Ескерту. Күші жойылды - Шығыс Қазақстан облысы әкімдігінің 27.12.2013 N 339 қаулысымен.
РҚАО ескертпесі.
Мәтінде авторлық орфография және пунктуация сақталған
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабы 1-тармағының 2) тармақшасына, «Мемлекеттiк мүлiк туралы» Қазақстан Республикасының 2011 жылғы 1 наурыздағы Заңының 17-бабының 1) тармақшасына, 75-бабының 3-тармағына және «Мемлекеттік мүлік туралы» Қазақстан Республикасының 2011 жылғы 1 наурыздағы Заңын іске асыру жөніндегі шаралар туралы» Қазақстан Республикасы Премьер-Министрінің 2011 жылғы 18 сәуірдегі № 49-ө өкіміне сәйкес Шығыс Қазақстан облысының әкімдігі ҚАУЛЫ ЕТЕДІ:
1. Қоса берiлiп отырған Шығыс Қазақстан облысының коммуналдық мүлкін сенiмгерлiк басқаруға беру ережесі бекiтiлсiн.
2. Осы қаулы алғаш рет ресми жарияланған күнінен кейін он күнтiзбелiк күн өткен соң қолданысқа енгiзiледi.
Облыс әкімі Б. Сапарбаев
Шығыс Қазақстан облысы
әкімдігінің
2012 жылғы 2 сәуірдегі
№ 68 қаулысымен
бекiтiлген
Шығыс Қазақстан облысының
коммуналдық мүлкін сенімгерлік басқаруға беру
ережесі
1. Жалпы ережелер
1. Осы Ереже «Мемлекеттiк мүлiк туралы» Қазақстан Республикасының 2011 жылғы 1 наурыздағы Заңына (бұдан әрi - Заң) сәйкес әзiрлендi және мемлекеттiк коммуналдық меншiк объектiлерiн сенiмгерлiк басқаруға берудiң, оның iшiнде тендер өткiзудiң, сенiмгерлiк басқарушылармен шарттар жасасудың және сенiмгерлiк басқару шарттары бойынша мiндеттемелердiң орындалуын бақылауды жүзеге асырудың тәртiбiн айқындайды.
2. Осы Ережеде мынадай негiзгi ұғымдар пайдаланылады:
1) басқару органы - акционерлiк қоғам (жауапкершiлiгi шектеулi серiктестiк) акцияларының мемлекеттiк пакетiн (жарғылық капиталдағы қатысу үлесiн) иелену және пайдалану құқығын және/немесе коммуналдық мемлекеттiк кәсiпорынды басқаруды жүзеге асыратын тиiстi саланың уәкiлеттi органы;
2) нарықтық құн - кейiннен сатып алу құқығымен сенiмгерлiк басқаруға беру туралы шешiм қабылданған жағдайда, Қазақстан Республикасының бағалау қызметi туралы заңнамасына сәйкес бағалаушының бағалау туралы есебі негiзiнде айқындалатын объектiнiң құны;
3) объект - мемлекетке тиесiлi мемлекеттiк кәсiпорынның мүлiктiк кешенi, бағалы қағаздар, мүлiктiк құқықтар (жарғылық капиталдағы қатысу үлестерi), ақша, сондай-ақ Қазақстан Республикасының Азаматтық кодексiнде және Қазақстан Республикасының өзге де заңдарында көзделген жағдайларда сенiмгерлiк басқару шартының объектiсi болып табылатын өзге мемлекеттiк коммуналдық мүлiк;
4) коммуналдық мүлiктi сенiмгерлiк басқарудың құрылтайшысы – коммуналдық мүлiкті басқаруға уәкiлеттi, жергілікті бюджеттен қаржыландырылатын атқарушы мемлекеттік орган;
5) сенiмгерлiк басқарушы - коммуналдық мүлiктi сенiмгерлiк басқарудың құрылтайшысымен сенiмгерлiк басқару шартын жасасқан жеке немесе мемлекеттiк емес заңды тұлға;
6) тендер жеңiмпазы - тендерлiк комиссияның қорытындысы бойынша ең жақсы шарттарды ұсынған тендерге қатысушы;
7) тендер - коммуналдық мүлiктi сенiмгерлiк басқарудың құрылтайшысы өзi ұсынған шарттардың негiзiнде тендер жеңiмпазымен шарт жасасуға мiндеттенетiн, объектiнi сенiмгерлiк басқаруға беру жөнiндегi конкурстық сауда-саттық нысаны;
8) тендерлiк комиссия - коммуналдық мүлiктi сенiмгерлiк басқарудың құрылтайшысы объектiнi сенiмгерлiк басқаруға беру жөнiндегi тендердi ұйымдастыру және өткiзу үшiн құрған комиссия;
9) тендерге қатысушы - тендерге қатысуға жiберiлген жеке (оның ішінде жеке кәсіпкер) немесе заңды тұлға;
10) шарт - коммуналдық мүлiктi сенiмгерлiк басқарудың құрылтайшысы мен сенiмгерлiк басқарушының арасында жасалатын объектiнi сенiмгерлiк басқару шарты.
2. Объектiнi сенiмгерлiк басқаруға беру тәртiбi
3. Объектiнi кейiннен сатып алу құқығымен сенiмгерлiк басқаруға беру туралы, сондай-ақ кейіннен сатып алу құқығынсыз рентабельді емес коммуналдық мемлекеттік кәсіпорындарды, мемлекеттік емес заңды тұлғалардың жарғылық капиталындағы мемлекет қатысатын акция пакеттерін және қатысу үлестерін сенiмгерлiк басқаруға беру туралы шешiмдi жергілікті атқарушы орган қабылдайды.
4. Объектiнi кейiннен сатып алу құқығынсыз сенiмгерлiк басқаруға беру туралы шешiмдi, осы Ереженің 3-тармағында көрсетілгендерді қоспағанда, коммуналдық мүлiктi сенiмгерлiк басқарудың құрылтайшысы қабылдайды.
5. Кейiннен сатып алу құқығымен немесе рентабельдi емес мемлекеттiк кәсiпорындарды оңалту үшiн объектiнi сенiмгерлiк басқаруды құрған жағдайда тендер өткiзу мiндеттi болып табылады.
6. Рентабельдi емес кәсiпорындарды басқаруды жүзеге асыратын мемлекеттiк органдар рентабельдi емес коммуналдық мемлекеттік кәсiпорындарды сенiмгерлiк басқаруға беру жөнiндегi ұсыныстарды коммуналдық мүлiктi сенiмгерлiк басқарудың құрылтайшысына енгiзедi.
Осы Ереженің мақсатында рентабельдi емес кәсiпорындарға мынадай өлшемдерге жауап беретiн коммуналдық мемлекеттiк кәсiпорындар жатады:
1) үш жылдың iшiнде ағымдағы, негiзгi және негiзгi емес қызметтiң рентабельдiлiгi көрсеткiштерiнiң төмендеуi және/немесе олардың жоспарланған мөлшерін қамтамасыз етпеуi;
2) қатарынан үш жылдың iшiнде таза табыс бойынша жоспарлы көрсеткiштердi орындамауы.
