РҚАО ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабының 2-3-тармағына, Қазақстан Республикасы Үкіметінің 2013 жылғы 21 мамырдағы "Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Үлгілік қағидаларын бекіту туралы" N 504 Қаулысына сәйкес, мұқтаж азаматтардың жекелеген санаттарына әлеуметтік көмек көрсету мақсатында Лебяжі ауданының мәслихаты ШЕШІМ ЕТЕДІ:
1. Әлеуметтiк көмек көрсетудiң, оның мөлшерлерiн белгiлеудiң және Лебяжі ауданындағы мұқтаж азаматтардың жекелеген санаттарының тiзбесiн айқындаудың қоса ұсынылған Қағидалары бекiтілсін.
2. Осы шешімнің орындалуын бақылау аудандық мәслихаттың әлеуметтік сала және мәдени дамыту мәселелері жөніндегі тұрақты комиссиясына жүктелсін.
3. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.
| Сессия төрағасы | Е. Сағадиев |
| Аудандық мәслихат хатшысы | Қ. Әлтаев |
| Лебяжі аудандық мәслихатының 2014 жылғы 5 наурыздағы N 1/27 шешімімен бекітілген |
Әлеуметтiк көмек көрсетудiң, оның мөлшерлерiн белгiлеудiң және
Лебяжі ауданындағы мұқтаж азаматтардың жекелеген санаттарының
тiзбесiн айқындаудың Қағидалары
1. Осы әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидалары (бұдан әрі – Қағида) Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін–өзі басқару туралы" Заңының 6–бабы 2–3–тармағына, Қазақстан Республикасы Үкіметінің 2013 жылғы 21 мамырдағы N 504 "Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы" Қаулысына сәйкес әзірленді (бұдан әрі – ҮҚ).1. Жалпы ережелер
2. Осы Қағидаларда пайдаланылатын негiзгi терминдер мен ұғымдар:1) атаулы күндер – жалпы халықтық тарихи, рухани, мәдени маңызы бар және Қазақстан Республикасы тарихының барысына ықпал еткен оқиғалар;
2) арнайы комиссия – өмiрлiк қиын жағдайдың туындауына байланысты әлеуметтiк көмек көрсетуге үмiткер адамның (отбасының) өтiнiшiн қарау бойынша Лебяжі ауданы әкiмiнiң шешiмiмен құрылатын комиссия;
3) ең төмен күнкөрiс деңгейi – Павлодар облысының статистикалық органдары есептейтiн мөлшерi бойынша ең төмен тұтыну себетінің құнына тең, бiр адамға қажеттi ең төмен ақшалай кiрiс;
4) мереке күндерi – Қазақстан Республикасының ұлттық және мемлекеттiк мереке күндерi;
5) отбасының (азаматтық) жан басына шаққандағы орташа табысы – отбасының жиынтық табысының айына отбасының әрбiр мүшесiне келетiн үлесi;
6) орталық атқарушы орган – халықты әлеуметтiк қорғау саласында мемлекеттiк саясатты iске асыруды қамтамасыз ететiн мемлекеттiк орган;
7) өмiрлiк қиын жағдай – азаматтың тыныс-тiршiлiгiн объективтi түрде бұзатын, ол оны өз бетiнше еңсере алмайтын ахуал;
8) уәкiлеттi орган – "Лебяжі аудандық жұмыспен қамту және әлеуметтік бағдарламалар бөлімі" мемлекеттік мекемесі;
9) уәкiлеттi ұйым – "Қазақстан Республикасы Еңбек және халықты әлеуметтiк қорғау министрлiгiнiң Зейнетақы төлеу жөнiндегi мемлекеттiк орталығы" республикалық мемлекеттiк қазыналық кәсiпорны – Павлодар облысы Зейнетақы төлеу жөніндегі мемлекеттік орталығының Лебяжі ауданының бөлімшесі;
10) учаскелiк комиссия – әлеуметтiк көмек алуға өтiнiш бiлдiрген адамдардың (отбасылардың) материалдық жағдайына тексеру жүргiзу және қорытындылар дайындау үшiн тиiстi ауылдық округ әкiмдерінің шешiмiмен құрылатын комиссия;
11) шектi шама – әлеуметтiк көмектiң бекiтiлген ең жоғары мөлшерi.
