-шараларды іске асыру көзделінетін макроэкономикалық ортаның (елдің, өңірдің, саланың) талдауы және оның сипаттамасы, ҚЭН іс-шараларын іске асыруы ықпал ететін негізгі макроэкономикалық (өңірлік, салалық) көрсеткіштерді және даму серпінін, кемінде соңғы үш жылдағы, көрсете отырып келтіріледі;
5) «Маркетингтiк ортаны талдау» параграфы, онда ҚЭН іс-шаралары іске асырылатын маркетингтiк ортаны талдау, ҚЭН іс-шараларды іске асыру ықпал ететін негізгі көрсеткіштерді және, кемінде соңғы үш жылдағы, даму серпінін көрсете отырып келтіріледі.
Маркетингтiк ортаны талдау, ақпарат көзiн көрсете отырып, Инвестицияларды Алушы әрекет ететін нарықты, сондай-ақ Инвестициялар есебiнен өндiрiлетiн өнiмдi өткiзу жоспарланып отырған нарықты талдауды қамтиды, сонымен бірге:
есептердi негiздеп, деректердi таңдауды айқындай отырып, нарықтың сыйымдылығы;
Инвестицияларды Алушының нарықтағы үлесi;
нарықтың өсу (қысқару) әлеуетi және нарықтың сыйымдылығы өзгерген жағдайда ұйымның өнiм үлесi;
бәсекелестердiң сипаттамасы, нарықтағы бәсекелестердiң үлесi;
төлем қабілеттілігін қоса алғанда, тұтынушылардың сипаттамасы. Егер тұтынушылар мемлекеттік мекемелер және (немесе) қатысушылар болып табылса, олардың сатылымдағы үлесін көрсете отырып, ол ұйымдарының толық тізбесін көрсету қажет.
7. «Институционалдық» бөлiмi мынадай құрылымға сәйкес келедi:
«Қатысушылар туралы ақпарат» тарауы;
«Стратегиялық алғышарттар» тарауы.
8. «Қатысушылар туралы ақпарат» тарауы осы Ережелердің 3-қосымшасына сәйкес нысанда әр қатысушы туралы, сондай-ақ ақша ағындарының сомасы мен бағыттары көрсетілген іс-шараларды іске асырудың қаржылық схемасы туралы ақпаратты қамтиды.
9. «Стратегиялық алғышарттар» тарауы Инвестициялар соларды жүзеге асыруға жоспарланған стратегиялық және бағдарламалық құжаттар (елдегі жағдай және Қазақстан Республикасының ішкі және сыртқы саясатының негізгі бағыттары туралы Қазақстан Республикасының Президентінің Қазақстан халқына жыл сайынғы Жолдауы, нормативтік құқықтық актілері, Қазақстан Республикасының Мемлекеттiк жоспарлау жүйенің құжаттары, бюджеттік бағдарлама) туралы ақпаратты қамтиды.
10. «Негiздiлiк» бөлiмiнде iс-шараларды iске асыруға арналған Инвестициялар мөлшерiнiң және балама көздерiнен ҚЭН iс-шараларын қаржыландыру мүмкіндігі жоқтығының негiздемесi келтiрiледi.
«Негiздiлiк» бөлiмi мынадай құрылымға сәйкес келедi:
«Инвестициялар көлемi» тарауы;
«Балама қаржыландыру көздерi» тарауы.
11. «Инвестициялар көлемі» тарауында әрбір құрамдауыш бөлінісінде Инвестициялар көлемінің құжатпен және есептермен расталған негіздемесі келтіріледі.
Бұл ретте, егер қызметінің негізгі мәні Қазақстан Республикасының аумағында халықаралық мамандырылған көрме ұйымдастыру және өткізу болып табылатын заңды тұлға іске асыруды жоспарлаған іс-шаралар аяқталмаған сипатқа ие болған жағдайда, осы Іс-шаралардың негізділік критерийіне сәйкестігі салалық сараптаманың қорытындысы негізінде жасалады.
Көрсетілген жағдайда, Инвестициялар көлемінің есепті мен деректі расталуы Салалық сараптаманың қорытындысы болып табылады.
Осы тармақтың талаптары қызметінің негізгі мәні Қазақстан Республикасының аумағында халықаралық мамандырылған көрме ұйымдастыру және өткізу болып табылатын заңды тұлғаларға ғана қатысты қолданылады.
«Инвестициялар көлемі» тарауы келесі параграфтарды қамтиды:
1) «Өнімдер» параграфы, онда Инвестициялар есебінен сатып алынатын өнімдердің саны мен сапасының негіздемесі, 6-тармағының 5) тармақшасында көрсетілген ақпаратты есепке алып, келтіріледі;
2) «Бағалар негіздемесі» параграфы, онда Инвестициялар есебінен сатып алынатын өнімдердің бағаларына талдау келтіріледі. Инвестициялар есебінен сатып алынатын өнімдердің бағасы осы Ережелердің 19-тармағының 3) тармақшасында келтірілген құжаттармен бекітіледі.
Осы Ереженің 19-тармағының 3) тармақшасында көрсетілген құжаттарды ұсыну мүмкін болмаған жағдайда Әкімші, ақпарат көзін көрсете отырып, сатып алуға жоспарланып отырған өнімдердің қазіргі нарықтық бағасы туралы ақпаратты қоса береді.
Бағаларды талдау келесіні қамтиды:
соңғы екі жылдағы бағалардың серпіні туралы ақпарат және өзгерістерге әкелуі мүмкін ағымдағы бағалар мен оқиғалардың ықтимал өзгеруі;
бағалардың ықтимал жеңілдігі, жеңілдік беру шарттары (сатып алу көлемі, ақы төлеу шарттары) келтіріледі;
3) «Айналым қаражатын толтыру» параграфы, онда мыналар үшін ақшаға қажеттілігі ашып көрсетіледі, бірақ төмендегі келтірілген тізбемен шектелмейді:
қаржылық өнімдер бөлінісінде клиенттердің болжамды саны, қаржылық қызметтер көрсетудің орташа сомасы көрсетілген қаржылық қызметтер көрсету;
пруденциалдық нормативтерді сақтау;
Инвестицияларды Алушының ағымдағы шығыстарын қаржыландыру;
4) «Инвестициялар көлемі» параграфы, онда жоспарланатын
Инвестициялардың мөлшерін дәлелдейтін есептер келтіріледі.
Есептер әрбір іс-шаралар бөлінісінде келтіріледі.
Егер Инвестициялар қаржылық қызмет көрсетуге арналған жағдайда «Инвестициялар көлемі» тарауының міндетті құрылымдық элементтері:
«Айналым қаражаттарын толықтыру» параграфы;
«Бюджеттік инвестициялар көлемі» параграфы.
Ескерту. 11-тармақ жаңа редакцияда - ҚР Экономика және бюджеттік жоспарлау министрінің 11.12.2013 № 369 бұйрығымен.
12. «Балама қаржыландыру көздерi» тарауы мынадай параграфтарды қамтиды:
1) «Меншiктi қаражат» параграфы, онда iс-шараларды меншiктi қаражат есебiнен қаржыландыру мүмкiндiгiне талдау жасалады. Талдау сондай-ақ, бұған дейін бөлінген қаражатты заңды тұлғаның аффилиирленген тұлғалары арасында қайта бөлу есебінен іс-шараларды қаржыландыру мүмкіндігін қамтиды.
2) «Қарыз алу» параграфы, онда қарыз капиталын тарту мүмкiндiгiне талдау жасалады. Талдау келесіні қамтиды, бірақ мұнымен шектелмейді:
сыйақы ставкасын, кредит беру мерзiмдерiн, мiндеттемелердi өтеу шарттарын, оның iшiнде жеңiлдiк кезеңiн беру мүмкiндiгiн, заңды тұлғаның қолданыстағы шарттары ковенанттарының талаптарын қамтамасыз ету мен сақтауға қойылатын талаптарды қоса алғанда, кредиттi алу шарттарына шолу;
тiкелей кредит берудi, қаржы лизингiн, факторингтi, облигациялық қарызды қоса алғанда, кредит беру құралдарына шолу;
бюджеттiк кредит беру мүмкiндiгi.
Ескерту. 12-тармақ жаңа редакцияда - ҚР Экономика және бюджеттік жоспарлау министрінің 06.06.2013 № 178 бұйрығымен (алғаш жарияланған күннен кейін он күнтізбелік күн өткеннен соң қолданысқа енгізіледі).
13. Осы Ереженің 3-1-тармағында көзделген жағдайды қоспағанда, «Нәтиже» бөлімінде есептеулермен расталған тура және соңғы нәтижелерді алу мүмкіндігінің негіздемесі, сондай-ақ Инвестициялардың сапасы мен тиімділігінің көрсеткіші болған жағдайда, сондай-ақ Инвестицияларды Алушының қаржы-шаруашылық қызметінің жоспарланған нәтижелері беріледі.
Осы Ереженің 3-1 тармағында көзделген Іс-шараларды жоспарлаған жағдайда, тура және соңғы есептік нәтижелерді алу мүмкіндігінің есептеу негіздемесі және қаржы моделін келтірумен Инвестициялардың қаржылық тиімділігінің есептеуін ұсыну талап етілмейді.
«Нәтиже» бөлімі мынадай құрылымға сәйкес келеді:
«Өндіріс және сату» тарауы;
«Ресурстар» тарауы;
«Қаржы» тарауы;
«Тәуекелдер» тарауы;
«Қорытындылар» тарауы.
Ескерту. 13-тармақ жаңа редакцияда - ҚР Экономика және бюджеттік жоспарлау министрінің 11.12.2013 № 369 бұйрығымен.
14. «Өндiрiс және сату» тарауында өнiмдi өндiру және сату жоспары келтiрiледi. «Өндiрiс және сату» тарауы келесі параграфтарды қамтиды:
1) «Лицензиялар және патенттер» параграфы, онда келесі туралы ақпарат келтіріледі, бірақ төменде келтірілген тізбемен шектелмейді:
қызметтiң белгiленген түрлерiн iске асыруға арналған лицензияның болуы, лицензияның берiлген күнi мен нөмiрi, кiм бергенi туралы;
кешендi кәсiпкерлiк лицензияның болуы, кешендi кәсiпкерлiк лицензияның шартын жасасу мәнi мен күнi, қолданылу мерзiмi, кешендi лицензиар туралы;
лицензияны алу қажеттiлiгi, лицензияны алуға арналған шығыстар;
патенттердiң және алдын ала патенттердiң болуы, қашан және кiм бергенi, қолданыс мерзiмi;
2) «Өндiрiс жоспары» параграфында төмендегi негiздемелер келтiрiледi:
нарық жағдайын, жасалған келісімшарттарды, тұтынушылармен алдын ала келісімдерді негізге ала отырып, өндірістік бағдарламаның (өнімдер бөлінісінде);
бекітілген нормаларды негізге ала отырып, өндіріс жоспарын орындауға арналған шығындардың негіздемелері келтіріледі;
3) «Өткізу жоспары» параграфы, онда:
сатылатын өнiмдердiң, соның ішінде Инвестициялар есебiнен өндірілгендердің, саны мен сапасының негiздемесi;
негізгі өнімдердің, соның ішінде Инвестициялар есебiнен өндірілгендердің, бағаларының негiздемесi, соның ішінде:
бағаларды (тарифтердi) уәкiлеттi мемлекеттiк органдардың бекiтуi (белгiлеуi) немесе келiсуi бойынша Қазақстан Республикасы заңнамасының талаптары;
кiрiстiлiгi: шығыстардың өтемдiлiгi, орта немесе ең жоғарғы кiрiстiлiгiн алу, нарықтағы конъюнктуралар: жаңа өнiмнiң жылжуы, қолданыстағы сату көлемдерiн сақтау, дәстүрлi нарықтан бәсекелестердi ығыстыру, бос сегменттi толтыру;
өнiмнiң құндылығы: жаңалығы, сапасы, сатудан кейiнгi кепiлдiктер.
Нарық жағдайын, жасалған келісімшарттарды, тұтынушылармен алдын ала келісімдерді негізге ала отырып, өткізу бағдарламасының (өнімдер бөлінісінде) негіздемесі;
жаңа сатып алушыларды тарту мақсатында жоспарланған іс-шаралар (жарнама, бағалық саясат, сатып алудан кейiнгi қызмет көрсету).
Егер Инвестициялар Алушының қызметi франшиза туралы шарт немесе лицензиялық шарт негiзiнде жүзеге асырылса, франшиза немесе лицензия сатушысының құқықтары және Инвестициялар Алушының бағасына және бағалау саясатына арналған зияткерлiк меншiгiне ықпал ету дәрежесi туралы ақпарат келтiрiледi.
15. «Ресурстар» тарауында өндiрiс жоспары мен өткізу жоспарын орындау үшiн қажеттi ресурстардың барлық түрлерiне сұраныстың негiздемелерi келтiрiледi. «Ресурстар» тарауында мына параграфтар болуы керек:
