Ескерту. Күші жойылды - Батыс Қазақстан облысы Жәнібек аудандық мәслихатының 2010.12.24 N 29-3 Шешімімен.
Қазақстан Республикасының 2005 жылғы 8 шілдедегі "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Заңына, 1998 жылғы 24 наурызындағы "Нормативттік құқықтық актілер туралы" Заңы және Қазақстан Республикасы Үкіметінің 2009 жылғы 18 ақпандағы N 183 "Ауылдық елді мекендерге жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет және спорт мамандарына әлеуметтік қолдау шараларын ұсыну мөлшерін және ережесін бекіту туралы" қаулысының 2 тармағына сәйкес ШЕШІМ ЕТЕДІ:
1. "Жәнібек ауданының ауылдық елді мекендерінде жұмыс істейтін және тұратын денсаулық сақтау, білім беру, әлеуметтік қамсыздандыру, мәдениет және спорт мамандарына 2010 жылға әлеуметтік қолдау шараларын айқындау туралы" 2009 жылғы 20 желтоқсандағы N 21-4 (нормативтік құқықтық актілерді мемлекеттік тіркеу тізімінде N 7-6-97 нөмірімен тіркелген, 2010 жылғы 5 ақпанда аудандық "Шұғыла" газетінде N 6 санда жарияланған) аудандық мәслихатының шешіміне, төмендегі өзгерістер енгізілсін:
1) мынандай мазмұндағы 1-1 тармағымен толықтырылсын:
"1-1. Ауданның ауылдық елді мекендеріне жұмыс істейтін және тұратын денсаулық сақтау, білім беру, әлеуметтік қамсыздандыру, мәдениет және спорт мамандарына тұрғын үй сатып алу үшін әлеуметтік қолдау – алты жүз отыз есептік айлық есептік көрсеткіштен аспайтын сомада бюджеттік кредит болып белгіленсін.".
2. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.
Аудандық мәслихат
сессияның төрағасы: Е. Ә. Өтебалиев
Мәслихат хатшысы: Т. З. Кадимов
