Ескерту. Күші жойылды - Ақмола облысы Сандықтау аудандық мәслихатының 26.08.2013 № 17/8 (қол қойылғаннан кейін күшіне және қолданысқа енеді) шешімімен.
РҚАО ескертпесі:
Мәтінде авторлық орфография және пунктуация сақталған.
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 97 бабына, Қазақстан Республикасы Үкіметінің 2009 жылғы 30 желтоқсандағы № 2314 қаулысымен бекітілген тұрғын үй көмегін көрсету ережесіне сәйкес, Сандықтау аудандық мәслихаты ШЕШІМ ЕТТІ:
1. Сандықтау аудандық мәслихатының «Сандықтау ауданында тұратын аз қамтылған отбасыларына (азаматтарға) тұрғын үй көмегін көрсету ережесін бекіту туралы» 2012 жылғы 20 сәуірдегі № 3/3 (нормативтік құқықтық актілерді мемлекеттік тіркеу тізілімінде 1-16-153 нөмірімен тіркелген, «Сандыктауские вести» аудандық газетінде 2012 жылдың 25 мамырында жарияланған) шешіміне келесі өзгерістер мен толықтыру енгізілсін:
жоғарыда аталған шешіммен бекітілген, Сандықтау ауданында тұратын аз қамтылған отбасыларына (азаматтарға) тұрғын үй көмегін көрсету ережесінде:
1 тармақ жаңа редакцияда баяндалсын:
«1. Тұрғын үй көмегі Сандықтау ауданында тұрақты тұратын аз қамтылған отбасыларына (азаматтарға) аудандық бюджеттің қаражаты есебінен шығындарды өтеу үшін төлемдер бойынша:
жекешелендiрiлген тұрғын үй-жайларда (пәтерлерде) тұратын немесе мемлекеттiк тұрғын үй қорындағы тұрғын үй-жайларды (пәтерлердi) жалдаушылар (қосымша жалдаушылар) болып табылатын отбасыларға (азаматтарға) тұрғын үйді (тұрғын ғимаратты) күтіп-ұстауға жұмсалатын шығыстары;
тұрғын жайдың меншiк иелерi немесе жалдаушылары (қосымша жалдаушылары) болып табылатын отбасыларға (азаматтарға) коммуналдық қызметтердi және телекоммуникация желісіне қосылған телефонға абоненттік ақының өсуі бөлігінде байланыс қызметтерін тұтынуына;
жергiлiктi атқарушы орган жеке тұрғын үй қорынан жалға алған тұрғын жайды пайдаланғаны үшiн жалға алу ақысын төлеуге;
жекешелендірілген үй-жайларда (пәтерлерде), жеке тұрғын үйде тұрып жатқандарға тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептеуіштің құнын төлеуге беріледі.»;
2 тармақ жаңа редакцияда баяндалсын:
«2. Аз қамтылған отбасылардың (азаматтардың) тұрғын үй көмегiн есептеуге қабылданатын шығыстары жоғарыда көрсетiлген бағыттардың әрқайсысы бойынша шығыстардың сомасы ретiнде айқындалады.
Тұрғын үй көмегi отбасыларға (азаматтарға) тұрғын үйді (тұрғын ғимаратты) күтіп-ұстауға арналған шығыстар төлемдері, коммуналдық қызметтер мен телекоммуникация желiсiне қосылған телефонға абоненттiк төлемақы ұлғаюы бөлiгiнде байланыс қызметтерi үшiн, тұрғын үйдi пайдаланғаны үшiн, жеке тұрғын үйде, жекешелендірілген үй-жайларда (пәтерлерде) пайдалануда тұрған дәлдік сыныбы 2, 5 электр энергиясын бір фазалық есептеуіштің орнына орнатылатын тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептегішін сатып алу үшін жалға алу ақысының тұтыну нормалары шегiнде ақы төлеу сомасы мен отбасының осы мақсаттарға жұмсаған шығыстарының шектi жол берiлетiн деңгейiнiң арасындағы айырма ретiнде айқындалады.
Тұрғын үйді ұстауға және коммуналдық қызметтерді тұтынуға ақы төлеуге шығуы мүмкін шығындар үлесінің шегі отбасының жиынтық табысының 15% мөлшерінде белгіленеді.»;
4 тармақ жаңа редакцияда баяндалсын:
«4. Жергілікті жылумен қатты отынды тұтынуға өтемақы нормасы жылу кезеңіне пайдалы алаңына 1 шаршы метрге 114,7 килограмм мөлшерінде белгіленсін, бірақ отбасына өтініш тастаған тоқсанына 5 тоннадан артық емес.
Статистикалық мәліметке сәйкес өткен тоқсанда құрылған көмірдің орташа бағасы қабылдансын.»;
11 тармақ 7 тармақшамен толықтырылсын:
«7) Жекешелендірілген тұрғын үйлерде (пәтерлерде), жеке тұрғын үйлерде тұрып жатқан тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептегіш құнының түбіртек-шоты.»;
18 тармақ жаңа редакцияда баяндалсын:
«18. «Сандықтау ауданының жұмыспен қамту және әлеуметтік бағдарламалар бөлімі» мемлекеттік мекемесі, егер телекоммуникация желісіне қосылған телефон үшін абоненттік төлемақының, тұрғын үйді пайдалануға үшін жалға алу ақысының ұлғаюы бөлігінде кондоминиум объектілерінің ортақ мүлкін күрделі жөндеу ақысы және (немесе) күрделі жөндеуге қаражат жинақтауға арналған жарналар коммуналдық және абоненттік телефонға қызметтер байланыс қызметтерін тұтыну, жекешелендірілген тұрғын үйлерде (пәтерлерде), жеке тұрғын үйлерде тұрып жатқан тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептегіштің құнын отбасының осы мақсаттарға жергілікті белгіленген шығыстарының шекті жол берілетін деңгейінен аспайтын болса, мемлекеттік қызмет ұсынудан бас тартады тұрғын үйді пайдаланғаны үшін жалға белгіленген 15% шығыстарының шекті деңгейінен аспайтын болса тұрғын үй көмегін көрсетуден бас тартылады.
Тұрғын үйдің меншік иелері немесе жалдаушылармен (қосымша жалдаушылармен) жалған мәліметтер көрсетілген жағдайда тұрғын үй көмегін төлеу тоқтатылады.».
2. Осы шешім Ақмола облысының Әділет департаментінде мемлекеттік тіркелген күннен бастап күшіне енеді және ресми жарияланған күннен бастап қолданысқа енгізіледі.
Аудандық мәслихат
сессиясының төрағасы,
Аудандық мәслихаттың
хатшысы С.Клюшников
«КЕЛІСІЛДІ»
Сандықтау ауданының әкімі Қ.Сүйіндіков
