Ескерту. Күші жойылды - Ақмола облысы Қорғалжын ауданы әкімдігінің 19.04.2016 № 61/1 қаулысымен.
РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Заңына және Қазақстан Республикасы Президентінің 2012 жылғы 29 қазандағы № 410 "Қазақстан Республикасының мемлекеттік органының үлгі ережеcін бекіту туралы" Жарлығына сәйкес, аудан әкімдігі ҚАУЛЫ ЕТЕДІ:
1. Қоса беріліп отырған "Қорғалжын аудандық ветеринария бөлімі" мемлекеттік мекемесі туралы
ереже бекітілсін.
2. Осы қаулының орындалуын бақылау Қорғалжын аудан әкімінің орынбасары С. Ахметовке жүктелсін.
3. Осы қаулы Ақмола облысының Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
Аудан әкімі |
Қ.Рыскелдінов |
Қорғалжын ауданы әкімдігінің |
"Қорғалжын аудандық ветеринария бөлімі"
мемлекеттік мекемесі туралы
ЕРЕЖЕ
1. Жалпы ережелер
1. "Қорғалжын аудандық ветеринария бөлімі" мемлекеттік мекемесі ветеринария саласында басшылықты жүзеге асыратын Қазақстан Республикасының мемлекеттік органы болып табылады.
2. "Қорғалжын аудандық ветеринария бөлімі" мемлекеттік мекемесінің Қорғалжын ауданы әкімдігінің жанындағы "Ветсервис" шаруашылық жүргізу құқығындағы мемлекеттік коммуналдық кәсіпорны ведомствасы бар.
3. "Қорғалжын аудандық ветеринария бөлімі" мемлекеттік мекемесі өз қызметін Қазақстан Республикасының Конституциясы мен заңдарына, Қазақстан Республикасы Президентінің, үкіметтің актілеріне, өзге де нормативтік құқықтық актілерге және осы Ережеге сәйкес жүзеге асырады.
4. "Қорғалжын аудандық ветеринария бөлімі" мемлекеттік мекемесі ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарында шоттары болады.
5. "Қорғалжын аудандық ветеринария бөлімі" мемлекеттік мекемесі азаматтық-құқықтық қатынастарға өз атынан түседі.
6. "Қорғалжын аудандық ветеринария бөлімі" мемлекеттік мекемесі егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
7. "Қорғалжын аудандық ветеринария бөлімі" мемлекеттік мекемесі өз құзыретінің мәселелері бойынша заңнамада белгіленген тәртіппен бөлім басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
8. "Қорғалжын аудандық ветеринария бөлімі" мемлекеттік мекемесі құрылымы мен штат санының лимиті қолданыстағы заңнамаға сәйкес бекітіледі.
9. Заңды тұлғаның орналасқан жері: Қазақстан Республикасы, 021300, Ақмола облысы, Қорғалжын ауданы, Қорғалжын ауылы, Хайретдин Болғанбаев көшесі, 9.
10. Мекеменің толық атауы: "Қорғалжын аудандық ветеринария бөлімі" мемлекеттік мекемесі.
11. Осы Ереже "Қорғалжын аудандық ветеринария бөлімі" мемлекеттік мекемесінің құрылтай құжаты болып табылады.
12. "Қорғалжын аудандық ветеринария бөлімі" мемлекеттік мекемесі қызметінің қаржыландыруы жергілікті бюджеттен.
13. "Қорғалжын аудандық ветеринария бөлімі" мемлекеттік мекемесіне кәсіпкерлік субъектілерімен бөлімге функциялары болып табылатын міндеттерді орындау тұрғысында шарттық қатынастарға түсуге тыйым салынады.
Егер "Қорғалжын аудандық ветеринария бөлімі" мемлекеттік мекемесіне заңнамалық актілермен кірістер әкелетін қызметті жүзеге асыру құқығы берілсе, онда осындай қызметтен алынған кірістер республикалық бюджеттің кірісіне жіберіледі.