1) «Нормалар» параграфы, онда шикізат пен материалдар, жылу және электр энергиясы, еңбек, ақша шығындарының нормалары келтірілген, оның ішінде қашан және кіммен бекітілгені туралы ақпарат келтіріледі;
2) «Лимиттер» параграфы, онда әкiмшiлiк шығыстары бойынша лимиттер көлемi туралы ақпарат келтiрiледi: лимиттер көлемi, соның iшiнде қашан және кiммен бекiтiлгенi туралы ақпарат келтiрiледi;
3) «Персонал» параграфы, онда мыналар туралы ақпарат келтiрiледi, бірақ төмендегi тiзбемен шектелмейдi:
Инвестициялармен байланысты персоналдың штат санын ұлғайту (қысқарту) бойынша жоспарлар;
персоналдың бiлiктiлiк деңгейiн жоғарылату (қайта даярлау) бойынша жоспарланған iс-шаралар және оның бiлiктiлiк деңгейiн (қайта дайындауын) жоғарылатумен байланысты шығындар;
4) «Негiзгi құралдар» параграфында мыналар туралы ақпарат (Инвестицияларды ескере отырып) келтiрiледi:
негiзгi құралдардың құрылымы (ғимараттар, құрылыстар, машиналар, жабдықтар, көлiк, компьютерлер және ақпаратты өңдеуге арналған жабдық және негiзгi құралдар), соның iшiнде меншiгiндегi, қаржылық жалға алуда (лизингте), операциялық жалдағы негiзгi құралдар туралы ақпаратты ашу;
қызметтi жүзеге асыруға арналған негiзгi құралдар санының, өнiмдiлiгiнiң және техникалық жағдайының сәйкестiгi туралы;
5) «Қорлар» параграфында мыналар туралы ақпарат келтiрiледi:
қорлардың негiзгi түрлерiне сұраныс (өлшемнiң заттай бiрлiгiнде);
қорлардың негiзгi түрлерiне арналған бағалар;
қорларды сатып алуға жоспарланған шығындар;
6) «Коммуналдық қызметтер» параграфында мыналар туралы ақпарат келтiрiледi:
жылу және электр энергиясына, сумен жабдықтау және кәрiзге сұраныс;
жылу және электр энергиясының, сумен жабдықтау және кәрiз бағасы;
жылу және электр энергиясын, сумен жабдықтау және кәрiздi сатып алуға арналған жоспарланатын шығыстар;
7) «Ақша» параграфында мыналар туралы ақпарат келтiрiледi:
борышкерлердiң сипаттамасы; берешектi талап ету бойынша өткiзiлетiн iс-шаралар;
кредиторлар; берешектi өтеу бойынша жүргiзiлетiн iс-шаралар;
ақшалай емес операциялар: мәмiлелер көлемдерi және қарсы агенттер;
ақшаға қажеттілік, кассалық ажырау, ақшаны тарту бойынша iс-шаралар;
уақытша бос ақшаларды пайдалану жөнiндегi жоспарлар: салымға орналастыру, қаржы активтерiн сатып алу, кредиттер беру (уақытша қаржылық көмек көрсету), сомалар, табыстылығы, орналастыру мерзiмдерi.
Ақшаны тартумен байланысты iс-шаралар бойынша ақпаратты ашу кезiнде алынған көздерi көрсетiледi, оның iшiнде:
акцияларды орналастыру (қатысу үлесi) - шығару және орналастыру көлемi, орналастырудың жоспарланған бағасы;
облигациялар шығару - шығару көлемi, шығарудағы облигациялар саны, оларды шығарудың, орналастырудың, қолданудың, сыйақы төлеудiң, өтеудiң рәсiмi мен тәртiбi және басқа да елеулi ақпарат;
несиелер тарту – несие берушілер, несие көлемі, тарту мерзімі, сыйақы төлеу пайызы, сыйақы төлеу шарттары, қарыздың негізгі сомасын өтеу шарттары.
16. «Қаржы» тарауында кірістер, шығыстар бойынша жоспарлар, салық және бюджетке төленетін басқа да міндетті төлемдер туралы ақпарат, дивидендтер туралы ақпарат келтіріледі. «Қаржы» тарауы мынадай параграфтардан тұрады:
1) «Кірістер» параграфы, онда мынадай негіздемелер келтіріледі:
өнiмдердi өткізуден жоспарланатын кiрiстер негiздемесi, оның iшiнде олардың өсу немесе азаю негiздемесi (ақпаратты ашу әрбір өнiм бойынша жүзеге асырылады);
қаржыландыру бойынша жоспарланатын кiрiстер;
дивидендтер бойынша кiрiстер (ақпарат үлестік құнды қағаздары Инвестициялар Алушының меншiгiне жататын әрбір ұйым бойынша жеке берiледi);
активтердің шығуынан алынатын жоспарланатын кірістер;
мемлекеттiк бюджеттен жоспарланатын субсидиялар;
операциялық жалға алудан жоспарланатын кiрiстер;
үлестiк қатысу әдiсiмен ескерiлетiн инвестициялар бойынша жоспарланатын кiрiстер;
өзге де жоспарланатын кiрiстер негiздемесi.
Мемлекеттік тапсырманы, мемлекеттік тапсырысты орындау шегінде не мемлекеттік мекемелердің өнімдерді сатудан алынатын кірістер туралы ақпарат жеке ашылады;
2) «Шығыстар» параграфы, онда мынадай негiздемелер келтiрiледi:
өткізілетін өнiмнiң өзiндiк құнының негiздемесi, оның iшiнде оның өсу немесе азаю негiздемесi (ақпаратты ашу әр өнiм бойынша жүзеге асырылады);
өнiмді өткізу бойынша жоспарланған шығыстар негiздемесi, оның iшiнде олардың өсу немесе азаю негiздемесi (ақпаратты ашу әрбiр кiшi топ бойынша жүзеге асырылады);
жоспарланатын әкiмшiлiк шығыстар негiздемесi, оның iшiнде олардың өсу және азаю негiздемесi (ақпаратты ашу әрбiр кiшi топ бойынша жүзеге асырылады);
маркетинг пен жарнама бойынша жоспарланатын шығыстар негiздемесi, оның iшiнде олардың өсу немесе азаю негiздемесi (ақпаратты ашу әрбiр кiшi топ бойынша жүзеге асырылады);
сыйақылар бойынша жоспарланатын шығыстар;
активтердi iстен шығаруға байланысты шығыстар;
операциялық жалдауға байланысты шығыстар;
үлестiк қатысу әдiсiмен ескерiлетiн инвестициялар жөнiндегi шығыстар;
қызметтiң тоқтатылуына байланысты жоспарланатын шығыстар;
басқа жоспарланатын шығыстар негiздемесi;
3) «Салық және бюджетке төленетiн басқа да мiндеттi төлемдер» параграфы, онда салық және бюджетке төленетiн мiндеттi төлемдердiң әр түрi бойынша жоспарланатын төлемдер негiздемесi, соның iшiнде салық салу базасының негiздемесi келтiрiледi;
4) «Дивидендтер» параграфы, онда акцияға дивидендтердi жоспарлы есептеу (қатысу үлесi), дивидендтердi есептеудiң жалпы сомасы, оның iшiнде акциялардың мемлекеттiк пакетiне (қатысу үлесi), бюджетке аудару үшiн мемлекеттiк кәсiпорын жоспарлайтын таза кiрiс сомасы келтiрiледi.
17. «Тәуекелдер» тарауында iс-шараларды орындауға және тұтастай алғанда Инвестициялар Алушының қызметiне байланысты тәуекелдердi бағалау (жағымсыз оқиғаның болу мүмкiндiгiн анықтау) және өлшеу (жағымсыз оқиғаның болуынан келетiн зиян), сондай-ақ осы тәуекелдердiң басталу ықтималдығын және оларды iске асырудан болатын ықтимал залалды азайту жолдары келтiрiлген. «Тәуекелдер» тарауы мынадай параграфтардан тұрады:
1) «Операциялық тәуекелдер» параграфы, онда мыналар талданады, бірақ төменде келтiрiлген тiзбемен шектелмейдi:
персонал: Инвестициялар Алушының негiзгi менеджерлерi мен мамандарын жоғалту, қызметкерлерiнiң жетiмсiз бiлiктiлiгi, қызметкерлердiң алаяқтығы;
өндiрiс: техникалық iстен шығу қаупi, жабдықтардың сынуы, технологиялық процестiң бұзылуы;
бизнес-процестер: ұйымдастырушылық құрылымдардың Инвестициялар Алушының мiндеттерi мен қызметiнiң көлемiне тепе-теңдiгi, бизнес-процестерiнiң тиiмсiздiгi, Инвестициялар Алушының бизнес-процестерiнiң келiспеушiлiгi;
2) «Қаржылық тәуекел» параграфында мыналар талданады, бірақ төменде келтiрiлген тiзбемен шектелмейдi:
төлем қабілетін жоғалту: Инвестициялар алушының міндеттерін, оның ішінде қаржылық, олардың мерзімінің басталуына қарай уақтылы орындау үшін ақшаның болмауы немесе жеткіліксіздігі;
өтiмдiлiгiнiң жоғалуы: активтердi, олардың құнының елеулi төмендеуiнсiз, жедел жүзеге асырудың жетiспеушiлiгi немесе мүмкiн еместiгi;
3) «Нарықтық тәуекелдер» параграфы, онда мыналар талданады, бірақ төменде келтірілген тізбемен шектелмейді:
пайыздық тәуекел: тартылған ресурстар бойынша пайыздық шығындардың ұлғаюы;
инфляциялық тәуекел: инфляциялық процестер нәтижесiнде активтер мен кiрiстердiң құнсыздануы;
валюталық тәуекел: шетел валютасының ұлттық валютаға қатысы бойынша ауыстырудың нарықтық курсының өзгеруi;
4) «Кредиттiк тәуекел» параграфы, онда тұтынушылардың (борышкерлердің) төлем қабілетін жоғалту мүмкіндігі және шарттардың талаптарына сәйкес өз міндеттерін орындаудың мүмкін еместігі талданады;
5) «Маркетингтiк тәуекелдер» параграфында мыналар талданады, алайда төменде келтiрiлген тiзбемен шектелмейдi:
саланың даму серпiнiнiң нашарлауы;
өнiм сапасына тұтынушылар талабының жоғарылауы;
өнiм сұранысының қысқаруы;
бәсекелестер ұстанымының күшеюi;
өнiмге арналған нарықтық бағаның төмендеуi;
Қазақстан Республикасының заңнамасында белгiленген шектеулер.
18. «Қорытындылар» тарауында ҚЭН іс-шараларды іске асырудың саланың, мемлекет экономикасының дамуына ықпалы ашылады. «Қорытындылар» тарауы келесі параграфтарды қамтиды:
1) «Тiкелей нәтижелер» параграфы, онда ҚЭН іс-шаралардың жоспарланған тiкелей нәтижелерiнiң есептермен расталған негiздемелерi келтiрiледi;
2) «Түпкілікті нәтижелер» параграфы, онда келесі келтiрiледi:
ҚЭН іс-шаралардың жоспарланған түпкілікті нәтижелерiнiң есептермен расталған негiздемесi;
ҚЭН іс-шаралары іске асырылған жағдайда саладағы және Қазақстан Республикасындағы (өңірдегі) әлеуметтік-экономикалық жағдайдың даму перспективаларын талдау, және олардың мыналарға әсері:
негізгі әлеуметтік көрсеткіштер (халықтың табыс деңгейі, жұмыссыздық деңгейі, жұмыспен қамтылу);
негізгі салалық (өңірлік) көрсеткіштер (өнім (тауарлар/қызметтер) өндіру көлемі, жалпы ішкі өнім құрылымындағы саланың (өңірдің) үлесі, салаға (өңірге) жасалған инвестициялардың көлемі және олардың жоспарланатын мерзімдегі үрдістері).
Нәтижелер, салдар мен әсер етулер, көбейтілген пайда мен шығындар, тұтынушының қосымша пайдасын, қалпына келмейтін шығындар, сыртқы әсерлер, халықаралық әсерлер, жобаны іске асырудан түсетін жанама пайданың талдауын қамтитын ҚЭН іс-шараларын іске асыруының пайда мен шығындарын талдауы;
ҚЭН іс-шараларын іске асыруының шектес салалардың (көршілес өңірлердің) дамуына әсерін тигізу;
ҚЭН іс-шараларының Қазақстан Республикасының экспорттық әлеуетінің өсуіне және импортты алмастыруға, инновациялардың дамуына (бар болса) әсерін тигізу;
3) «Бюджеттік тиімділік» параграфы, онда ҚЭН іс-шараларын іске асыру нәтижелерінің тиісті бюджеттердің табыстары мен шығыстарына әсер етуінің есептері.
Бюджеттік тиімділікті бағалау кезде ақшалай қаражаттың құйылуында мыналар есепке алынады, бiрақ мұнымен шектелмейдi:
Инвестицияларды іске асыруына байланысты шығарылған (қалыптастырылған) мемлекет меншігіндегі акциялар (қатысу үлестері) бойынша дивидендтер;
