Ескерту. Қаулысының қабылдау мерзімінің өтуіне байланысты қолдану тоқтатылды (ШҚО Өскемен қаласы әкімдігінің 2012.01.04 N Ин-5/2 хаты).
Қазақстан Республикасының 2001 жылғы 23 қаңтардағы «Қазақстан Республикасындағы жергiлiктi мемлекеттiк басқару және өзiн-өзi басқару туралы» Заңының 31 бабының 1 тармағының 14) тармақшасына сәйкес, Өскемен қалалық мәслихатының 2010 жылғы 29 желтоқсандағы № 29/5 «2011-2013 жылдарға арналған Өскемен қаласының бюджетi туралы» (нормативтiк құқықтық актiлердi мемлекеттiк тiркеу Тiзiлiмiнде 5-1-155 нөмiрiмен тiркелген) шешiмiн ескере отырып, Өскемен қаласының әкiмдiгi ҚАУЛЫ ЕТЕДI:
1. Қазақстан Республикасы және облыс алдындағы ерекше еңбегi үшiн зейнетақы тағайындалған Ұлы Отан Соғысының мүгедектерi мен қатысушыларына және оларға теңестiрiлгендерге жатпайтын тұлғаларға 2011 жылы коммуналдық қызметтер бойынша шығындар өтемақысына 2000 (екi мың) теңге мөлшерiнде өтiнiш иесi «Өскемен қаласының жұмыспен қамту және әлеуметтiк бағдарламалар бөлiмi» мемлекеттiк мекемесiне (бұдан әрi – Бөлiм) келесi құжаттарды ұсынғанда ай сайынғы материалдық көмек көрсетiлсiн:
1) көмек көрсету туралы өтiнiш;
2) жеке басын растайтын құжат;
3) салық төлеушiнiң тiркеу нөмiрi;
4) Өскемен қаласында тiркелiмiн растайтын құжат;
5) Қазақстан Республикасы және облыс алдында ерекше еңбегi бар зейнеткердiң мәртебесiн растайтын құжат.
Құжаттар салыстыру үшiн түпнұсқа және көшiрме түрiнде ұсынылады, одан кейiн түпнұсқалар өтiнiш иесiне қайтарылады.
2. Бөлiм әр айдың 15-не дейiн мемлекеттiк зейнетақы төлеу бойынша орталығының Өскемен қалалық бөлiмшесiнен Қазақстан Республикасы және облыс алдында ерекше еңбегi бар зейнеткерлердiң тiзiмiн (қағаз және электронды тасымалдаушы түрiнде) салыстыру үшiн сұрайды.
3. Материалдық көмек қажеттi құжаттарды және өтiнiш берген сәттен бастап тағайындалады, төлем ай сайын ағымдағы айдың 30-на дейiн Бөлiммен жүргiзiледi.
4. Алушы қайтыс болған жағдайда материалдық көмек қайтыс болған айға қоса төленедi.
5. Осы қаулының орындалуын бақылау қала әкiмiнiң орынбасары А.Қ. Нұрғазиевқа жүктелсiн.
6. Осы қаулы оның алғашқы ресми жарияланған күнiнен кейiн қолданысқа енгiзiледi және 2011 жылдың 1 қаңтарынан туындаған құқықтық қатынастарға таралады.
Өскемен қаласы әкiмiнiң
мiндетiн атқарушы О. Желякова
