Солтүстік Қазақстан облысы су объектілерінің су қорғау аймақтарын, белдеулерін және оларды шаруашылықта пайдалану режимін белгілеу туралы

Солтүстік Қазақстан облысы әкімдігінің 2015 жылғы 31 желтоқсандағы № 514 қаулысы. Солтүстік Қазақстан облысының Әділет департаментінде 2016 жылғы 9 ақпанда N 3610 болып тіркелді.

"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 27-бабы 1-тармағының 8-1) тармақшасына, Қазақстан Республикасының 2003 жылғы 9 шілдедегі Су кодексінің 39-бабы 2) тармақшасына және 116-бабы 2-тармағына, "Су қорғау аймақтары мен белдеулерін белгілеу қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 18 мамырдағы № 19-1/446 бұйрығымен (Нормативтік құқықтық актілерді мемлекеттік тіркеу тізілімінде № 11838 болып тіркелген) бекітілген Су қорғау аймақтары мен белдеулерін белгілеу қағидаларының 5-тармағына сәйкес Солтүстік Қазақстан облысының әкімдігі ҚАУЛЫ ЕТЕДІ:

1. Мыналар белгіленсін:

осы қаулының 1-қосымшасына сәйкес Солтүстік Қазақстан облысы су объектілерінің су қорғау аймақтары, белдеулері;

осы қаулының 2-қосымшасына сәйкес Солтүстік Қазақстан облысы су объектілерінің су қорғау аймақтарын, белдеулерін шаруашылықта пайдалану режимі.

2. Осы қаулының орындалуын бақылау облыс әкімінің жетекшілік ететін орынбасарына жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Солтүстік Қазақстан облысының әкімі	Е. Сұлтанов
"КЕЛІСІЛДІ" "Қазақстан Республикасы Ауыл шаруашылығы министрлігі Су ресурстары комитетінің Су ресурстарын пайдалануды реттеу және қорғау жөніндегі Есіл бассейндік инспекциясы" республикалық мемлекеттік мекемесінің Солтүстік Қазақстан су ресурстарын кешенді пайдалану аумақтық бөлімінің басшысы 2015 жылғы 31 желтоқсандағы	А. Қожанов
"Қазақстан Республикасы Ұлттық экономика министрлігі Тұтынушылардың құқықтарын қорғау комитетінің Солтүстік Қазақстан облысы тұтынушылардың құқықтарын қорғау департаменті" республикалық мемлекеттік мекемесінің басшысы 2015 жылғы 31 желтоқсандағы	М. Жексембин

Солтүстік Қазақстан облысы әкімдігінің 2015 жылғы 31 желтоқсандағы № 514 қаулысына 1-қосымша

Солтүстік Қазақстан облысы су объектілерінің су қорғау аймақтары, белдеулері

Ескерту. 1-қосымшаға өзгеріс енгізілді - Солтүстік Қазақстан облысы әкімдігінің 05.04.2017 № 134 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 13.05.2021 № 98 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) ; жаңа редакцияда - Солтүстік Қазақстан облысы әкімдігінің 04.05.2022 № 98 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен; 16.03.2023 № 31 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен; 14.06.2023 № 96 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 10.11.2023 № 206 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 26.03.2024 № 66 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 05.07.2024 № 196 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

