РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының "Қазақстан Республикасындағы жергілікті мемлекеттік бақару және өзін-өзі басқару туралы" 2001 жылғы 23 қаңтардағы Заңына және Қазақстан Республикасы Президентінің 2012 жылғы 29 қазандағы № 410 "Қазақстан Республикасының мемлекеттік органының үлгі ережеcін бекіту туралы" Жарлығына сәйкес, аудан әкімдігі ҚАУЛЫ ЕТЕДІ:
1. Қорғалжын ауданы әкімдігінің "Қорғалжын аудандық ветеринария бөлімі" мемлекеттік мекемесі туралы ережені бекіту туралы" 2015 жылғы 15 маусымдағы № 99 (Нормативтік құқықтық актілерді мемлекеттік тіркеудің тізіліміне № 4872 тіркелген, 2015 жылғы 30 шілдедегі "Нұр-Қорғалжын" газетінде жарияланған) қаулысына келесі өзгерістер енгізілсін:
Жоғарыда көрсетілген қаулымен бекітілген "Қорғалжын аудандық ветеринария бөлімі" мемлекеттік мекемесі туралы ережесінде:
16 тармақтың 11), 13) тармақшалары келесі редакцияда баяндалсын:
"11) уәкілетті орган бекітетін тізбе бойынша жануарлардың аса қауіпті ауруларының, сондай-ақ жануарлардың басқа да ауруларының профилактикасы, биологиялық материал сынамаларын алу және оларды диагностикалау үшін жеткізу бойынша ветеринариялық іс-шаралардың жүргізілуін ұйымдастыру;";
"13) ауыл шаруашылығы жануарларын бірдейлендіруді жүргізу үшін бұйымдарға (құралдарға) және атрибуттарға қажеттілікті айқындау және облыстың, республикалық маңызы бар қаланың, астананың жергілікті атқарушы органына ақпарат беру;";
17 тармақтың 2), 3) тармақшалары алынып тасталсын;
17 тармақтың 4) тармақшасы келесі редакцияда баяндалсын:
"4) ветеринариялық-санитариялық қолайлы аумақтарда, сондай-ақ қолайсыз пункттерде жануарлардың және адамның денсаулығына қауіп төндіретін орны ауыстырылатын ( тасымалданатын) обьектілер анықталған жағдайда Қазақстан Республикасының заңдарында белгіленген тәртіппен оларды алып қоюға және жоюға, оларды залалсыздандыруды (зарарсыздандыруды) немесе өңдеуді ұйымдастыру ісіне қатысуға, сонда-ақ аталған фактілер туралы денсаулық сақтау саласындағы уәкілетті мемлекеттік органға хабарлауға;".
2. Осы қаулының орындалуын бақылау Қорғалжын аудан әкімінің орынбасары Б.Сембаевқа жүктелсін.
3. Осы қаулы Ақмола облысының Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
| Аудан әкімі | Қ.Рыскелдінов |
