"Мақтаарал аудандық мәслихатының регламентін бекіту туралы" Мақтаарал аудандық мәслихатының 2014 жылғы 25 сәуірдегі № 30-171-V шешіміне өзгеріс енгізу туралы

Күшін жойған

Оңтүстік Қазақстан облысы Мақтаарал аудандық мәслихатының 2015 жылғы 31 наурыздағы № 42-254-V шешімі. Оңтүстік Қазақстан облысының Әділет департаментінде 2015 жылғы 24 сәуірде № 3155 болып тіркелді. Күшi жойылды - Оңтүстiк Қазақстан облысы Мақтаарал аудандық мәслихатының 2016 жылғы 20 маусымдағы № 4-21-VI шешiмiмен

Ескерту. Күшi жойылды - Оңтүстiк Қазақстан облысы Мақтаарал аудандық мәслихатының 20.06.2016 № 4-21-VI шешiмiмен.
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 10 бабының 2 тармағына және Оңтүстік Қазақстан облысының Әділет департаментінің 2015 жылғы 26 ақпандағы № 2-26-3/613 хатына сәйкес, Мақтаарал аудандық мәслихаты ШЕШІМ ҚАБЫЛДАДЫ:
1. Мақтаарал аудандық мәслихатының 2014 жылғы 25 сәуірдегі № 30-171-V "Мақтаарал аудандық мәслихатының регламентін бекіту туралы" (Нормативтік құқықтық актілерді мемлекеттік тіркеу тізілімінде № 2679 тіркелген, 2014 жылғы 4 шілдедегі "Мақтаарал" газетінде жарияланған) шешіміне мынадай өзгеріс енгізілсін:
көрсетілген шешіммен бекітілген Мақтаарал аудандық мәслихатының регламентінде:
7 тармақ мынадай редакцияда жазылсын:
"7. Аудандық мәслихаттың кезекті сессиясы кемінде жылына төрт рет шақырылады және оны мәслихат сессиясының төрағасы жүргізеді.".
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Аудандық мәслихат сессиясының төрағасы:	Е.Ералиев
Аудандық мәслихаттың хатшысы:	О.Дәндібаев