«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31 бабының 2 тармағына, «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңының 97-бабының 1 тармағына және «Мемлекеттік тұрғын үй қорындағы тұрғын үйді пайдаланғаны үшін төлемақы мөлшерін есептеу әдістемесін бекіту туралы» Қазақстан Республикасының Құрылыс және Тұрғын үй-коммуналдық шарушылық істері агенттігі төрағасының 2011 жылғы 26 тамыздағы № 306 бұйрығына сәйкес, Жаңаөзен қаласы әкімдігі ҚАУЛЫ ЕТЕДІ:
1. Жаңаөзен қаласындағы мемлекеттік тұрғын үй қорындағы «Рауан» шағынауданында орналасқан, 200 пәтерлі тұрғын үйді пайдаланғаны үшін төлемақы мөлшері қосымшаға сәйкес белгіленсін.
2. Осы қаулының орындалуын бақылау қала әкімінің орынбасары Н.Худибаевқа жүктелсін.
3. Осы қаулы әділет органдарында мемлекеттік тіркелген күннен бастап күшіне енеді және алғаш ресми жариялағаннан кейін күнтізбелік он күн өткен соң қолданысқа енгізіледі.
Қала әкімі С. Трұмов
Келісілді:
«Жаңаөзен қалалық тұрғын-үй коммуналдық
шаруашылығы, жолаушылар көлігі және
автомобиль жолдары бөлімі» мемлекеттік
мекемесінің бастығы
Е.Қайыров
02 шілде 2012 жыл
«Жаңаөзен қалалық қаржылар бөлімі»
мемлекеттік мекемесінің бастығы
Р. Джантлеуова
02 шілде 2012 жыл
2012 жылғы 02 шілде 2012 жыл № 271
Жаңаөзен қаласы әкімдігінің қаулысына
қосымша
Мемлекеттік тұрғын үй қорындағы «Рауан» шағынауданында орналасқан, 200 пәтерлі тұрғын үйді пайдаланғаны үшін төлемақы мөлшері
Кондоминиум объектiсiнiң құрамына жатпайтын мемлекеттiк тұрғын үй қорындағы тұрғын үйдi пайдаланғаны үшiн алынатын төлемақының мөлшерiн есептеу кезінде мынадай көрсеткіштер қолданылады:
А – кондоминиум объектiсiнiң құрамына жатпайтын мемлекеттiк тұрғын үй қорындағы тұрғын үйдi пайдаланғаны үшiн төлемақы мөлшерi (айына 1 шаршы метр үшiн, теңге);
Ц – тұрғын үйдің жалпы көлемінің 1 шаршы метрін салудың (сатып алудың) құны (теңге);
Т – ғимараттың қызмет көрсету есептік мерзімі, жыл;
Р – пайдалануға, тұрғын үйдің ағымдағы және күрделі жөнделуіне, сондай-ақ жер учаскесін күтуіне қажетті көлемнің сомасы (айына 1 шаршы метр үшін теңге);
Пайдаланғаны үшін айына алынатын төлемақы мөлшері мынадай есептеледі:
Кондоминимум объектісінің құрамына жатпайтын мемлекеттік тұрғын үй қорындағы тұрғын үй, сондай-ақ жаңа салынған және пайдалану мерзімі 20 жылға дейін түрғын-үй үшін мынадай формула бойынша:
А= Ц/Т/12+Р
Ц – 1 572 540 460 теңге (құрылыстың құны) / 18763 м2 (тұрғын үй ғимаратындағы тұрғын үйдің жалпы ауданы) = 83 810,72 тенге;
Р =0;
Т=140 жыл;
А=83 810,72 /140/12+0=49,89 теңге;
Мысалы:1 бөлмелі пәтердің жалпы ауданы 58,2 шм
А=49,89х58,2=2903,60 теңге бір айға
