Ескерту. Күші жойылды - Павлодар облысы Железин аудандық мәслихатының 14.06.2013 N 130-5/15 шешімімен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 бабына, Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 97 бабы 2 тармағына, Қазақстан Республикасы Үкіметінің 2009 жылғы 14 сәуірдегі "Әлеуметтік тұрғыдан қорғалатын азаматтарға телекоммуникация қызметтерін көрсеткені үшін абоненттік төлемақы тарифінің көтерілуіне өтемақы төлеудің кейбір мәселелері туралы" N 512 Қаулысына, Қазақстан Республикасы Үкімітінің 2009 жылғы 30 желтоқсандағы "Тұрғын үй көмегін көрсету Ережесін бекіту туралы" N 2314 Қаулысына сәйкес аудандық мәслихат ШЕШІМ ЕТЕДІ:
1. Железинка ауданында аз қамтылған отбасыларына (азаматтарға) тұрғын үй ұстауға, коммуналдық қызмет пен байланыс қызмет көрсетулерін тұтынуға және кондоминиум объктісінің ортақ мүлігін күрделі жөндеудің жекелеген түрлеріне шығын өтемақысын төлеу бойынша тұрғын үй көмегінің қағидасы (бұдан әрі – Қағида) бекітілсін.
2. Железинка аудандық мәслихатының қосымшаға кейбір шешімдерінің күші жойылғаны танылсын.
3. Аудандық мәслихаттың бұдан бұрын 2010 жылы 17 маусымда қабылданған "Тұтынған коммуналдық қызметтердің төлемдеріне ауданның аз қамтылған отбасылары (азаматтарына) тұрғын үй көмектерін беру Ережелерін бекіту туралы" N 207-4/24 шешімінің күші жойылсын.
4. Осы шешімнің орындалуын бақылау аудан мәслихатының әлеуметтік экономикалық даму және бюджет бойынша тұрақты комиссиясына жүктелсін.
5. Осы шешім алғашқы ресми жарияланғаннан кейін күнтізбелік он күн өткеннен бастап қолданысқа енгізіледі.
Аудандық мәслихаты
сессиясының төрағасы А. Друзик
Аудандық мәслихатының хатшысы В. Крутиков
Железинка аудандық мәслихатының
2010 жылғы 11 қазан
N 225-4/28 шешімімен
бекітілген
Железин ауданында аз қамтылған отбасыларына (азаматтарға)
тұрғын үй ұстауға, коммуналдық қызмет пен байланыс қызмет
көрсетулерін тұтынуға және кондоминиум объектісінің ортақ
мүлігін күрделі жөндеудің жекелеген түрлеріне шығын
өтемақысын төлеу бойынша тұрғын үй көмегінің қағидасы
Осы тұрғын үй көмегін ұсыну Қағидасы (бұдан әрі - Қағида) Қазақстан Республикасының 1997 жылғы 16 сәуірдегі "Тұрғын үй қатынастары" Заңына, Қазақстан Республикасы Үкіметінің 2009 жылғы 14 сәуірдегі "Әлеуметтік тұрғыдан қорғалатын азаматтарға телекоммуникация қызметтерін көрсету үшін абоненттік төлемақы тарифінің көтерілуіне өтемақы төлеудің кейбір мәселелері" туралы N 512 қаулысына, Қазақстан Республикасы Үкіметінің 2009 жылғы 30 желтоқсандағы "Тұрғын үй көмегін көрсету ережесін бекіту туралы" N 2314 қаулысына сәйкес әзірленіп, аз қамтылған отбасыларына (азаматтарға) тұрғын үй көмегін тағайындау тәртібін анықтайды.
1. Жалпы ережелер
1. Қағидада келесідей негізгі ұғымдар пайдаланылады:
шекті жол берілетін шығыстар үлесі – телекоммуникация желісіне қосылған телефон үшін абоненттік төлемақының, тұрғын үйді пайдаланғаны үшін жалға алу ақысының ұлғаюы бөлігінде отбасының бір айда кондоминиум объектілерінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға, коммуналдық қызметтер мен байланыс қызметтерін тұтынуға жұмсалған шығыстарының шекті жол берілетін деңгейінің отбасының орташа айлық жиынтық кірісіне пайызбен қатынасады;
отбасының жиынтық табысы – тұрғын үй көмегін тағайындауға өтініш білдірілген тоқсанның алдындағы тоқсанда отбасы алған кірістердің жалпы сомасы;
кондоминиум объектісін басқару органы – кондоминиум объектісін күтіп ұстау жөніндегі функцияларды жүзеге асыратын жеке немесе заңды тұлға;
уәкілетті орган – жергілікті бюджет қаражаты есебінен қаржыландырылатын, тұрғын үй көмегін тағайындауды жүзеге асыратын Железин ауданының жергілікті атқарушы органы.