республикалық және жергiлiктi бюджеттерге кірістер (салық және бюджетке төленетiн басқа да мiндеттi төлемдер, сондай-ақ басқа да төлемдер).
Бюджеттік тиімділікті бағалауда ақшалай қаражаттың жылыстауында мыналар есепке алынады, бiрақ мұнымен шектелмейдi:
Инвестициялардың көлемі;
ҚЭН іс-шараларын іске асыруына байланысты бюджеттің Инвестициялардан кейінгі кезеңдегі шығыстары;
белгілі бір бағалық саясатты өткізуге және әлеуметтік басымдықтарды ұстануды қамтамасыз етуге байланысты субсидиялар.
Егер тиiмдiлiк пен сапа көрсеткiштерi жоспарланатын болса, «Қорытындылар» тарауы тиiстi көрсеткiштердiң есептерiмен расталған негiздеме келтiрiлген «Тиiмдiлiк» және «Сапа» параграфтарымен толықтырылады.
19. Қосымшалар төменде берiлген құжаттармен жиынтықталады:
1) «Ретроспектива» бөлiмiне:
ҚЭН орталық және жергілікті мемлекеттiк жоспарлау жөнiндегi уәкілетті органға енгізілген жылға дейінгі соңғы үш жылдың мөр басылған және бірінші басшы мен бас бухгалтердің қолы қойылған қатысушылардың қаржылық есебі (жеке және шоғырландырылған), сондай-ақ қаржылық есепке түсініктеме жазба;
Қазақстан Республикасының аудит қызметі заңнамасына сәйкес қаржылық есеп аудиті міндетті болып табылатын қатысушылармен, соңғы үш жылда жасалған аудитті қаржылық есебі және аудиттік есептері тапсырылады. Оған қоса қолданыстағы заңнамаға сәйкес әділ себептер бар болған жағдайда қатысушы соңғы жылдың аудиттен өтпеген қаржылық есебін ұсынуға құқылы.
Қаржылық есеп қолданыстағы заңнамаға сәйкес тапсырылады, сонымен қатар басқа ұйымдарда қаржылық қатысуы туралы, баланс қаржысында 10 % және одан көп үлес алатын баланс баптары бойынша егжей-тегжейлі түсініктемесі қосылған болуы керек.
2) «Институционалдық» бөлiмiне:
соған сәйкес қатысушылар құрылған немесе құрылып жатқан құжаттардың көшiрмесi;
Инвестицияларды Алушының жарғысының көшiрмесi (бар болса);
қатысушылардың стратегиялық даму құжаттарының көшiрмелерi, олардың бекiтiлуiн растайтын құжаттарымен қоса;
егер Инвестицияларды жарғылық капиталын қалыптастыру арқылы iске асыру жоспарланса, Инвестицияларды Алушыны құруға арналған монополияға қарсы органның алдын ала келiсiмiнiң көшiрмесi «Бәсекелестiк туралы» Қазақстан Республикасы Заңының 31-бабының 2-тармағына сәйкес.
3) «Негізділік» бөліміне:
«Сатып алынатын (құрылатын) активтердің құны мен сипаттамасы» осы Ереженің 4-қосымшасына сәйкес нысан бойынша;
осы Ереженің 11-тармағының 2) тармақшасында келтірілген ақпаратты растайтын, кемінде екі баламалы өнім берушіден түскен прайс-парақтардың, баға және коммерциялық ұсыныстардың, бағалау актілері мен басқа да құжаттардың көшірмелері.
Егер Инвестицияларды Алушы қызметінің негізгі мәні Қазақстан Республикасының аумағында халықаралық мамандырылған көрмені ұйымдастыру және өткізу болып табылатын заңды тұлға болып табылатын жағдайларды қоспағанда, жаңа объектілерді құруға (салуға) немесе қазіргі объектілерді қайта жаңғыртуға бағытталған Инвестицияларды жүзеге асыру кезінде мемлекеттік сараптамасы, экологиялық, санитарлық-эпидемиологиялық сараптаманың қорытындысы, жер құқығын беру туралы жерге орналастыру жобасы (қажет болған жағдайда жер телімдері иелері мен жерді пайдаланушылардың залалдарының, алынатын алқаптардың түрлеріне байланысты ауылшаруашылық және орманшаруашылық өндіріс шығындарының есептеулері қоса беріледі), техникалық шарттар, сондай-ақ техникалық-экономикалық негіздеме немесе жобалау-сметалық құжаттама ұсынылады.
Ақпараттық жүйені құруға, енгізуге және дамытуға бағытталған Инвестицияларды жүзеге асырған кезде ақпараттандыру саласындағы уәкілетті органның қорытындысы, сондай-ақ техникалық-экономикалық негіздеме ұсынылады.
Егер Инвестицияларды Алушы қызметінің негізгі мәні Қазақстан Республикасының аумағында халықаралық мамандырылған көрме ұйымдастыру және өткізу болып табылатын заңды тұлға болып табылатын жағдайларды қоспағанда, инновациялық және (немесе) ғарыштық қызметті болжайтын іс-шараларды жүзеге асыруға бағытталған Инвестицияларды іске асырған кезде мемлекеттік ғылыми-техникалық сараптаманың қорытындысы ұсынылады;
сәйкесті мемлекеттік уәкілетті органның салалық сараптамасы, егер Инвестициялар соның қызмет саласына тисе.
Салалық сараптаманың қорытындысы келесіні қамтиды:
салада бар жағдайды талдауды бағалау;
ҚЭН-да көрсетілген іс-шаралар іске асырылмаған жағдайда саладағы жағдайды талдауды бағалау;
сандық және сапалық көрсеткіштерді келтіре отырып және төменде тізімделгендерді көрсете отырып ҚЭН іс-шараларын іске асыруының сала дамуына әсерін бағалау:
ҚЭН іс-шараларының сала экономикасының құрылымындағы рөлі мен орны;
ҚЭН іс-шараларын іске асыруының орналасатын жерін таңдаудың және ауқымының негіздемесі;
ҚЭН іс-шараларын іске асыруының мүмкіндігі;
ҚЭН іс-шаралары бойынша техникалық шешімдер жеткілікті болуы және олардың тиімділігін бағалау;
ҚЭН іс-шараларының халықаралық стандарттарға сәйкестігін бағалау, оңтайлы жаңа технологияларды қолдану;
ҚЭН іс-шараларының мақсаттарына қол жеткізудің баламалы нұсқаларын бағалау;
4) «Нәтиже» бөліміне:
«Өндіріс бағдарламасы» осы Ережелердің 5-қосымшасына сәйкес нысанда;
«Өткізу бағдарламасы» осы Ережелердің 6-қосымшасына сәйкес нысанда;
«Қаржы моделі» осы Ережелердің 7-қосымшасы бойынша;
«Инвестициялар нәтижелері» осы Ережелердің 8-қосымшасына сәйкес нысанда;
«ҚЭН іс-шараларының бюджеттік тиімділігі» осы Ережелердің 9-қосымшасына сәйкес нысанда;
Қазақстан Республикасының Қаржы министрінің 2010 жылғы 20 тамыздағы № 422 бұйрығымен (Нормативтік құқықтық актілерді мемлекеттік тіркеудің тізілімінде 2010 жылдың 7 қыркүйегінде № 6452 болып тіркелген) бекітілген нысаналарға сәйкес құрастырылған Инвестицияларды Алушының қаржылық көрсеткіштерінің болжамы, Инвестицияларды есептемегенде:
«Бухгалтерлік баланс»;
«Кірістер мен шығындар туралы есеп»;
«Ақша қаражатының қимылы туралы есеп (тікелей тәсіл)»;
«Ақша қаражатының қимылы туралы есеп (жанама тәсіл)».
Осы Ереженің 3-1-тармағында көзделген іс-шараларды жоспарлаған жағдайда, Ереженің 19-тармағының, 8-қосымшаны қоспағанда, осы тармақшасында тізбеленген қосымшаларды ұсыну талап етілмейді.
Ескерту. 19-тармаққа өзгеріс енгізілді - ҚР Экономика және бюджеттік жоспарлау министрінің 11.12.2013 № 369 бұйрығымен.
20. Қажет болған жағдайда бюджеттiк инвестициялардың экономикалық сараптамасын жүзеге асыруға белгiленген тиiстi заңды тұлғалар жүргiзiлген сараптамаларда және/немесе тәуелсiз сараптамада, сондай-ақ ұсынылған құжаттамада қамтылмаған немесе толығынан қамтылмаған мәселелер бойынша қосымша ақпаратты талап етуге және (немесе) қосымша сараптамалар жүргiзуге құқылы.
Қосымша ақпаратқа мыналар жатады мемлекеттiк мекемелердi қоспағанда, қатысушылардың ҚЭН-дi мемлекеттiк жоспарлау жөнiндегi орталық және жергiлiктi уәкiлеттi органдарға енгiзудiң алдындағы айдың соңғы күнiне қаржылық есептiлiгi, сондай-ақ қаржылық есептiлiкке түсiндiрме жазбалар.
Қосымша сараптамаларға мыналар жатады:
банктік сараптама;
экологиялық сараптама;
мемлекеттiк ғылыми-техникалық сараптама;
санитарлық-эпидемиологиялық сараптама;
iс-шаралардың ерекшелiктерiне сәйкес уәкiлеттi органдардың басқа да қорытындылары.
21. Егер Инвестициялар еншiлес, тәуелдi немесе аффилиирленген ұйымдары болып табылмаса Инвестицияларды Алушының жарғылық капиталын қалыптастыру үшiн жоспарланса «Ретроспектива» бөлiмiнде «Бюджеттік бағдарлама» және «Қатысушылардың қаржы жағдайын талдау» параграфтарының болуы тиісті емес.
22. Егер Инвестициялар Қазақстан Республикасының акционерлік қоғамдар бойынша заңнамасында белгiленген жарғылық капиталының мөлшерi ең аз акционерлiк қоғамның ұйымдастырушылық-құқықтық нысандағы немесе жарғылық капиталы жиырма бес мың еселiк айлық есептiк көрсеткiшi мөлшерiндегi жауапкершiлiгi шектеулi серiктестiк не болмаса шаруашылық ету құқығындағы мемлекеттік кәсіпорны ұйымдастырушылық-құқықтық нысандағы заңды тұлғалардың жарғылық капиталын қалыптастыруға жұмсалған жағдайда мыналар ҚЭН-нiң мiндеттi құрылымдық элементтерi болып табылады:
Инвестициялар төлқұжаты;
«Ретроспектива» бөлiмi. Инвестициялар еншiлес, тәуелдi және/немесе аффилиирленген ұйым болып табылмайтын Инвестициялар Алушының жарғылық капиталын қалыптастыру үшiн жоспарланған жағдайда «Ретроспектива» бөлiмiнде «Бюджеттік бағдарлама» және «Қатысушылардың қаржы жағдайын талдау» параграфтарының болуы тиісті емес;
«Институционалдық» бөлiмi;
«Негiздеме» бөлiмi, соның ішінде:
«Инвестициялар көлемi» тарауы «Инвестициялар көлемi» және «Айналым қаражатын толтыру» параграфтарды қамтиды;
«Баламалы қаржыландыру көздерi» тарауы, егер Инвестицияларды Алушы еншiлес және/немесе аффилиирленген ұйым болып табылса;
«Нәтиже» бөлiмi;
егер Инвестицияларды Алушы еншiлес, тәуелдi және/немесе аффилиирленген ұйым болып табылса, 19-тармақтың 1) және 2)тармақшаларында көрсетiлген ҚЭН-ге қосымшалар;
сәйкесті мемлекеттiк уәкiлеттi органның салалық сараптамасы, егер Инвестициялар соның қызмет саласына тисе;
«Өндiрiс бағдарламасы» осы Ережелердің 5-қосымшасына сәйкес нысанда;
«Iске асыру бағдарламасы» осы Ережелердің 6-қосымшасына сәйкес нысанда;
«Қаржы моделі» осы Ережелердің 7-қосымшасы бойынша;
«Инвестициялар нәтижелерi» осы Ережелердің 8-қосымшасына сәйкес нысанда;
«ҚЭН іс-шараларының бюджеттік тиімділігі» осы Ережелердің 9-қосымшасына сәйкес нысанда.
23. Егер ҚЭН Қазақстан Республикасының акционерлік қоғамдар туралы заңнамасында белгiленген жарғылық капиталының ең аз мөлшерiнен асатын акционерлiк қоғамның жарғылық капиталын, немесе жарғылық капиталы жиырма бес мың еселiк айлық есептiк көрсеткiшi мөлшерiнен асатын жауапкершiлiгi шектеулi серiктестiк не болмаса шаруашылық ету құқығындағы мемлекеттік кәсіпорынның жарғылық капиталын қалыптастыруға ұсынылатын болса, ҚЭН осы Ережелердегі белгiленген жалпы тәртiпке сәйкес әзiрленедi.