7. Объектiнi сенiмгерлiк басқаруға берудің негізгі шарттары болып:
объектiге салынған инвестициялардың көлемдерi, түрлерi және мерзiмдерiне;
өндiрiс көлемдерiне, шығарылатын өнiмнiң немесе көрсетiлетiн қызметтердiң түрлерi мен номенклатурасына;
нақты тұтынушыларға өнiмдi жеткiзуге;
баға белгiлеуге, оның iшiнде бағалардың шектi деңгейi бойынша шектеулерге;
табиғат қорғау iс-шараларын өткiзуге;
қолда бар санды сақтап қалуға немесе жаңа жұмыс орындарын құруға;
өндiрiстiк және әлеуметтiк инфрақұрылым объектiлерiн пайдалану тәртiбiне;
объектiнiң берешектерiн белгiленген мерзiмдерде өтеуге;
объектiнi кейiн сенiмгерлiк басқарушының сатып алуына;
мәмiлелер жасасуға және/немесе белгiлi бiр уақыт кезеңi iшiнде объектiге қатысты айқындалған әрекеттерге тыйым салуға;
объектiнiң нарықтық құнын төлеу үшiн бөлiп төлеудi ұсынуға;
объектiнi сенiмгерлiк басқаруға беру кезiнде туындайтын салықтық мiндеттемелерге қатысты сенiмгерлiк басқарушының мiндеттемелерi табылады.
Басқару органы кәсiпорындар қызметiнiң ерекшелiгiн ескере отырып қосымша өлшемдердi ұсынуы мүмкiн, олар тендер өткізу туралы тендерлік құжаттамаға және ақпараттық хабарламаға енгізіледі.
8. Объектiлердi кейiннен сатып алу құқығынсыз сенiмгерлiк басқаруға беру мынадай жағдайларда тендер өткiзбестен жүзеге асырылады:
1) объектiлердi заңды тұлғалардың жарғылық капиталын төлеу есебiне бергенге дейiн;
2) теңгерiм ұстаушылардың жазбаша келiсiмi негiзiнде алаңы үш жүз шаршы метрге дейiнгi үй-жайларды, ғимараттар мен құрылыстарды, қалдық құны ең төменгi есептi көрсеткiштен үш жүз еседен артпайтын жабдықты бергенде;
3) теңгерiм ұстаушылардың жазбаша келiсiмi негiзiнде ерекше режимдегi объектiлерге жататын мемлекеттiк мекемелердiң теңгерiмiнде тұрған мүлiктi бергенде.
9. Объектiнi сенiмгерлiк басқаруға тендер өткiзбестен берген кезде мүдделi тұлғаның объектiнi сенiмгерлiк басқаруға беруге арналған ерiктi нысандағы өтiнiмiне мынадай құжаттар қоса берiледi:
1) теңгерiм ұстаушының объектiнi сенiмгерлiк басқаруға беруге жазбаша келiсiмi;
2) объектiнiң қажеттiлiгiне негiздеме;
3) заңды тұлғалар үшiн - салыстыру үшiн мiндеттi түрде түпнұсқасын ұсына отырып, мемлекеттiк тiркеу (қайта тiркеу) туралы куәлiктiң, құрылтай құжаттардың (құрылтай шарты және жарғы), салық төлеушi куәлiгiнiң көшiрмелерi не аталған құжаттардың нотариалды куәландырылған көшiрмелерi, салықтық берешектiң, өтiнiм беру күнiнiң алдындағы соңғы үш айдан астам мiндеттi зейнетақы жарналары мен әлеуметтiк аударымдар бойынша берешектiң жоқ екенi туралы анықтаманың түпнұсқасы;
жеке тұлғалар үшiн - салыстыру үшiн мiндеттi түрде түпнұсқасын ұсына отырып, жеке тұлғаның жеке басын куәландыратын құжаттың, салық төлеушi куәлiгiнiң көшiрмелерi не аталған құжаттардың нотариалды куәландырылған көшiрмелерi;
жеке кәсiпкер үшiн - салыстыру үшiн мiндеттi түрде түпнұсқасын ұсына отырып, жеке кәсiпкердi мемлекеттiк тiркеу туралы куәлiктiң, жеке тұлғаның жеке басын куәландыратын құжаттың, салық төлеушi куәлiгiнiң көшiрмелерi не аталған құжаттардың нотариалды куәландырылған көшiрмелерi, салықтық берешектiң, өтiнiм беру күнiнiң алдындағы соңғы үш айдан астам мерзімде мiндеттi зейнетақы жарналары мен әлеуметтiк аударымдар бойынша берешектiң жоқ екенi туралы анықтаманың түпнұсқасы.
10. Объектiнi тендер өткiзбестен сенiмгерлiк басқаруға беру кезінде объектіні сенімгерлік басқаруға беруге арналған өтiнiмдi коммуналдық мүлiктi сенiмгерлiк басқарудың құрылтайшысы жетi жұмыс күнiнен аспайтын мерзiмде қарайды.
11. Объектiнi тендер өткiзбестен сенiмгерлiк басқаруға беру кезiнде коммуналдық мүлiктi сенiмгерлiк басқару құрылтайшысының басшысы, немесе оның міндетін атқарушы тұлға сенiмгерлiк басқарушымен өтiнiм берген күннен бастап он бес жұмыс күнiнен кешiктiрмей шарт жасасады.
3. Объектiнi сенiмгерлiк басқаруға беруге дайындау
12. Объектiнi сенiмгерлiк басқаруға беруге дайындауды коммуналдық мүлiктi сенiмгерлiк басқарудың құрылтайшысы жүзеге асырады.
13. Басқару органы коммуналдық мүлiктi сенiмгерлiк басқарудың құрылтайшысына акциялары (үлестерi) не мүлiктiк кешенi объектi болып табылатын заңды тұлғаның құрылтай құжаттарын, соңғы үш жылдағы қаржылық-шаруашылық қызметi туралы толық ақпаратты, объектiнi кейiннен сатып алу құқығымен немесе құқығынсыз сенiмгерлiк басқаруға беру жөнiндегi шарттарды белгiлеу туралы ұсыныс бередi.
Өзге объектiлер бойынша басқару органы коммуналдық мүлiктi сенiмгерлiк басқарудың құрылтайшысына объектiнiң сипаттамасын, объектiнiң теңгерiмдiк құны туралы мәлiметтердi және объектiнi кейiннен сатып алу құқығымен немесе құқығынсыз сенiмгерлiк басқаруға беру жөнiндегi шарттарды белгiлеу туралы ұсыныс бередi.
14. Мемлекеттiк заңды тұлғалардың, сондай-ақ акциялары мен жарғылық капиталдарындағы мемлекеттiң қатысу үлестерi сенiмгерлiк басқаруға беру объектiсi болып табылатын мемлекеттiк емес заңды тұлғалардың лауазымды адамдары коммуналдық мүлiктi сенiмгерлiк басқару құрылтайшысының жазбаша сұрау салуы бойынша олар белгiлеген мерзiмде объектiнi сенiмгерлiк басқаруға беруге дайындау үшiн қажеттi мәлiметтердi бередi және берiлген мәлiметтердiң дұрыстығына жауапты болады.
