РҚАО-ның ескертпесі!
Шешімнің қолданысы 01.01.2015 дейін тоқтатылды - Алматы қаласы мәслихатының 24.04.2014 № 223 шешімімен.
Күші жойылды - Алматы қаласы мәслихатының 17.03.2015 № 319 шешімімен.
Қазақстан Республикасының 1995 жылғы 30 тамыздағы Конституциясының 39 бабына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» Заңдарына, Қазақстан Республикасы Үкіметінің 2008 жылғы 6 мамырдағы № 425 «Нысандар құрылысы үшін рұқсат құжаттарды және әзірленген ақпарды (мәліметтерді) беру және рәсімдеу тәртібін жеңілдету бойынша кейбір шара туралы» және 2009 жылғы 29 қыркүйектегі № 1467 «Қазақстан Республикасы Үкіметінің 2008 жылғы 6 мамырдағы № 425 қаулысына өзгерістер мен толықтырулар енгізу туралы» қаулыларына сәйкес, Алматы қаласының мәслихаты ШЕШІМ ЕТТІ:
1. III сайланған Алматы қаласы мәслихатының XXIV-ші сессиясының 2006 жылғы 26 қыркүйектегі «Алматы қаласының аумағында құрылыс жүргізудің Ережесін бекіту туралы» № 268 шешіміне (нормативтік құқықтық актілердің мемлекеттік тіркеу Тізімінде № 716 рет санымен 2006 жылғы 2 қарашада тіркелген, 2006 жылы 18 қарашада «Алматы Ақшамы» № 134, 2006 жылы 30 қарашада «Вечерний Алматы» газеттерінде жарияланған, өзгерістер мен толықтырулар енгізілген: «III сайланған Алматы қаласы мәслихатының XXIV-ші сессиясының 2006 жылғы 26 қыркүйектегі «Алматы қаласының аумағында құрылыс жүргізудің Ережесін бекіту туралы» № 268 шешіміне өзгерістер мен толықтырулар енгізу туралы» IV сайланған Алматы қаласы мәслихаты ІI сессиясының 2007 жылғы 10 қыркүйектегі № 09 шешімімен, нормативтік құқықтық актілердің мемлекеттік тіркеу Тізілімінде № 756 рет санымен 2007 жылғы 12 қазанда тіркелген, 2007 жылғы 17 қарашада «Алматы ақшамы» газетінің № 139 нөмірінде және 2007 жылғы 15 қарашада «Вечерний Алматы» газетінің № 286-289 нөмірінде жарияланған) келесі өзгерістер енгізілсін:
аталған шешіммен бекітілген, Алматы қаласының аумағында құрылыс жүргізудің Ережесінде (әрі қарай мәтін бойынша Ереже):
4 тармақтағы «тыйым салынады» сөздері, «жол берілмейді» сөздерімен ауыстырылсын;
14-36 тармақтағы «тапсырылуы тиіс» сөздері «тапсырылады» сөзімен ауыстырылсын;
18 тармақтағы «жасалуы тиіс», сөздері «жасалуы керек» сөздерімен ауыстырылсын;
19 тармақтағы «келісуі қажет» сөздері «келісуі керек» сөздерімен ауыстырылсын;
40 тармақ келесі редакцияда мазмұндалсын:
«40. Сәулет-жоспарлау тапсырмасы төмендегі құжаттар негізінде құрылыс салушының (тапсырыс беруші) өтініші бойынша 8 жұмыс күні ішінде дайындалады және сәулет және қала құрылысы органы арқылы беріледі:
1) құрылыс салушының (тапсырыс беруші) өтініші;
Өтінішке қоса ұсынылады:
жеке тұлғалар үшін - жеке куәлігі, салық төлеушінің тіркеу нөмірі (СТН) немесе жеке сәйкестендірілген нөмірінің (ЖСН) көшірмелері;
заңды тұлғалар үшін – заңды тұлғаның мемлекеттік тіркеу (қайта тіркеу) туралы куәлігі, статистикалық карточкасы, салық төлеуші ретінде тіркелуі туралы куәлігі (СТН) немесе бизнес-сәйкестендірілген нөмірінің (БСН) көшірмелері;
2) жер теліміне және жылжымайтын мүлікке құқық тағайындаушы және сәйкестендірілген құжаттар (жергілікті атқарушы органдардың шешімдері немесе қаулылары, жер телімінің жеке меншік құқығының актісі (уақытша өтеулі жер пайдалану), сату-сатып алу шарты, техникалық төлқұжат және басқалар);
3) құрылыс салушының (тапсырыс беруші) қолымен бекітілген жобалау тапсырмасы;
4) инженерлік және коммуналдық қамтамасыз ету көздеріне қосылуға арналған техникалық талаптар
5) 1:500 масштабтағы топографиялық түсірілім.»;
Ереженің 41 тармағы келесі редакцияда мазмұндалсын:
«41. Сәулет-жоспарлау тапсырмасы және техникалық талаптар жобалау (жобалау-сметалық) құжаттамасының құрамында бекітілген құрылыстың барлық нормативтік ұзақтығы мерзімінің ішінде күшінде болады»;
66 тармақтағы «келісілуі тиіс» сөздері «келісілуі керек» сөздерімен ауыстырылсын;
Ереженің 70 тармағы келесі редакцияда мазмұндалсын:
«70. Жалпы құрылысқа немесе белгілі бір құрылыс кезеңіне рұқсаттар мемлекеттік сәулет-құрылыс бақылау органымен құрылыс салушылар (тапсырыс берушілер) тарапынан ұсынылатын келесі құжаттар негізінде беріледі:
1) бекітілген үлгідегі өтініш;
2) құрылысқа арналған жер телімін беру туралы Алматы қаласының жергілікті атқару органдарының шешімі;
3) мемлекеттік сараптаманың оң қорытындысымен белгіленген тәртіпте бекітілген жобалық-сметалық құжаттамалар;
4) сәулет, қала құрылысы және құрылыс қызметін жүзеге асыру құқығына берілетін құрылыс-жинақтау жұмыстары түрлерінің тізімі бар мемлекеттік лицензиясы;
5) бекітілген үлгідегі бас мердігер мен тапсырыс беруші тарапынан құрылысқа жауапты тұлғаның қолхаты;
6) «Сейсмотұрақты құрылыс» және «Құрылыстағы геодезия» курсы бойынша қолданыстағы куәліктердің болуы (қажет жағдайда).