2-параграф. Инвестициялардың ҚЭН әзiрлеу немесе түзету тәртiбi және мерзiмi

24. ҚЭН-дi әзiрлеудi стратегиялық жоспарының жобасын әзiрлеу кезеңiнде, сондай-ақ өзгерістер мен (немесе) толықтырулар енгізгенде, Әкiмшi жүзеге асырады.
Егер Әкiмшi стратегиялық жоспарды әзiрлемесе, ҚЭН-дi әзiрлеу бюджеттік бағдарламаларды әзiрлеу кезеңiнде, сондай-ақ оларға өзгерістер мен (немесе) толықтырулар енгізгенде, жүзеге асырылады.
ҚЭН Әкiмшiнiң стратегиялық жоспарының жобасында немесе бюджеттік бағдарламасында көзделген нәтиже көрсеткіштеріне қол жеткiзуге бағытталған iс-шараларды қаржылық қамтамасыз ету мақсатында әзiрленедi.
25. Осы Ереженің 34 және 35-тармақтарында айтылған ҚЭН, сондай-ақ қосымша материалдарды Әкімшілер титулдық бланкіде бірінші басшының немесе оны ауыстыратын тұлғаның немесе бірінші басшының орынбасарының немесе жауапты хатшының қолы қойылған жеке ілеспе хатпен, сондай-ақ электрондық көшірмесін қоса тіркей отырып ұсынады.
Ілеспе хатта ҚЭН-нің атауы, мәлімделетін сома және Инвестициялардың жүзеге асырылу жылы, қоса берілген құжаттар тізбесі көрсетіледі.
ҚЭН-нің, сондай-ақ қосымша материалдар, оның ішінде теріске шығарулар, қосымша дәлелдемелердің немесе ҚЭН-ге өзгерістер енгізу туралы ақпараттың әрбір парағына ҚЭН-ді әзірлеуге жауапты Әкімшінің құрылымдық бөлімшесінің басшысы қол қояды.
«Самұрық-Қазына» Ұлттық әл-ауқат қорының (бұдан әрі – Қор) еншілес және тәуелді ұйымдары әзірлеген ҚЭН мен техникалық-экономикалық негіздемені мақұлдауды бюджеттік кредит беру бағдарламаларын, бюджеттік инвестициялар бағдарламаларын жоспарлау мен іске асыру, сондай-ақ оларды түзету кезінде Қор Басқармасы жанындағы тиісті Комитет жүзеге асырады. Уәкілетті мемлекеттік органға жолданатын қаржы-экономикалық және техникалық-экономикалық негіздемелердің әрбір парағына осы бағытқа жауапты Қордың басқарма мүшесі, ал оларға қосымша өзге материалдарға – осы бағытқа жауапты Қордың құрылымдық бөлімшесінің басшысы қол қояды.
Ескерту. 25-тармақ жаңа редакцияда - ҚР Экономика және бюджеттік жоспарлау министрінің 26.07.2013 № 227 бұйрығымен (алғаш жарияланған күннен кейін он күнтізбелік күн өткеннен соң қолданысқа енгізіледі).
26. Заңды тұлғалардың жарғылық капиталына мемлекеттің қатысуы арқылы бюджеттік инвестициялардың қаржы-экономикалық негіздемесін түзету мына жағдайда жүргізіледі:
1) мақсатттарды, міндеттерді, іс-шараларды, техникалық-технологиялық шешiмдердi толықтыру және/немесе өзгертуге, бекiтiлген iс-шараларға көзделген шығыстарды ұлғайту немесе қысқартуға әкеп соғатын, белгiленген қаржылық-экономикалық параметрлер өзгергенде;
2) егер заңды тұлғалардың және/немесе олардың аффилиирленген тұлғаларының мақсаттары мен міндеттері, сондай-ақ іс-шаралары өзгеруіне байланысты аффилиирленген тұлғалар мен заңды тұлғалар арасында бұған дейін бөлінген қаражаттарды, бюджеттік инвестицияларды іске асыру қорытындылары бойынша босатылған қаражаттарды (үнемдеу), қайта бөлу талап етілсе.
Заңды тұлғалардың жарғылық капиталына мемлекеттің қатысуы арқылы бюджеттік инвестициялардың қаржы-экономикалық негіздемесін түзету Қазақстан Республикасы заңнамасына сәйкес қажетті сараптамаларды кейіннен жүргізе отырып жүргізіледі.
Ескерту. 26-тармақ жаңа редакцияда - ҚР Экономика және бюджеттік жоспарлау министрінің 06.06.2013 № 178 бұйрығымен (алғаш жарияланған күннен кейін он күнтізбелік күн өткеннен соң қолданысқа енгізіледі).
26-1. Қазақстан Республикасы Бюджет кодексінің 156-бабының 4-3-тармағына сәйкес бюджеттік заңнамада белгіленген рәсімдерді сақтамай бөлінген заңды тұлғалардың жарғылық капиталына мемлекеттің қатысуы арқылы бюджеттік инвестицияларды түзету бойынша қаржы-экономикалық негіздемені әзірлеген жағдайда, экономикалық сараптаманы жүргізу үшін осы Ереженің 27-тармағының 2) тармақшасының үшінші, бесінші абзацтарында және 3) тармақшасының бесінші, жетінші абзацтарында көрсетілген құжаттамаларды ұсыну талап етілмейді.
Ескерту. 2-параграф 26-1-тармақпен толықтырылды - ҚР Экономика және бюджеттік жоспарлау министрінің 06.06.2013 № 178 бұйрығымен (алғаш жарияланған күннен кейін он күнтізбелік күн өткеннен соң қолданысқа енгізіледі).
27. Бюджеттiк комиссияның қарауына ҚЭН түзету мәселерін шығару тәртібі былайша жүзеге асырылады:
1) түзетiлген ҚЭН-ді қарауды мемлекеттiк жоспарлау жөнiндегi орталық немесе жергiлiктi уәкiлеттi орган осы Ережеде және Қазақстан Республикасының бюджет заңнамасында белгiленген тәртiпте жүзеге асырады;
2) iс-шараларды, техникалық-технологиялық шешiмдерді толықтыру және (немесе) өзгерту себебі бойынша ҚЭН түзетiлген жағдайда, Әкiмшi мемлекеттiк жоспарлау жөнiндегi уәкiлеттi органға мынадай құжаттарды:
мемлекеттiк органның бiрiншi басшысы немесе оның орынбасары қол қойған салыстырмалы кестелерi қоса берiлген, ҚЭН бойынша iс-шараларға, техникалық-технологиялық шешiмдерге болжанған толықтырулар және (немесе) өзгертулер көрсетiлген, мемлекеттiк органның бiрiншi басшысының немесе оны ауыстыратын тұлғаның, немесе бірінші басшының орынбасарының - Әкiмшiнің қолы қойылған өтiнiм-хатты;
ҚЭН-нің бастапқы параметрлері қоса берілген, оң экономикалық қорытынды алған ҚЭН-ді бекiту туралы Әкiмшi бұйрығының көшірмесін (бар болса);
Қазақстан Республикасының Бюджет кодексінің 156-бабында белгіленген рәсімдер сақталмай, тиісті бюджетте бекітілген жобаларды қоспағанда, бұрын ұсынылған ҚЭН-ге берілген мемлекеттiк жоспарлау жөнiндегi уәкiлеттi органның оң экономикалық қорытындысының көшірмесін;
бұрын мемлекеттiк жоспарлау жөнiндегi уәкiлеттi органның оң қорытындысы алынған сараптамалар қорытындылары және ҚЭН-ді;
түзетiлген ҚЭН-ің электронды нұсқасын ұсына отырып, түзетiлген ҚЭН түпнұсқасы мен осы Ереженің 19-тармағына сәйкес құжаттарды;
қажет болған кезде осы Ереженің 20-тармағында көрсетілген құжаттарды ұсынады.
3) бекiтiлген iс-шараларға көзделген шығыстарды ұлғайту немесе қысқарту себебі бойынша ҚЭН түзетiлген жағдайда, Әкiмшi тиісті мемлекеттiк жоспарлау жөнiндегi уәкiлеттi органға мынадай құжаттарды:
мемлекеттiк органның бiрiншi басшысы немесе оның орынбасары қол қойған, салыстырмалы кестелерi қоса берiлген, ҚЭН бойынша iс-шараларға, техникалық-технологиялық шешiмдерге болжанған толықтырулар және (немесе) өзгертулер көрсетiлген, мемлекеттiк органның бiрiншi басшысының немесе оны ауыстыратын тұлғаның, немесе бірінші басшының орынбасарының - Әкiмшiнің қолы қойылған өтiнiм-хатты ұсынады.
Бекiтiлген iс-шараларға көзделген шығыстар ұлғайтылған жағдайда:
қымбаттауға әкелетiн мән-жай және себептердi егжей-тегжейлi көрсетуді;
бастапқы ҚЭН параметрлерін қоса, оң экономикалық қорытынды алынған ҚЭН-ді бекiту туралы Әкiмшi бұйрығының көшірмесін (бар болса);
кейiнге қалдыру шартымен бюджетке енгiзiлген жобаларды қоспағанда, бұрын ұсынылған ҚЭН-ге берілген тиісті мемлекеттiк жоспарлау жөнiндегi уәкiлеттi органның оң экономикалық қорытындысының көшірмесін;
мемлекеттiк жоспарлау жөнiндегi уәкiлеттi органның оң экономикалық қорытындысын алған кезде бұрын қаралған сараптамалар қорытындылары мен құжаттарды;
түзетiлген ҚЭН-ің электронды нұсқасын ұсына отырып, түзетiлген ҚЭН түпнұсқасы және осы Ереженің 19-тармағына сәйкес құжаттарды;
қажет болған кезде осы Ереженің 20-тармағында көрсетілген құжаттарды;
бюджет қаражатының нысаналы пайдаланылуы, сондай-ақ бұзушылықтардың болмауы туралы Үкiмет уәкiлеттiк берген iшкi қаржылық бақылау органының актiсiн қоса алғанда, түсiндiрме жазба қоса беріледі.
Үкiмет уәкiлеттiк берген iшкi қаржылық бақылау органының актiсi Инвестицияларды iске асыру шеңберiнде бөлiнген барлық бюджет қаражатын қамтуы тиiс.
Үкiмет уәкiлеттiк берген iшкi қаржылық бақылау органының актiсiне қол қою мірзімінің ескіруі құжаттарды тиісті мемлекеттік жоспарлау жөніндегі уәкілеттік органға ұсынылған күннен бастап 6 айдан кеш болмауы тиiс.
Ескерту. 27-тармақ жаңа редакцияда - ҚР Экономика және бюджеттік жоспарлау министрінің 26.07.2013 № 227 бұйрығымен (алғаш жарияланған күннен кейін он күнтізбелік күн өткеннен соң қолданысқа енгізіледі).
28. Түзетiлген ҚЭН-нiң құрылымы және мазмұны, ҚЭН-нiң тиiстi тарауларында өзгеруi болжанған және есептерін бұрын бекiтiлген ҚЭН-мен салыстыруды келтiре отырып, осы Ережелердің 2-тарауының ережелерiне сәйкес болуы тиiс.