4. Тендер өткiзуге дайындық
15. Коммуналдық мүлiктi сенiмгерлiк басқарудың құрылтайшысы сенiмгерлiк басқаруды құру мақсатында:
1) тендер ұйымдастырады (тендерлiк комиссияның құрамы мен жұмыс регламентiн бекiтедi, тендерге қатысушыларды тiркейдi, ақпараттық хабарламалардың жариялануын қамтамасыз етедi);
2) кепiлдiк жарналарды қабылдайды;
3) Қазақстан Республикасының бағалау қызметi туралы заңнамасына сәйкес объектiнi бағалауды жүргiзуге шарттар жасайды;
4) тендердiң өткiзiлу барысын бақылауды жүзеге асырады;
5) тендерге қатысушылар және бағалаушылармен тендер өткiзу рәсiмдерiне байланысты есептердi жүзеге асырады;
6) сенiмгерлiк басқарушымен шарт жасасады;
7) объектiнi сенiмгерлiк басқаруға беруге байланысты өзге де функцияларды жүзеге асырады.
16. Тендердi ұйымдастыру және өткiзу үшiн коммуналдық мүлiктi сенiмгерлiк басқарудың құрылтайшысы тұрақты тендерлiк комиссия құрады.
Тендерлiк комиссияның құрамына коммуналдық мүлiктi сенiмгерлiк басқару құрылтайшысының, басқару органының өкiлдерi (келiсiм бойынша) енгізіледі. Төраға мен хатшы коммуналдық мүлiктi сенiмгерлiк басқару құрылтайшысының өкiлдерi болып табылады. Тендерлiк комиссия құрамы тақ саннан құралып, кемiнде бес адамнан тұруы тиіс. Хатшы тендерлiк комиссияның мүшесi болып табылмайды.
17. Тендерлiк комиссия мынадай функцияларды жүзеге асырады:
1) кепiлдiк жарнаның мөлшерiн бекiтедi;
2) тендердiң шарттары мен қажет болған жағдайда сенiмгерлiк басқарушыға қойылатын талаптарды айқындайды;
3) тендер өткiзедi;
4) тендер жеңiмпазын жариялайды.
18. Тендерлiк комиссияның хатшысы тендердi ұйымдастыруға және өткiзуге қажеттi құжаттарды дайындайды және тендерлiк комиссияның хаттамасын ресiмдейдi.
19. Тендердi өткiзуге дайындық кезiнде коммуналдық мүлiктi сенiмгерлiк басқарудың құрылтайшысы объектi туралы ақпарат жинауды, ақпараттық хабарламаның уақтылы жариялануын қамтамасыз етедi, тендерге қатысуға өтiнiмдер қабылдауды және тiркеудi, бағалауды (объектiнi кейiн сатып алу құқығымен сенiмгерлiк басқаруға берген жағдайда) жүргiзедi, келiп түскен материалдарды тендерлiк комиссияның қарауына бередi.
5. Тендерлiк құжаттама
20. Тендер өткiзу туралы ақпараттық хабарлама тендер өткiзудiң жарияланған күнiне дейiн кемiнде он бес күнтiзбелiк күн бұрын, ал коммуналдық меншіктегі акционерлiк қоғамдардың акциялары мен жауапкершiлiгi шектеулi серiктестiктердiң жарғылық капиталындағы қатысу үлестерiн сенiмгерлiк басқаруға беру кезiнде - тендердi өткiзгенге дейiн кемiнде отыз күнтiзбелiк күн бұрын мерзiмдi баспасөз басылымдарында мемлекеттiк және орыс тiлдерiнде жарияланады, онда мынадай мәлiметтер қамтылады:
1) тендердiң шарттары мен тендер жеңiмпазын анықтау өлшемдерi;
2) тендер объектiсiнiң қысқаша сипаттамасы;
3) тендердi өткiзу күнi, уақыты мен орны;
4) тендерге қатысуға өтiнiм бар конвертті ұсынудың тәртiбi, тәсiлi, орны мен соңғы мерзiмi және тендерге қатысуға өтінімдердің талап етілетін қолданыс мерзімі;
5) кепiлдiк жарнаның мөлшерi мен оны енгiзу үшiн банктiң деректемелерi (кепілдік жарнаның мөлшерін ақпараттық хабарлама жарияланғаннан кейін өзгертуге болмайды);
6) сенiмгерлiк басқарушыға қойылатын талаптар;
7) мемлекеттiк басқару органдары ұсынған қосымша мәлiметтер.
21. Тендерлiк комиссия тендердiң шарттарын өзгерткен жағдайда барлық өзгертулер жөніндегі хабарлама осы Ереженің 20-тармағында белгiленген тәртiппен және мерзiмде жариялануы тиiс.
Тендердiң шарттары өзгергендігі туралы хабарлама жарияланғанға дейiн тендерге қатысуға өтiнiм берген және осыған байланысты тендерге қатысудан бас тартқан тұлғалар кепiлдiк жарнаны толық көлемде және олардың шығарған шығындарын қайтаруды талап етуге құқылы.
22. Акциялары (қатысу үлестері) немесе мүліктік кешені сенiмгерлік басқару объектiсi болып табылатын әрбiр заңды тұлға бойынша ақпараттық хабарлама жарияланғанға дейiн коммуналдық мүлiктi сенiмгерлiк басқарудың құрылтайшысы мынадай құжаттардың көшiрмелерiнен тұратын құжаттар пакетiн дайындауы тиiс:
1) заңды тұлғаны тiркеу туралы куәлiк;
2) жарғы;
3) эмиссияны тiркеу туралы куәлiк (акционерлiк қоғамдар үшiн);
4) есептi кезеңнiң алдындағы үш жылдағы қосымшаларымен бухгалтерлiк теңгерiмдер;
5) Жарғылық капиталдарында мемлекет қатысуымен мемлекеттiк кәсiпорындар мен мекемелердiң, заңды тұлғалардың тiзiлiмiнен үзiндi көшірме.
Құжаттар пакетiне коммуналдық мүлiктi сенiмгерлiк басқару құрылтайшысының тапсырмасы бойынша тәуелсiз консультанттар өткізген объектінің қызметі және басқару тиiмдiлiгi мониторингісі негiзiнде қосымша мәлiметтер қамтылуы мүмкiн.
Ақпараттық хабарлама жарияланғаннан кейiн коммуналдық мүлiктi сенiмгерлiк басқарудың құрылтайшысы тендерге қатысушы болуға тiлек бiлдiргендердің объектi туралы ақпаратқа қолжетiмдiлiгін қамтамасыз етедi.
23. Тендерге қатысушылар тендер өткiзу туралы ақпараттық хабарламада көрсетiлген мөлшерде, мерзiмде және тәртiппен кепiлдiк жарна енгiзедi. Кепiлдiк жарнаның мөлшерiн ақпараттық хабарлама жарияланғаннан кейiн өзгертуге болмайды. Кепiлдiк жарнаны қатысушының атынан кез келген жеке немесе заңды тұлға енгiзе алады. Кепiлдiк жарнаны алушы коммуналдық мүлiктi сенiмгерлiк басқарудың құрылтайшысы болып табылады.
