Батыс Қазақстан облысы әкімдігінің 2015 жылғы 28 сәуірдегі № 111 "Батыс Қазақстан облысында тауарлық газды тұтыну нормаларын бекіту туралы" қаулысына өзгеріс енгізу туралы

Батыс Қазақстан облысы әкімдігінің 2015 жылғы 3 қыркүйектегі № 243 қаулысы. Батыс Қазақстан облысының Әділет департаментінде 2015 жылғы 1 қазанда № 4064 болып тіркелді

"Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы, "Газ және газбен жабдықтау туралы" 2012 жылғы 9 қаңтардағы Қазақстан Республикасының Заңдарын басшылыққа ала отырып, Батыс Қазақстан облысының әкімдігі ҚАУЛЫ ЕТЕДІ:
1. 2015 жылғы 28 сәуірдегі № 111 "Батыс Қазақстан облысында тауарлық газды тұтыну нормаларын бекіту туралы" Батыс Қазақстан облысы әкімдігінің (Нормативтік құқықтық актілерді мемлекеттік тіркеу тізілімінде № 3927 тіркелген, 2015 жылғы 16 маусымдағы "Орал өңірі" және "Приуралье" газеттерінде жарияланған) қаулысына мынадай өзгеріс енгізілсін:
аталған қаулымен бекітілген Батыс Қазақстан облысында тауарлық газды тұтыну нормалары осы қаулының қосымшасына сәйкес жаңа редакцияда жазылсын.
2. "Батыс Қазақстан облысының энергетика және тұрғын үй-коммуналдық шаруашылық басқармасы" мемлекеттік мекемесі (Б. Ж. Талдықбаев) осы қаулының әділет органдарында мемлекеттік тіркелуін, "Әділет" ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.
3. Осы қаулының орындалуын бақылау облыс әкімінің орынбасары А. Б. Бадашевқа жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыс әкімі

Н. Ноғаев

	2015 жылғы 3 қыркүйектегі № 243 Батыс Қазақстан облысы әкімдігінің қаулысына қосымша
	2015 жылғы 28 сәуірдегі № 111 Батыс Қазақстан облысы әкімдігінің қаулысымен бекітілген

Батыс Қазақстан облысында тауарлық газды
тұтыну нормалары

№	Тауарлық газды тұтыну сипаттамасы	Өлшем бірлігі	Айлық тұтыну нормасы, (м3)
1.	Газ плитасы және орталықтандырылған ыстық сумен жабдықтау болған жағдайда	1 адамнан	10,6
2.	Газ плитасы, газбен су жылытқышы болған және орталықтандырылған ыстық сумен жабдықтау болмаған жағдайда	1 адамнан	18,5
3.	Газ плитасы болған, орталықтандырылған ыстық сумен жабдықтау және газбен су жылытқышы болмаған жағдайда	1 адамнан	13,5
4.	Тұрғын үй-жайларды (жеке тұрғын үйлерді, пәтерлерді, бөлмелерді) жеке (әр пәтерде) жылыту, жылытылатын аумақтың 1 м2 (күнтізбелік жыл ішінде тең төлеммен)	үй-жайларға аумағы 80 м2 дейін	5,5
		үй-жайларға аумағы 80 м2 астам	6,5

Аббревиатуралардың толық жазылуы:
м³ – текше метр;
м² – шаршы метр.