Әулиекөл орталықтандырылған шаруашылық-ауыз су тартудың санитарлық қорғау аймақтарын белгілеу туралы

Күшін жойған

Қостанай облысы әкімдігінің 2013 жылғы 16 қазандағы № 451 қаулысы. Қостанай облысының Әділет департаментінде 2013 жылғы 27 қарашада № 4312 болып тіркелді. Күші жойылды - Қостанай облысы әкімдігінің 2015 жылғы 31 шілдедегі № 318 қаулысымен

Ескерту. Күші жойылды - Қостанай облысы әкімдігінің 31.07.2015 № 318 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

2003 жылғы 9 шілдедегі Қазақстан Республикасы Су кодексінің 39, 117-баптарына, "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 27-бабына және "Су көздеріне, шаруашылық-ауыз су мақсаты үшін су жинау орындарына, шаруашылық-ауыз сумен жабдықтауға, суды мәдени-тұрмыстық пайдалану орындарына және су объектілерінің қауіпсіздігіне қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Үкіметінің 2012 жылғы 18 қаңтардағы № 104 қаулысына сәйкес Қостанай облысының әкімдігі ҚАУЛЫ ЕТЕДІ:
1. Қосымшаға сәйкес Әулиекөл орталықтандырылған шаруашылық-ауыз су тартудың санитарлық қорғау аймақтары белгіленсін.
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыс әкімі Н. Садуақасов

КЕЛІСІЛДІ:

"Қазақстан Республикасы Денсаулық
сақтау министрлігі Мемлекеттік
санитарлық-эпидемиологиялық қадағалау
комитетінің Қостанай облысы бойынша
департаменті" мемлекеттік мекемесі
басшысының міндетін атқарушы
_______________ С. Байменова

"Қазақстан Республикасы Қоршаған
ортаны қорғау министрлігі Су ресурстары
комитетінің Су ресурстарын пайдалануды
реттеу және қорғау жөніндегі Тобыл-Торғай
бассейндік инспекциясы" республикалық
мемлекеттік мекемесінің басшысы
________________ Г. Оспанбекова

Әкімдіктің
2013 жылғы 16 қазандағы
№ 451 қаулысына қосымша

Әулиекөл орталықтандырылған шаруашылық-ауыз
су тартудың санитарлық қорғау аймақтары

Су тарту көзінің атауы	Санитарлық қорғау аймақтарының мөлшерлері
	І-белдеу		ІІ-белдеу		ІІІ-белдеу
	шекарасы	ауданы	шекарасы	ауданы	шекарасы	ауданы
№ 1э ұңғыма	Радиусі - 50 метр	0,8 гектар	Радиусі – 240 метр	18 гектар	Радиусі - 1698 метр	90,5 гектар

Ескерту: "Әулиекөл орталықтандырылған шаруашылық-ауыз су тартудың санитарлық қорғау аймағының санитарлық-гидрогеологиялық негіздемесі" жобасының картографиялық материалында санитарлық қорғау аймақтарының шекаралары көрсетілген (Тапсырыс беруші – Әулиекөл ауданы әкімдігінің "Мерей" мемлекеттік коммуналдық кәсіпорны).