2013 жылы субсидияланатын басым ауыл шаруашылығы дақылдарының түрлері бойынша оңтайлы себу мерзімдерін айқындау туралы

Қостанай облысы Мендіқара ауданы әкімдігінің 2013 жылғы 15 сәуірдегі № 164 қаулысы. Қостанай облысының Әділет департаментінде 2013 жылғы 22 мамырда № 4138 болып тіркелді

Қазақстан Республикасы Үкіметінің 2011 жылғы 4 наурыздағы № 221 қаулысымен бекітілген Өсімдік шаруашылығы өнімінің шығымдылығы мен сапасын арттыруға жергілікті бюджеттерден субсидиялау қағидасының 12-тармағына сәйкес, "Қостанай ауыл шаруашылығы ғылыми-зерттеу институты" жауапкершілігі шектеулі серіктестігінің ұсынымдары негізінде Меңдіқара ауданының әкімдігі ҚАУЛЫ ЕТЕДІ:
1. Субсидияланатын басым ауыл шаруашылығы дақылдарының түрлері бойынша оңтайлы себу мерзімдері айқындалсын:

жазғы дақылдар		15 мамырдан бастап 5 маусымға дейін;
күздік дақылдар		25 тамыздан бастап 10 қыркүйекке дейін;
дәнді-бұршақ тұқымдас дақылдар		15 мамырдан бастап 5 маусымға дейін;
майлы дақылдар		15 мамырдан бастап 30 мамырға дейін;
жемшөптік дақылдар		15 мамырдан 10 маусымға дейін;
бірінші өсу жылдарындағы бұршақ тұқымдас көпжылдық шөптер		бірінші мерзім - 1 мамырдан бастап 31 мамырға дейін, екінші мерзім – 5 шілдеден бастап 10 қыркүйекке дейін;
шабындық жерлерді шалғындандыру үшін егілген көпжылдық шөптер		бірінші мерзім - 1 мамырдан бастап 31 мамырға дейін, екінші мерзім – 5 шілдеден бастап 10 қыркүйекке дейін;
сүрлемдік жүгері мен күнбағыс		15 мамырдан бастап 31 мамырға дейін;
көкөністер		25 сәуірден бастап 10 маусымға дейін;
тамшылап суарылатын көкөністер		25 сәуірден бастап 10 маусымға дейін;
бақша дақылдары		25 сәуірден бастап 10 маусымға дейін;
картоп		10 мамырдан бастап 5 маусымға дейін;
тамшылап суарылатын картоп		10 мамырдан бастап 5 маусымға дейін.

2. Осы қаулының орындалуын бақылау аудан әкімінің орынбасары Т.Т. Тұрағұловқа жүктелсін.
3. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Меңдіқара
ауданының әкімі Н. Денинг

КЕЛІСІЛДІ:

"Меңдіқара ауданының ауыл
шаруашылығы бөлімі" коммуналдық
мемлекеттік мекемесінің бастығы
______________ А. Ковальчук