Түлкібас поселкесінің көшелерінің атауларын өзгерту туралы

Оңтүстік Қазақстан облысы Түлкібас ауданы Түлкібас поселке әкімінің 2011 жылғы 17 тамыздағы N 112 шешімі. Оңтүстік Қазақстан облысы Түлкібас ауданының Әділет басқармасында 2011 жылғы 7 қыркүйекте N 14-14-156 тіркелді

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 37-бабының 3 тармағына және Қазақстан Республикасының 1993 жылғы 8 желтоқсандағы «Қазақстан Республикасының әкімшілік-аумақтық құрылысы туралы» Заңының 14-бабының 4) тармақшасына сәйкес және тиісті аумақ халқының пікірін ескере отырып Оңтүстік Қазақстан облысы Түлкібас ауданы Түлкібас поселкесінің әкімі ШЕШТІ:
Түлкібас поселкесіндегі мына көшелердің атаулары өзгертілсін:
1. «С.М.Киров» көшесін «Бекқожа Аблаев» көшесіне;
2. «Железнодорожный» көшесін «Өнгенбай Сергенов» көшесіне.
3. Осы шешімнің орындалуын бақылауды өз құзыретіме қалдырамын.
4. Осы шешім алғаш ресми жариялағаннан кейін күнтізбелік он күн өткен соң қолданысқа енгізіледі.

Поселке әкімі Ж.Ботбаев