3. Осы Қағидаларда әлеуметтік көмек ретінде жергілікті атқарушы органдары (бұдан әрі – ЖАО) мұқтаж азаматтардың жекелеген санаттарына (бұдан әрі – алушылар) өмірлік қиын жағдай туындаған жағдайда, сондай–ақ атаулы күндер мен мереке күндеріне ақшалай нысанда көрсететін көмек түсініледі.
4. Қазақстан Республикасының 1995 жылғы 28 сәуірдегі "Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы" Заңының 20–бабында және Қазақстан Республикасының 2005 жылғы 13 сәуірдегі "Қазақстан Республикасында мүгедектерді әлеуметтік қорғау туралы" Заңының 16–бабында көрсетілген адамдарға әлеуметтік көмек осы Қағидаларда көзделген тәртіппен көрсетіледі.
5. Әлеуметтік көмек бір рет және (немесе) мерзімді (ай сайын, тоқсан сайын) көрсетіледі.
6. Әлеуметтiк көмек көрсету үшiн атаулы және мереке күндерiнiң тiзбесi:
1) 8 наурыз – Халықаралық әйелдер күні;
2) 9 мамыр - Жеңiс күнi;
3) 1 қазан - Халықаралық қарттар күні;
4) қазан айының 2 жексенбісі - Қазақстан Республикасының Мүгедектер күні.
Ескерту. 6-тармаққа өзгерістер енгізілді - Павлодар облысы Лебяжі аудандық мәслихатының 24.09.2014 N 1/36 (жарияланған күнінен бастап қолданысқа енгізіледі) шешімімен.
7. Учаскелік және арнайы комиссиялар өз қызметін, Павлодар облысының ЖАО бекітетін ережелері негізінде жүзеге асырады.
2. Әлеуметтік көмек алушылар санаттарының тізбесін айқындау
және әлеуметтік көмектің мөлшерлерін белгілеу тәртібі
8. Әлеуметтік төлемдер алуға келесі мұқтаж алушылар санаттары құқылы:1) Ұлы Отан соғысына қатысушылары мен мүгедектерi (бұдан әрі – ҰОС);
2) жеңiлдiктер мен кепiлдiктер жағынан ҰОС қатысушылар мен оларға теңестiрiлген адамдар, атап айтқанда:
қорғанысына қатысу майдандағы армия бөлiмдерiнiң әскери қызметшiлерi үшiн белгiленген жеңiлдiк шарттарымен зейнетақы тағайындау үшiн еңбек өткерген жылдарына 1998 жылғы 1 қаңтарға дейiн есептелдi қалаларда ҰОС кезiнде қызмет атқарған әскери қызметшiлер, сондай-ақ бұрынғы Кеңес Социалистік Республикалар Одағының (бұдан әрі – КСРО) iшкi iстер және мемлекеттiк қауiпсiздiк органдарының басшы және қатардағы құрамының адамдары;
ҰОС кезiнде майдандағы армия құрамына кiрген әскери бөлiмдерде, штабтарда, мекемелерде штаттық қызмет атқарған Совет Армиясының, Әскери-Теңiз Флотының, бұрынғы КСРО iшкi iстер және мемлекеттiк қауiпсiздiк әскерлерi мен органдарының ерiктi жалдама құрамаларының адамдары, яки сол кездерде қорғанысына қатысу майдандағы армия бөлiмдерiнiң әскери қызметшiлерi үшiн белгiленген жеңiлдiк шарттарымен зейнетақы тағайындау үшiн еңбек өткерген жылдарына 1998 жылғы 1 қаңтарға дейiн есептеледi қалаларда болған адамдар;
қоршаудағы кезеңiнде Ленинград қаласының кәсiпорындарында, мекемелерi мен ұйымдарында жұмыс iстеген және "Ленинградты қорғағаны үшiн" медалiмен әрi "Қоршаудағы Ленинград тұрғыны" белгiсiмен наградталған азаматтар;
екiншi дүниежүзiлiк соғыс кезiнде фашистер мен олардың одақтастары құрған концлагерлердiң, геттолардың және басқа да ерiксiз ұстау орындарының жасы кәмелетке толмаған бұрынғы тұтқындары;
басқа мемлекеттердiң аумақтарындағы ұрыс қимылдарына қатысушылар, атап айтқанда:
