Ескерту. Күші жойылды - Қостанай облысы Ұзынкөл ауданы әкімдігінің 05.01.2016 № 3 қаулысымен (қол қойылған күнінен бастап қолданысқа енгізіледі).
Қазақстан Республикасының 2007 жылғы 15 мамырдағы Еңбек кодексіне, "Қазақстан Республикасындағы жергiлiктi мемлекеттiк басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31 бабына, "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңының 7 бабының 5) тармақшасына, 20 бабына сәйкес Ұзынкөл ауданының әкімдігі ҚАУЛЫ ЕТЕДI:
1. Бекітілсін:
1) осы қаулының қосымшасына сәйкес қоса беріліп отырған ұйымдардың тізбесі, қоғамдық жұмыстардың түрлері, көлемі және нақты жағдайлары;
2) қоғамдық жұмыстарда жұмыспен қамтылған азаматтардың еңбегіне төленетін ақы аудандық бюджет қаражатынан ең төменгi айлық жалақының 1,5 мөлшерiнде.
2. Қоғамдық жұмыстарды ұйымдастыру "Ұзынкөл ауданының жұмыспен қамту және әлеуметтік бағдарламалар бөлімі" мемлекеттік мекемесі мен тізбеде белгіленген ұйымдар арасында, қолданыстағы заңнамаға сәйкес жасалған қоғамдық жұмыстарды орындауға арналған шартта көрсетілген жағдайларда жүргізілсін.
3. "Ұзынкөл ауданының жұмыспен қамту және әлеуметтік бағдарламалар бөлімі" мемлекеттiк мекемесi:
1) аудандық бюджет қаражатынан қоғамдық жұмыстарға қатысушылардың еңбек ақысын өтеу, оның ішінде Қазақстан Республикасының қолданыстағы заңнамасымен белгіленген міндетті зейнетақы жарналарын, табыс салығын төлеу үшін жұмыс берушілердің есеп айырысу шоттарына ақшалай қаражатты аударсын;
2) аудандық бюджеттен жұмыс берушілерге Қазақстан Республикасының қолданыстағы заңнамасымен белгiленген мөлшерде мемлекеттiк әлеуметтiк сақтандыру қорына әлеуметтік салық және әлеуметтiк аударымдарды төлеуге арналған шығындар, жалақыны аудару мен төлеу бойынша екiншi деңгейдегi банктердiң қызметi үшiн комиссиялық сыйақы төлеуге арналған шығындар шартпен белгiленген мөлшерде өтесiн.
4. Ұзынкөл ауданы әкімдігінің 2013 жылғы 11 наурыздағы № 65 "Ұзынкөл ауданында ақы төленетін қоғамдық жұмыстарды ұйымдастыру туралы" қаулысының (Нормативтік құқықтық актілерді мемлекеттік тіркеу тізілімінде № 4077 тіркелген, 2013 жылғы 4 сәуірде "Нұрлы жол" аудандық газетінде жарияланған) күші жойылды деп танылсын.
5. Осы қаулының орындалуын бақылау аудан әкімінің орынбасары Н.Қ. Қабылдинға жүктелсін.
6. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Ұзынкөл
ауданының әкімі Т. Ташмағамбетов
КЕЛIСIЛДI:
Қостанай облысы әкімдігі
денсаулық сақтау
басқармасының "Ұзынкөл
аудандық орталық ауруханасы"
коммуналдық мемлекеттік
кәсіпорны бас дәрігерінің
міндетін атқарушы
______________ М. Ағайдарова
Ұзынкөл ауданы әкімдігінің
2014 жылғы 26 маусымдағы № 243
қаулысына қосымша
Ұйымдардың тізбесі, қоғамдық
жұмыстардың түрлері, көлемі және
нақты жағдайлары
№ |
Ұйымның атауы |
Жұмыс түрлері |
Жұмыс көлемі |
Нақты жағдайлары |
1. |
Қостанай облысы әкімдігі денсаулық сақтау басқармасының "Ұзынкөл аудандық орталық ауруханасы" коммуналдық мемлекеттік кәсіпорны |
Қызметкердің алдын ала кәсіптік даярлаудан өтуін талап етпейтін, Ұзынкөл ауданының ауылдық округтері мен ауылдарының аумақтарын жинау және абаттандыру бойынша күнделікті жұмыстарға көмек. |
175112 сағат |
Қоғамдық жұмыстарға бір қатысушының жұмыс уақытының ұзақтығы Қазақстан Республикасының еңбек заңнамасымен қарастырылған шектеулерді есепке ала отырып, аптасына 40 сағаттан артық емес, екі демалыс күнімен, бір сағаттан кем емес түскі үзіліспен. |