2. Мемлекеттік органның миссиясы, негізгі міндеттері, функциялары, құқықтары мен міндеттері
14. "Қорғалжын аудандық ветеринария бөлімі" мемлекеттік мекемесінің миссиясы ветеринария саласында бірыңғай мемлекеттік саясатты жүргізу болып табылады.
15. "Қорғалжын аудандық ветеринария бөлімі" мемлекеттік мекемесінің міндеттері:
1) жануарларды аурулардан қорғау және емдеу;
2) халықтың денсаулығын жануарлар мен адамға ортақ аурулардан қорғау;
3) ветеринариялық-санитариялық қауіпсіздікті қамтамасыз ету;
4) Қорғалжын ауданының аумағын басқа аймақтардан жануарлардың жұқпалы және экзотикалық ауруларының әкелiнуi мен таралуынан қорғау;
5) ветеринариялық препараттардың, жемшөп пен жемшөп қоспаларының қауiпсiздiгi мен сапасын бақылау;
6) жануарлар аурулары диагностикасының, оларға қарсы күрестің және ветеринариялық-санитариялық қауіпсіздікті қамтамасыз етудің құралдары мен әдістерін әзірлеу және пайдалану;
7) жеке және заңды тұлғалар ветеринария саласындағы қызметтi жүзеге асыруы кезiнде қоршаған ортаны ластаудың алдын алу және оны жою;
8) ветеринария ғылымын дамыту, ветеринария саласындағы мамандарды, ветеринария саласындағы кәсіпкерлік қызметті жүзеге асыратын жеке және заңды тұлғаларды даярлау және олардың бiлiктiлiгiн арттыру.
16. "Қорғалжын аудандық ветеринария бөлімі" мемлекеттік мекемесінің функциялары:
1) қаңғырған иттер мен мысықтарды аулауды және жоюды ұйымдастырады;
2) мал қорымдарын (биотермиялық шұңқырларды) салуды ұйымдастырады және оларды ветеринариялық нормативтерге сәйкес ұстауды қамтамасыз етеді;
3) өткізілген ветеринариялық шаралар туралы ақпаратты мүдделі тұлғаларға ұсынуды ұйымдастыру және қамтамасыз ету;
4) халықтың арасында ветеринария мәселелері бойынша ағарту жұмыстарын ұйымдастырады және жүргізеді;
5) жануарларды өсіруді, жануарларды, жануарлардан алынатын өнімдер мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілерін, сондай-ақ ветеринариялық препараттарды, жемшөп және жемшөп қоспаларын өндіру, сақтау және өткізу жөніндегі ұйымдарды пайдалануға қабылдайтын мемлекеттік комиссияны ұйымдастырады;
6) жануарлардың саулығы мен адамның денсаулығына қауіп төндіретін жануарларды, жануарлардан алынатын өнімдер мен шикізатты алып қоймай залалсыздандыру (зарарсыздандыру) және қайта өңдеу;
7) жануарлардың саулығы мен адамның денсаулығына қауіп төндіретін, алып қоймай залалсыздандырылған (зарарсыздандырылған) және қайта өңделген жануарлардың, жануарлардан алынатын өнімдер мен шикізаттың құнын иелеріне өтеу;
8) аудан аумағында пайда болған жануарлардың жұқпалы ауруларының ошақтарын жою жөнінде ветеринариялық іс-шаралар кешені жүргізілгеннен кейін тиісті аумақтың бас мемлекеттік ветеринариялық-санитариялық инспекторының ұсынуы бойынша шектеу іс-шараларын немесе карантинді анықтау туралы шешімдер қабылдау;
9) аудан аумағында пайда болған жануарлардың жұқпалы ауруларының ошақтарын жою жөнінде ветеринариялық іс-шаралар кешені жүргізілгеннен кейін тиісті аумақтың бас мемлекеттік ветеринариялық-санитариялық инспекторының ұсынуы бойынша шектеу іс-шараларды немесе карантинді тоқтату туралы шешімдер қабылдау;
10) сәйкес әкімшілік-аумақтық бірліктің ветеринарлық дәрігерінің қатысуымен ауылдық округтер мен оның елді мекендерінде, қалада ауыл шаруашылығы жануарларын сәйкестендіру жөніндегі іс-шаралар өткізуді ұйымдастыру;
11)