бұрынғы КСРО үкiмет органдарының шешiмдерiне сәйкес басқа мемлекеттiң аумақтарындағы ұрыс қимылдарына қатысқан - Совет Армиясының, Әскери-Теңiз флотының, Мемлекеттiк қауiпсiздiк комитетiнiң әскери қызметшiлерi, бұрынғы КСРО Iшкi iстер министрлiгiнiң қатардағы және басқарушы құрамының адамдары (әскери мамандар мен кеңесшiлердi қоса есептегенде); жаттығу жиындарына шақырылып, ұрыс қимылдары жүрiп жатқан кезде Ауғанстанға жiберiлген әскери мiндеттiлер; ұрыс қимылдары жүрiп жатқан осы елге жүк жеткiзу үшiн Ауғанстанға жiберiлген автомобиль батальондарының әскери қызметшiлері; бұрынғы КСРО аумағынан Ауғанстанға жауынгерлiк тапсырмаларды орындау үшiн ұшулар жасаған ұшу құрамының әскери қызметшiлерi; Ауғанстандағы кеңес әскери құрамына қызмет көрсеткен жараланған, контузия алған немесе зақымданған, яки ұрыс қимылдарын қамтамасыз етуге қатысқаны үшiн бұрынғы КСРО ордендерiмен және медальдерiмен наградталған жұмысшылар мен қызметшiлер;
1986 - 1987 жылдары Чернобыль атом электростанциясындағы (бұдан әрі – ЧАЭС) апаттың, сондай-ақ азаматтық немесе әскери мақсаттағы объектiлердегi басқа да радиациялық апаттар мен авариялардың зардаптарын жоюға қатысқан, сондай-ақ ядролық сынақтар мен жаттығуларға тiкелей қатысқан адамдар;
3) жеңiлдiктер мен кепiлдiктер жағынан ҰОС қатысушы мүгедектеріне теңестiрiлген адамдар, атап айтқанда:
бұрынғы КСРО қорғау кезiнде, әскери қызметтiң өзге де мiндеттерiн басқа уақытта орындау кезiнде жаралануы, контузия алуы, зақымдануы салдарынан немесе майданда болуына байланысты, сондай-ақ ұрыс қимылдары жүргiзiлген басқа мемлекеттерде әскери мiндетiн өтеу кезiнде ауруға шалдығуы салдарынан мүгедек болған әскери қызметшiлер;
әскери мiндетiн орындау кезiнде жаралануы, контузия алуы, зақымдануы салдарынан, яки майданда болуына немесе ұрыс қимылдары жүргiзiлген мемлекеттерде әскери мiндетiн орындауына байланысты ауруға шалдығуы салдарынан мүгедек болған бұрынғы КСРО мемлекеттік қауіпсіздік органдарының және ішкі істер органдарының басшы және қатардағы құрамындағы адамдар;
ЧАЭС апаттың, азаматтық немесе әскери мақсаттағы объектiлердегi басқа да радиациялық апаттар мен авариялардың, ядролық қаруды сынаудың салдарынан мүгедек болған адамдар, сондай-ақ ата-анасының бiрiнiң радиациялық сәуле алуы себебiнен генетикалық жағынан мүгедек болып қалған олардың балалары;
Ауғанстанда немесе ұрыс қимылдары жүргiзiлген басқа мемлекеттерде әскери мiндетiн өтеу кезiнде ауруға шалдығуы салдарынан мүгедек болған әскери қызметшiлер;
4) жеңiлдiктер мен кепiлдiктер жөнiнен соғысқа қатысушыларға теңестiрiлген басқа да адамдар санаттары, атап айтқанда:
Ауғанстандағы немесе ұрыс қимылдары жүргiзiлген басқа мемлекеттердегi ұрыс қимылдары кезеңiнде жараланудың, контузия алудың, зақымданудың немесе ауруға шалдығудың салдарынан қаза тапқан (хабар-ошарсыз кеткен) немесе қайтыс болған әскери қызметшiлердiң отбасы;