24. Тендерге қатысу үшiн кепiлдiк жарна әрбiр объект үшiн оның нарықтық құнының немесе теңгерiмдiк құнының (объектiнi кейiннен сатып алу құқығынсыз сенiмгерлiк басқаруға берген жағдайда) он пайызы мөлшерінде бөлек белгiленедi.
25. Кепiлдiк жарна қатысушының мынадай мiндеттемелерiн қамтамасыз ету болып табылады:
1) жеңген жағдайда тендердiң нәтижелерi туралы хаттамаға қол қою;
2) коммуналдық мүлiктi сенiмгерлiк басқарудың құрылтайшысымен шарт жасасу.
26. Осы Ереженің 21-тармағының екінші бөлімінде қарастырылған жағдайларды қоспағанда, егер олар тендер өткiзiлгенге дейiн кемiнде үш күн бұрын оған қатысудан бас тартқан жағдайда коммуналдық мүлiктi сенiмгерлiк басқарудың құрылтайшысы тендерге қатысушыларға кепiлдiк жарнаны қайтармайды.
27. Осы Ереженің 24 және 43-тармақтарында аталғандардан басқа барлық жағдайларда кепiлдiк жарна тендер аяқталған күннен бастап он банктiк күннен кешiктiрiлмейтiн мерзiмде, ал егер ақша коммуналдық мүлiктi сенiмгерлiк басқару құрылтайшысының шотына тендер өткiзiлгеннен кейiн түссе, онда олар түскен күннен бастап банктiк он күн iшiнде қайтарылады.
Кепiлдiк жарналар осы қатысушының деректемелерi көрсетiлген, кепiлдiк жарнаны қайтару туралы тендерге қатысушы берген өтiнiш негiзiнде қайтарылады.
6. Тендердi өткiзу
28. Тендерге қатысушыларды тiркеу ақпараттық хабарлама жарияланған күннен бастап жүргiзiледi және тендер басталғанға дейiн жиырма төрт сағат бұрын аяқталады.
29. Тендерге қатысушы ретiнде тiркелу үшiн мыналарды:
1) тендерге қатысушының оны тендер жеңiмпазы деп жариялаған жағдайда ақпараттық хабарламада көрсетiлген және тендерге қатысушының өзі ұсынған тендер талаптарында шарт жасасуға жазбаша мiндеттемесiн бiлдiретiн осы Ереженің 1-қосымшасында белгіленген үлгідегі тендерге қатысуға өтiнiмдi;
2) басқа құжаттардан бөлек желiмделген конвертте тендерге байланысты құжаттаманы қоса бере отырып, жазбаша түрде тендер шарттары бойынша ұсыныстарды;
3) банктiң (банктердiң) мөрi басылған бiрiншi басшы немесе қол қоюға құқығы бар адам және бас бухгалтер қол қойған тендерлiк өтiнiмдер бар конверттердi ашу күнiнiң алдында кемiнде үш ай бұрын банк (банктер) алдында тендердiң ықтимал қатысушысының мерзiмi өткен берешегiнiң жоқ екенi туралы анықтаманы. Егер тендерге ықтимал қатысушы екiншi деңгейдегi бiрнеше банктiң, сондай-ақ шет ел банкiнiң клиентi болып табылған жағдайда, осы анықтама осындай банктердiң әрқайсысынан ұсынылады;
4) Қазақстан Республикасының заңнамасымен аудиттi мiндеттi өткiзу белгiленген заңды тұлғалардың соңғы қаржы жылындағы аудиторлық есебiн;
5)салыстырып тексеру үшiн түпнұсқасын мiндеттi түрде ұсына отырып, заңды тұлғаны мемлекеттiк тiркеу (қайта тiркеу) туралы куәлiктiң көшiрмесiн не көрсетiлген түпнұсқаның нотариалды куәландырылған көшiрмесiн;
6) жарғының, салыстырып тексеру үшiн түпнұсқаны мiндеттi түрде ұсына отырып, көшiрмесiн не нотариалды куәландырылған көшiрмесiн. Шет ел заңды тұлғалары құрылтай құжаттарын нотариалды куәландырылған мемлекеттiк және орыс тiлдерiндегі аудармасымен ұсынады;
7) Қазақстан Республикасының заңнамасына сәйкес төлеу мерзiмi ұзартылған жағдайларды қоспағанда, осы салық органының мөрi бар бiрiншi басшысы немесе қол қою құқығы бар адамы қол қойған тендерлiк өтiнiмдер бар конверттердi ашу күнiнiң алдында үш айдан астам мерзімде салық берешегiнiң, мiндеттi зейнетақы жарналары мен әлеуметтiк аударымдар бойынша берешегiнiң жоқ екенi туралы анықтаманың түпнұсқасы;
8) коммуналдық мүлiктi сенiмгерлiк басқару құрылтайшысының депозит шотына кепiлдiк жарнаны аудару туралы төлем тапсырмасының немесе түбiртектiң (жеке тұлға үшiн) түпнұсқасын;
9) тендерге ықтимал қатысушы өкiлiнiң өкiлеттiгiн растайтын құжатты (жеке куәлiктi, паспортты (шет ел азаматтары үшiн) не әдiлет органдары берген уақытша жеке куәлiктi ұсынған жағдайда жарамды);
10) ықтимал қатысушының ақпараттық хабарламада көрсетiлген сенiмгерлiк басқаруға қойылатын талаптарға сәйкестiгiн растайтын құжаттарды ұсынуы қажет.
30. Жеке тұлға болып табылатын тендердiң ықтимал қатысушысы осы Ереженің 29-тармағының 1), 2), 10) тармақшаларында көзделген құжаттарды, сондай-ақ:
1)жеке куәлiктiң, паспорттың (шет ел азаматтары үшiн) немесе әдiлет органдары берген уақытша жеке куәлiктiң көшiрмесiн;
2) заңды тұлға құрмай кәсiпкерлiк қызметтi жүзеге асыруға құқық беретiн тиiстi мемлекеттiк орган берген құжаттың (жеке кәсіпкер үшін) көшiрмесiн ұсынады.
31. Тендерге қатысуға ниет бiлдiрген адамдардан өтiнiмдердi қабылдау және тiркеу талап етiлетiн құжаттардың толық жиынтығы бар болған кезде жүргiзiледi.
32. Мыналар:
1) Қазақстан Республикасының заңдарына немесе құрылтай құжаттарына сәйкес жүзеге асырылуы тендердiң шарттары болып табылатын қызмет түрлерiмен айналысуға құқығы жоқ заңды тұлға;
2) сенiмгерлiк басқаруға шарт жасасу және оны орындау жөнiндегi тиiстi мiндеттемелердi орындамаған өткен тендерлердiң жеңiмпазы тендерге қатысушы бола алмайды.
33. Коммуналдық мүлiктi сенiмгерлiк басқарудың құрылтайшысы тендердi дайындау және оны өткiзудiң бүкiл кезеңi iшiнде тендерге қатысушыларға қатысы бар ақпаратты, Қазақстан Республикасының заңдарымен көзделген жағдайларды қоспағанда, жариялауға құқығы жоқ.
