Ескерту. Бұйрықтың күші жойылды - ҚР Ауыл шаруашылығы министрінің 11.12.2015 № 3-2/1078 (02.06.2016 бастап қолданысқа енгізіледі) бұйрығымен.
"Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабы 2) тармақшасына және "Асыл тұқымды мал шаруашылығы туралы" 1998 жылғы 9 шілдедегі Қазақстан Республикасы Заңының 13-бабы 14) тармақшасына сәйкес, БҰЙЫРАМЫН:
1. Күші жойылды – ҚР Ауыл шаруашылығы министрінің міндетін атқарушысының 27.05.2015 № 3-2/482 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.2. "Экспорттаушы елдердің құзыретті органдары импортталған асыл тұқымды өнімге (материалға) берген асыл тұқымдық куәлікті немесе оған балама құжатты тану тәртібі туралы қағиданы бекіту туралы" Қазақстан Республикасы Ауыл шаруашылығы министрінің м.а. 2012 жылғы 26 сәуірдегі № 18-02/212 бұйрығына (Қазақстан Республикасының нормативтік құқықтық актілерін мемлекеттік тіркеу Реестрінде № 7677 тіркелген, "Егеменді Қазақстан" газетіне 2012 жылғы 8 тамызда № 256-257 (27075-27076) жарияланған) мынадай өзгеріс енгізілсін:
Осы бұйрықпен бекітілген экспорттаушы елдердің құзыретті органдары импортталған асыл тұқымды өнімге (материалға) берген асыл тұқымдық куәлікті немесе оған балама құжатты тану тәртібі туралы қағида осы бұйрықтың 2-қосымшасына сәйкес баяндалсын.
3. "Ауыл шаруашылығы саласында мемлкеттік қызмет Регламенттерін бекіту туралы" Қазақстан Республикасы Ауыл шаруашылығы министрінің 2012 жылғы 2 қазандағы 1-3/490 бұйрығының (Қазақстан Республикасының нормативтік құқықтық актілерін мемлекеттік тіркеу Реестрінде № 8065 тіркелген, "Егеменді Қазақстан" газетіне 2013 жылғы 28 желтоқсанда № 346 (27620) жарияланған) 1-тармағы 15) тармақшасының күші жойылды деп табылсын.
4. Қазақстан Республикасы Ауыл шаруашылығы министрлігі Мал шаруашылығы өнімдерін өндіру және қайта өңдеу департаменті заңнамада белгіленген тәртіппен осы бұйрықтың Қазақстан Республикасы Әдiлет министрлiгiнде мемлекеттiк тiркелуiн және бұқаралық ақпарат құралдарында ресми жариялануын қамтамасыз етсін.
5. Осы бұйрықтың орындалуын Қазақстан Республикасының Ауыл шаруашылығы министрлігінің Жауапты хатшысы А.Қ. Евниевке жүктелсін.
6. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.
Министр | А. Мамытбеков |
| Қазақстан Республикасы Ауыл шаруашылығы министрінің 2014 жылғы 25 маусымдағы № 3-2/320 бұйрығына 1-қосымша |
"Экспорттаушы елдердің құзыретті органдары ірі қара малдың
импортталған асыл тұқымдық өніміне (материалына) берген асыл
тұқымдық куәлікті немесе оған балама құжатты қоспағанда,
экспорттаушы елдердің құзыретті органдары импортталған асыл
тұқымдық өнімге (материалға) берген асыл тұқымдық куәлікті
немесе оған балама құжатты тану" мемлекеттік көрсетілетін
қызметтің регламенті
Ескерту. Күші жойылды – ҚР Ауыл шаруашылығы министрінің міндетін атқарушысының 27.05.2015 № 3-2/482 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
| Қазақстан Республикасы Ауыл шаруашылық министрінің 2014 жылғы 25 маусымдағы № 3-2/320 бұйрығына 2-қосымша |
Экспорттаушы елдердің құзыретті органдары импортталған
асылтұқымды өнімге (материалға) берген асыл тұқымдық куәлікті
немесе оған балама құжатты тану тәртібі туралы қағида
1. Жалпы ережелер
1. Экспорттаушы елдердiң құзыреттi органдары импортталған асыл тұқымды өнiмге (материалға) берген асыл тұқымдық куәлiктi немесе оған балама құжатты тану тәртiбi туралы Осы Қағида (бұдан әрi – Қағида), Қазақстан Республикасының 1998 жылғы 9 шiлдедегі "Асыл тұқымды мал шаруашылығы туралы" Заңының 13-бабы 14) тармақшасына сәйкес әзiрлендi және импортталған асыл тұқымды өнiмге (материалға) экспорттаушы елдердiң құзыреттi органдарымен берілген асыл тұқымдық куәлiктi немесе оған балама құжаттың тану тәртiбiн анықтайды.