қайтыс болған соғыс мүгедектерiнiң және соларға теңестiрiлген мүгедектердiң әйелдерi (күйеулерi), сондай-ақ қайтыс болған соғысқа қатысушылардың, партизандардың, астыртын күрес жүргiзген адамдардың, "Ленинградты қорғағаны үшiн" медалiмен және "Қоршаудағы Ленинград тұрғыны" белгiсiмен наградталған, жалпы ауруға шалдығудың, еңбек ету кезiнде зақым алуының нәтижесiнде және басқа себептерге (құқыққа қайшы келетiндерiнен басқаларына) байланысты мүгедек деп танылған азаматтардың екiншi рет некеге тұрмаған әйелдерi (күйеулерi);
1988 - 1989 жылдардағы ЧАЭС апаттың зардаптарын жоюға қатысқан, оқшаулау аймағынан Қазақстан Республикасына қоныс аудартқан (өз еркiмен көшкен) адамдар қоныс аудартқан күнi анасының құрсағындағы балаларды қоса алғанда;
5) ҰОС жылдарында 1941 жылдың 22 маусымынан 1945 жылдың 9 мамырына аралығында кем дегенде 6 ай тылдағы қажырлы еңбегi және мiнсiз әскери қызметi үшiн бұрынғы КСРО ордендерiмен және медальдерiмен наградталған адамдар және қажырлы еңбегi және мiнсiз әскери қызметi үшiн бұрынғы КСРО ордендерiмен және медальдерiмен наградталмаған адамдар;
6) ең төмен зейнетақы және жәрдемақы алатын, зейнеткерлік жасқа жеткен адамдар, атап айтқанда:
жалғызбасты және жалғыз тұратын, зейнеткерлік жасқа жеткен адамдар;
80 және одан үлкен жастағы, зейнеткерлер;
төмен зейнетақы алатын зейнеткерлер;
7) мүгедектер, атап айтқанда:
бірінші, екінші топтағы мүгедектер;
18 жасқа дейінгі мүгедек балалар;
кәмелет жасқа толмаған балалары бар мүгедек әйелдер;
арбадағы мүгедектер;
8) жан басына шаққандағы орташа табысы күнкөріс деңгейінен 1,5 еселі ара қатынасынан аспайтын төрт және одан да көп кәмелетке толмаған балалары бар көп балалы отбасылар;
9) жан басына шаққандағы табысы облыста белгіленген күнкөріс деңгейінен аспайтын отбасыларының облыстың жоғары оқу орындарында оқитын студенттері, жетім–балалар және ата–анасының қамқорлығынсыз қалған балалар;
10) аз қамтамасыз етілген азаматтар, атап айтқанда:
уәкілетті органда жұмыссыз ретінде тіркеуде тұрған, жан басына шаққанда отбасының орташа табысы белгіленген күнкөріс деңгейінен аспайтын зейнеткерлік алдындағы жұмыссыздар (жасына қарай екі жыл қалғанда зейнетке шығу);
уәкілетті органда жұмыссыз ретінде есепте тұрған, жан басына шаққандағы орташа табысы күнкөріс деңгейінен 1,5 еселі ара қатынасынан аспайтын жұмыссыздар;
бас бостандығынан айыру орнынан шыққан тұлғалар;
өмірдің қиын жағдайына тап болған азаматтар: өрт немесе стихиялық апат, жан басына шаққандағы орташа табысы күнкөріс деңгейінен 1,5 еселі ара қатынасынан аспайтын емделуге қажетті ауыру, 1 айдан аса ұзақ ауыру, ота жасауды қажет ететін ауыру;
12 аптаға дейін жүктілігіне байланысты аудандық ауруханаға дер кезінде есепте тұрған, жан басына шаққанда отбасының орташа табысы күнкөріс деңгейінен аспайтын жүкті әйелдер;
жасанды тағаммен тамақтандыратын 1 жасқа дейінгі емізіктегі баласы бар, жан басына шаққанда отбасының орташа табысы күнкөріс деңгейінен аспайтын отбасылар;
мемлекеттік атаулы әлеуметтік көмек және мемлекеттік балалар жәрдемақысын алатын аз қамтамасыз етілген отбасылар;
11) әлеуметтік – мағыналы аурулармен ауыратын азаматтар, атап айтқанда:
онкологиялық аурулармен ауыратын тұлғалар;
адамның қорғаныш тапшылығының қоздырғышы ауруымен ауыратын тұлғалар;
туберкулездің әртүрлі түрлерімен ауыратын тұлғалар.