3. Заңды тұлғалардың жарғылық капиталына мемлекеттiң қатысуы арқылы iске асыру жоспарланған бюджеттiк инвестицияларды iрiктеу тәртiбi

1-параграф. Инвестициялардың экономикалық сараптамасы және экономикалық сараптамасының қорытындысы

29. Инвестициялардың экономикалық сараптамасы іс-шаралар нәтижелiлiк және негiздiлiк өлшемдерге сәйкестiгiн анықтау мақсатында жүргiзiледi.
30. Инвестицияларға экономикалық сараптама жүргiзу үшiн Әкiмшiден құжаттар келiп түскен күннен бастап 5 (бес) жұмыс күнi iшiнде ҚЭН-дi немесе түзетілген ҚЭН-ді:
мемлекеттiк жоспарлау жөнiндегi орталық уәкiлеттi орган Қазақстан Республикасының Үкiметi айқындаған заңды тұлғаға;
мемлекеттiк жоспарлау жөнiндегi жергiлiктi уәкiлеттi органдар жергiлiктi атқарушы органдар айқындайтын заңды тұлғаларға тапсырады.
31. Инвестициялардың экономикалық сараптамасының нәтижелерi Инвестициялардың экономикалық сараптамасының қорытындысы (бұдан әрi - Қорытынды) түрiнде ресiмделедi.
32. Қорытынды ҚЭН:
мемлекеттiк жоспарлау жөнiндегi орталық уәкiлеттi орган Қазақстан Республикасының Үкiметi белгiлеген заңды тұлғаға;
мемлекеттiк жоспарлау жөнiндегi жергiлiктi уәкiлеттi орган жергiлiктi атқарушы органдар белгiлеген заңды тұлғаға;
ұсынылғаннан кейiн қырық бес жұмыс күнi iшiнде дайындалады (жарғылық капиталының мөлшерi ең аз жарғылық капиталын қалыптастыруға жоспарланатын Инвестициялардың экономикалық сараптамасы жиырма бес жұмыс күнiнен аспауы тиiс).
33. Инвестицияларды экономикалық сараптау екi кезеңнен тұрады.
34. Бiрiншi кезеңде:
1) осы Ережелердің 4-тармағында көрсетiлген құрылымға сәйкестiгiне;
2) Инвестициялар Паспортының сәйкестiгiне;
3) осы Ережелердің 5-18-тармақтарында көрсетiлген бөлiмдердiң, тараулардың және параграфтардың болуына;
4) осы 19-тармағында көрсетiлген құжаттардың болуы. Инвестициялар осы Ережелердің 2-тарауының 21-23-тармақтарында көрсетілген жарғылық капиталды қалыптастыруға көзделінетiн жағдайда, 21-23-тармақтарында көрсетiлген құжаттардың болуына сараптама жүргiзiледi.
Осы Ережелердің 4-тармағында көрсетiлген құрылымға сәйкес еместiгi және (немесе) осы Ережелердің 5-18-тармақтарында көрсетiлген бөлiмдердiң, тараулардың және параграфтардың болмауы және (немесе) осы Ережелердің 19, 21-23-тармақтарында көрсетiлген құжаттардың болмауы анықталған жағдайда, сәйкес заңды тұлға төрт жұмыс күнi iшiнде (екі жұмыс күнi iшiнде, Инвестициялар ең аз мөлшердегі жарғылық капиталды қалыптастыруға бағытталатын болса) ҚЭН-нiң Ережелерге сәйкес еместiгiнiң негiздемесi келтiрiлген Инвестицияларды экономикалық сараптаудың бiрiншi кезеңiнiң нәтижелерi бойынша толымдылық ескертулері (бұдан әрі - Толымдылық ескертулері) бар iлеспе хат дайындайды.
Толымдылық ескертулері бар iлеспе хат ол дайындалған күннен бастап бiр жұмыс күнiнен кешiктiрiлмей Әкiмшiге жiберiледi, бұл ретте, олардың сканерленген көшiрмесi электрондық пошта арқылы Инвестициялар Паспортында көрсетiлген Әкiмшi мен қатысушылар өкiлдерiнiң электрондық пошта - мекенжайларына жiберiледi.
Инвестицияларды экономикалық сараптаудың бiрiншi кезеңiнiң нәтижелерi бойынша Толымдылық ескертулерінің құрылымы мен мазмұнына қойылатын талаптар осы Ережелердің 36-тармағында келтiрiлген.
Әкiмшiлер сканерленген хаттар мен Толымдылық ескертулерінің көшiрмелерiн алған күннен бастап үш жұмыс күнi iшiнде қажеттi ақпаратты ұсынады немесе ақпарат ұсыну үшiн қосымша мерзiмнiң, бiрақ отыз жұмыс күнiнен көп емес, қажеттiлiгi туралы хабарлайды. Мерзiмiн ұзарту туралы хабарламаны Әкiмшi жазбаша түрде мемлекеттiк жоспарлау жөнiндегi уәкiлеттi органға және:
Инвестициялар республикалық бюджет қаражаты есебiнен болған жағдайда, Қазақстан Республикасының Үкiметi айқындаған заңды тұлғаға;
Инвестициялар жергiлiктi бюджет қаражаты есебiнен болған жағдайда, жергiлiктi атқарушы органдар айқындаған заңды тұлғаға жiбередi.
Хабарламаға құзiретiне ҚЭН дайындау кiретiн Әкiмшiнiң құрылымдық бөлiмшесiнiң басшысы қол қояды. Хабарламаға айы-күнi қойылады және оның шығыс нөмiрi болады.
Егер Әкiмшi қосымша ақпарат ұсыну үшiн қосымша мерзiмнiң қажеттiлiгi туралы хабарлама жiберсе, экономикалық сараптама жүргiзу мерзiмi тоқтатылады.
Қосымша материалдар ұсынған кезде олардың толық тiзбесi көрсетiледi, оның iшiнде, осы Ережелердің 4-тармағында көрсетiлген құрылымға сәйкес ҚЭН ұсынылған жағдайда бұрын ұсынылған ҚЭН-нiң қайтарып алыну туралы көрсетiледi.
ҚЭН-нiң, қосымша ұсынылған бөлiмдерi, тараулары, параграфтары мен құжаттарының қағаз форматында түпнұсқалары Қазақстан Республикасының Үкiметi айқындаған заңды тұлғаға немесе жергiлiктi атқарушы органдар Инвестициялардың экономикалық сараптамасын өткiзу үшiн айқындаған заңды тұлғаға, электрондық форматта жібергеннен кейін екі жұмыс күнінен кешіктірілмей осы Ережелердің 25-тармағының талаптарын сақтай отырып, жiберiледi.
Белгiленген мерзiмде қосымша материалдардың ұсынылмауы ҚЭН-дi Қорытындыны жасамай-ақ керi қайтару үшiн негiз болып табылады. ҚЭН мемлекеттiк жоспарлау жөнiндегi орталық немесе жергiлiктi уәкiлеттi органға сканерленген көшiрмелердi ұсынудың белгiленген мерзiмi өткеннен кейiн үш жұмыс күнiнен кешiктiрiлмейтiн мерзiмде хатпен керi қайтарылады.
Құрылымға сәйкес еместiгi және (немесе) бөлiмдерiнiң, тарауларының және параграфтарының болмауы және (немесе) осы Ережелердің 4-19-тармақтарында көзделген құжаттардың болмауы қайта анықталған жағдайда, ҚЭН қосымша материалдардың сканерленген көшiрмелерi алынған күнiнен бастап үш жұмыс күнi iшiнде мемлекеттiк жоспарлау жөнiндегi орталық немесе жергiлiктi уәкiлеттi органға, Толымдылық ескерулерді қоса бере отырып, Қорытындыны жасамай-ақ керi хатпен қайтарылады.
35. Екiншi кезеңде іс-шаралар өлшемдерге сәйкестiгiне сараптама жүргiзiледi.
Іс-шаралар бiр немесе екі өлшемдерге сәйкес келмеуi анықталған жағдайда, Қорытынды және iлеспе хат дайындалады.
Қорытынды дайындалған күннен бастап бiр жұмыс күнiнен кешiктiрiлмейтiн мерзiмде Әкiмшiге жiберiледi, бұл ретте, олардың сканерленген көшiрмелерi электрондық пошта арқылы Инвестициялар Паспортында көрсетiлген Әкiмшi мен қатысушылар өкiлдерiнiң электрондық пошта мекенжайларына жiберiледi.
Әкiмшi iлеспе хат пен Қорытындының сканерленген көшiрмесiн алған күннен бастап жетi жұмыс күнi iшiнде (бес жұмыс күнi iшiнде, Инвестициялар ең аз мөлшердегі жарғылық капиталды қалыптастыруға бағытталатын болса) Қорытындыға iлеспе хатта көрсетiлген экономикалық сараптаманы жүргiзуге уәкiлеттi заңды тұлға өкiлiнiң электронды поштасының мекенжайына қосымша материалдарды және соңғы редакциядағы ҚЭН-і, қосымша материалдар ұсыну туралы хабарламалардың сканерленген көшiрмелерiн жiбередi немесе пысықталған ҚЭН ұсыну үшiн қосымша мерзiмнiң, бiрақ отыз күнтiзбелiк күннен көп емес, қажеттiлiгi туралы хабарлайды.
Мерзiмiн ұзарту туралы хабарламаны Әкiмшi жазбаша түрде мемлекеттiк жоспарлау жөнiндегi уәкiлеттi органға және:
Инвестициялар Республикалық бюджет қаражаты есебiнен болған жағдайда Қазақстан Республикасының Үкiметi айқындаған заңды тұлғаға;
Инвестициялар жергiлiктi бюджет қаражаты есебiнен болған жағдайда жергiлiктi атқарушы орган айқындаған заңды тұлғаға жiбередi.
Егер Әкiмшi қосымша ақпарат ұсынғанға дейiн пысықталған ҚЭН ұсыну үшiн қосымша мерзiмнiң қажеттiлiгi туралы хабарлама жiберсе, экономикалық сараптама жүргiзу мерзiмi тоқтатылады.
Хабарламада ұсынылған қосымша материалдардың толық тiзбесi көрсетiледi.
Хабарламаға құзiретiне ҚЭН дайындау кiретiн Әкiмшiнiң құрылымдық бөлiмшесiнiң басшысы қол қоюы тиiс. Хабарламаға айы-күнi қойылады және оның шығыс нөмiрi болады.
Қосымша материалдардың түпнұсқалары олар электрондық форматта ұсынылған күннен бастап екi жұмыс күнiнен кешiктiрiлмейтiн мерзiмде қағаз форматында жiберiледi. Қосымша материалдарды ұсыну жөнiндегi талаптар осы Ережелердің 25-тармағында баяндалған талаптарға сәйкес келедi.
Қосымша материалдардың белгiленген мерзiмде ұсынылуы берілген ақпаратты есепке алып Қорытынды дайындау үшiн негiз болып табылады.
Қосымша материалдардың белгiленген мерзiмде ұсынылмауы қолда бар ақпараттың негiзiнде Қорытынды дайындау үшiн негiз болып табылады.
Соңғы редакциядағы ҚЭН-нің көшірмесі және Қорытынды мемлекеттiк жоспарлау жөнiндегi орталық немесе жергілікті уәкiлеттi органға сканерленген көшiрмелердi ұсынудың белгiленген мерзiмдерi өткен күннен бастап үш жұмыс күнiнен кешiктiрiлмейтiн мерзiмде жiберiледi.
ҚЭН-дi, тарауларын, бөлiмдерiн және параграфтарын жаңа редакцияда енгiзген, сондай-ақ ҚЭН-нiң мынадай параметрлерiн: инвестициялар паспортындағы деректерiн, инвестициялар нәтижелерiн, қаржы схемасын, шығыстар мен кiрiстер сомаларын, нарық тығыздығын, сұраныс көлемiн, өндiрiс жоспары мен iске асыру жоспарының көрсеткiштерiн өзгертетiн ақпарат енгiзiлген жағдайда сараптама өткiзу мерзiмi Әкiмшiнiң қағаз форматындағы ҚЭН-ге өзгерiстер енгiзу туралы хатын алған күннен бастап 10 жұмыс күнiне дейiнгi мерзiмге ұзартылуы мүмкiн.
36. Инвестицияларды экономикалық сараптаудың бiрiншi кезеңiнiң нәтижелерi бойынша, сондай-ақ ҚЭН қаралмай қайтарылған кезде, Толымдылық ескертулері мынадай құрылымға (сәйкессіздіктер айқылданғанда) сәйкес келедi:
«Инвестициялар Паспорты», онда Инвестициялар Паспортында болуы тиiс деректердiң анықталған сәйкессiздiгi және (немесе) жетiспеушiлiгi туралы ақпарат келтiрiледi;
«ҚЭН», онда бөлiмдердiң және (немесе) тараулардың және (немесе) параграфтардың болмауы туралы ақпарат келтiрiледi;
«Құжаттама», онда осы Ережелердің 19-тармағында көрсетiлген құжаттардың болмауы туралы ақпарат келтiрiледi.
37. Қорытынды келесі мiндеттi элементтердi қамтиды:
тақырыбы;
«Инвестициялар Паспорты» бөлiмi;
«Қорытынды» бөлiмi;
қойылатын қолдар;
күнi;
мекенжайы.
1-қосымша «Құжаттар»;
2-қосымша «Негiздiлiк»;
3-қосымша «Нәтижелiлiк».
38. Қорытындыда Инвестициялар атауы көрсетiлген тақырыбы, сондай-ақ Қорытындыны дайындаған ұйымның атауы бар.
39. «Инвестициялар Паспорты» бөлiмi осы Ережелердің 1-қосымшасына сәйкес нысанда ресiмделедi.
40. «Қорытынды» бөлiмi мынадай құрылымға сәйкес келедi:
1) «Негiзділік» бөлiмi, онда Инвестициялар көлемiн растау, соның ішінде жылдар бойынша, немесе растамау туралы ақпарат келтiрiледi, сондай-ақ баламалы көздерден қаржыландыру мүмкiндiгi бар немесе жоқтығы туралы ақпарат келтiрiледi;
2) «Нәтижелілік» бөлiмiнде Инвестициялардың экономикалық, қаржылық және бюджеттік тиімділігі туралы ақпарат келтіріледі, тiкелей және түпкiлiктi нәтижелерге жету мүмкiндiгiнiң болуы немесе болмауы, сондай-ақ бар болса тиiмдiлiк пен сапа көрсеткiштерi;
Түсіндіруі бар пікір айтылған жағдайда оның негіздемесінде болған факторларын ашатын басқа да ақпаратпен толықтыруы мүмкін.
41. «Қорытынды» бөлiмiнде іс-шаралардың өлшемдерге сәйкестiгіне қатысты пiкiр айтылады, сонымен қатар Инвестициялардың расталған көлемі, соның ішінде іс-шаралар және инвестициялық кезеңнің жылдары бөлінісінде келтіріледі, осы орайда:
1) оң қорытынды, егер іс-шаралар өлшемдерге сәйкес келсе;
2) теріс қорытынды, егер іс-шаралар бір немесе екі өлшемге сәйкес келмесе;
3) түсіндіруі бар оң қорытынды, егер іс-шаралар өлшемдерге сәйкес келсе, бірақ, төмендегі тiзіммен шектелмей:
бұрын жасалған Инвестициялармен байланысты тікелей және (немесе) түпкілікті нәтижелерге қол жеткізілмегенде;
бұрын жасалған Инвестициялар бойынша бюджеттік бағдарламада тікелей және (немесе) түпкілікті нәтижелер болған жоқ немесе олар Қазақстан Республикасының Бюджеттік кодексінде келтірілген анықтамаларға сәйкес келмегенде;
бұрын жасалған Инвестицияларға байланысты сапа және (немесе) сандық көрсеткiштерге (егер олар бюджеттiк бағдарламада көрсетiлсе) қол жеткізілмегенде;
Инвестициялар Алушының қызметiнiң үздiксiз мүмкiндiгiне күмән келтірілгенде.
Төменде Инвестициялар Алушының қызметiнiң үздiксiздiгiне жеке немесе жиынтығында күмән тудыруы мүмкiн оқиғалар мен жағдайлар келтiрiледi.
Қаржылық оқиғалар мен жағдайлар:
ағымдағы мiндеттемелердiң ағымдағы активтерден артық болуы;
өтеу мерзiмi жақындаған мiндеттемелердiң болуы, оларды өтеудiң немесе қарыз мерзiмiн ұзарту перспективасы нақты болмаған жағдайда;
ағымдағы қарыздардың есебiнен ұзақ мерзiмдi активтердi қаржыландыру;
борышкерлердiң өтеу мерзiмi өткен талаптарының елеулi сомасының болуы;
қаржылық есептiлiкпен ұсынылған, деректермен расталған операциялық қызмет бойынша терiс сальдо;
қаржылық есептiлiкпен ұсынылған, деректермен расталған жалпы кiрiс және (немесе) шығындардың терiс мағынасы;
орындалу мерзімі өткен міндеттердің елеулі сомасының болуы;
өнімдерді жеткізу бойынша шарттардың талаптарын сақтауға қабілетсіздігі.
Операциялық оқиғалар немесе жағдайлар:
дұрыс ауысымы жоқ басқарушылық персоналдың кетуi;
негiзгi нарықты, франшизаларды, лицензияларды, негiзгi жабдықтаушыларды немесе тұтынушыларды жоғалту;
өнімдер бағаларының төмендеуі немесе өнім берушілердің өніміне бағаны арттыру.
Басқа да оқиғалар немесе жағдайлар:
пруденциалдық нормативтердің орындалмауы;
жасасқан шарттарға, соның iшiнде қарыздарға, сәйкес белгiленген ковенанттардың орындалмауы;
қатысушылардың қаржы-шаруашылық қызметіне теріс ықпал ететін Қазақстан Республикасының заңнама талаптары.
Түсіндіруі бар бар оң қорытында түсіндіруі бар пiкiр жасауға ықпал еткен факторлар сипатталуы керек.
42. Қорытынды оны дайындаған ұйымның басшысымен немесе оған уәкiлеттi тұлғамен бекiтiледi және Қорытындыны дайындаған ұйымның орындаушысының қолы қойылады.
Қойылған қолдар Қорытындыны дайындаған ұйымның мөрiмен куәландырылады.
43. Қорытындыда ҚЭН-нiң іс-шаралары жеткiлiктi және сенiмдi дәлелдер алыну күнiнен және оның негiзiнде өлшемдерге сәйкестiлiгi туралы пiкiр қалыптасылған күнiнен ерте емес дата қойылуы керек.
44. Қорытындының «Құжаттар» 1-қосымшасында мына құжаттардың әрқайсысының атауы көрсетiледi:
1) осы Ережелердің 19-тармағында баяндалған талаптарға сәйкес ұсынылған құжаттар, сондай-ақ қосымша ұсынылған әр құжаттың атауы;
2) орындаушы сараптама жүргiзу барысында басшылыққа алған техникалық және технологиялық стандарттары бар нормативтiк-құқықтық актiсi мен нормативтiк актiнiң, сондай-ақ пайдаланған ақпараттық және статистикалық материалдардың, шолулар мен басқа да құжаттардың атауы.
45. Қорытындының «Негiздiлiк» 2-қосымшасында негiздiлiк өлшемге қатысты пікір жасауға ықпал еткен факторлардың егжей-тегжей баяндалады;
46. Қорытындының «Нәтижелiлiк» 3-қосымшасында нәтижелілік өлшемге қатысты пікір жасауға ықпал еткен факторлардың егжей-тегжей баяндалады.
47. Түзетiлген ҚЭН-нің Қорытындысы құрылымы және мазмұны осы Ережелердің 3 тарауының 1-параграфының ережелерiне сәйкес болуы тиiс.
48. Мемлекеттiк жоспарлау жөнiндегi сәйкес уәкiлеттi орган түзетiлген ҚЭН қарайды және олар бойынша осы Ережелерге 10-қосымшаға сәйкес нысан бойынша экономикалық қорытынды дайындайды.
Түзетiлген ҚЭН-нің экономикалық қорытындысы Қорытынды алынған күннен бастап 10 жұмыс күнi iшiнде дайындалады.
49. Мемлекеттiк жоспарлау жөнiндегi уәкiлеттi орган бюджеттiк бағдарламалар әкiмшiлерiнiң Инвестицияларды жүзеге асыру туралы ұсыныстарын және олардың ҚЭН-ін стратегиялық және бағдарламалық құжаттарға, Қазақстан Республикасының заңнамасына сәйкестiгi тұрғысынан қарастырады және олар бойынша осы Ережелерге 10-қосымшаға сәйкес нысан бойынша экономикалық қорытынды дайындайды.
Инвестициялар бойынша экономикалық қорытынды Инвестицияларды жүзеге асырудың экономикалық орындылығы, олардың ел экономикасына әсерi мен стратегиялық және (немесе) бағдарламалық құжаттарға сәйкестiгiне дайындалады.
Республикалық бюджет және жергiлiктi бюджет қаражаты есебiнен Инвестициялардың экономикалық қорытындысы Қорытынды алынған күннен бастап 10 жұмыс күнi iшiнде Қазақстан Республикасының Үкiметi және жергiлiктi атқарушы органдар айқындаған заңды тұлғаның экономикалық сараптамасы негiзiнде дайындалады.