уәкілетті орган бекітетін тізбе бойынша жануарлардың аса қауіпті ауруларының, сондай-ақ жануарлардың басқа да ауруларының профилактикасы, биологиялық материал сынамаларын алу және оларды диагностикалау үшін жеткізу бойынша ветеринариялық іс-шаралардың жүргізілуін ұйымдастыру;
12) ауыл шаруашылығы жануарларын бірдейлендіру бойынша, ауыл шаруашылығы жануарларын бірдейлендіру жөніндегі дерекқорды жүргізу бойынша іс-шаралар өткізуді ұйымдастыру;
13)
ауыл шаруашылығы жануарларын бірдейлендіруді жүргізу үшін бұйымдарға (құралдарға) және атрибуттарға қажеттілікті айқындау және облыстың, республикалық маңызы бар қаланың, астананың жергілікті атқарушы органына ақпарат беру;
14) ветеринариялық есепке алу мен есептілікті жинақтау, талдау және оларды облыстың жергілікті атқарушы органына ұсыну;
15) облыстың жергілікті атқарушы органына жануарлардың жұқпалы және жұқпалы емес ауруларының профилактикасы бойынша ветеринариялық іс-шаралар жөнінде ұсыныстар енгізу;
16) профилактикасы мен диагностикасы бюджет қаражаты есебінен жүзеге асырылатын жануарлардың энизоотиялық ауруларының тізбесі бойынша облыстың жергілікті атқарушы органына ұсыныс енгізу;
17) ветеринариялық препараттардың республикалық қорын қоспағанда, бюджет қаражаты есебінен сатып алынған ветеринариялық препараттарды сақтауды ұйымдастыру;
18) облыстың жергілікті атқарушы органына тиісті әкімшілік-аумақтық бірліктің аумағында ветеринариялық-санитариялық қауіпсіздікті қамтамасыз ету жөніндегі ветеринариялық іс-шаралар туралы ұсыныстар енгізу;
19) ауру малдарды санитариялық союды ұйымдастыру.
Ескерту. 16-тармаққа өзгерістер енгізілді - Ақмола облысы Қорғалжын аудандық әкімдігінің 01.02.2016 № 20 (ресми жарияланған күнінен бастап қолданысқа енгізіледі) қаулысымен.
17. "Қорғалжын аудандық ветеринария бөлімі" мемлекеттік мекемесінің құқықтары мен міндеттері:
1) өзіне жүктелген міндеттерді жүзеге асыру үшін ветеринария саласындағы уәкілетті мемлекеттік органнан және өзге ұйымдардан қажетті ақпаратты сұратуға және алуға;
2) алынып тасталды - Ақмола облысы Қорғалжын аудандық әкімдігінің 01.02.2016 № 20 (ресми жарияланған күнінен бастап қолданысқа енгізіледі) қаулысымен;
3) алынып тасталды - Ақмола облысы Қорғалжын аудандық әкімдігінің 01.02.2016 № 20 (ресми жарияланған күнінен бастап қолданысқа енгізіледі) қаулысымен;
4)
ветеринариялық-санитариялық қолайлы аумақтарда, сондай-ақ қолайсыз пункттерде жануарлардың және адамның денсаулығына қауіп төндіретін орны ауыстырылатын ( тасымалданатын) обьектілер анықталған жағдайда Қазақстан Республикасының заңдарында белгіленген тәртіппен оларды алып қоюға және жоюға, оларды залалсыздандыруды (зарарсыздандыруды) немесе өңдеуді ұйымдастыру ісіне қатысуға, сонда-ақ аталған фактілер туралы денсаулық сақтау саласындағы уәкілетті мемлекеттік органға хабарлауға;
5) жануарлардың жұқпалы және жұқпалы емес ауруларының алдын алу жөніндегі ветеринариялық іс-шаралар бойынша облыстың жергілікті атқарушы органына ұсыныс енгізуге;
6) профилактикасы мен диагностикасы бюджет қаражаты есебінен жүзеге асырылатын жануарлардың энизоотиялық ауруларының тізбесі бойынша облыстың жергілікті атқарушы органына ұсыныс енгізу;
7) "Қорғалжын аудандық ветеринария бөлімі" мемлекеттік мекемесі Қорғалжын ауданы әкімдігі жанындағы "Ветсервис" шаруашылық жүргізу құқығындағы мемлекеттік коммуналдық кәсіпорны ветеринариялық іс-шараларды ұйымдастыру және орындау үшін бақылау мен қадағалауды жүзеге асыруға құқылы.