34. Тендердiң ықтимал қатысушыларының құжаттары тiркеу журналына тiркелгеннен кейiн сейфте сақталады. Тендер өткiзiлетiн күнi тендерге қатысушылардың құжаттары тендерлiк комиссияға берiледi.
35. Тендер ашық болуы тиiс.
36. Тендерлiк комиссия тендерге қатысушылардың ұсыныстары бар конверттерді ашады және жеңiмпазды анықтау өлшемiне (өлшемдерiне) сүйене отырып, тендерге қатысушылардың ұсыныстарын қарайды.
37. Тендерлiк комиссияның шешiмi оның қатысып отырған комиссия мүшелерiнiң қарапайым көпшiлiк дауысымен қабылданады. Дауыстар тең болған кезде төрағаның дауысы шешушi болып табылады.
Бұл ретте шешім қабылдау үшін кворум тендерлік комиссия мүшелерінің санының кемiнде 2/3 дауысын құрайды.
7. Тендер нәтижелерiн ресiмдеу және шарт мазмұны
38. Тендерлiк комиссияның шешiмi осы Ереженің 2-қосымшасында белгiленген нысан бойынша хаттамамен ресiмделедi, оған тендерлiк комиссияның мүшелерi, оның төрағасы, хатшысы және тендер жеңiмпазы қол қояды. Тендерлiк комиссияның мүшесi өзiнiң ерекше пiкiрiн жазбаша беруге және оны хаттамаға қоса беруге құқылы, ол туралы соңғысында белгi қойылады. Тендердiң нәтижелерiне оның қатысушылары тендер жеңiмпазын хабарлаған күннен бастап отыз күнтiзбелiк күн iшiнде сот тәртібімен шағым бере алады.
39. Тендер нәтижелерi туралы хаттама тендер жеңiмпазы мен коммуналдық мүлiктi сенiмгерлiк басқару құрылтайшысының тендер мен тендер жеңiмпазының ұсыныстары шарттарында шарт жасасу мiндеттемелерiн белгiлейтiн құжат болып табылады.
40. Тендер нәтижелерiн тендер жеңiмпазын хабарлаған күннен бастап бес күнтiзбелiк күн iшiнде коммуналдық мүлiктi сенiмгерлiк басқарудың құрылтайшысы бекiтедi.
Мынадай жағдайларда, егер:
1) тендерлiк комиссия қатысушылардың ұсыныстарын тендер шарттарын қанағаттандырмайды деп таныса;
2) тiркелген қатысушылардың саны екеуден кем болса;
3) тендерлiк комиссия жеңiмпаздың жоқ екенi туралы шешiм қабылдаса;
4) тендер жеңiмпазы тендердiң нәтижелерi туралы хаттамаға қол қоюдан бас тартса, тендер өткiзiлмедi деп танылады.
Тендер өтпеген болып танылған жағдайда тендерлiк комиссия жаңа тендердi хабарлауға және тендер шарттарын өзгертуге құқылы.
41. Тендерге қатысуға тiркелген қатысушы екеуден аз болған жағдайда тендерлiк комиссия желiмделген конверттi ашпайды. Тендер өткiзiлмедi деп танылғаннан кейiн барлық ұсынылған құжаттар оның жазбаша сұрауы бойынша қатысушыға қайтарылады.
42. Объектi шарт жасасуға ниет бiлдiрген жалғыз қатысушыға берiлетін үшiншi және кейiнгi тендерлердi қоспағанда, кейiннен сатып алу құқығы берiлетiн, бiр қатысушы қатысқан тендерлер өткiзiлмедi деп танылады.
Осы Ереженің 40-тармағының 2) тармақшасына сәйкес сатып алу құқығы берiлмейтiн тендер өткiзiлмедi деп танылған жағдайда, коммуналдық мүлiктi сенiмгерлiк басқарудың құрылтайшысы тендер шарттары бойынша шарт жасасуға ниет бiлдiрген жалғыз қатысушыға объектiнi беру туралы шешiм қабылдайды.
43. Тендер жеңiмпазы тендердiң нәтижелерi туралы хаттамаға немесе шартқа қол қоюдан жалтарған кезде өзi енгiзген кепiлдiк жарнаны жоғалтады.
44. Осы Ереженің 6-тармағында көрсетiлген өлшемдерге сәйкес рентабельдi емес кәсiпорындарды сенiмгерлiк басқаруға беру бойынша тендер жеңiмпазын анықтаудың негiзгi шарттары болып мыналар табылады:
кәсiпорын қызметiнiң негiзгi түрiн сақтау;
кәсiпорынды қаржылық оңалту бағдарламасының болуы, ол мыналарды:
табыстылықты арттыру мақсатында қаржы көрсеткiштерiн жақсарту бойынша ұсыныстарды;
тиiмдi шаруашылық қызмет мақсатында өндiрiс құрылымын, оның техникалық-технологиялық базасын қайта құру бойынша ұсыныстарды;
маркетингтiк қызметтi ұйымдастыру бойынша ұсыныстарды;
неғұрлым ұтымды шарттармен қажеттi қаржы қаражатын тарта отырып, кәсiпорынды қаржылық тұрақтандырудың (оңалтудың) қолданылатын тетiктерi бойынша ұсыныстарды;
бағдарламаны iске асыру мерзiмiн қамтуы тиіс.
45. Объектiнi сенiмгерлiк басқару осы Ереженің 3-қосымшасына сәйкес үлгi шартқа сәйкес жасалатын шарт негiзiнде туындайды (құрылады).
46. Шарт тендер жеңiмпазының тендерлiк ұсыныстарына сәйкес шарттарды көздеуi тиiс.
47. Объектiнi сенiмгерлiк басқарушының сатып алу талаптары шартпен анықталады.
Сенiмгерлiк басқарушыға объектiнi сатуға ол шартты тиiсiнше орындаған жағдайда ғана жол берiледi. Объектiнi сату нарықтық құны бойынша сатып алу-сату шартын жасасу арқылы жүзеге асырылады.
Сенiмгерлiк басқару мерзiмi iшiнде нарықтық құн инфляция деңгейiне сәйкес индекстеуге жатады және сатып алу-сату шартын жасасқан күннен кейiн үш жылдан аспайтын мерзiмге бөлiп төленуi мүмкiн. Нарықтық құнды бөлiп төлеу мүмкiндiгi сатып алу құқығымен сенiмгерлiк басқаруға беру жөнiндегi тендердiң шарттарына енгiзiледi. Нарықтық құнды бөлiп төлеудiң мерзiмi мен тәртiбi сатып алу-сату шартында көрсетіледі.
8. Шарттың орындалуын бақылау
48. Шарт талаптарының орындалуын бақылауды коммуналдық мүлiктi сенiмгерлiк басқарудың құрылтайшысы жүзеге асырады.
49. Бақылауды жүзеге асыру үшiн коммуналдық мүлiктi сенiмгерлiк басқарудың құрылтайшысы шарттың орындалуына байланысты құжаттармен танысады, сондай-ақ қажет болған жағдайда тәуелсiз консультанттарды тарта отырып, Қазақстан Республикасының мемлекеттiк мүлiк туралы заңнамасына сәйкес объектiнi басқару тиiмдiлiгiнiң жыл сайынғы мониторингiн жүргiзедi.
