Ескерту. Күші жойылды – ҚР Қаржы министрінің 27.02.2018 № 305 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
"Салық және бюджетке төленетін басқа да міндетті төлемдер туралы" 2008 жылғы 10 желтоқсандағы Қазақстан Республикасы Кодексінің (Салық кодексі) 583-бабы 7-2-тармағына сәйкес БҰЙЫРАМЫН:
1. Қоса беріліп отырған Агроөнеркәсіптік кешенді дамыту саласындағы уәкілетті орган агроөнеркәсіптік кешен саласындағы дайындаушы ұйым бюджет қаражаты есебінен алған қосылған құн салығы сомасы субсидияларының сомалары жөніндегі мәліметтерді табыс ету қағидалары бекітілсін.
2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамамен белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрық мемлекеттік тіркелгеннен кейін он күнтізбелік күн ішінде оны мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберуді;
3) осы бұйрықты Қазақстан Республикасы Қаржы министрлігінің интернет-ресурсына орналастыруды қамтамасыз етсін.
3. Осы бұйрық алғаш ресми жарияланған күнінен кейін қолданысқа енгізіледі.
Қазақстан Республикасының | |
Қаржы министрі | Б. Сұлтанов |
"КЕЛІСІЛДІ"
Қазақстан Республикасының
Ауыл шаруашылығы министрі
_____________ А.С. Мамытбеков
2015 жыл 22 сәуір
| Қазақстан Республикасы Қаржы министрінің 2015 жылғы 30 сәуірдегі № 291 бұйрығымен бекітілген |
Агроөнеркәсіптік кешенді дамыту саласындағы уәкілетті органның
агроөнеркәсіптік кешен аясындағы дайындаушы ұйым қосылған құн
салығы сомаларының бюджет қаражаты есебінен алған субсидия
сомалары бойынша мәліметтерді беру қағидалары
1. Осы Агроөнеркәсіптік кешенді дамыту саласындағы уәкілетті органның агроөнеркәсіптік кешен аясындағы дайындаушы ұйым қосылған құн салығы сомаларының бюджет қаражаты есебінен алған субсидия сомалары бойынша мәліметтерді беру қағидалары "Салық және бюджетке төленетін басқа да міндетті төлемдер туралы" 2008 жылғы 10 желтоқсандағы Қазақстан Республикасы Кодексінің (Салық кодексі) 583-бабы 7-2-тармағына сәйкес әзірленген және агроөнеркәсіптік кешен саласындағы дайындаушы ұйым қосылған құн салығы сомаларының бюджет қаражаты есебінен алған субсидия сомалары бойынша мәліметтерді беру тәртібін айқындайды.
2. Осы Қағидада мынадай ұғымдар пайдаланылады:
1) мәліметтер - агроөнеркәсіптік кешені саласындағы дайындаушы ұйым қосылған құн салығы сомаларының бюджет қаражаты есебінен алған субсидия сомалары бойынша мәліметтер;
2) уәкілетті орган - салық және бюджетке төленетін басқа да міндетті төлемдердің түсуін қамтамасыз ету саласындағы басшылықты жүзеге асыратын мемлекеттік орган.
3. Осы Қағиданың қосымшасына сәйкес нысан бойынша жыл сайын 1 желтоқсанға дейінгі мерзімде бюджетке төленген қосылған құн салығы сомасын субсидия алған агроөнеркәсіптік кешен саласындағы дайындаушы ұйым бойынша уәкілетті органға, агроөнеркәсіптік кешенді дамыту аясындағы уәкілетті органмен мәліметтер беріледі.
4. Агроөнеркәсіптік кешенді дамыту саласындағы уәкілетті орган Мемлекеттік органдардың бірыңғай көлік жүйесі электрондық байланыс арнасы арқылы мәліметтерді уәкілетті органға жібереді.
Нысан
_______ жыл үшін агроөнеркәсіптік кешен саласындағы дайындаушы
ұйым қосылған құн салығы сомаларының бюджет қаражаты есебінен
алған субсидия сомалары бойынша мәліметтер
теңге
№ | Агроөнеркәсіптік кешен саласындағы дайындаушы ұйымның бизнес сәйкестендіру нөмірі | Субсидиялауға алынған сомасы | Субсидияны алған күні | Субсидия алынған салық кезеңі (тоқсан) |
1 | 2 | 3 | 4 | 5 |