2. Осы Қағидада мынадай ұғымдар қолданылады:
1) асыл тұқымдық мал шаруашылығы саласындағы уәкілетті органның ведомствосы (бұдан әрі – Комитет) – асыл тұқымдық мал шаруашылығы саласында мемлекеттік бақылауды жүзеге асыратын, аумақтық бөлімшелерімен бірге асыл тұқымдық мал шаруашылығы саласындағы уәкілетті органның комитеті;
2) импортталған асыл тұқымды өнiмге (материалға) экспорттаушы елдердiң құзыреттi органдары берген асыл тұқымдық куәлiктің немесе оған балама құжаттың үлгісі (бұдан әрі – Үлгі) – экспорттаушы елдердің құзыретті органдарымен қабылданған асыл тұқымдық өнім (материал) туралы жалпы мәліметтердің жиынтығы;
3) импортталған асыл тұқымды өнiмге (материалға) экспорттаушы елдердiң құзыреттi органдары берген асыл тұқымдық куәлiк немесе оған балама құжатты тану – осы Қағидамен бекітілген тәртіпте келісілген Үлгіге, импортталған асыл тұқымды өнiмнің (материалдың) асыл тұқымдық куәлiгінің немесе оған балама құжатының сәйкестігін растау рәсімі;
4) импорттаушы – Қазақстан Республикасына асыл тұқымды өнiмдi (материалды) әкелімдi жүзеге асыратын жеке немесе заңды тұлға;
5) экспорттаушы елдердiң құзыреттi органдары импортталған асыл тұқымды өнiмге (материалға) берген асыл тұқымдық куәлiктің немесе оған балама құжаттың үлгісін қарастыратын Комиссия (бұдан әрі - Комиссия) – келісуді жүзеге асыру үшін, импортталған асыл тұқымды өнiмге (материалға) экспорттаушы елдердiң құзыреттi органдары берген асыл тұқымдық куәлiктi немесе оған балама құжат үлгісін қарастыру құзыреті кіретін, жыл сайын Комитет немесе ірі қара малдың тұқымдары бойынша Республикалық палата (бұдан әрі - Палата) құратын алқалы орган;
3. Шетелден асыл тұқымды өнімді (материалды) алғаш әкелген кезде асыл тұқымды малдың осы түріне және тұқымына Үлгіні келісу рәсімі осы елден алғаш әкелінгенде жүргізіледі.
4. Импортталған асыл тұқымды өнiмге (материалға) экспорттаушы елдердiң құзыреттi органдары берген асыл тұқымдық куәлiк немесе оған балама құжатты тану мынадай сатыларды қамтиды:
1) өтінімдерді қарастыру және асыл тұқымдық куәліктің көшірмелерін (түпнұсқасын) қарастыру және келісілген Үлгімен салыстыру;
2) асыл тұқымдық куәлікті тану туралы шешім қабылдау.
2. Үлгіні келістіру үшін асыл тұқымдық өнiмді (материалды)
импорттаушылардың өтінімдерін қарастыру тәртібі
5. Импорттаушы, асыл тұқымдық өнiмнiң (материалдың) белгіленген орынға әкелінуіне дейін 30 (отыз) күнтізбелік күннен кешіктірмей осы Қағиданың 1-қосымшасына сәйкес нысан бойынша:
ірі қара малдың асыл тұқымдық өнiмiн (материалын) импорттаған жағдайда – Палатаға;
басқа жануарлардың асыл тұқымдық өнiмiн (материалын) импорттаған жағдайда – асыл тұқымдық өнiмнiң (материалдың) белгіленген орны бойынша Комитеттің аумақтық бөлімшесіне (Комитеттің аумақтық бөлімшесі) өтініш береді;
Импорттаушы өтiнiшке Үлгіні қоса бередi.
