Ескерту. Күші жойылды - Ақмола облысы Сандықтау ауданы әкімдігінің 25.12.2013 № А-13/407 (ресми жарияланған күнінен бастап қолданысқа енгізіледі) қаулысымен.
2007 жылғы 15 мамырдағы Қазақстан Республикасының Еңбек кодексінің 18 бабының 1 тармағының 2) тармақшасына, 238 бабының 3 тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабының 2 тармағына сәйкес, Сандықтау аудандық мәслихатының 2011 жылғы 7 қыркүйектегі № 28/8 «Ауылдық (селолық) жерлерде жұмыс істейтін білім мамандарының лауазымдарының тізбесін келісу туралы» шешімінің негізінде, Сандықтау ауданының әкімдігі ҚАУЛЫ ЕТЕДІ:
1. Сандықтау ауданы әкімдігінің «Ауылдық (селолық) жерлерде жұмыс істейтін әлеуметтік қамтамасыз ету, білім және мәдениет мамандарының лауазымдарының тізбесін анықтау туралы» 2008 жылғы 27 наурыздағы № А-3/55 (нормативтік құқықтық актілерді мемлекеттік тіркеудің тізілімінде 1-16-77 нөмірімен тіркелген, «Сандыктауские вести» газетінде 2008 жылдың 14 мамырында жарияланған) қаулысына келесі өзгеріс енгізілсін:
Ауылдық (селолық) жерлерде жұмыс істейтін әлеуметтік қамтамасыз ету, білім және мәдениет мамандарының лауазымдарының тізбесіндегі:
3 тармақ жаңа редакцияда жазылсын:
«3. Білім мамандарының лауазымдары:
мемлекеттік мекеменің, қазыналық кәсіпорынның басшысы, орынбасары;
барлық мамандықтың мұғалімдері;
мұғалім;
педагог-психолог;
әдіскер;
инструктор;
мастер;
тәрбиеші;
вожатый;
музыкалық жетекші;
кітапханашы;
медициналық бике;
лаборант;
кітапхана меңгерушісі;
әлеуметтік педагог;
педагог-ұйымдастырушы.».
2. Сандықтау ауданы әкімдігінің осы қаулысы Ақмола облысының Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
Сандықтау ауданының әкімі Қ.Сүйіндіков