2-параграф. Инвестицияларды iрiктеу

50. Инвестицияларды iрiктеу бюджеттiк жоспарлау жөнiндегi орталық және жергiлiктi уәкiлеттi органдармен Инвестициялардың экономикалық қорытындысы негiзiнде жүзеге асырылады, Қазақстан Республикасының Бюджеттік кодексінің 156-бабының 4-2 пунктысында қаралған жағдайларды қоспағанда.
51. Мемлекеттік жоспарлау жөніндегі орталық немесе жергілікті уәкілетті орган заңды тұлғалардың жарғылық капиталына мемлекеттің қатысуы арқылы бюджеттік инвестицияларды жүзеге асыру туралы бюджеттік бағдарламалар әкімшілерінің ұсыныстарын және олардың қаржылық-экономикалық негіздемелерін стратегиялық және (немесе) бағдарламалық құжаттарға, Қазақстан Республикасының заңнамасына сәйкес келуі тұрғысынан қарайды, заңды тұлғаның қаржы шығындары мен кірістерін бағалауды жүзеге асырады және кейіннен тиісті бюджет комиссиясының қарауына шығару үшін олар бойынша экономикалық қорытындылар дайындайды.
Ескерту. 51-тармақ жаңа редакцияда - ҚР Экономика және бюджеттік жоспарлау министрінің 26.07.2013 № 227 бұйрығымен (алғаш жарияланған күннен кейін он күнтізбелік күн өткеннен соң қолданысқа енгізіледі).
52. Инвестициялардың оң экономикалық қорытындысы мен тиiстi бюджеттiк комиссияның оң шешiмi негiзiнде Инвестициялар тиiстi бюджет жобасына қосылады.
53. Оң экономикалық қорытындысы мен тиiстi бюджеттiк комиссияның оң шешiмi алған ҚЭН немесе түзетілген ҚЭН Қазақстан Республикасының бюджеттiк заңнамаларына сәйкес Әкiмшiмен бекiтілуі тиiс.

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 1-қосымша

Нысан

Инвестициялардың паспорты

ҚЭН атауы
ҚЭН бойынша Инвестициялар сомасы, мың теңге
Бюджеттiк бағдарлама		Әкiмшiсi
		Нөмiрi
		Атауы
		Шығыстардың жалпы сомасы, мың теңге
Iс-шараларды iске асырудың кезеңi және құны, мың теңге
№ п/п	Iс-шаралар		Құны, барлығы	оның iшiнде, жылдар бойынша:
				20ХХ	20ХХ+1	....	20ХХ+n
1
...
N
Әкiмшiнiң өкiлi*
Тегi
Аты
Әкесiнiң аты (болған жағдайда)
Мемлекеттiк органның атауы
Мемлекеттiк органның құрылымдық бөлiмшесiнiң атауы
Лауазымы
Мекенжайы
Байланыс телефоны			мобильды телефоны			қалалық телефоны
Факс
Электрондық пошта
Инвестициялар Алушының өкiлi**
Тегi
Аты
Әкесiнiң аты (болған жағдайда)
Қатысушылардың (Инвестициялар Алушының) атауы
Құрылымдық бөлiмшесiнiң атауы
Лауазымы
Мекенжайы
Байланыс телефоны			мобильды телефоны			қалалық телефоны
Факс
Электрондық пошта

Ескерту: * және ** - Қорытындыны рәсімделінгенде көрсетілген жолдар толтырылмайды.

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 2-қосымша

Нысан

«Бюджеттiк бағдарлама» параграфы

				Инвестицияларды iске асырудың алдындағы төрт жылдағы		Инвестицияларды iске асырудың алдындағы үш жылдағы		Инвестицияларды iске асырудың алдындағы екi жылдағы
Бюджеттiк бағдарламаның нөмiрi
Бюджеттiк бағдарламаның атауы
Бюджеттiк бағдарламаның сипаты
Стратегиялық бағыт			нөмiр
			атауы
Мақсаты			нөмiр
			атауы
Мiндетi			нөмiр
			атауы
Бюджеттiк бағдарламаның сомасы, мың теңге
Бюджеттiк бағдарлама бекiтiлген нормативтiк құқықтық акт			Түрі
			қабылдаған күнi
			нөмiр
Нәтиже	№ п/п	Нысаналық индикатор	Өлшем бiрлiгi	жоспар	факт	жоспар	факт	жоспар	факт
Тiкелей нәтиже (санының көрсеткiштерi)	1.
	...
	N
Тiкелей нәтиже(санының көрсеткiштерi)	1.
	...
	N
Сапа көрсеткiшi	1.
	...
	N
Тиiмдiлiк көрсеткiшi	1.
	...
	N

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 3-қосымша

Нысан

Қатысушылар туралы ақпарат

№	Қатысушылар
N	Қатысушының аты
1	Мекенжайы	реквизиттер		Заңды		Деректі
2		индексы
3		облысы
4		қала (поселке)
5		көше (шағын аудан)
6		үй
7		офисы
8	БИН (бизнес-индентификациялық номері)
9	ҰКЖК идентификациялық коды (Ұйымдар мен кәсіпорындар жалпы классификаторы)
10	ЭҚЖК қызмет түрі (Экономикалық қызмет түрінің жалпы классификаторы)
11	құру туралы шешім қабылдаған орган		құжаттың атауы	құжаттың №	қабылданған күні
12					күн (КК)	ай (АА)	жыл (ЖЖЖЖ)
13	...		...	...	...	...	...
14	Қызмет түрі (Жарлығы бойынша)
15
16
17	Даму стратегиялық құжаты	Стратегиялық құжатты бекіткен орган	даму стратегиялық құжат бекіткен құжат
18			атауы	№	қабылданған күні
19					күн (КК)	ай (АА)	жыл (ЖЖЖЖ)
20	....	....	....	....	....	....	....
№	Инвестицияларды Алушы
N	Инвестицияларды Алушының аты
1	Мекенжайы		реквизиттер	Заңды		Деректі
2			индексы
3			Облысы
4			қала (поселке)
5			көше (шағын аудан)
6			үй
7			офисы
8	БИН (бизнес-индентификациялық номері)
9	ҰКЖК идентификациялық коды (Ұйымдар мен кәсіпорындар жалпы классификаторы)
10	ЭҚЖК қызмет түрі (Экономикалық қызмет түрінің жалпы классификаторы)
11	құру туралы шешім қабылдаған орган		құжаттың атауы	құжаттың №	қабылданған күні
12					күн (КК)		күн (КК)
13	....		....	....	....	....	....
14	Қызмет түрі (Жарлығы бойынша)			...
15				...
16				...