50. Сенiмгерлiк басқарушы коммуналдық мүлiктi сенiмгерлiк басқару құрылтайшысына өзiнiң қызметi туралы есептi шартта белгiленген мерзiмдерде және тәртiпте ұсынады.
51. Шарт талаптарының орындалуын бақылау сенiмгерлiк басқарушының мiндеттемелердi орындауын аяқтаған сәтке дейiн жүргiзiледi.
9. Қорытынды ережелер
52. Осы Ережеде көзделген сенiмгерлiк басқару қатынастарына, Заңда көзделген жағдайларды қоспағанда, азаматтық заңнаманың осындай қатынастарды реттейтiн нормалары таралады.
Шығыс Қазақстан облысының
коммуналдық мүлкін
сенімгерлік басқаруға беру
ережесіне 1 қосымша
Коммуналдық мүлiктi сенiмгерлiк басқаруға беру
жөнiндегi тендерге қатысуға
ӨТIНIМ
1. Кейiннен сатып алу ____________ ______ мерзiмге
(құқығымен/құқығынсыз) (жыл)
_____________________________________________________
(объектiнiң атауы)
сенiмгерлiк басқаруға беру жөнiндегi тендер өткiзу туралы жарияланған
ақпараттық хабарламаны қарап және Шығыс Қазақстан облысының
коммуналдық мүлкін сенімгерлік басқаруға беру ережесімен таныса
отырып, мен, өтiнiмге қол қоюға уәкiлеттi, төменде қол қоюшы,
_____________________________________________________
(толық аты-жөнi, тегi)
_____________________________________________________ атынан
(атынан тапсырыс берiп отырған Қатысушы көрсетiледi)
тендерге қатысу өтiнiмiн қабылдауды және 20__ жылғы «_»
_________________________ мекенжай бойынша өтетiн тендерге қатысушы
ретiнде тiркеудi сұраймын.
2. Бiз (мен) ________________________ сомасында
(теңгедегi сома, сондай-ақ жазумен көрсетiледi)
тендерге қатысу үшiн ақпараттық хабарламада көрсетiлген
____________________________________________ депозиттiк шотына:
(сенiмгерлiк басқарудың құрылтайшысы көрсетiледi)
______________________________________________________
(ЖБК, БИК, СТН, төлем коды, Кбе, мекеменiң коды)
кепiлдiк жарна енгiздiк (енгiздiм).
3. Бiздiң (менiң) қатысушыға қойылатын талаптарға сәйкес
еместiгiмiз айқындалған жағдайда, бiз (мен) тендерге қатысу құқығынан
айырылатынымызға (ма), бiз (мен) тендерде жеңiске жеткен жағдайда бiз
(мен) қол қойған Тендердiң нәтижелерi туралы хаттама мен Сенiмгерлiк
басқару шарты жарамсыз деп танылатына келiсемiз (мін).
4. Егер бiз (мен) тендердiң Жеңiмпазы болған жағдайда, өзiмiзге
тендердi өткiзген күнi Тендердiң нәтижелерi туралы хаттамаға қол қою
және тендер аяқталғаннан кейiн он күнтiзбелiк күннен кешiктiрмей
ақпараттық хабарламада көрсетiлген және бiз (мен) ұсынған тендердiң
шарттарында Сенiмгерлiк басқару шартын жасасу мiндеттемесiн аламыз
(мын).
5. Бiз енгiзген кепiлдiк жарна сомасы қайтарылмайтынымен және
мынадай:
тендер өткiзiлгенге дейiн кемiнде үш күн бұрын оған қатысудан
бас тартқан;
тендердiң нәтижелерi туралы хаттамаға немесе Сенiмгерлiк
басқару шартына қол қоюдан жалтарған;
бiздiң (менiң) Қатысушыға қойылатын талаптарға сәйкес
еместiгiмiз айқындалған жағдайларда сенiмгерлiк басқарудың
құрылтайшысында қалатынымен келiсемiз (мiн).
6. Осы өтiнiм Тендердiң нәтижелерi туралы хаттамамен бiрге
Сенiмгерлiк басқару шартын жасасуға дейiн қолданылатын шарт күшiне
ие.
7. Өтiнiмге
1) __________________________________________
2) __________________________________________
3) __________________________________________
қоса берiлiп отыр.
8. Төлем деректемелерi:
___________________________________________________
(бенефициар-банктiң деректемелерi: банктiң атауы, СТН, ЖСК, БСК)
___________________________________________________
(алушының деректемелерi: атауы, СТН, ЖСК, Кбе, ағымдағы шоты)
9. Қатысушының толық атауы (заңды тұлғаның немесе аты-жөнi)
және жеке тұлғаның паспорттық деректерi мен тұратын жерi (мекенжайы,
телефон, факс және т.б.____________________________
________ __________________________________________
(қолы) (сенiмхаттың негiзiнде әрекет ететiн уәкiлеттi тұлғаның аты-жөнi)
20__ жылғы «__» ________
(М.О.)
Шығыс Қазақстан облысының
коммуналдық мүлкін
сенімгерлік басқаруға беру
ережесіне 2 қосымша
Кейiннен сатып _____________________ мерзiмге
(құқығымен/құқығынсыз)
_____________________________________________
(объектiнiң атауы)
Сенiмгерлiк басқаруға беру жөнiндегi тендердiң нәтижелерi
туралы хаттама
Тендер өткiзiлетiн күн____________________________
Тендер өткiзiлетiн жер: __________________________
Сенiмгерлiк басқару құрылтайшысы:_________________
__________________________________________________
Сенiмгерлiк басқару объектiсi: ___________________
(объектiнiң толық сипаттамасы:
________________________________________________________________
мемлекеттiк акциялар пакетi, қатысу үлесi, мүлiктiк кешенi,
___________________________________________________
жылжымалы және жылжымайтын мүлкi)
Сенiмгерлiк басқару объектiсiнiң орналасқан жерi:
___________________________________________________
(мекенжайы, телефон, факс, т.б.)
Объектiнiң құны: __________________________________
(теңгерiмдiк/ағымдағы)
Тендерге _________(_____________) қатысушы қатысты.
(саны, оның iшiнде жазумен)
Тендер нәтижелерi:
1. Тендердiң жеңiмпазы: ____________________
(Тендер жеңiмпазы деп танылған Қатысушы көрсетiледi)
2. Тендер шарттары және Тендер жеңiмпазының ұсыныстары:
1) __________________________________________
2) __________________________________________
3) __________________________________________
4) __________________________________________
Тендердiң нәтижелерi туралы хаттама тендер аяқталғаннан кейiн он
күнтiзбелiк күннен кешiктiрмей Тендер жеңiмпазы мен Сенiмгерлiк
басқару құрылтайшысының сенiмгерлiк басқару шартын жасасу
мiндеттемесiн тiркейтiн құжат болып табылады.
___________________________________________________
(Тендердiң нәтижелерiмен және Тендер жеңiмпазының мiндеттемелерiмен
___________________________________________________
танысу туралы Тендер жеңiмпазы деп танылған Қатысушының
____________________________________________________
уәкiлеттi тұлғасының өз қолымен қойған белгiсi көрсетiледi)
_______ ______ ___________________________________
(күнi) (қолы) (аты-жөнi, тегi)
Осы хаттама Сенiмгерлiк басқару құрылтайшысы мен Тендер
жеңiмпазы үшiн бiр-бiрден екi данада жасалған.
