Ескерту. Шешімнің бүкіл мәтіні бойынша "селосы", "селосының", "селолық" сөздері "ауылы", "ауылының", "ауылдық" сөздерімен ауыстырылды – Ақтөбе облысы Ырғыз ауданы Жайсаңбай ауылдық округі әкімінің 05.01.2015 № 1 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабының 2-тармағына, Қазақстан Республикасының 1993 жылы 8 желтоқсандағы № 4200 "Қазақстан Республикасының әкімшілік–аумақтық құрылысы туралы" Заңының 14-бабының 4-тармақшасына, Жайсаңбай ауылы тұрғындарының конференциясы хаттамасына сәйкес Жайсаңбай ауылдық округінің әкімі ШЕШІМ ЕТЕДІ:
1. Жайсаңбай ауылдық округінің Жайсаңбай ауылының көшелеріне төмендегідей атаулар берілсін:
Өтебай Қанахин көшесі;
Жұмахмет Шалтақбаев көшесі;
Қазақстан Республикасы Тәуелсіздігіне – 20 жыл көшесі.
2. Осы шешімнің орындалуын бақылау ауылдық округі әкімі аппаратының бас маманы Ғ.Байтақовқа жүктелсін.
3. Осы шешім алғаш рет ресми жарияланған күннен кейін күнтізбелік он күн өткен соң қолданысқа енгізіледі.
| Жайсаңбай ауылдық округінің әкімі: | Е. СЕРМАҒАНБЕТОВ |