№	Су айдынының атауы	Орналасқан жері (аудан, ауылдық округ, елді мекен)	Су айнасы ның ауданы (гектар)/ұзын дығы (кило метр)	Су қор ғау айма ғының ені (метр)	Су қорғау белде уінің ені (метр)
1	2	3	4	5	6
Өзендер
1	Есіл өзені	Ғабит Мүсірепов атындағы, Шал ақын, Есіл, Қызылжар	690	1000	100
2	Ақанбұрлық өзені	Ғабит Мүсірепов атындағы, Айыртау	222,36	500	100
3	Иманбұрлық өзені	Шал ақын, Айыртау	177	500	100
4	Жембарақ өзені	Ғабит Мүсірепов атындағы	37,29	500	35-100
5	Мұқыр өзені	Ғабит Мүсірепов атындағы	19,7	500	35-38
6	53°31’46.09” солтүстік ендіктен, 67°4’12.03” шығыс бойлықтан 53°31’33.39” солтүстік ендікке, 67°3’46.77” шығыс бойлыққа дейінгі географиялық координат тұстамасындағы Шудасай өзенінің учаскесі	Шал ақын, Юбилейный, Ұзынжар	0,75	500	75
7	Аралтөбе өзені	Айыртау	32,765	500	35-55
8	Қамсақты өзені	Айыртау, Есіл	107,353	500	35-55
9	Құланайғыр өзені (КСТ-62 "Еленовка-Арықбалық-Чистополье-Есіл 17-209 километр" облыстық маңызы бар автомобиль жолының 159 километріндегі көпірді күрделі жөндеу учаскесі)	Ғабит Мүсірепов атындағы, Чистопол, Ялты	0,4	500	35
10	"Дәуіт-1" кен орнының тау-кен телімі географиялық координат тұстамасындағы Шат өзенінің учаскесі	Ақжар, Ленинград, Ленинградское	0,91	500	75
11	Шарық өзені (Шарық су қоймасын қоспағанда)	Ғабит Мүсірепов атындағы	78,9	500	35-55
12	52°55’27.00” солтүстік ендіктен, 72°51’21.00” шығыс бойлықтан 52°58’20.00” солтүстік ендікке, 72°57’16.00” шығыс бойлыққа дейінгі географиялық координат тұстамасындағы Шат өзенінің учаскесі	Уәлиханов, Қайрат	11,1	500	35
13	52°56’54.00” солтүстік ендіктен, 72°45’47.00” шығыс бойлықтан 52°58’22.00” солтүстік ендікке, 72°57’15.00” шығыс бойлыққа дейінгі географиялық координат тұстамасындағы Семізбай өзенінің учаскесі	Уәлиханов, Қайрат	13,7	500	35
Көлдер
Айыртау ауданы
14	Жетікөл көлінің учаскесі ("Агро-Елецкое" ЖШС суармалау жүйесі шегінде)	Елецкий	4,857	500	35
15	Жақсы-Жалғызтау көлі учаскесі (№ 15-157-062-148, № 15-157-062-145, № 15-157-062-042 және № 15-157-062-164 "Исағали" ЖШС жер учаскелерінің шекаралары шегінде)	Нижнебурлук	5,498	500	35
Ақжар ауданы
16	Қомбайсор	Ленинград, Дәуіт	687	500	50
Аққайың ауданы
17	Кіші Тоқшын	Тоқшын, Тоқшын	33	300	50
18	Шағалалытеңіз	Қиялы	7800	500	50
19	Базарал	Аралағаш, Аралағаш	577	500	50
20	Байсал	Аралағаш, Амангелді	128	300	50
21	Ақсуат	Аралағаш, Рублевка	303	300	50
22	Круглое	Аралағаш, Рублевка	93	300	50
23	Кіші Балықты	Смирнов	235	500	50
24	Жалтыр	Григорьев, Григорьевка	269	500	50
25	Құндыкөл	Полтав, Полтавка	68	300	50
Есіл ауданы
26	Полоустное (Полонское)	Петров, Покров, Петровка	33	300	50
27	Моховое көлінің учаскесі ("Явленское-МТС" ЖШС суармалау жүйесі шегінде)	Спасов	2,89	300	35
Жамбыл ауданы
28	Екатериновское	Казанка, Екатериновка	471	500	50
29	Питное	Преснов (Железнин)	108	300	50
30	Курганское	Казанка, Усердное	162	300	50
31	Кабань	Первомай, Кабань	79	300	50
32	Суаткөл	Жамбыл, Амангелді	68	300	50
33	Мұжық	Озерный	65	300	50
34	Жалтырша	Майбалық	24	300	50
35	Далагүл	Благовещенка, Майбалық	46	300	50
36	Питное	Преснов, Островка	350	500	50
37	Жекекөл	Благовещенка, Благовещенка	99	300	50
38	Жарағаш	Благовещенка, Благовещенка	87	300	50
39	Лапушки	Преснов (Железнин)	22	300	50
40	Купальное	Преснов (Железнин)	34	300	50
41	Лагерное	Преснов, Пресновка	182	300	50
42	Шырықмай	Майбалық	31	300	50
43	Ақбалық	Озерный	77	300	50
44	Горькое	Казанка, Мирный, Екатериновка	526	500	50-55
Қызылжар ауданы
45	Логунов	Соколов, Соколовка	45	300	50
46	Сергин	Налобин, Виноградов	135	300	50
47	Дубровное	Налобин, Дубровное	127	300	50
48	Гайдуков	Налобин, Гайдуков	149	300	50
49	Жалтыр	Рассвет, Рассвет	176	300	50
50	Лебеденок	Налобин	338	500	50
51	Сиверга	Налобин	291	500	50
52	Соленое	Лесной, Якорь	287	500	50-75
53	Пестрое	Петропавл қаласы, Прибрежный, Тепличное	137	300	35-50
54	Лебяжье	Вагулин, Вагулин	523	500	50
55	Бугровое	Бугровое, Бугровое	68	300	50
56	Земляное	Бугровое, Бугровое	47	300	50-55
57	Курейное	Налобин, Гайдуков	150	300	50
Мамлют ауданы
58	Белое	Белое, Белое	349	500	100
59	Щучье	Белое, Щучье	75	300	50
60	Студеное	Белое	41	300	50
61	Степное	Белое	23	300	50
62	Казачье	Дубровин, Михайловка	94	300	50
63	Пруд	Краснознамен, Беловка	51	300	50
64	Кривые	Дубровин, Дубровное	111	300	50
65	Каменное	Белое, Белое	235	500	100
66	Чистое	Белое, Чистое	138	300	50
67	Меңгесер	Қызыләскер, Новомихайловка	3685	500	100
68	Бесқамыс	Краснознамен, Калугин	43	300	50
69	Федосейкин	Воскресенов, Воскресеновка	45	300	50-55
70	Жаргин (Жагрин)	Белое, Белое	108	300	50
71	Каменное	Белое, Мамлютка	62	300	50
72	Таловое (Талое)	Пригород, Покровка	65	300	50
73	Беленок	Белое, Белое	54	300	50
74	Уделов	Белое	48	300	50
75	Уделенок	Белое	44	300	50
76	Краснознамен	Краснознамен, Краснознаменское	43	300	50
77	Прудок	Краснознамен, Калугин	40	300	50
78	Тетеркин	Белое	27	300	50
79	Куропаткин	Белое	23	300	50
80	Большой Черок	Дубровин, Михайловка	178	300	50
81	Желтое	Воскресенов, Становое	70	300	50-75
Ғабит Мүсірепов атындағы аудан
82	Ұлыкөл	Бірлік, Рузаевка	2198	500	50
83	Шарық су қоймасы	Андреевка, Көкалажар, Андреевка	243	500	100
Мағжан Жұмабаев ауданы
84	Бірінші	Лебяжье, Лебяжье	23	300	50
85	Екінші	Лебяжье, Лебяжье	20	300	50
86	Зарослое	Аққайың (Гаврин), Зарослое	152	300	50
87	Рявкин	Бәйтерек (Фурманов), Рявкин	281	500	50
88	Питное	Полудин, Полудин	872	500	50
Тимирязев ауданы
89	Ақсуат	Дзержинск, Москворецк, Москворецкое	1607	500	50
90	Жарқын	Дмитриев, Дмитриевка	467	500	50
91	Дмитриевка	Дмитриев, Дмитриевка	26	300	50
Уәлиханов ауданы
92	Жамантұз	Қайрат	2980	500	100

