2013 жылға арналған басым ауыл шаруашылығы дақылдарының тізбесін және субсидиялардың нормаларын белгілеу туралы

Күшін жойған

Қостанай облысы әкімдігінің 2013 жылғы 15 сәуірдегі № 153 қаулысы. Қостанай облысының Әділет департаментінде 2013 жылғы 29 сәуірде № 4112 болып тіркелді. Қолданылу мерзімінің аяқталуына байланысты күші жойылды (Қостанай облысы әкімдігінің 2013 жылғы 28 қарашадағы № 08-10/4884 хаты)

Ескерту. Қолданылу мерзімінің аяқталуына байланысты күші жойылды (Қостанай облысы әкімдігінің 28.11.2013 № 08-10/4884 хаты).

"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 27-бабына, Қазақстан Республикасы Үкіметінің 2011 жылғы 4 наурыздағы № 221 қаулысымен бекітілген Өсімдік шаруашылығы өнімінің шығымдылығы мен сапасын арттыруға жергілікті бюджеттерден субсидиялау қағидасының 8-тармағына сәйкес Қостанай облысының әкімдігі ҚАУЛЫ ЕТЕДІ:
1. Қосымшаға сәйкес 2013 жылға арналған басым ауыл шаруашылығы дақылдарының тізбесі және көктемгі егіс және егін жинау жұмыстарын жүргізуге қажетті жанар-жағар май материалдары мен басқа да тауарлық-материалдық құндылықтардың құнын арзандатуға арналған субсидиялардың нормалары белгіленсін.
2. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Облыс әкімі Н. Садуақасов

КЕЛІСІЛДІ:

Қазақстан Республикасы
Ауыл шаруашылығының министрі
_________ А. Мамытбеков

Қостанай облысы
әкімдігінің ауыл
шаруашылығы
басқармасы
ММ бастығы
_____ Қ. Ғабдулин

Әкімдіктің
2013 жылғы 15 сәуірдегі
№ 153 қаулысына
қосымша

2013 жылға арналған басым ауыл шаруашылығы дақылдарының тізбесі және көктемгі егіс және егін жинау жұмыстарын жүргізуге қажетті жанар-жағар май материалдары мен басқа да тауарлық-материалдық құндылықтардың құнын арзандатуға арналған субсидиялардың нормалары

№	Басым ауыл шаруашылығы дақылдарының тізбесі	1 гектарға арналған көктемгі егіс және егін жинау жұмыстарын жүргізуге қажетті жанар-жағар май материалдары мен басқа да тауарлық-материалдық құндылықтардың құнын арзандатуға арналған субсидиялардың нормалары, теңге
1	Жазғы бидай Күздік бидай Күздік қара бидай	350 (базалық норма бойынша) 800 (көтеріңкі норма бойынша)
2	Сұлы Арпа Тары Қарақұмық	400 (базалық норма бойынша) 800 (көтеріңкі норма бойынша)
3	Бұршақтұқымдас дақылдар	400 (базалық норма бойынша)
4	Майлы дақылдар	3800 (базалық норма бойынша)
5	Картоп	30000 (базалық норма бойынша) 50000 (көтеріңкі норма бойынша)
6	Көкөнiстер	35000 (базалық норма бойынша) 60000 (көтеріңкі норма бойынша) 1500000 (барлық түрдегі жылыжайларда топырақтың қорғалған жағдайларында, 2 дақыл айналымы)
7	Бақша дақылдары	30000 (базалық норма бойынша)
8	Жемшөптік дақылдар, оның ішінде бірінші, екінші және үшінші өсу жылдарындағы бұршақ тұқымдас көпжылдық шөптер	1000 (базалық норма бойынша)
9	Шабындық жерлерді шалғындандыру үшін егілген көпжылдық шөптер	1000 (базалық норма бойынша)
10	Сүрлемдік жүгері мен күнбағыс	1000 (базалық норма бойынша)