2. Тұрғын үй көмегі жергілікті бюджет қаражаты есебінен Железин ауданында тұрақты тұратын аз қамтамасыз еиілген отбасыларға (азаматтарға):
жекешелендірілген тұрғын үй-жайларда (пәтерлерде) тұратын немесе мемлекеттік тұрғын үй қорындағы тұрғын үй-жайларды (пәтерлерді) жалдаушылар (қосымша жалдаушылар) болып табылатын отбасыларға (азаматтарға) кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға;
тұрғын үйдің меншік иелері немесе жалдаушылар (қосымша жалдаушылар) болып табылатын отбасыларға (азаматтарға) коммуналдық қызметтерді тұтынуға;
байланыс саласындағы заңнамада белгіленген тәртіппен тұрғын үйдің меншік иелері немесе жалдаушылар (қосымша жалдаушылар) болып табылатын отбасыларға (азаматтарға) телекоммуникация желісіне қосылған телефон үшін абоненттік төлемақының ұлғаюы бөлігінде байланыс қызметтеріне;
жергілікті атқарушы орган жеке тұрғын үй қорынан жалға алған тұрғын үйді пайдаланғаны жалға алу төлемақысына ақы төлеуге беріледі.
Аз қамтамасыз етілген отбасылардың (азаматтардың) тұрғын үй көмегін есептеуге қабылданатын шығыстары жоғарыда көрсетілген бағыттардың әрқайсысы бойынша шығыстардың сомасы ретінде айқындалады.
Тұрғын үй көмегі телекоммуникация желісіне қосылған телефон үшін абоненттік төлемақының, тұрғын үйді пайдаланғаны үшін жалға алу ақысының ұлғаюы бөлігінде кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға, коммуналдық қызметтер мен байланыс қызметтерін тұтынуға нормалар шегінде ақы төлеу сомасы мен отбасының осы мақсаттарға жұмсалған, осы Қағидамен белгіленген шығыстарының шекті деңгейінің арасындағы айырма ретінде айқындалады.
Кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға ақы төлеу сомасы үйдің өткізілген күрделі жөндеудің жалпы сомасын осы үйдегі пәтердің жалпы ауданына бөлу және өтемақы алушының тұрғын үйінің мөлшерін есепке алып, пәтердің жалпы ауданына көбейту жолымен есептеледі.
3. Тұрғын үй көмегі қызметтермен жабдықтаушылары ұсынған шоттар бойынша көрсетіледі.
3.1. Отбасының шекті жол берілетін шығыстар үлесі:
кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға ақы төлеуіне отбасының жиынтық кірісінде 7 (жеті) пайыз мөлшерінде;
телекоммуникация желісіне қосылған телефон үшін абоненттік төлемақының, жергілікті атқарушы орган жеке тұрғын үй қорынан жалға алған тұрғын үйді пайдаланғаны үшін жалға алу ақысының ұлғаюы бөлігінде, коммуналдық қызметтері мен байланыс қызметтерін тұтынуға отбасының жиынтық кірісінде 7 (жеті) пайыз мөлшерінде белгіленеді.
Стандарттың әлеуметтік нормасынан (СӘН) артық телекоммуникация желісіне қосылған телефон үшін абоненттік төлемақының, жергілікті атқару органы жеке тұрғын үй қорынан жалға алған тұрғын үйді пайдаланғаны үшін жалға алу ақысының ұлғаюы бөлігінде, кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға коммуналдық қызметтері мен байланыс қызметтерін тұтынуға ақы төлеу өтініш білдірушімен жалпы негіздерде жүргізіледі.
Ескерту. 3.1 тармаққа өзгеріс енгізілді - Павлодар облысы Железинка аудандық мәслихатының 2012.06.22 N 36-5/5 (жарияланғаннан кейін он күнтізбелік күн өткен соң қолданысқа енгізіледі) шешімімен.