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 4-қосымша

Нысан

Сатып алынатын (құрылатын) активтердiң құны мен сипаттамасы

Жоспарланған iс-шаралар		Сатып алынатын (құрылатын) активтердiң құны					Сатып алынатын (құрылатын) активтердiң сипаттамасы*
№ п/п	атауы	№ п/п	атауы	саны	бағасы, (мың теңге)	сомасы, (мың теңге)	1-сипаттама	сипаттама ...	сипаттама N

* - Сатып алынатын (құрылатын) активтердiң негiзгi техникалық сипаттамасы көрсетiледi, мысалы: қозғалтқыштың көлемi, қуаттылығы, жүк көтергiштiгi, ұзақтылығы, өндiрушiлiгi, ауқымы және т.б. Сатып алынатын (құрылатын) активтердiң жетiден аспайтын негiзгi техникалық сипаттамасы келтiрiледi

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 5-қосымша

Нысан

Өндiрiс бағдарламасы

№ п/п	Өнімдердің атаулары			Өлшем бiрлiгi	Инвестицияларды iске асыру жылының алдындағы жыл		Инвестицияларды iске асыру жылы
					саны	шығындар, мың теңге	саны	шығындар, мың теңге
1	2	3	4	5	6	7	8	9
1	Кезең басындағы аяқталмаған құрылыс	Барлығы		Х	Х		Х
2		соның iшiнде	өнім...
3			өнім...
4	Өндiрiс	Барлығы		Х	Х		Х
5		соның iшiнде	өнім...
6			өнім...
7			өнім...
8	Кезең аяқталғанда аяқталмаған құрылыс	Барлығы		Х	Х		Х
9		соның iшiнде	өнім...
10			өнім...

кестенің жалғасы

Инвестицияларды iске асырғаннан кейiнгi сату жылы
20__ жыл		20_ жыл		20__ жыл		20__ жыл		20_ жыл
саны	шығындар, мың теңге	саны	шығындар, мың теңге	саны	шығындар, мың теңге	саны	шығындар, мың теңге	саны	шығындар, мың теңге
10	11	12	13	14	15	16	17	18	19
Х		Х		Х		Х		Х
Х		Х		Х		Х		Х
Х		Х		Х		Х		Х

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 6-қосымша

Нысан

Өткізу бағдарламасы

№	Өнімдердің атаулары	Инвестицияларды iске асыру жылының алдындағы жыл			Инвестицияларды iске асыру жылы
		саны	*сату бағасы, мың теңге	жиынтығы, мың теңге	саны	*сату бағасы, мың теңге	жиынтығы, мың теңге
1	2	3	4	5	6	7	8
1.	Өткізілген өнiмдер, барлығы
	соның iшiнде:
1.1.	өнім...
1.2.	өнім...
1.3.	өнім...
...
1.N.	Басқалары		Х			Х

кестенің жалғасы

Инвестицияларды iске асырғаннан кейiнгi сату жылы

20__ жыл

20__ жыл

20__ жыл

20__ жыл

20__ жыл

саны

*сату бағасы, мың теңге

жиынтығы, мың теңге

саны

*сату бағасы, мың теңге

жиынтығы, мың теңге

саны

*сату бағасы, мың теңге

жиынтығы, мың теңге

саны

*сату бағасы, мың теңге

жиынтығы, мың теңге

саны

*сату бағасы, мың теңге

жиынтығы, мың теңге

9

10

11

12

13

14

15

16

17

18

19

20

21

22

23

Х

Х

Х

Х

Х

* - егер қаржылық қызмет көрсету көрсетiлген жағдайда, кредиттiк ресурстардың жүзге дейiн жинақталған пайыздық ставкасы көрсетiледi, мысалы: 4,56 %

Қаржылық-экономикалық негiздеменi әзiрлеуіне
немесе түзетуіне, сондай-ақ заңды тұлғалардың
жарғылық капиталына мемлекеттiң қатысуы
арқылы iске асыру жоспарланған бюджеттiк
инвестицияларды iрiктеуіне қойылатын
Ережелеріне
№ 7-қосымша