6. Ұсынылған Үлгіде мынадай мәлiметтер көрсетiлуі тиіс:
1) асыл тұқымдық куәлiкті немесе оған балама құжатты берген құзыреттi органның атауы;
2) импортер туралы мәлімет (заңды тұлғаның атауы, жеке тұлғаның тегі, аты, әкесінің аты (бар болған жағдайда);
3) малдың туған жылы;
4) малдың лақап аты (бар болса);
5) сәйкестендіру номері (татуировка, сырға, чип, таңба – көрсетілгеннің ішінен біреуі немесе бірнешеуі);
6) малдың тұқымы (құжаттарда мәлімет болған жағдайда);
7) малдың жынысы (малды әкелген жағдайда);
8) асыл тұқымдық кiтап бойынша тiркеу нөмiрi немесе өкiлеттi органның тiркелiмi (олар жүргiзiлген жағдайда);
9) малды генетикалық бағалау нәтижесi (өткізілген жағдайда);
10) шежіресі (экспорттаушы елдердің талаптарына сәйкес беріледі);
11) асыл тұқымдық куәлiкті немесе оған балама құжатты берген күнi (бар болса);
12) малдың түсі және ерекше белгілері (бар болса).
13) экспорттаушы елдерде қабылданған әдіс бойынша бағалау көрсеткішінің бар болуы немесе жануардың немесе экспорттаушы елде қабылданған әдіс бойынша тектерінің біреуінің өнімділігінің абсолюттік көрсеткіші. Мал шаруашылығында жануардың өзінің немесе экспорттаушы елдің құзыретті органымен ғаламтор-қорында жарияланған құжатпен тектерінің біреуінің өнімділігі туралы мәліметті ұсыну рұқсат етіледі. Асыл тұқымдық куәлікке немесе оған балама құжатқа қосымша түрінде, жеткізіп берушімен расталған, фермаішілік есептегі құжат бойынша жануардың тұқымы мен өнімділігі туралы мәліметті ұсынуға болады
7. Өтініш тіркелгеннен кейін үш жұмыс күні ішінде Үлгі:
Комитет құрған Комиссияда қарастыру үшін, Комитеттің аумақтық бөлімшесімен Комитетке;
Палатамен, Палата құрған Комиссияда қарастыру үшін жолданады.
8. Комитет құрған Комиссия Комитеттің, Қазақстан Республикасы Ауыл шаруашылық министрлігінің салалық құрылымдық бөлімшесінің, салалық ғылыми ұйымның, қоғамдық бірлестіктің өкілдерінен құралады, ал төрағасы – Комитеттің төрағасы болып табылады.
Палата құрған Комиссия, Палатаның және салалық ғылыми ұйымдардың өкілдерінен құралады, ал төрағасы – Палатаның басшысы болып табылады.
9. Комитет немесе Палата, отырысты өткізуге дейін 5 (бес) жұмыс күн бұрын өкілдері Комиссия құрамына кіретін ұйымдарды олардың Комиссия жұмысына қатысуын қаматамасыз ету бойынша шаралар қабылдауы үшін жазбаша түрде хабарландырады.
10. Комиссияның Үлгіні қарастыру мерзімі Комитетте немесе Палатада тіркелген күннен бастап 10 (он) жұмыс күнді құрайды.
11. Комиссияның шешімі, Комиссия Төрағасымен және оның мүшелерімен қол қойылатын, еркін үлгідегі Акт түрінде қабылданады.
Комиссия мүшелерінің Актпен келіспеген жағдайда, Актқа келіспеу себептері көрсетілген қосымша дайындалып, Комиссияның келіспеген мүшелерінің қолдары қойылады.
12. Өтінілген Үлгіде немесе құзыретті органның ғаламтор-қорында орналастырылған құжаттарда Осы Қағиданың 6-тармағындағы мәліметтер көрсетілген жағдайда, Комиссия Үлгіні келісу туралы шешім қабылдайды.
Өтінілген Үлгіде немесе құзыретті органның ғаламтор-қорында орналастырылған құжаттарда осы Қағиданың 6-тармағында көрсетілген мәліметтердің болмауы немесе сәйкес келемеуі, Үлгіні келістіруден бас тарту үшін себеп болып табылады.
13. Келісілген Үлгі:
1) импортталған ірі қара малға берілген асыл тұқымды куәліктің немесе оған балама құжаттың Үлгісі келісілген жағдайда – Палат сайтында;
2) басқа малдарға берілген асыл тұқымды куәліктің немесе оған балама құжаттың Үлгісі келісілген жағдайда – асыл тұқымды мал шаруашылығы саласындағы уәкілетті органның ғаламтор-порталында орналастырылады;
14. Комитет немесе Палата өтінілген Үлгінің келісілгені немесе келісуден бас тартылғаны туралы шешім көрсетілген Комиссия ұсынған Актыны алғаннан кейін өтініш берушіге бір жұмыс күні ішінде жолдайды.
