Ескерту. Тақырыбына өзгеріс енгізілді - Алматы облысы Еңбекшіқазақ аудандық мәслихатының 2012.09.06 N 10-2 (жарияланғаннан кейін күнтізбелік он күн өткен соң қолданысқа енгізіледі) Шешімімен.
РҚАО ескертпесі.
Мәтінде авторлық орфография және пунктуация сақталған.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабы 1-тармағының 15)-тармақшасына, Қазақстан Республикасының 2005 жылғы 8 шілдедегі "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Заңының 7-бабы 3-тармағының 4)-тармақшасына, 18-бабы 4–тармағына және Еңбекшіқазақ ауданы әкімінің 2012 жылғы 18 сәуірдегі N 09-01/759 ұсынысының негізінде Еңбекшіқазақ аудандық мәслихаты ШЕШІМ ҚАБЫЛДАДЫ:
1. Еңбекшіқазақ ауданы бойынша ауылдық елді мекендерінде жұмыс істейтін денсаулық сақтау, әлеуметтік қамсыздандыру, білім беру, мәдениет, спорт және ветеринария мамандарына жиырма бес процент жоғары айлықақы мен тарифтік ставкалар белгіленсін.
Ескерту. 1-тармаққа өзгеріс енгізілді - Алматы облысы Еңбекшіқазақ аудандық мәслихатының 2012.09.06 N 10-2 (жарияланғаннан кейін күнтізбелік он күн өткен соң қолданысқа енгізіледі) Шешімімен.
2. Осы шешімнің орындалуын бақылау аудандық мәслихаттың әлеуметтік сала, білім, мәдениет және ұлтаралық қатынастар жөніндегі тұрақты комиссиясына жүктелсін.
3. Осы шешім алғаш ресми жарияланғаннан кейін күнтізбелік он күн өткен соң қолданысқа енгізілсін.
| Аудандық мәслихаттың | |
| 6-сессиясының төрайымы | Г. Үмекова |
| Аудандық мәслихат хатшысы | Ә. Талқамбаев |
| КЕЛІСІЛДІ: | |
| "Еңбекшіқазақ ауданының | |
| экономика және бюджеттік | |
| жоспарлау бөлімі" мемлекеттік | |
| мекемесінің бастығы | Жәкеев Ермек Ильянұлы |