9. Уәкілетті орган табысын есептемей көрсетеді:
1) атаулы күндер мен мерекелік күндерге біржолғы әлеуметтік көмек:
Жеңіс күніне орай:
осы Қағиданың 8-тармағының 1), 2), 3) тармақшаларында көрсетілген санаттарға – уәкілетті ұйыммен келісілген тізімі негізінде;
осы Қағиданың 8-тармағының 4) тармақшасының екінші, үшінші абзацтарында 5) тармақшасында көрсетілген санаттарға – уәкілетті ұйыммен келісілген тізімі негізінде;
Халықаралық қарттар күніне орай:
осы Қағиданың 8-тармағының 6) тармақшасында көрсетілген санаттарға – уәкілетті ұйыммен келісілген тізімі негізінде;
Қазақстан Республикасының Мүгедектер күніне орай:
осы Қағиданың 8-тармағының 7) тармақшасында көрсетілген санаттарға - уәкілетті ұйыммен келісілген тізімі негізінде;
Халықаралық әйелдер күніне орай:
осы Қағиданың 8-тармағының 8) тармақшасында көрсетілген санаттарға - уәкілетті ұйыммен келісілген тізімі негізінде;
2) біржолғы әлеуметтік көмек:
осы Қағиданың 8-тармағының 1), 2) тармақшаларында, 4) тармақшаның екінші абзацында, 5) тармақшада, 6) тармақшаның бірінші абзацында, 7) тармақшаның бірінші абзацында, 12) тармақшада көрсетілген санаттарға жазылу компаниясы кезеңінде республикалық, облыстық және аудандық газеттерге жазылуға нақты көлемде - уәкілетті ұйыммен келісілген тізімі негізінде;
осы Қағиданың 8-тармағының 1) тармақшасында көрсетілген санаттарға пәтерлеріне ағымдағы жөндеу жұмысын жасау үшін нақты шығынынан 500 айлық есептік көрсеткіш (бұдан әрі – АЕК) аспайтын көлемде – қызмет көрсету, жұмыс жүргізу келісімшарт көшірмесінің қосымшасымен өтініші бойынша;
осы Қағиданың 8-тармағының 5) тармақшасында көрсетілген санаттарға электрлі қуатты пеш орнату үшін нақты шығынынан 100 АЕК аспайтын көлемде – қызмет көрсету, жұмыс жүргізу келісімшарт көшірмесінің қосымшасымен өтініші бойынша;
осы Қағиданың 8-тармағының 7) тармақшасында көрсетілген санаттарға жеке ісін ашу үшін нақты шығынынан 325 АЕК аспайтын көлемде – ұсынылған шығынның нақты көлемінің есебі және өтініші бойынша;
осы Қағиданың 8-тармағының 7) тармақшадағы бірінші абзацтағы көрсетілген санаттарға әлеуметтік көмек 17619 (он жеті мың алты жүз он тоғыз) теңге көлемінде - уәкілетті ұйыммен келісілген тізімі негізінде;
осы Қағиданың 8-тармағының 7) тармақшасының бірінші абзацында көрсетілген санаттарға қатты отын сатып алу үшін 5 АЕК көлемінде және дәрі-дәрмек сатып алу үшін 5 АЕК көлемінде – жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, тиісті медициналық мекемесінен мүгедектігін растайтын анықтама;
осы Қағиданың 8-тармағының 7) тармақшасының төртінші абзацында көрсетілген санаттарға пандус орнату нақты шығынынан 50 АЕК аспайтын көлемде – қызмет көрсету, жұмыс жүргізу келісімшарт көшірмесінің қосымшасымен өтініші бойынша;
осы Қағиданың 8-тармағының 10) тармақшасының екінші абзацында көрсетілген санаттарға кәсіби даярлау және қайта даярлаудан өту үшін 4,1 АЕК көлемінде - уәкілетті ұйыммен келісілген тізімі негізінде;
осы Қағиданың 8-тармағының 10) тармақшасының екінші абзацында көрсетілген санаттарға жерлеу үшін 15 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, азаматтардың халахуал актілерін тіркеу бөлімінен қайтыс болу туралы анықтамасы немесе қайтыс болу туралы куәлігі;
осы Қағиданың 8-тармағының 10) тармақшасының үшінші абзацында көрсетілген санаттарға 5 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, бас бостандығынан айыру орнынан бостандыққа шыққандығы туралы анықтамасы;
осы Қағиданың 8-тармағының 11) тармақшасының бірінші, екінші абзацтарында көрсетілген санаттарға 10 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, сәйкес медициналық мекемеден анықтама;