3.2. Тұрғын үй көмегін тағайындағанда тұрғын үйдің меншік иесінің жалдаушының (қосымша жалдаушының) отбасы құрамы осы Қағиданың талаптарына сәйкес тұрғын үй көмегі тағайындалатын кезең ішінде азаматтарды тіркеудің кітабы бойынша анықталады.
Отбасы құрамына қолданылып жүрген заңнамаға сәйкес тұрғын үйге құқық сақталатын тұлға ұзақ мерзім (үш айдан аса) жоқ болғандар енгізілмейді.
Егер меншік иесі немесе меншік иесінің біреуі қайтыс болса, тұрғын үй көмегі қайтыс болған күннен 6 (алты) айға дейін, мұрагерлік құқығы күшіне енгізілгеніне дейін, отбасының мүшелеріне, тұрғын үй алаңының және коммуналдық қызметтерді тұтыну мөлшерлерінің шегінде тағайындалады.
3.3. Келесі нормативтік алаңы қабылданады:
кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға ақы төлеуге:
жалғыз тұратын азаматтарға – 30 шаршы метр (тұрғын үйдің жалпы алаңы), бірақ бір бөлмелі пәтердің ауданынан кем емес;
құрамында екі және одан көп адамы бар отбасына - әр отбасының мүшесіне 18 шаршы метр, бірақ тұрғын үйдің жалпы ауданынан артық емес.
Телекоммуникация желісіне қосылған телефон үшін абоненттік төлемақының, тұрғын үйді пайдаланғаны үшін жалға алу ақысының ұлғаюы бөлігінде, коммуналдық қызметтер мен байланыс қызметтерін тұтынуға ақы төлеуге:
жалғыз тұратын азаматтарға – 30 шаршы метр (тұрғын үйдің жалпы алаңы);
құрамында екі және одан көп адамы бар отбасына - әр отбасының мүшесіне 18 шаршы метр, бірақ тұрғын үйдің жалпы ауданынан артық емес.
3.4. Тұрғын үй жәрдемін көрсету мақсатында:
бір адамға бір айда электр қуатын тұтыну 50 кВт мөлшерінде, бірақта отбасына 200 кВт аспауы керек;
газ балоны бір айға бір адамға 5,5 кг. мөлшерінде белгіленсін.
3.5. Тұрғын үйді ұстауға және коммуналдық қызмет көрсетулерді тұтынуға есептік-нормативтік шығындарды анықтау ауданның халқына коммуналдық қызмет көрсетулерді жеткізушілермен ұсынылатын қызмет көрсетулердің осы түрі үшін тарифтер негізінде аумақтық монополияға қарсы органмен белгіленген тәртіпте жүргізіледі.
3.6. Мүгедектерді, 80 жастан асқан адамдарды, 7 жасқа дейінгі балаларды бағып-күтумен айналысатын азаматтарды, ер адамдар – 55 жастан, әйелдер – 50 жастан асқан жұмыс істемейтін тұлғаларды, жұмыс істемейтін жүкті әйелдерді (ауруханадан анықтама тапсыруы бойынша), жұмыс істемейтін 3 топтағы мүгедектерді, сонымен қатар, стационарлық емделуде бір айдан астам уақыт кезеңінде болатын немесе амбулаторлық емделуде туберкулез немесе онкологиялық аурулармен ауыратын адамдарды қоспағанда, оқымайтын, әскерде қызмет етпейтін және жұмыспен қамту уәкілетті органдарында жұмыссыз ретінде тіркелмеген, 18 жастан асқан еңбекке жарамды, бірақ жұмыс істемейтін, тұлғалар болса, отбасылардың тұрғын үй көмегін алуға үміткер бола алмайды.
3.7. Егер өтініш білдірушінің еңбек кітапшасы болмаса және жұмыссыз ретінде жұмыспен қамту уәкілетті органдарында тіркелмеген болса, өтініш білдіруші жұмыс істемейтіндігін жазбаша түрде өтініштің бланкісінде растайды.
3.8. Өтініш берушіге тұрғын үй көмегін есептеу белгіленген тәртіпте жүргізілетін коммуналдық қызмет көрсетулерді есептеулерге және тұрғын үйді ұстауға шығыстарға сәйкес осы мекен-жайда тұратын және тіркелген отбасының сандық құрамы ескеріле отырып жүргізіледі.