Ескерту. 17-тармаққа өзгерістер енгізілді - Ақмола облысы Қорғалжын аудандық әкімдігінің 01.02.2016 № 20 (ресми жарияланған күнінен бастап қолданысқа енгізіледі) қаулысымен.
3. Мемлекеттік органның қызметін ұйымдастыру
18. "Қорғалжын аудандық ветеринария бөлімі" мемлекеттік мекемесіне басшылықты "Қорғалжын аудандық ветеринария бөлімі" мемлекеттік мекемесіне жүктелген міндеттердің орындалуына және оның функцияларын жүзеге асыруға дербес жауапты болатын бірінші басшы жүзеге асырады.
19. "Қорғалжын аудандық ветеринария бөлімі" мемлекеттік мекемесінің бірінші басшысын Қорғалжын ауданының әкімі қызметке тағайындайды және қызметтен босатады.
20. "Қорғалжын аудандық ветеринария бөлімі" мемлекеттік мекемесі бірінші басшысының өкілеттігі:
1) мемлекеттік мекеменің жұмысын ұйымдастырады және басқарады, мемлекеттік мекемеге жүктелген міндеттерді орындауға және функцияларын жүзеге асыруға жеке жауапкершілікте болады;
2) мемлекеттік мекеме қызметкерлерінің өкілеттік шеңберін және міндеттерін анықтайды;
3) заңнамаға сәйкес мемлекеттік мекеме қызметшілерін лауазымға тағайындайды және жұмыстан босатады;
4) мемлекеттік мекеме қызметкерлеріне заңнамамен белгіленген тәртіпте тәртіптік жазалар қолданады;
5) мемлекеттік мекеменің актілеріне қол қояды;
6) мемлекеттік мекеменің атынан мемлекеттік органдарда, басқа ұйымдарда өкілеттілік етеді;
7) Қазақстан Республикасының заңнамасына сәйкес басқа да өкілеттіктерді іске асырады.
"Қорғалжын аудандық ветеринария бөлімі" мемлекеттік мекемесі бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға орындайды.
4. Мемлекеттік органның мүлкі
21. "Қорғалжын аудандық ветеринария бөлімі" мемлекеттік мекемесінің заңнамада көзделген жағдайларда жедел басқару құқығында оқшауланған мүлкі болуы мүмкін.
"Қорғалжын аудандық ветеринария бөлімі" мемлекеттік мекемесінің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
22. "Қорғалжын аудандық ветеринария бөлімі" мемлекеттік мекемесіне бекітілген мүлік коммуналдық меншікке жатады.
23. Егер заңнамада өзгеше көзделмесе, "Қорғалжын аудандық ветеринария бөлімі" мемлекеттік мекемесі, өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
5. Мемлекеттік органды қайта ұйымдастыру және тарату
24. "Қорғалжын аудандық ветеринария бөлімі" мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.