3) тоқсан сайынғы әлеуметтік көмек:
осы Қағиданың 8-тармағының 2) тармақшасының бесінші, алтыншы абзацтарында көрсетілген санаттарға электр қуаттан басқа, тұрғын коммуналдық қызмет шығындарын төлеу үшін 5 АЕК көлемінде - уәкілетті ұйыммен келісілген тізімі негізінде;
4) ай сайынғы әлеуметтік көмек:
осы Қағиданың 8-тармағының 1) тармақшада көрсетілген санаттарға электр қуаттан басқа тұрғын коммуналдық қызмет шығындарын төлеу үшін 4 АЕК көлемінде - уәкілетті ұйыммен келісілген тізімі негізінде;
нақты қолданылған электр қуатын төлеу үшін - уәкілетті ұйыммен келісілген тізімі негізінде;
осы Қағиданың 8-тармағының 4) тармақшасының екінші абзацында, 5) тармақшада көрсетілген санаттарға электр қуаттан басқа, тұрғын коммуналдық қызмет шығындарын төлеу үшін 3 АЕК көлемінде - уәкілетті ұйыммен келісілген тізімі негізінде;
осы Қағиданың 8-тармағының 7) тармақшасының екінші абзацында көрсетілген санаттарға мектепке дейінгі мүгедек балаларды бала-бақшада ұстау үшін төлем ақысы 3 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, баласының мүгедектігін растайтын сәйкес медициналық мекемеден анықтама, баланың туу туралы куәлігі, мектепке дейінгі мекемеден анықтама;
осы Қағиданың 8-тармағының 7) тармақшасының үшінші абзацында көрсетілген санаттарына мектепке дейінгі балаларды бала-бақшада ұстау үшін төлем ақысы 3 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, мүгедектігін растайтын сәйкес медициналық мекемеден анықтама, баланың туу туралы куәлігі, мектепке дейінгі мекемеден анықтама;
осы Қағиданың 8-тармағының 10) тармақшасының төртінші абзацында көрсетілген санаттарға амбулаторлық емделуде өтіп жүрген 5 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, сәйкес медициналық мекемеден анықтама.
Ескерту. 9-тармаққа өзгерістер енгізілді - Павлодар облысы Лебяжі аудандық мәслихатының 24.09.2014 N 1/36 (жарияланған күнінен бастап қолданысқа енгізіледі): 26.12.2014 N 3/40 (алғаш ресми жарияланған күннен бастап қолданысқа енгізіледі) шешімдерімен.
10. Уәкілетті ұйым табысын есептеп көрсетеді:
1) біржолғы әлеуметтік көмек:
осы Қағиданың 8-тармағының 10) тармақшада көрсетілген санаттарға құжаттандыруға (жеке куәлік) 1 АЕК көлемінде;
жеке қосалқы шаруашылықтарын дамыту үшін 150000 (жүз елу мың) теңге көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, тұрмыс – жағдайын тексеру актісі, ірі қара малды сатып алу жөніндегі сауда-саттық шарты, малдың ветеринарлық паспорты;
спутниктік телебағдарламаны орнату үшін нақты шығынынан 16 АЕК аспайтын көлемде – уәкілетті ұйыммен келісілген тізімі негізінде;
осы Қағиданың 8-тармағының 10) тармақшасының төртінші, бесінші абзацтарында көрсетілген санаттарға 10 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, тұрмыс – жағдайын тексеру актісі (аудандық арнайы комиссия шешімі бойынша), жүктілігіне байланысты есепте тұрғандығы жөнінде медициналық анықтама, ҮҚ бекітілген нысаны бойынша тұлғаның (отбасының) құрамы, осы отбасының алдыңғы тоқсанда алған табыстары туралы мәліметтері негізінде;
осы Қағиданың 8-тармағының 10) тармақшасының жетінші абзацында көрсетілген санаттарға әлеуметтік көмек 17619 (он жеті мың алты жүз он тоғыз) теңге көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, ҮҚ бекітілген нысаны бойынша тұлғаның (отбасының) құрамы, осы отбасының алдыңғы тоқсанда алған табыстары туралы мәліметтері негізінде;
2) тоқсан сайынғы әлеуметтік көмек:
осы Қағиданың 8-тармағының 6) тармақшада көрсетілген санаттарға электр қуаттан басқа, тұрғын коммуналдық қызмет шығындарын төлеу үшін 3 АЕК көлемінде;