Комиссия төрағасы: ___ ____________________________
(қолы) (аты-жөнi, тегi)
Комиссия төрағасының орынбасары ___ _______________
(қолы) (аты-жөнi, тегi)
Комиссия мүшелерi: _______ ________________________
(қолы) (аты-жөнi, тегi)
_______ ________________________
(қолы) (аты-жөнi, тегi)
_______ ________________________
(қолы) (аты-жөнi, тегi)
Комиссия хатшысы: _______ ________________________
(қолы) (аты-жөнi, тегi)
Шығыс Қазақстан облысының
коммуналдық мүлкін
сенімгерлік басқаруға беру
ережесіне 3 қосымша
Сенiмгерлiк басқарудың үлгi шарты
_______________________________
(объектiнiң атауы)
_____________ қ. № _____ 20__ ж. «____» ___________
бұдан әрi «Құрылтайшы» деп аталатын
____________________________________________________
(коммуналдық мүлікті басқаратын әкiлеттi органның атауы)
____________________________________________________
атынан 20__ жылғы «_» ___ № _ бұйрықпен бекiтiлген
______________________________________________туралы
ереженiң негiзiнде әрекет ететiн Басшы _____________
(аты-жөнi)
бiр тараптан және бұдан әрi «Сенiмгерлiк басқарушы» деп аталатын,
____________________________________________________
(20__ жылғы «__» _______ № ___ жарғының, ереженiң, сенiмхаттың)
негiзiнде әрекет ететiн ____________________________
(заңды тұлғаның атауы, жеке тұлғаның аты-жөнi)
екiншi тараптан бiрлесiп «Тараптар» деп аталатындар, төмендегi
туралы осы Шартты (бұдан әрi - Шарт) жасасты.
1. Шарттың мәнi
1. Құрылтайшы Сенiмгерлiк басқарушыға бұдан әрi Объект деп
аталатын __________________________________________
(мүлiк атауы)
сенiмгерлiк басқаруға бередi, ал Сенiмгерлiк басқарушы Объектіні осы
Шарт бойынша пайда алушы болып табылатын Құрылтайшының мүдделерiне
сай басқаруды жүзеге асыруға мiндеттенедi.
2. Сенiмгерлiк басқаруға берiлетiн Объектiнiң сипаттамасы:
______________________________________________
______________________________________________
3. Объект Сенiмгерлiк басқарушыға Қазақстан Республикасының заңнамасында және осы Шартта көзделген тәртiппен және шарттарда сенiмгерлiк басқаруға берiледi.
4. Сенiмгерлiк басқарушы Объектiнi сенiмгерлiк басқаруды иелiктен шығару және оны кепiлге беру құқығынсыз жүзеге асырады.
5. Осы Шарт Сенiмгерлiк басқарушының Объектiге сенiмгерлiк басқаруды жүзеге асыруға құқығын куәландыратын негiздеме болып табылады.
6. Құрылтайшы Объектi Сенiмгерлiк басқарушыға берiлген күнi ол:
1) кепiлде тұрмағанын;
2) үшiншi тұлғалардың құқықтарымен ауыртпалық салынғанын/салынбағанын;
3) сатуға қойылмағанын растайды.
7. Объектiнi сенiмгерлiк басқаруға беру оның меншiк құқығын Сенімді басқарушыға беруге әкеп соқтырмайды.
8. Сенiмгерлiк басқарушының Объектiнi басқару бойынша құқықтары мен мiндеттерi Объектi Сенiмгерлiк басқарушыға берiлген сәттен басталады. Объектiнi беру (қабылдап алу-беру актiсiн әзiрлеу, Қазақстан Республикасының заңнамасына сәйкес акционерлердiң, жауапкершiлiгi шектеулi серiктестiктерге қатысушылардың тiзiлiмiне сай жазбаларды енгiзу немесе сенiмгерлiк басқаруға берiлетiн Объектiге байланысты өзгесi) жолымен осы Шартқа қол қойылған сәттен бастап ___ жұмыс күнi iшiнде жүргiзiледi.
2. Тараптардың құқықтары
9. Құрылтайшының:
1) жазбаша сұрау бойынша Объектiнi басқару жөнiндегi Сенiмгерлiк басқарушының қызметi туралы ақпарат (есеп) алуға;
2) осы Шарт бойынша Сенiмгерлiк басқарушының қызметiне араласпай, Сенiмгерлiк басқарушы мiндеттемелерiнiң орындалуын, оның iшiнде Объектiнi басқару тиiмдiлiгiнiң мониторингiн жүргiзу, Шарт бойынша мiндеттемелердiң орындалуы жөнiндегi Басқарушының есебiн тыңдау жолымен бақылауға;
3) Қазақстан Республикасының заңнамасымен көзделген өзге де әрекеттердi жасауға құқығы бар.
10. Сенiмгерлiк басқарушының:
1) Құрылтайшының мүддесiне сай сенiмгерлiк басқаруға берiлген Объектiге қатысты заңды және iс жүзiндегi iс-әрекеттердi жасауға;
2) Объектіні сенiмгерлiк басқару кезiнде өзi шығарған қажеттi шығыстарды өзiне сенiмгерлiк басқаруға берiлген Объектінің мүлкін пайдаланудан түскен табыстар есебiнен ғана өтеуге;
3) осы Шартта белгiленген шектеулердi ескере отырып, Қазақстан Республикасының заңнамасында көзделген сыйақы алу құқығын қоспағанда, өзге де құқықтарды жүзеге асыруға;
4) Қазақстан Республикасының заңнамасына сәйкес өзiне сенiмгерлiк басқаруға берiлген Объектiнi сатып алуға құқығы бар.
3. Тараптардың мiндеттерi
11. Құрылтайшы:
1) Сенiмгерлiк басқарушыға Объектiнi осы Шартта белгiленген мерзiмде сенiмгерлiк басқаруға беруге;
2) Сенiмгерлiк басқарушыға осы Шарт бойынша оның мiндеттемелерiн жүзеге асыру үшiн қажеттi құжаттарды беруге;
3) осы Шарттың әрекет ету мерзiмi iшiнде Сенiмгерлiк басқарушыны хабардар етпей, Объектiнi сенiмгерлiк басқаруға үшiншi тұлғаларға беру туралы шешiмдер қабылдамауға;
4) Объектiнi кепiлдiкке бермеуге, үшiншi тұлғалардың құқықтарымен ауыртпалық салмауға және осы Шарттың әрекет ету мерзiмi iшiнде үшiншi тұлғаларға сатуға қоймауға мiндеттi.