Солтүстік Қазақстан облысы әкімдігінің 2015 жылғы 31 желтоқсандағы № 514 қаулысына 2-қосымша

Солтүстік Қазақстан облысы су объктілерінің су қорғау аймақтары мен су қорғау белдеулерін шаруашылықта пайдалану режимі

Ескерту. 2-қосымша жаңа редакцияда - Солтүстік Қазақстан облысы әкімдігінің 28.12.2018 № 376 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен; 16.03.2023 № 31 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

1. Су қорғау белдеулерінің шегінде:

1) су объектілерінің сапалық және гидрологиялық жай-күйін нашарлататын (ластану, қоқыстану, сарқылу) шаруашылық қызметіне немесе өзге де қызметке;

2) су шаруашылығы және су жинайтын құрылыстар мен олардың коммуникацияларын, көпірлерді, көпір құрылыстарын, айлақтарды, порттарды, пирстерді және су көлігі қызметіне байланысты өзге де көлік инфрақұрылымдары объектілерін, кәсіпшілік балық өсіру, балық шаруашылығы технологиялық су айдындары объектілерін, жаңартылатын энергия көздерін (гидродинамикалық су энергиясын) пайдалану объектілерін, сондай-ақ су объектісіндегі рекреациялық аймақтарды қоспағанда, демалыс және (немесе) сауықтыру мақсатындағы ғимараттар мен құрылыстарды салмай, ғимараттар мен құрылыстарды салуға және пайдалануға, осы тармақшаның ережелері су қорғау белдеулері шекараларының шегінде 2009 жылғы 1 шілдеге дейін тұрғызылған ғимараттар мен үймереттердің пайдаланылуына қолданылмайды, бұл ретте ұйымдастырылған орталықтандырылған кәріз, ластанған ағынды суларды бұрып жіберудің және тазалаудың өзге де жүйесі немесе ішіндегі заттарды әкетуді қамтамасыз ететін су өтпейтін науалар болған кезде ғана оларды пайдалануға жол беріледі;