осы Қағиданың 8-тармағының 9) тармақшада көрсетілген санаттарға оқу төлем ақысын нақты төлем ақысы көлемінде мамыр және қазан айларында және ай сайынғы әлеуметтік көмек жоғары оқу орнында оқу кезеңіне жолақысына, жүріп-тұруына және тамақтануына 15235 (он бес мың екі жүз отыз бес) теңге көлемінде – жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген жеке өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, орта білімі туралы аттестат және жетімдік мәртебесін растайтын құжаттар бар болған жағдайда, білім беру қызметін көрсету туралы келісімшарт;
3) ай сайынғы әлеуметтік көмек:
осы Қағиданың 8-тармағының 10) тармақшасының бірінші абзацында көрсетілген санаттарға 3 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, тұрмыс – жағдайын тексеру актісі;
осы Қағиданың 8-тармағының 10) тармақшасының бесінші абзацында көрсетілген санаттарға балалар тамағын сатып алу үшін 2 АЕК көлемінде - жеке есепшотының нөмірі екінші дәрежелі банктерде немесе жекелеген банктік операцияларды жүзеге асырушы қажетті лицензиясы бар ұйымдарда көрсетілген өтініші, жеке басын куәландыратын құжат, тұрақты тұрғылықты жері бойынша тіркелгенін растайтын құжат, жасанды тағаммен тамақтанатын баланың тұрғылықты жері туралы медициналық анықтама, осы отбасының алдыңғы тоқсанда алған табыстары туралы мәліметтері негізінде.
11. Осы Қағидада көрсетілген атаулы күндер мен мерекелік күндерге әлеуметтік көмектің мөлшері жекелеген алушылар санаттарына облыстың ЖАО келісімі бойынша бірыңғай мөлшерде белгіленеді.
Арнайы комиссия әлеуметтік көмек көрсету қажеттілігі туралы қорытынды шығарған кезде жергілікті өкілетті органдар бекіткен азаматтарды мұқтаждар санатына жатқызу үшін негіздемелер тізбесін басшылыққа алады.
12. Әрбір жекелеген жағдайда көрсетілетін әлеуметтік көмек мөлшерін аудандық арнайы комиссия айқындайды және оны әлеуметтік көмек көрсету қажеттілігі туралы қорытындыда көрсетеді.
3. Әлеуметтік көмек көрсету тәртібі
13. Атаулы күндер мен мереке күндеріне әлеуметтік көмек алушылардан өтініштер талап етілмей уәкілетті ұйымның не өзге де ұйымдардың ұсынымы бойынша ЖАО бекітетін тізімі бойынша көрсетіледі.14. Өмірлік қиын жағдай туындаған кезде әлеуметтік көмек алу үшін өтініш беруші өзінің немесе отбасының атынан уәкілетті органға немесе ауыл, ауылдық округтың әкіміне өтінішке қоса мынадай құжаттарды:
1) жеке басын куәландыратын құжатты;
2) тұрақты тұрғылықты жері бойынша тіркелгенін растайтын құжатты;
3) ҮҚ бекіткен нысанда адамның (отбасының) құрамы туралы мәліметтерді;
4) адамның (отбасы мүшелерінің) табыстары туралы мәліметтерді;
5) өмірлік қиын жағдайдың туындағанын растайтын актіні және/немесе құжатты ұсынады.
15. Құжаттарды салыстырып тексеру үшін түпнұсқаларда және көшірмелерде ұсынылады, содан кейін құжаттардың түпнұсқалары өтініш берушіге қайтарылады.
16. Өмірлік қиын жағдай туындаған кезде әлеуметтік көмек көрсетуге өтініш келіп түскен кезде уәкілетті орган немесе ауыл, ауылдық округтің әкімі бір жұмыс күн ішінде өтініш берушінің құжаттарын адамның (отбасының) материалдық жағдайына тексеру жүргізу үшін учаскелік комиссияға жібереді.
17. Учаскелік комиссия құжаттарды алған күннен бастап екі жұмыс күн ішінде өтініш берушіге тексеру жүргізеді, оның нәтижелері бойынша ҮҚ бекіткен нысандар бойынша адамның (отбасының) материалдық жағдайы туралы акті жасайды, адамның (отбасының) әлеуметтік көмекке мұқтаждығы туралы қорытынды дайындайды және оларды уәкілетті органға немесе ауыл, ауылдық округ әкіміне жібереді.