Қаржы моделіне қойылатын талаптар

1. Қаржы моделінің функционалдық мүмкіншіліктеріне қойылатын талаптар:
1)қаржы моделі Microsoft Excel форматында (97 немесе одан кейінгі нұсқада) жасалуы керек. Қаржы моделі файлының атауы дайындалған күнін анық көрсетуі қажет;
2) қаржы моделінің ешбір бөлігі жасырылған, қорғалған, тосқауыл қойылған немесе қарауға және толықтырулар енгізуге басқа да түрде қол жетпес болмауы керек;
3) қаржы моделінің құрылымы түсінікті және қисынды болуы керек. Бастапқы деректер (жорамалдар), қаржы болжамдары және аралық есептер, қаржы болжамдардың нәтижелері дәйекті түрде ұсынуы керек; айтылған элементтер бір-бірінен көзбе-көз бөлініп, бірақ есепті формулармен байланысқан болуы тиіс;
4) формулалардың құрамындығы есепте пайдаланатын барлық элементтер жорамалдар (бастапқы деректер) қамтитын ұяшықтарға немесе формулаларды қамтитын ұяшықтарға әрекеттегі сілтемелер болуы тиіс. Сыртқы файлдарға (ҚЭН құрамында ұсынылмаған) сілтемелер болмауы тиіс. Ерекше жағдайларда, осы ережеден шегіну фактілері мен себептері қаржы моделінің сипаттауында көрсетіледі;
5) қаржы моделінде бастапқыда қойылған жорамалдарға өзгерістер енгізуге мүмкіндік беруі тиіс және сондай өзгерістер енгізілсе қаржы болжамдары автоматты түрде түзетілуі тиіс. Қаржы моделі қаржы болжамдар нәтижелерінің модельдің барлық жорамалдарының (бастапқы деректерінің) өзгерістеріне сезімталдығына талдау жүргізуге мүмкін болатындай құрастырылуы тиіс;
6) егер қаржы моделінде алынған қаржы көрсеткіштері бір немесе одан көп базалық модельге негізделсе, онда бұл базалық модельдер мен қаржы моделі арасындағы динамикалық байланыстарды кез-келген базалық модельге өзгеріс енгізгенде қаржы моделі жаңаратындай орнату керек;
7) қаржы моделі жеткілікті деңгейде нақтыланған болуы тиіс, яғни өнімдердің негізгі түрлері, өңірлер, өндірістік бірліктер, мезгілдер, кірістер және шығындар баптары және т.б. (егер орынды болса) бойынша бөліністерді қамтуы тиіс. Сонымен бірге, қаржы моделі ақпаратты бірліккен түрде беруі тиіс, нақты айтқанда оның құрамында бір-бірімен өзара байланысқан кірістер мен шығындардың болжамалы есебі, болжамалы баланс, ақша қаражаттар ағымының болжамалы есебі болуы тиіс;
8) болжамалы қаржы есептерінің нысандары және аралық есептер бір-біріне қарама-қайшы болмауы керек;
9) қаржы моделі есептер мен үлгілерде біркелкілік және дәйектілік принципіне сай болуы тиіс. Қаржы моделіндегі қаржы көрсеткіштерін (коэффициентерін) есептеу формулалары қаржы моделінің барлық бөлшектерге және мезгілдерге өзгеріссіз болуы тиіс;
10) сыртқы файлдардың санын азайту қажет (5 (бестен) артық емес рұқсат). Қаржы моделімен формулалар арқылы байланысқан барлық сыртқы файлдар, сондай-ақ ҚЭН-ің мәтініндегі графиктер, кестелер және диаграммалар құрастырылған сыртқы файлдар қаржы моделіне қосымша ретінде ұсынылуы керек. Сыртқы файлдар мен қаржы моделі арасындағы байланыс және сыртқы файылдардың арналуы қаржы моделі сипаттауында ашылуы тиіс.
2. Қаржы моделінің бастапқы деректерге (жорамалдарға) қойылатын талаптар:
1) қаржы болжамдарына негіз болған бастапқы деректер (жорамалдар) қаржы моделінің сипаттауында немесе ҚЭН мәтінінде ұсынылуы тиіс;
2) қаржы моделінің бастапқы деректерінің (жорамалдарының) ішінде төменде көрсетілетіндер (олар ҚЭН іс-шараларына қолданылатын болса):
Қаржы болжамаларды құруда пайдаланған негізгі әдістемелік жорамалдар, соның ішінде:
жобаның өмір мерзімі;
болжамдық мерзім ұзақтығы;
болжамдық мерзімнің алғашқы моменті;
болжам қадамы (кем дегенде: инвестициялық кезең үшін – бір тоқсан; операциялық кезең үшін - бір жыл);
ақша ағымдарының түрі (кесімді) және ақша ағымдарының қорытынды валютасы;
дисконттау мөлшерлемесінің түрі және оны есептеу тәсілі;
қорытынды құнны есептеу тәсілі (болжамалық кезеңнен кейінгі болжалды өсу қарқынын көрсете отырып);
басқа да өзекті әдістемелік жорамалдар.
Макроэкономикалық мәліметтер (инфляция, айырбас бағамдарды, нақтылы жалақының өсу және с.с. болжамдары).
Күрделі қаражат жұмсау болжамы.
Сату көлемінің және өндіріс көлемінің (түсімді айқындаушы басқа да сандық факторларының) болжамы.
Дайын өнімдер/қызметтер бағаларының/тарифтерінің болжамы.
Шығарылатын бірлікке ресурстар шығынының нормасы.
Өзіндік құнына қомақты үлес қосатын шикізат және материалдар және басқа да шығындар бағаларының болжамы, басқа да ауыспалы шығындардың болжамы.
Персоналға байланысты шығындардың болжамы (штат кестесі немесе жалақының жоспарланатын индексациялары мен штат өсуін есепке ала отырып персоналға шығындар бюджеті).
Шартты тұрақты шығындар болжамы.
Контрагенттермен есеп айырысудың шарттары (жеткізушілермен және мердігерлермен, сатып алушылармен, бюджетпен, персоналмен есеп айырысудың мерзімін ұзарту және алдын-ала төлемдер) және/немесе айналымдылық нормативтері.
Салық алғышарттары: салық заңнамаға болжалды өзгерістерді есепке алып әрекеттегі заңнамаға сәйкес төлеуге жататын салық және басқада міндетті төлемдер (баж салығы, міндетті қауіпсіздендіру төлемдері және с.с.) туралы ақпарат (салық, базасы, мөлшерлемесі, төлеу реті).
Есеп саясатының алғышарттары (амортизация, шығындарды капитализациялау, резервтерді жасау, түсімді тану саясаты).
Қаржыландырудың болжамалы құрылымы, қарыз қаржыландырудың шарттары (проценттікі мөлшерлемелер, алу және қарызды күту кестесі).
Осы салаға және жоба түріне маңызды басқа да бастапқы деректер мен алғышарттар.
3. Қаржы болжамалардың нәтижелерінің құрамына қойылатын талаптар:
1) қаржы болжамалар Инвестиция Алушы үшін жасалады және басқарушылық есеп үлгіде болады, атап айтқанда:
жоба көлемінде салыстырмалы түрде ықшам кейбір баптарды біріктіруге болады;
амортизация бөлек тармақта көрсетіліп және жалпы түсімін есептегенде түсімнен алынбауы керек;
2) болжамалы қаржы есептердің келесі нысандары міндетті түрде ұсынылуы тиіс: ақшалай қаражаттар ағымының болжамалы есебі, кірістер мен шығындардың болжамалы есебі, болжамалы баланс.
Кірістер мен шығындардың болжамалы есебі санау тәсілімен (accrual base) құрастырылуы тиіс және сонымен қатар келесі қаржы көрсеткіштерін қамтуы тиіс: түсім, жалпы пайда, жалпы рентабельдік, EBITDA (амортизация, пайыздар мен салықтар операциялық пайдадан алынғанға дейін), EBIT (пайыздар мен салықтар операциялық пайдадан алынғанға дейін), таза пайда, таза рентабельдік. Егер жобаның салалық немесе басқа ерекшеліктеріне байланысты айтылған көрсеткіштер көрсетілмесе, қаржы моделінің сипаттауында олардың жоқ болу фактісі мен себептерін көрсету қажет.
Ақшалай қаражаттар ағымының болжамалы есебі операциялық, инвестициялық және қаржылық қызметтерінен ақшалай қаражаттар ағымдарын қамтуы тиіс. Пайыздар мен дивидендтер төлеумен және алуымен байланысты ақшалай ағымдар бөлек тармақта көрсетілуі тиіс.
Болжаулы борыш қаржыландыру жағдайда анықтамалы түрде қарызды күтуге дейінгі бос ақшалай қаражаттар ағымдары (CFADS) көрсетілуі тиіс.
Сондай-ақ басқа да есептер ұсынылуы мүмкін.
4. Қаржы болжауларын құрастыру бойынша әдістемелік нұсқаулар:
тек Инвестицияларды Алушының (-мен) өкіміне келіп түскен (жұмсалатын) ақшалай қаражаттар ағымы болжанады;
жобамен байланысты, болжамдық кезеңнің алғашқы сәтіне дейін жұмсалған шығындар болжамалы қаржы ағымдарында есептелмейді, бірақ Инвестицияларды Алушының балансында актив ретінде есептелуі мүмкін;
қаржыландыруды тарту кестесі ҚЭН іс-шараларын іске асыру кестесіне байланған болуы тиіс, қаржылық қызметі бойынша ақшалай ағымдары операциялық және инвестициялық қызметтерінің ақшалай қаражаттар ағымдарының негізінде болжамдалады;
несие қаржыландыруды тарту орын алғанда қарызды күту төлемдері болжамдалады (есептелген пайыздардың төлемін кейінге қалдыру мүмкіндігі есепке алынады);
ақшалай қаражаттар ағымдарын олар іске асырылатын (түсімдер және төлемдер жасалатын) валюталарда болжау ұсынылады, және содан кейін олар бір қорытынды валютаға келтіріледі. Ақшалай қаражаттар ағымдарының көбі түсетін валютаны қорытынды валюта ретінде таңдау ұсынылады;
пайыздар мен дивидендтерді алу және төлеуге байланысты ақшалай қаражаттар ағымдар туралы ақпаратты бөлек тармақта ашу қажет;
егер жоба аяқталған кезеңде Инвестицияларды Алушыны немесе инвестициялар объектісін жою жобаланса немесе инвестициялар объектісін пайдаланудан түсетін кірістер мен шығындарды көтеретін құқық басқа жаққа берілсе, айтылған жоюмен немесе құқық беріумен байланысты (сонымен бірге қолданыстағы экология және жер қоймалын пайдалану заңнамалар, сондай-ақ еңбек заңнаманың талаптарына сәйкес) шығын және табыстар Инвестицияларды Алушының ақшалай қаражаттар ағымдарында есепке алынады;
Инвестицияларды Алушының берілген болжамалы жеке және шоғырландырылған қаржылық есебін, сондай-ақ қаржы моделінің жоспарлау шегі:
Инвестициялар есебiнен сатып алуға жоспарланған активтердің қызметі немесе бірінші күрделі жөндеу мерзіміне дейін;
егер Инвестициялар қаржылық қызмет көрсету үшін айналым қаражаттарды толықтыруға бағытталатын болса - жобаның өтімділік мерзімінен кем болмауы тиіс.
Жобаның өмір мерзімін инвестициялау объектісін құру, кейіннен пайдалану және (егер заңнамаларға немесе қатысушылардың арасындағы шарттарға сәйкес қажет болса) жою немесе инвестициялау объектісін пайдаланудан түсетін кірістер мен пайдаланудан болатын шығындарды көтеретін құқық басқа жаққа беру болжанатын, экономикалық жағынан орынды (жобаның NPV-н ең көп арттыратын), техникалық жағынан іске асырылатын және заң бойынша ұйғарынды етіп анықтауға ұсынылады.
Дисконттау мөлшерлемесі және дисконтталатын ақшалай қаражаттар ағымдары бір типке (жалпы жобаға немесе жеке меншік иелеріне есептелген) және түрге (инфляцияны есептегенде немесе есептемегенде) жатуы тиіс. Дисконттау мөлшерлемесі ақшалай қаражаттар ағымдары валютасындағыдай валютада көрсетілген инвестициялар үшін қажетті кірістілікті қамтып көрсетуі тиіс.
Жобаның NPV есептегенде барлық ақшалай қаражаттар ағымдары, қорытынды құнды (қорытынды ақшалай қаражаттар ағымы) қосқанда, дисконттау арқылы жобаланған кезеңнің бастауыш мерзіміне келтірілуі тиіс.
5. қаржы көрсеткіштердің (коэффициенттерінің) орнықтылығын бағалау:
1) қаржы көрсеткіштердің (коэффициенттерінің) орнықтылығын бағалау үшін сезімталдықты талдау тәсілі қолданылады - сезімталдықтың басты факторлер өзгерістерінің қаржы көрсеткіштер нәтижелеріне әсер дәрежесін бағалау. Егер сезімталдықты талдау кейбір қауіптерді өлшеуге/көрсетуге мүмкіндік бермесе, басқа тәсілдер, сонымен ішінде зиянсыздық нүктесінің есебі, Монте-Карло тәсілі, сценарлық талдау, факторлық талдау және т.б. қолданылады;
2) сезімталдықтың өзекті факторларына қаржы моделінің жорамалдары (бастапқы деректері) жатады, олардың нақты мағыналары жобаны іске асыру кезінде (оларды нақты бағалау мүмкінсіздігінен немесе оларға сай құбылмалылықтан) қаржы моделіне негізделген мағыналардан айтарлықтай ауып кетуі ықтимал. Атап айтқанда, сезімталдықтың әдеттегі факторларына келесілерді жатқызуға болады:
дайын өнімдер бағасы және қызметтер тарифы;
сату көлемі (пайдалану қарқыны, сатып алушылардың/қолданушылардың саны);
күрделі шығындар көлемі;
инвестициялау объектісін пайдалануға беруінің және жобалық қуатына шығуының кешігуі;
негізгі шикізат пен материалдардың, жанар майдың, еңбек ресурстардың бағасы;
тұрақты операциялық шығымдар көлемі;
дисконттау мөлшерлемесі;
инфляцияның болжамалы қарқыны;
валюталар айырбас бағамы және т.б.;
3) дисконттау мөлшерлемесінің, өнім бағасының, басты ресурстың бағасының және сату көлемінің өзгерістеріне сезімталдық талдау міндетті ретте өткізілуі қажет.
6. Қаржы моделінің сипаттауына қойылатын талаптар:
1) қаржы моделінің сипаттауы қаржы моделіне қосымша ретінде жасалынады;
2) сипаттауға келесілер қамтылуы тиіс:
қаржы моделі құрылымының сипаттамасы;
қаржы моделінде пайдаланылған макростардың жұмыс тетігінің сипаттамасы (бар болса);
қаржы болжамалардың басты жорамалдары (алғышарттары) және бастапқы деректері, ақпарат көздерін көрсете отырып, егер олар ҚЭН-де көрсетілмеген болса;
қаржы көрсеткіштерін (коэффициентерін) есептеу формулалары, егер ҚЭН-де көрсетілмеген болса;
қаржы моделінің құрылымын, құрастыру принциптерін, жұмыс тетігін және басқа да ерекшеліктерін түсіну үшін қажетті басқа да ақпарат.

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 8-қосымша

Нысан

Инвестициялар нәтижесi

Нәтижелерi		Өлшем бiрлiгi	Тиiмдiлiк көрсеткiшi
			Инвестицияларды iске асыратын жыл	20__ жыл	20__ жыл	20__ жыл	20__ жыл	20__ жыл
1		2	3	4	5	6	7	8
№ п/п	Тiкелей нәтижесi (санының көрсеткiштерi)
1.
...
N
№ п/п	Түпкілікті нәтиже (нәтиженiң көрсеткiшi)
1.
...
N
№ п/п	Сапа көрсеткiшi
1.
...
N
№ п/п	Тиiмдiлiк көрсеткiшi
1.
...
N

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 9-қосымша

Нысан

ҚЭН іс-шарасының (-ларының) бюджеттік тиімділігі

№	Атауы	Өлшем бiрлiгi	Инвестицияларды iске асыру жылы	20___	20___	20___	20___	20___	20____
1	Құйылым
1.1	Инвестицияларды іске асыруына байланысты шығарылған (ұйымдастырылған) мемлекетке жататын акциялар (қатысу үлесі) бойынша дивидендтер
1.2	бюджеттерге түсімдер (салық және бюджетке төленетiн басқа да мiндеттi төлемдер, сондай-ақ басқа да төлемдер), соның iшiнде:
1.2.1	республикалық бюджетке
1.2.2	жергiлiктi бюджеттерге
№	...
2	Жылыстау
2.1	Инвестициялар көлемі
2.2	Инвестициялардан кейінгі мерзімдегі ҚЭН іс-шараларын іске асыруына байланысты бюджеттің шығыстары
2.3	Белгілі бір бағалық саясатты өткізуді және әлеуметтік басымдылықтарды ұстануды қамтамасыз етуге байланысты субсидиялар
№	...
3	Бюджеттік эффект (тиісті бюджеттердің таза түсімі)

Қаржылық-экономикалық негiздеменi
әзiрлеуіне немесе түзетуіне,
сондай-ақ заңды тұлғалардың жарғылық капиталына
мемлекеттiң қатысуы арқылы iске асыру
жоспарланған бюджеттiк инвестицияларды
iрiктеуіне қойылатын Ережелеріне
№ 10-қосымша

Нысан

Заңды тұлғалардың жарғылық капиталына мемлекеттiң қатысуы
арқылы iске асырылуы жоспарланып отырған бюджеттiк
инвестициялардың экономикалық қорытындысы

1.	«Жалпы мәлiметтер» бөлiмi
	Бюджеттiк инвестициялардың атауы
	Бюджеттiк бағдарлама әкiмшiсiнiң атауы
	Бюджеттiк бағдарламаның		нөмiрi
			атауы
	Заңды тұлғаның атауы		Қатысушылар
			Инвестицияларды Алушы
	Iс-шаралар тiзбесi				1-шi iс-шара
					2-шi iс-шара
					n-шi iс-шара
	Iс-шараны iске асырудың кезеңi				ай, жыл
	Бюджеттiк инвестициялардың мөлшерi, мың, теңге
	Стратегиялық бағдарлама құжаттарына сәйкестiк				құжаттың реквизиттерiне нұсқау жасау
	Құжаттама құрамы, соның iшiнде экономикалық сараптаманы өткiзуге уәкiлеттi заңды тұлғаның экономикалық сараптамасын қорытындысы
2.	«Нәтижелер» бөлiмi
	Тiкелей нәтиже
	Соңғы нәтиже
	Сапа көрсеткiштерi
	Тиiмдiлiк көрсеткiштерi
3.	«Iс-шаралар құны» бөлiмi
	Iс-шаралар құны	Барлық
		соның iшiнде		1-шi iс-шара
				2-шi iс-шара
				n-шi iс-шара
4.	Басқалар
	...				...

Қорытындылар:
(ҚЭН-нiң құрылымы мен мазмұны ҚЭН әзiрлеу немесе түзету Ережелеріне сайлық, экономикалық орындылығына сәйкес, стратегиялық және (немесе) бағдарламалық құжаттарға, сондай-ақ негiздемелiк және нәтижелiлiк өлшем талаптарына сәйкес келетiн Инвестицияларға оң экономикалық қорытынды ұсынылады.
ҚЭН-нiң құрылымы мен мазмұны ҚЭН әзiрлеу немесе түзету Ережелеріне сай келмейтiн, және (немесе) экономикалық орындылығына сәйкес келмейтін, және (немесе) стратегиялық және (немесе) бағдарламалық құжаттарға, және (немесе) бір немесе екі өлшем (негiздемелiк және нәтижелiлiк) талаптарына сәйкес келмейтiн Инвестицияларға жағымсыз экономикалық қорытынды ұсынылады).