15. Үлгіні экспорттаушы елдің құзыретті органы өзгерткен жағдайда Үлгі қайта келісуге жатады.
3. Экспорттаушы елдердiң құзыреттi органдары импортталған асыл
тұқымды өнiмге (материалға) берген асыл тұқымдық куәлiктi
немесе оған балама құжатты тану тәртiбi
16. Малдарды белгіленген орынға әкелгеннен және карантин аяқталғаннан кейін, импорттаушы әр малдың немесе асыл тұқымды өнімнің (материалдың) партиясының асыл тұқымдық куәліктің көшірмесіне (түпнұсқасына) сәйкестігін растау рәсімін өткізу мақсатында ірі қара малдың асыл тұқымды өнімін (материалын) импорттаған жағдайда – Палатаға немесе басқа малдардың асыл тұқымды өнімін (материалын) импорттаған жағдайда – Комитеттің аумақтық бөлімшелеріне:
малдарды көзбен шолып тексеру үшін;
татуировкадағы, таңбадағы, тавродағы, биркадағы және басқа бірдейлендіру номерлерін бірге немесе жекеден қолда бар шет ел сертификаттарының түп нұсқаларымен немесе оған балама құжаттармен салыстыру үшін өтініш бере алады.
17. Экспорттаушы елдің құзыретті органы асыл тұқымды өнімге (материалға) берген асыл тұқымдық куәлігін немесе оған балама құжатты тану үшін, импорттаушы:
1) ірі қара малдың асыл тұқымды өнімін (материалын) импорттаған жағдайда – Палатаға;
2) басқа малдардың асыл тұқымды өнімін (материалын) импорттаған жағдайда – Комитеттің аумақтық бөлімшелеріне еркін нұсқадағы экспорттаушы елдің құзыретті органымен асыл тұқымды өнімге (материалға) берген асыл тұқымдық куәлігін немесе оған балама құжатты тану туралы өтініш береді.
Өтініште:
жеке тұлғалар үшiн – асыл тұқымды өнiм (материал) әкелудi жоспарлаған жеке тұлғаның тегiн, атын, әкесiнiң атын және тұратын жерін;
заңды тұлғалар үшiн – асыл тұқымды өнiм (материал) әкелудi жоспарлаған заңды тұлғаның атауын, мекенжайын және қызмет түрін;
экспорттаушы елдiң атауын, малдың санын, түрiн және тұқымын, ұрықтың немесе эмбриондардың саны, олардың қай түрге және тұқымға жататыны көрсетіледі.
Импорттаушы өтінішке экспорттаушы елдің құзыреттi органдары берген асыл тұқымдық куәлiктердің немесе оған балама құжаттардың көшірмелерін және мiндеттi қайтарым шартымен олардың беттестiруге арналған түпнұсқаларын қоса бередi.
18. Ірі қара мал бойынша малдың өзінің өнімділігі немесе тегінің біреуінің өнімділігі туралы мәліметтерді экспорттаушы елдің құзыретті органының ғаламтор-қорында орналастырылған құжаттардан ұсынуға болады.
19. Буаз малды импорттаған жағдайда экспорттаушы елдің тааптарына сәйкес болашақ тұқымның әкесі туралы мәлімет қосымша ұсынылады (тұқымы, тіркеу номері, екі жақтағы үш ата-тегінің шежіресі, ұрықтану немесе шағылысу кезеңі бойынша мәлімет).
Асыл тұқымды куәлікке немесе оған балама құжатқа қосымша түрінде жеткізіп берушімен расталған, ішкі фермерлік есептегі құжат бойынша болашақ тұқымның әкесінің шығу тегі мен өнімділігі туралы мәліметті ұсынуға болады.
Таза қанды мiнiс жылқылары үшін иесiнiң өзгергенi туралы мәлiметтерді көрсете отырып, экспорттаушы мемлекеттердiң жокей клубтары берген халықаралық үлгiдегi паспорт – асыл тұқымдық куәлікке балама құжат болып табылады.
20. Асыл тұқымды өнімнің (материалдың) асыл тұқымды куәлігінің немесе оған балама құжаттының дұрыстығы экспорттаушы елдің құзыретті органымен расталады (басшының қолымен куәландырылып, мөрмен расталады).
