Күші жойылды - Жамбыл облыстық мәслихатының 26.09.2019 № 38-13 шешімімен (алғашқы ресми жарияланғаннан күннен кейiн күнтiзбелiк он күн өткен соң қолданысқа енгiзiледi).
РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6 бабы 1 тармағының 4-2) тармақшасына сәйкес Жамбыл облыстық мәслихат ШЕШІМ ҚАБЫЛДАДЫ:
1. "Жамбыл облысының қалалары мен елді мекендерінің аумақтарын абаттандыру Қағидаларын бекіту туралы" Жамбыл облыстық мәслихатының 2013 жылғы 27 маусымдағы № 14-14 шешіміне (Нормативтік құқықтық актілерді мемлекеттік тіркеу тізіліміне 2013 жылдың 8 қазандағы № 2023 болып тіркелген, "Ақ жол" газетінде 2013 жылғы 17 қазанындағы № 132 (17820) нөмерінде жарияланған) келесі өзгерістер енгізілсін:
осы шешімге қоса беріліп отырған Жамбыл облысының қалалары мен елді мекендерінің аумақтарын абаттандыру Қағидаларындағы:
"Қалалар мен елді мекендердің аумақтарын ағымдағы санитарлық күтiп ұстау және тазалау, залалсыздандыру және (немесе) көму орындары бар қоқыс шығаруға мамандандырылған кәсiпорындар арқылы жүзеге асырылады және келесi шаралар жүргізілуі қамтамасыз етілуін көздейдi" 68 тармағында "кәсіпорындар" деген сөз "жеке және заңды тұлғалар" деген сөздермен ауыстырылсын;
"көгал алаңдарға, гүлзарларға, егілген жас ағаштарға лас және тұз араласқан қарды, сонымен қатар мұз үйiндiлерiн роторлық лақтыруға және орынын ауыстыруға" 81 тармағының 3) тармақшасындағы "және тұз араласқан" деген сөздер алынып тасталсын.
"Қағиданы бұзғаны үшін жауапкершілік" 20 бөлімнің 193 тармағында "Әкімшілік құқық бұзушылық туралы" Қазақстан Республикасының 2001 жылғы 30 қаңтардағы Кодексімен" деген сөздер "Әкімшілік құқық бұзушылық туралы" Қазақстан Республикасының 2014 жылғы 5 шілдедегі Кодексімен" деген сөздермен ауыстырылсын;
2. Осы шешімнің орындалуына бақылау жасау облыстық мәслихаттың өнеркәсіп салаларын, құрылысты, энергетиканы, көлікті, байланыс пен кәсіпкерлікті дамыту мәселелері жөніндегі тұрақты комиссиясына жүктелсін.
3. Осы шешiм әдiлет органдарында мемлекеттiк тiркелген күннен бастап күшiне енедi және алғаш рет ресми жарияланғаннан кейiн күнтiзбелiк он күн өткен соң қолданысқа енгiзiледi.
|
Облыстық мәслихаттың сессия төрағасы С. Қалманбетов |
Облыстық мәслихаттыңхатшысыБ. Қарашолақов |