3.9. Егер тұрғын үй көмегінің есептелген мөлшері 20 теңгеден артық болса, зейнетақы, жәрдемақы және басқа әлеуметтік төлемдерді есептеуге заңнамалармен бекітілген, тұрғын үй көмегінің ең төменгі мөлшері 1 айлық есептік көрсеткіш мөлшерінен артық болмайды (1 АЕК).
3.10. Тұрғын үй көмегі, өтініш берген тоқсанның алдындағы, отбасының барлық мүшелерінің табысы саналып, тапсырылған тоқсанның айлары санына тағайындалады (бір айда 15 күннен кем емес).
Үш айдан кем емес, бірақ осы тоқсан ішінде бір айда 15 күннен артық емес коммуналдық қызметтерге тұрғын үй жәрдемақысын есептеу табыс пен шығын бойынша саралап жүргізіледі. Егер отбасының бір мүшесі, табысы анықталып отырған тоқсанда бір тоқсаннан кем жұмыс істесе, ал айлық орташа табысы еңбек ақысын және басқа табыстарды тоқсандағы айлардың санына бөлу арқылы есептеледі (3 айға).
3.11. Тұрғын үй көмегі құжаттарды тапсыру уақытына қарамастан бір тоқсан мерзімге алдынғы тоқсанның кірістері бойынша ағымдағы тоқсанға тағайындалады. Тұрғын үй көмегін тағайындауға өтініштерді қабылдау тоқсанның соңғы айының 25 күніне дейін аяқталады.
3.12. Өтініш беруші Секторға тұрғын үй көмегін тағайындауына әсер ететін барлық өзгерістер туралы өзгеріс пайда болған күннен бастап 10 күн ішінде хабарлауы тиіс. Тұрғын үй көмегі ретінде заңсыз алынған сомалар заңда белгіленген тәртіппен қайтарылуға жатады.
Тұрғын үй көмегін тағайындауға өтініш берушімен ұсынылған мәліметтердің дұрыстығына күмән пайда болған жағдайда Железин ауданының жұмыспен қамту және әлеуметтік бағдарламалар бөлімі өтініш иесіне құжаттарды берген тиісті ұйымдарда ұсынылған деректердің (отбасының кірістері мен шығыстары туралы) дұрыстығын салыстырып тексеруге құқылы.
3.13. Телекоммуникация желісіне қосылған телефон үшін абоненттік төлемақының ұлғаюы бөлігінде байланыс қызметтеріне ақы төлеу тұрғын үй көмегінің мөлшері Қазақстан Республикасы Үкіметінің 2009 жылғы 14 сәуірдегі N 512 қаулысымен бекітілген әлеуметтік тұрғыдан қорғалатын азаматтарға телекоммуникация қызметтерін көрсеткен үшін абоненттік төлемақы тарифінің көтерілуіне өтемақы төлеудің Ережесіне сәйкес жүргізіледі.
3.14. Кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға ақы төлеуге күрделі жөндеудің әр түрі бойынша кондоминиум объектілері қимасында жөндеу жұмыстарының сметалық құнына сәйкес, жылына бір рет тағайындалады.
Үй–коммуналдық шаруашылығының саласындағы уәкілетті орган кондоминиум объектісінің ортақ мүлігін күрделі жөндеу бойынша жұмысын үйлестіреді.
Кондоминиум объектісін тіркеу әділет органының құжатымен расталады.
2. Тұрғын үй көмегін тағайындау тәртібі
4. Тұрғын үй көмегін тағайындау үшін азамат (отбасы) уәкілетті органға өтініш береді және мынадай құжаттарды ұсынады:
өтініш берушінің жеке басын куәландыратын құжаттың көшірмесі;
тұрғын үйге құқық беретін құжаттың көшірмесі;
азаматтарды тіркеу кітабының көшірмесі;
отбасының табысын растайтын құжаттар:
кондоминиум объектісінің ортақ мүлкін күрделі жөндеуге арналған нысаналы жарнаның мөлшері туралы шоты;
"Железин ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімі" мемлекеттік мекемесінің келісімімен, пәтерлердің меншік иелері мен жалдаушыларының (қосымша жалдаушылардың) жалпы жиналысында бекітілген кондоминиум объектісінің ортақ мүлкін күрделі жөндеудің жекелеген түрлерін жүргізуге арналған шығыстар сметасы негізінде кондоминиум объектісін басқару органы ұсынатын және мөрмен кондоминиум объектісінің ортақ мүлкін күрделі жөндеуге қаражат жинақтауға арналған ай сайынғы жарналардың мөлшері туралы шоты;
коммуналдық қызметтерді тұтыну шоттары;
телекоммуникация қызметтері үшін түбіртек-шот немесе байланыс қызметтерін көрсетуге арналған шарттың көшірмесі;
тұрғын үйді пайдаланғаны үшін жергілікті атқарушы орган берген жалдау ақысының мөлшері туралы шот.