Ауыл, ауылдық округ әкімі учаскелік комиссияның актісі мен қорытындысын алған күннен бастап екі жұмыс күн ішінде оларды қоса берілген құжаттармен уәкілетті органға жібереді.
18. Әлеуметтік көмек көрсету үшін құжаттар жетіспеген жағдайда уәкілетті орган әлеуметтік көмек көрсетуге ұсынылған құжаттарды қарау үшін қажетті мәліметтерді тиісті органдардан сұратады.
19. Өтініш берушінің қажетті құжаттарды олардың бүлінуіне, жоғалуына байланысты ұсынуға мүмкіндігі болмаған жағдайда уәкілетті орган тиісті мәліметтерді қамтитын өзге уәкілетті органдар мен ұйымдардың деректері негізінде әлеуметтік көмек тағайындау туралы шешім қабылдайды.
20. Уәкілетті орган учаскелік комиссиядан немесе ауыл, ауылдық округ әкімінен құжаттар келіп түскен күннен бастап бір жұмыс күн ішінде Қазақстан Республикасының заңнамасына сәйкес адамның (отбасының) жан басына шаққандағы орташа табысын есептеуді жүргізеді және құжаттардың толық пакетін арнайы комиссияның қарауына ұсынады.
21. Арнайы комиссия құжаттар келіп түскен күннен бастап екі жұмыс күн ішінде әлеуметтік көмек көрсету қажеттілігі туралы қорытынды шығарады, оң қорытынды болған кезде әлеуметтік көмектің мөлшерін көрсетеді.
22. Уәкілетті орган өтініш берушінің әлеуметтік көмек алуға қажетті құжаттарын тіркеген күннен бастап сегіз жұмыс күн ішінде қабылданған құжаттар мен арнайы комиссияның әлеуметтік көмек көрсету қажеттілігі туралы қорытындысы негізінде әлеуметтік көмек көрсету не көрсетуден бас тарту туралы шешім қабылдайды.
Осы Қағидалардың 18 және 19–тармақтарында көрсетілген жағдайларда уәкілетті орган өтініш берушіден немесе ауыл, ауылдық округтің әкімінен құжаттарды қабылдаған күннен бастап жиырма жұмыс күн ішінде әлеуметтік көмек көрсету не көрсетуден бас тарту туралы шешім қабылдайды.
23. Уәкілетті орган шешім қабылдаған күннен бастап үш жұмыс күн ішінде қабылданған шешім туралы (бас тартқан жағдайда – негіздемесін көрсете отырып) өтініш берушіні жазбаша хабардар етеді.
24. Белгіленген негіздемелердің біреуі бойынша әлеуметтік көмек күнтізбелік бір жыл ішінде қайта көрсетілмейді.
25. Әлеуметтік көмек көрсетуден бас тарту:
1) өтініш беруші ұсынған мәліметтердің дәйексіздігі анықталған;
2) өтініш беруші адамның (отбасының) материалдық жағдайына тексеру жүргізуден бас тартқан, жалтарған;
3) адамның (отбасының) жан басына шаққандағы орташа табысы әлеуметтік көмек көрсету үшін жергілікті өкілді органдар белгілеген шектен артқан жағдайларда жүзеге асырылады.
26. Әлеуметтік көмек ұсынуға шығыстарды қаржыландыру ауданның бюджетінде көзделген ағымдағы қаржы жылына арналған қаражат шегінде жүзеге асырылады.
4. Көрсетілетін әлеуметтік көмекті тоқтату
және қайтару үшін негіздемелер
27. Әлеуметтік көмек:1) алушы қайтыс болған;
2) алушы тиісті әкімшілік–аумақтық бірліктің шегінен тыс тұрақты тұруға кеткен;
3) алушыны мемлекеттік медициналық–әлеуметтік мекемелерге тұруға жіберген;
4) алушы ұсынған мәліметтердің дәйексіздігі анықталған жағдайларда тоқтатылады.
Әлеуметтік көмекті төлеу көрсетілген жағдаяттар туындаған айдан бастап тоқтатылады.
28. Артық төленген сомалар ерікті немесе Қазақстан Республикасының заңнамасында белгіленген өзгеше тәртіппен қайтаруға жатады.