Ереженің 71 тармағы келесі редакцияда мазмұндалсын:
«71. Құрылысқа берілетін рұқсатты беру туралы өтінішті қарастыру мерзімі өтінішті беру сәтінен бастап жеті жұмыс күннен аспайтын мерзімді құрайды, бұдан кейін мемлекеттік сәулет-құрылыс бақылау органымен құрылысты жүргізуге рұқсат беріледі немесе рұқсатты беруден бас тарту себептері туралы жазбаша түрде дәлелді жауап беріледі».
Ереженің 72 тармағы келесі редакцияда мазмұндалсын:
«72. Құрылысқа берілген рұқсат жобалау (жобалау-сметалық) құжаттамасының құрамында бекітілген құрылыстың барлық нормативтік ұзақтығы мерзімінің ішінде күшінде болады. Егер нысан нормативтік ұзақтығы мерзімінің ішінде аяқталмаса, онда құрылысты жалғастыру үшін тапсырыс беруші (құрылыс салушы) жаңа рұқсат алуға міндетті. Құрылысқа берілген рұқсаттың күші сондай-ақ, құрылыс-жинақтау жұмыстарын жүргізуге тапсырыс берушінің немесе мердігердің (құрылыстың мердігерлік әдісі барысында) лицензиясының іс-әрекет мерзімімен шектеледі.
96 тармақтың екінші абзацындағы «міндетті» сөзі «керек» сөзімен ауыстырылсын;
104 тармақтағы «тиіс» сөзі «керек» сөзімен ауыстырылсын;
107 тармақтағы «ұсыну қажет» сөздері «ұсынылады» сөзімен ауыстырылсын;
113 тармақтағы «қажет» сөзі, «керек» сөзімен ауыстырылсын;
119 тармақтағы «тыйым салынады» сөздері, «жол берілмейді» сөздерімен ауыстырылсын;
120 тармақтағы «тыйым салынады» сөздері, «жол берілмейді» сөздерімен ауыстырылсын;
125 тармақтағы «орындауға міндетті» сөздері, «орындайды» сөзімен ауыстырылсын;
126 тармақтағы «Тыйым салынады» сөздері, «Жол берілмейді» сөздерімен ауыстырылсын;
128 тармақтағы «жүргізілуі тиіс» сөздері «жүргізілуі керек» сөздерімен, екінші абзацындағы «Тыйым салынады» сөздері, «Жол берілмейді» сөздерімен ауыстырылсын;
139 тармақ төмендегі редакцияда мазмұндалсын:
«Көшелердегі және қала аумағындағы орамдардың ішіндегі құдықтардың, жылу камералардың, қақпақтардың жағдайын заңдылықтарға сәйкес, аталған инженерлік жүйенің иелігіндегі пайдаланушы мекеме немесе ведомство жауапты.»;
142 тармақтағы «жіберуге міндетті» сөздері «жібереді» сөзімен ауыстырылсын;
144 тармақтағы «алуға міндетті» сөздері «алады» сөзімен ауыстырылсын;
146 тармақтағы «қажет» сөзі «керек» сөзімен ауыстырылсын.
2. Осы шешімнің орындалуын бақылау қала құрылысы, көріктендіру және коммуналдық меншік мәселелері жөніндегі тұрақты комиссияға (О.Ю. Нам) және Алматы қаласы әкімінің орынбасары В.А. Долженковқа жүктелсін.
3. Осы шешім алғаш ресми түрде жарияланған күнінен бастап он күнтізбелік күн өткен соң қолданысқа енгізіледі.
IV сайланған Алматы қаласы
мәслихаты ХХVII сессиясының
төрағасы Б. Шин
IV сайланған Алматы қаласы
мәслихатының хатшысы Т. Мұқашев
