Ескерту. Күші жойылды - Ұлан ауданы әкімдігінің 13.12.2013 N 176 (алғаш ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
РҚАО ескертпесі.
Мәтінде авторлық орфография және пунктуация сақталған.
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабының 1-тармағының 13), 14)-тармақшаларына, Қазақстан Республикасының 2001 жылғы 23 қаңтардағы «Халықты жұмыспен қамту туралы» Заңының 5-бабының 2-тармағына, 7-бабының 2)-тармақшасына сәйкес, Ұлан ауданының әкімдігі ҚАУЛЫ ЕТЕДІ:
1. 2013 жылға Ұлан ауданы бойынша халықтың келесі нысаналы топтары анықталсын:
1) жиырма бiр жасқа дейiнгi жастар;
2) балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар;
3) кәмелетке толмаған балаларды тәрбиелеп отырған жалғызiлiктi, көп балалы ата-аналар;
4) Қазақстан Республикасының заңдарында белгіленген тәртіппен асырауында тұрақты күтімдi, көмекті немесе қадағалауды қажет етеді деп танылған адамдар бар азаматтар;
5) зейнеткерлік жас алдындағы адамдар (жасына байланысты зейнеткерлікке шығуға екі жыл қалған);
6) мүгедектер;
7) Қазақстан Республикасының Қарулы Күштері қатарынан босаған адамдар;
8) бас бостандығынан айыру және (немесе) мәжбүрлеп емдеу орындарынан босатылған адамдар;
9) оралмандар;
10) табысы аз адамдар;
11) жоғары және жоғары оқу орнынан кейінгі білім беру ұйымдарын бітірушілер;
12) жұмыс беруші-заңды тұлғаның таратылуына не жұмыс беруші-жеке тұлғаның қызметін тоқтатуына, қызметкерлер санының немесе штатының қысқаруына байланысты жұмыстан босатылған адамдар;
13) 50 жастан асқан әйелдер;
14) 55 жастан асқан ерлер;
15) қылмыстық-атқару инспекциясы пробация қызметінің есебінде тұрған адамдар.
2. «Ұлан аудандық жұмыспен қамту және әлеуметтiк бағдарламалар бөлiмi» мемлекеттiк мекемесi:
1) халықтың нысаналы топтарына жататын адамдарды уақытша жұмыспен қамтуды қамтамасыз ету бойынша шаралар қабылдасын;
2) халықтың нысаналы топтарына жататын адамдарды жұмысқа орналастыруда көмек көрсетудi қамтамасыз етсiн.
3. Әкімдіктің келесі қаулыларының күші жойылды деп танылсын:
1) 2011 жылғы 29 желтоқсандағы № 835 «2012 жылға Ұлан ауданы халқының нысаналы топтарын анықтау туралы» қаулысының (нормативтік құқықтық актілерді мемлекеттік тіркеу тізілімінде № 5–17–160 тіркеліп, 2012 жылғы 24 қаңтардағы № 7 аудандық «Ұлан таңы» газетінде жарияланған);
2) 2012 жылғы 19 қазандағы № 415 «2011 жылғы 29 желтоқсандағы № 835 «2012 жылға Ұлан ауданы халқының нысаналы топтарын анықтау туралы» әкімдіктің қаулысына толықтыру енгізу туралы» қаулысының (нормативтік құқықтық актілерді мемлекеттік тіркеу тізілімінде № 2717 тіркеліп, 2012 жылғы 23 қарашадағы № 92 аудандық «Ұлан таңы» газетінде жарияланған).
4. Осы қаулының орындалуын бақылау аудан әкімінің орынбасары А. Ибраевқа жүктелсін.
5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
Ұлан ауданының әкімі С. Туленбергенов