21. Комитеттің аумақтық бөлімшесінің инспекторы немесе Палата маманы асыл тұқымды куәліктің немесе оған балама құжаттың көшірмесінде немесе түпнұсқасында көрсетілген барлық мәліметтерді Үлгімен салыстыруды жүргізеді және осы Қағиданың 17-тармағында көрсетілген өтініш түскеннен кейін 10 (он) жұмыс күні ішінде импорттаушыға осы Қағидаға 2-қосымшаға сәйкес нысан бойынша асыл тұқымдық куәлікті немесе оған балама құжатты тану туралы қорытынды беріледі.
| Экспорттаушы елдердің құзыретті органдары импортталған асыл тұқымды өнімге (материалға) берген асыл тұқымдық куәлікті немесе оған балама құжатты тану тәртібі туралы қағидаға 1-қосымша |
Нысан
Кімге _______________________________________________________________
(Асыл тұқымдық мал шаруашылығы саласындағы уәкілетті органның
аумақтық бөлімшесіне немесе Ірі қара малдың тұқымдары бойынша
Республикалық палатаға)
кімнен_____________________________________________________________
(жеке тұлғаның фамилиясы, аты, әкесінің аты, ЖСН
немесе заңды тұлғаның толық аты, БСН)
Өтініш
Экспорттаушы ел ___________________________ құзыретті органдары
импортталған асыл (экспорттаушы ел атауы)
тұқымды ________________________ өнімге (материалға) берген асыл
тұқымдық (асыл тұқым өнімінің (материалдың) түрі)
куәліктің/оған балама құжаттың Үлгісін тануларыңызды сұраймын.
Импорттаушының мекен-жайы: __________________________________________
телефон № ___________________________________
Өзім ұсынып отырған құжаттардың дұрыстығын растаймын.
Мен, _______________________, асыл тұқым куәліктерінің келесі
түпнұсқаларындаға мәліметтер берілген үлгіге _______ сәйкес болатының
растаймын.
Тегі, аты, әкесінің аты (бар болса) _________________________________
Күні ________________ __________________
М.О. (бар болса) (қолы)
| Экспорттаушы елдердің құзыретті органдары импортталған асыл тұқымды өнімге (материалға) берген асыл тұқымдық куәлікті немесе оған балама құжатты тану тәртібі туралы қағидаға 2-қосымша |
Асыл тұқым куәлігін немесе оған балама құжатты тану туралы қорытынды
1. Экспорттаушы елдердің құзыретті органдары импортталған асыл тұқымды өнімге (материалға) берген танылған асыл тұқымдық куәлік немесе оған балама құжаттың тізімі
№ | Асыл тұқымды мал туралы жалпы мәлімет | Асыл тұқымды малдың сәйкестендіру нөмірі** | Асыл тұқым куәлігінің немесе сертификаттың тіркеу нөмірі | Малдың асыл тұқымдық құндылығы туралы мәлімет | |||||||||
түрі | жынысы | Тұқымы | Лақап аты және белгілері | Туған күні | Тірі салмағы, кг* | Құлақ сырғасы | электроннды чип | татуировка | таңба | Бағалау бойынша сыныбы | Бағалау көрсеткіші*** | ||
2. Экспорттаушы елдердің құзыретті органдары импортталған асыл тұқымды өнімге (материалға) берген танылмаған асыл тұқымдық куәлік немесе оған балама құжаттың тізімі
№ | Асыл тұқымды мал туралы жалпы мәлімет | Асыл тұқымды малдың сәйкестендіру нөмірі** | Асыл тұқым куәлігінің немесе сертификаттың тіркеу нөмірі | Малдың асыл тұқымдық құндылығы туралы мәлімет | Асыл тұқым куәлігін немесе оған балама құжатты танымаудың себебі | |||||||||
түрі | жынысы | Тұқымы | Лақап аты және белгілері | Туған күні | Тірі салмағы, кг* | Құлақ сырғасы | электроннды чип | татуировка | таңба | Бағалау бойынша сыныбы | Бағалау көрсеткіші*** | |||
*- өнімділік бағыттағы етті ірі қара малдар, қойлар, шошқалар, жылқылар және түйелер үшін
**- тізілгендердің ішінен біреуі немесе бірнешеуі көрсетіледі
***- бағалау көрсеткіші бар болуы туралы белгі қойылады
Асыл тұқым куәлігін немесе оған балама құжатты тану туралы қорытындыны берген адамның тегі, аты, әкесінің аты (бар болса) _____________________________________________________________________
Күні ________________ ____________________
М.О. (қолы)