12. Сенiмгерлiк басқарушы:
1) Объектiнi тиiмдi басқаруды жүзеге асыруға;
2) Объектiнiң сақталуын қамтамасыз етуге;
3) Сенiмгерлiк басқаруға берiлген Объектiмен жүргiзiлген мәмiлелердi өз атынан жасай отырып, Сенiмгерлiк басқарушы ретiнде әрекет етiп отырғанын көрсетуге;
4) Қазақстан Республикасы заңнамасына сәйкес қажеттi болып табылатын барлық рұқсат беру құжаттарын уәкiлеттi мемлекеттiк органдардан алуға;
5) Осы Шартқа сәйкес Сенiмгерлiк басқарушының құқықтары мен мiндеттерiн жүзеге асыруға;
6) Объектiнi iс жүзiнде иелiктен шығаруға, оның iшiнде оны кепiлге беруге әкеп соғатын заңды және iс жүзiндегi әрекеттердi жасамауға;
7) Құрылтайшыға өзiнiң Шартты тиiсiнше орындамауы салдарынан келтiрiлген шығындардың орнын толтыруға;
8) Шартты тиiсiнше орындау мақсатында сенiмгерлiк басқару бойынша әрекеттер нәтижесiнде туындайтын мiндеттердi орындауға;
9) Құрылтайшыға ____________ өз қызметi туралы есеп беруге;
(ұсыну мерзiмдерi)
10) Осы Шартқа (жылжымайтын мүлікті сенімгерлік басқаруға берген жағдайда) Тараптар қол қойған күннен бастап 15 күнтiзбелiк күн iшiнде осы Шартты мемлекеттiк тiркеудi жүзеге асыруға;
11) Объектiнi Құрылтайшыға осы Шарттың күшi жойылғанда (шарттың мерзiмi аяқталғанда, Шартты мерзiмiнен бұрын бұзғанда) 10 жұмыс күнi iшiнде беруге;
12) басқа да мiндеттердi (сенiмгерлiкпен басқаруға берiлетiн Объектiге байланысты) орындауға мiндеттi.
4. Тараптардың жауапкершiлiгi
13. Сенiмгерлiк басқарушы Объектіні басқару кезінде Құрылтайшының мүддесiне, еңсерiлмейтiн күш әрекетiмен келтiрiлген зиянды есепке алмағанда, кез келген келтiрiлген зиян үшiн жауапты болады.
14. Тараптар осы Шарт бойынша өздерiнiң мiндеттемелерiн орындамағаны немесе тиiсiнше орындамағаны үшiн Қазақстан Республикасының заңнамасына сәйкес жауапты болады.
5. Форс-мажор
15. Егер осы Шарт бойынша мiндеттемелерiнiң толық немесе iшiнара орындалмауы еңсерiлмейтiн күш жағдайларының (жер сiлкiнiсi, топан су, өрт, эмбарго, соғыс немесе әскери қимылдар, мемлекеттiк органдардың мiндеттемелердiң орындалуына тыйым салатын немесе қандай да бiр кедергi келтiретiн нормативтiк құқықтық актiлердi шығаруы) салдарынан болса, бұл жағдайлар Тараптардың еркiне тәуелдi болмаған және осы Шарт бойынша Тараптардың кез келгенi өздерiнiң мiндеттемелерiн орындауы мүмкiн болмаған жағдайда Тараптар ол үшiн жауапкершiлiктен босатылады.
16. Осы Шарт бойынша мiндеттемелердi орындау мерзiмi еңсерiлмейтiн күш жағдайлары, сондай-ақ осы жағдайлардан туындаған салдарлар болған уақытқа тең кезеңге кейiнге қалдырылады.
17. Тараптардың кез келгенi еңсерiлмейтiн күш жағдайлары туындаған кезде екiншi Тарапқа осы жағдайлардың туындағаны туралы жазбаша түрде 30 күнтiзбелiк күнi iшiнде хабарлауға мiндеттi.
18. Хабардар етпеу немесе уақтылы хабардар етпеу Тарапты кез келген жоғарыда көрсетiлген жағдайға мiндеттеменiң орындалмауы жауапкершiлiгiнен босататын негiздеме ретiнде сiлтеме жасау құқығынан айырады.
19. Егер Тараптардың мiндеттемелердi толық немесе iшiнара орындауының мүмкiн еместiгi 2 күнтiзбелiк айдан асса, онда Тараптар осы Шартты бұзуға құқылы.
6. Құпиялылық
20. Тараптар Шартта қамтылған барлық ақпарат құпия болып табылады деп келiстi және Тараптар оны қорғау үшiн барлық қажеттi шараларды қабылдайды.
21. Тараптардың әрқайсысы екiншi Тараптан алынған құпия ақпаратты жарияламауға мiндеттенедi және Қазақстан Республикасының қолданыстағы заңнамасында тiкелей көзделген жағдайларды қоспағанда, осы ақпаратты екiншi Тараптың алдын ала жазбаша келiсiмiнсiз үшiншi тұлғаларға ашуға құқығы жоқ.
7. Дауларды шешу
22. Осы Шарттан туындайтын барлық даулар мен келiспеушiлiктер келiссөздер жолымен шешiледi.
23. Даулар мен келiспеушiлiктердi келiссөздер жолымен шешу мүмкiн болмаған жағдайда, дау заңнамада белгiленген тәртiппен Қазақстан Республикасының сот органдарында қарауға жатады.
8. Шарттың қолданылу мерзiмi
24. Осы Шарт Тараптар қол қойған күннен бастап күшiне енедi және _________________________ дейiн әрекет етедi.
9. Шарт талаптарының орындалуын бақылау
25. Осы Шарт талаптарының орындалуын бақылауды Құрылтайшы жүзеге асырады.
Құрылтайшы осы мақсатта басқа да мүдделi мемлекеттiк басқару органдары өкiлдерiнiң қатысуымен комиссия құра алады. Сенiмгерлiк басқарушы осындай комиссияның қарауына қажеттi құжаттар мен есептердi комиссия белгiлеген нысан бойынша және мерзiмдерде беруi тиiс.
10. Өзге де талаптар
26. Осы Шартта көзделмеген қалған барлық жағдайларда Тараптар Қазақстан Республикасының заңнамасын басшылыққа алады.
27. Құрылтайшы және Сенiмгерлiк басқарушы өзара келiсiм бойынша қосымша келiсiмдер жасау арқылы осы Шартқа өзгерiстер мен толықтырулар енгiзуге құқығы бар.
28. Осы Шарттың барлық қосымша келiсiмдері оның ажырамас бөлiгi болып табылады және Тараптардың оған уәкiлеттi өкiлдерi қол қоюы тиiс.
29. Осы Шарттың әрекет ету мерзiмiнiң тоқтатылуы ол бойынша Тараптар мiндеттемелерiнiң тоқтауына әкеп соқтырады, бiрақ Тараптардың осы Шарт талаптарын орындауы кезiнде бұзушылықтар орын алса, осы Шарттың Тараптарын жауапкершiлiктен босатпайды.
30. Осы Шарт бiрдей заңды күшi бар қазақ және орыс тiлдерiнде 2 данада, Тараптардың әрқайсысы үшiн бiр-бiр данадан жасалды.
11. Тараптардың мекенжайлары мен деректемелерi
Құрылтайшы Сенiмгерлiк басқарушы
_____________ __________________
_____________ __________________
Тараптардың қолдары:
______ ________ _________ __________
(қолы) (тегi, аты-жөнi) (қолы) (тегi, аты-жөнi)
М.О. М.О.
