Атырау облыстық мәслихатының 2009 жылғы 16 қазандағы № 250-IV "Облыстық (қаланың, ауданның) құрметтi азаматы" атағын беру қағидасын бекiту туралы" шешiмiне өзгерiс енгiзу туралы

Атырау облыстық мәслихатының 2014 жылғы 11 шілдедегі № 299-V шешімі. Атырау облысының Әділет департаментінде 2014 жылғы 24 шілдеде № 2950 болып тіркелді

Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару және өзiн-өзi басқару туралы" Заңының 6-бабы 1-тармағының 12-2) тармақшасына және Атырау облысы әкiмдiгiнiң 2014 жылғы 4 сәуірдегі № 93 "Атырау облысы әкiмдiгiнiң 2009 жылғы 15 мамырдағы № 125 "Облыстың (қаланың, ауданның) құрметтi азаматы" атағын беру қағидасы туралы" қаулысына өзгеріс енгiзу туралы" қаулысын қарап, V шақырылған облыстық мәслихат кезектен тыс ХХIІI сессиясында ШЕШІМ ҚАБЫЛДАДЫ:
1. Атырау облыстық мәслихатының 2009 жылғы 16 қазандағы № 250-IV "Облыстың (қаланың, ауданның) құрметтi азаматы" атағын беру қағидасын бекiту туралы" шешiмiне (нормативтiк құқықтық актiлердi мемлекеттiк тiркеу тiзiлiмiнде № 2555 тiркелген, 2009 жылғы 1 желтоқсанда "Атырау" газетiнде жарияланған) келесi өзгерiс енгiзiлсiн:
"Облыстың (қаланың, ауданның) құрметті азаматы" атағын беру мемлекеттік тілдегі қағидасында:
мемлекеттік тілдегі мәтінінде 14-тармақтағы "село" деген сөз "ауыл" деген сөзбен ауыстырылсын.
Орыс тіліндегі мәтіні өзгертілмейді.
2. Осы шешiм әділет органдарында мемлекеттiк тiркелген күннен бастап күшіне енеді және ол алғашқы ресми жарияланған күнінен кейiн күнтiзбелiк он күн өткен соң қолданысқа енгiзiледi.
3. Осы шешімнің орындалуын бақылау облыстық мәслихаттың заңдылықты сақтау, депутаттық этика және құқық қорғау мәселелері жөніндегі тұрақты комиссиясына (Т. Мұқатанов) жүктелсін.

Сессия төрағасы	С. Дүйсенғалиев
Мәслихат хатшысы	С. Лұқпанов