3) бау-бақша егуге және саяжай салуға жер учаскелерін беруге;

4) су объектілерінің және олардың су қорғау аймақтары мен белдеулерінің ластануын болғызбайтын құрылыстармен және құрылғылармен қамтамасыз етілмеген қазіргі бар объектілерді пайдалануға;

5) жекелеген учаскелерді шалғындандыруға, егін егуге және ағаш отырғызуға арналған жерлерді өңдеуді қоспағанда, топырақ және өсімдік қабатын бұзатын жұмыстарды жүргізуге (оның ішінде жер жыртуға, мал жаюға, пайдалы қазбаларды өндіруге);

6) шатыр қалашықтарын, көлік құралдары үшін тұрақты тұрақтарды, малдың жазғы жайылым қостарын орналастыруға;

7) пестицидтер мен тыңайтқыштардың барлық түрлерін қолдануға жол берілмейді.

2. Су қорғау аймақтарының шегінде:

1) су объектілерін және олардың су қорғау аймақтары мен белдеулерінің ластануы мен қоқыстануын болғызбайтын құрылыстармен және құрылғылармен қамтамасыз етілмеген жаңа және реконструкцияланған объектілерді пайдалануға беруге;

2) ғимараттарға, құрылыстарға, коммуникацияларға және басқа да объектілерге реконструкция жүргізуге, сондай-ақ құрылыс, су түбін тереңдету және жарылыс жұмыстарын жүргізуге, пайдалы қазбалар өндіруге, кәбіл, құбыр және басқа да коммуникацияларды төсеуге, белгіленген тәртіппен жергілікті атқарушы органдармен, бассейндік инспекциялармен, қоршаған ортаны қорғау саласындағы уәкілетті мемлекеттік органмен, халықтың санитариялық-эпидемиологиялық саламаттылығы саласындағы мемлекеттік органмен және басқа да мүдделі органдармен келісілген жобасы жоқ бұрғылау, жер қазу және өзге де жұмыстар жүргізуге;

3) тыңайтқыштар, пестицидтер, мұнай өнімдерін сақтайтын қоймаларды, көлік құралдары мен ауыл шаруашылығы техникасына техникалық қызмет көрсету, оларды жуу пункттерін, механикалық шеберханаларды, тұрмыстық және өнеркәсіп қалдықтарын төгетін құрылғыны, аппаратураларды пестицидтермен толтыратын алаңдарды, авиациялық-химиялық жұмыстар жүргізуге арналған ұшу-қону жолақтарын орналастыруға және салуға, сондай-ақ судың сапасына кері әсер ететін басқа да объектілерді орналастыруға;

4) мал шаруашылығы фермалары мен кешендерін, сарқынды су жинағыштарды, сарқынды сумен суарылатын егістіктерді, зираттарды, мал қорымдарын (биотермиялық шұңқырларды), сондай-ақ жерүсті және жерасты суларының микробпен ластану қаупіне себепші болатын басқа да объектілерді орналастыруға;

5) жүктелім нормасынан асырып мал жаюға, су тоғандарының режимін нашарлататын мал тоғыту мен санитариялық өңдеуге және шаруашылық қызметінің басқа да түрлеріне;

6) су көздеріндегі су кемерінен екі мың метрге жетпейтін қашықтықта орналасқан ауыл шаруашылығы дақылдары мен орман екпелерін пестицидтермен авиациялық өңдеу және авиация арқылы минералдық тыңайтқыштармен қоректендіру тәсілін қолдануға;

7) концентрациясының жол берілетін шегі белгіленбеген пестицидтерді қолдануға, қардың үстіне тыңайтқыш себуге, сондай-ақ залалсыздандырылмаған көң қосылған сарқынды суды және тұрақты хлорорганикалық пестицидтерді тыңайтқыш ретінде пайдалануға жол берілмейді.

Су қорғау аймағында мәжбүрлі санитариялық өңдеу жүргізу қажет болған жағдайда уыттылығы әлсіз және орташа тұрақсыз пестицидтерді қолдануға жол беріледі.

3. Қазақстан Республикасының заңнамасында белгіленген тәртіппен келісілген және салалық сараптамалардың түйіндерін қамтитын, құрылыс жобаларына (техникалық-экономикалық негіздемелерге, жобалау-сметалық құжаттамаға) ведомстводан тыс кешенді сараптаманың оң қорытындысы алынған жобалар болмаса, су қорғау аймақтары мен белдеулерінде кәсіпорындар, ғимараттар, құрылыстар мен коммуникациялар салуға (реконструкциялауға, күрделі жөндеуге) жол берілмейді.