Құжаттардың көшірмелері бірінші рет келгенде жылына бір рет тапсырылады.
3. Тұрғын үй көмегін төлеу
5. "Железин ауданының жұмыспен қамту және әлеуметтік бағдарламалар бөлімі" мемлекеттік мекемесі аз қамтамасыз етілген отбасыларға (азаматтарға) тұрғын үй көмегін төлеуді жүзеге асырады және тағайындалған тұрғын үй көмегі өтініш берушінің жеке шотына аударылады.
6. Аз қамтылған отбасыларға (азаматтарға) телекоммуникация желісіне қосылған телефон үшін абоненттік төлемақының ұлғаюы бөлігінде байланыс қызметтеріне ақы төлеу тұрғын үй көмегі төлем алушылардың жеке шоттарына аударылады.
7. Тұрғын үй көмегін тағайындау, сонымен қатар тиісті жылға қаржыландыру жоспарына сәйкес, бюджеттің қаражаты есебінен жүзеге асырылады.
Железинка аудандық мәслихатының
2010 жылғы 11 қазан N 225-4/28 шешіміне
қосымша
Железинка аудандық мәслихатының күші
жойылған кейбір шешімдерінің Тізбесі
1. 2003 жылғы 23 сәуірдегі "Аз қамтылған азаматтарға тұрғын үйлерін ұстауға және коммуналдық қызметтер ақысын төлеуге арналған тұрғын үй жәрдем ақы беру тәртіптері туралы" 205/24 шешімі (Нормативтік құқықтық актілерін мемлекеттік тіркеу Реестірінде N 1842 болып тіркелген, 2003 жылғы 7 маусымда аудандық "Родные просторы" газетінің 23 нөмірінде жарияланған).
2. 2004 жылғы 3 қарашадағы "2003 жылғы 23 сәуірдегі "Аз қамтылған азаматтарға тұрғын үйлерін ұстауға және коммуналдық қызметтер ақысын төлеуге арналған тұрғын үй жәрдем ақы беру тәртіптері туралы" N 205/24 шешіміне өзгерістер енгізу туралы" N 79-3/10 шешімі (Нормативтік құқықтық актілерін мемлекеттік тіркеу Реестірінде N 2811 болып тіркелген, 2004 жылғы 11 желтоқсанда аудандық "Родные просторы" газетінің 49 нөмірінде жарияланған).
3. 2005 жылғы 15 желтоқсандағы "2003 жылғы 23 сәуірдегі "Аз қамтылған азаматтарға тұрғын үйлерін ұстауға және коммуналдық қызметтер ақысын төлеуге арналған тұрғын үй жәрдем ақы беру тәртіптері туралы" N 205/24 шешіміне өзгерістер мен толықтырулар енгізу туралы" N 144-3/21 шешімі. (Нормативтік құқықтық актілерін мемлекеттік тіркеу Реестірінде N 12-6-14 болып тіркелген, 2006 жығы 1 қаңтарда аудандық "Родные просторы" газетінің 1 нөмірінде жарияланған).
4. 2006 жылғы 12 маусымдағы "2003 жылғы 23 сәуірдегі "Аз қамтылған азаматтарға тұрғын үйлерін ұстауға және коммуналдық қызметтер ақысын төлеуге арналған тұрғын үй жәрдем ақы беру тәртіптері туралы" N 205/2 шешіміне өзгерістер мен толықтырулар енгізу туралы" N 170-3/25 шешімі. (Нормативтік құқықтық актілерін мемлекеттік тіркеу Реестірінде N 12-6-27 болып тіркелген, 2006 жылы 1 шілдеде аудандық "Родные просторы" газетінің 26 нөмірінде жарияланған).
