Қазақстан Республикасы 2007 жылғы 27 шілдедегі «Білім туралы» Заңының 8-бабы 4-тармағына, Қазақстан Республикасы Үкіметінің 2012 жылғы 12 наурыздағы «Әлеуметтік көмек көрсетілетін азаматтарға әлеуметтік көмектің мөлшерін, көздерін, түрлерін және оны беру қағидаларын бекіту туралы» № 320 қаулысымен бекітілген әлеуметтік көмек көрсетілетін азаматтарға әлеуметтік көмек беру Қағидаларының 5-тармағына сәйкес Солтүстік Қазақстан облысы Тимирязев ауданының әкімдігі ҚАУЛЫ ЕТЕДІ:
1. «Солтүстік Қазақстан облысы Тимирязев ауданы әкімдігінің «Солтүстік Қазақстан облысы Тимирязев ауданының білім бөлімі» мемлекеттік мекемесінің Солтүстік Қазақстан облысы Тимирязев ауданының Тимирязев жалпы білім беретін қазақ мектеп-интернаты» коммуналдық мемлекеттік мекемесінде тұратын балалардың тамақтану шығыны жергілікті бюджет қаражаты есебінен толық өтелсін.
2. Осы қаулының орындалуын бақылау Тимирязев ауданы әкімінің экономикалық мәселелер жөніндегі орынбасары Ж.Е. Мәкеноваға жүктелсін.
3. Осы қаулы оны алғашқы ресми жариялаған күнінен кейін он күнтізбелік күн өткен соң қолданысқа енгізіледі және 2014 жылдың 1 сәуірден туындаған құқықтық қатынастарға таратылады.
| Аудан әкімінің міндетін атқарушы | А. Ысқақов |
