Казталов ауданының шалғайдағы елді мекендерінде тұратын балаларды жалпы білім беретін мектептерге тасымалдаудың схемасы мен қағидаларын бекіту туралы

Күшін жойған

Батыс Қазақстан облысы Казталов ауданы әкімдігінің 2015 жылғы 13 тамыздағы № 226 қаулысы. Батыс Қазақстан облысының Әділет департаментінде 2015 жылғы 17 қыркүйекте № 4040 болып тіркелді. Күші жойылды - Батыс Қазақстан облысы Казталов ауданы әкімдігінің 2015 жылғы 5 қарашадағы № 356 қаулысымен

Ескерту. Күші жойылды - Батыс Қазақстан облысы Казталов ауданы әкімдігінің 05.11.2015 № 356 Қаулысымен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін өзі басқару туралы" Заңына, Қазақстан Республикасының 2003 жылғы 4 шілдедегі "Автомобиль көлігі туралы" Заңына және "Автомобиль көлігімен жолаушылар мен багажды тасымалдау қағидасын бекіту туралы" Қазақстан Республикасы Үкіметінің 2011 жылғы 2 шілдедегі № 767 Қаулысына сәйкес аудан әкімдігі ҚАУЛЫ ЕТЕДІ:
1. Казталов ауданының шалғайдағы елді мекендерінде тұратын балаларды жалпы білім беретін мектептерге тасымалдаудың схемасы бекітілсін.
2. Казталов ауданының шалғайдағы елді мекендерінде тұратын балаларды жалпы білім беретін мектептерге тасымалдаудың қағидалары бекітілсін.
3. "Батыс Қазақстан облысы Казталов ауданының білім беру бөлімі" және "Батыс Қазақстан облысы Казталов ауданының экономика және қаржы бөлімі" мемлекеттік мекемелер қолданыстағы заңнамаларға сәйкес осы қаулыдан туындайтын қажетті шараларды қабылдасын.
4. Аудан әкімі аппаратының басшысы (А. Берденов) осы қаулының әділет органдарында мемлекеттік тіркелуін, "Әділет" ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.
5. Осы қаулының орындалуын бақылау аудан әкімінің орынбасары З. Мәжитоваға жүктелсін.
6. Осы қаулы алғашқы ресми жарияланған күнінен бастап қолданысқа енгізіледі.

Аудан әкімі

Н. Бекқайыр

2015 жылғы 13 тамыздағы № 266 Казталов ауданы әкімдігінің қаулысымен бекітілген

Казталов ауданының шалғайдағы елді мекендерінде тұратын балаларды
жалпы білім беретін мектептерге тасымалдаудың схемасы

№	Қозғалыс бағыты	Аралықтығы
1	Аққурай елді мекені – Болашақ ауылы	36 км
2	Щебаково қыстағы– Көпкүтірелді мекені – Қамыстыкөл қыстағы – Болашақ ауылы	43 км
3	Тұщықұдық қыстағы– Хайруш елді мекені – Жаңатаң ауылы – Болашақ ауылы	47 км
4	Саралжын елді мекені – Ажбай ауылы	80 км
5	Қызылту елді мекені – Ажбай ауылы	8 км
6	Бостандық ауылы – Кердері қыстағы –Ажбай ауылы	30 км
7	Ақбасты қыстағы – Ажбай ауылы	3 км
8	Әбіш ауылы– Назарқыстағы – Көмекші ауылы – Нарөлген қыстағы – Жаңажол ауылы	46 км
9	Сакрылқыстағы – Жаңажол ауылы	11 км
10	Сад қыстағы– Айғанша қыстағы– Танат елді мекені – Егінсай қыстағы– Қос баз қыстағы – Жаңажол ауылы	39 км
11	Дауқара қыстағы– Сүттігенді қыстағы – Қарасу ауылы	26 км
12	Ащысай елді мекені – Қарасу ауылы	15 км
13	Бостандық ауылы –Қушығанақ қыстағы – Қарасу ауылы	37 км
14	Кіші Айдархан елді мекені – Қарасу ауылы	12 км
15	Қаракөл елді мекені – Бостандық ауылы	3 км
16	Ақкөлмек қыстағы– Қурайлы қыстағы – Бостандық ауылы	45 км
17	Нәсіп қыстағы– Сабыр қыстағы– Қаракөл елді мекені – Бостандық ауылы	20 км
18	Қайып қыстағы– Қоңыршақыстағы – Бостандық ауылы	18 км
19	Сабыр қыстағы – Бостандық ауылы	6 км
20	Ақсуат қыстағы – Бостандық ауылы	7 км
21	Тасоба қыстағы– Искак қыстағы – Бостандық ауылы	15 км
22	Онбай қыстағы– Қосаралқыстағы – Бостандық ауылы	18 км
23	Кузьма қыстағы – Қараөзен ауылы	18 км
24	Стан қыстағы– Жаңаорын қыстағы– Серік елді мекені –Шахат қыстағы – Қараөзен ауылы	60 км
25	Қожантай қыстағы – Сарышығанақ қыстағы – Жас елді мекені – Қараөзен ауылы	76 км
26	Қошан қыстағы – Мақанбазы қыстағы – Ордабай елді мекені –Әжкей қыстағы – Қошанкөл ауылы	29 км
27	Қаракөбік қыстағы – Ақпәтер ауылы	12 км
28	Бөлекшұбар қыстағы – Кішкенешал елді мекені – Ақпәтер ауылы	37 км
29	Кіші Талдықұдық елді мекені – Кішкенешал елді мекені – Ақпәтер ауылы	50 км
30	Мереке елді мекен – Нұрсай ауылы	20 км
31	Беспішен елді мекені – Нұрсай ауылы	27 км
32	Өрлеу қыстағы – Нұрсай ауылы	7 км
33	Сағыз қыстағы – Нұрсай ауылы	18 км
34	Казталов ауылы – Шолақсай қыстағы –Бозой қыстағы – Бозоба елді мекені	24 км
35	Казталов ауылы – Бек қыстағы – Миняж қыстағы – Кекей елді мекені – Қарасу қыстағы	46 км
36	Еңбек елді мекені– Шыбын қыстағы –Шыбын 2 қыстағы – Қараоба ауылы	28 км
37	Өзен бойы қыстағы – Темірғали қыстағы – Қонысбай елді мекені – Қараоба ауылы	47 км
38	Бестерек елді мекені – Қайшақұдық елді мекені – Талдыапан ауылы	35 км
39	Қабыршақты қыстағы – Қособа қыстағы – Талдыапан ауылы	30 км
40	Есболат қыстағы – Қалайық қыстағы – Көктерек ауылы	25 км
41	Балауса қыстағы – Оразғали елді мекені – Көктікен қыстағы – Көктерек ауылы	33 км
42	Өтеп қыстағы – Киров елді мекені – Полевой қыстағы – Көктерек ауылы	50 км
43	Еламан елді мекені – Мамай қыстағы – Көктерек ауылы	25 км

Аббревиатураның толық жазылуы:
км – километр.

2015 жылғы 13 тамыздағы № 266 Казталов ауданы әкімдігінің қаулысымен бекітілген

Казталов ауданының шалғайдағы елді мекендерінде тұратын балаларды
жалпы білім беретін мектептерге тасымалдаудың қағидалары

1. Жалпы ережелер

1. Казталов ауданының шалғайдағы елді мекендерінде тұратын балаларды жалпы білім беретін мектептерге тасымалдаудың осы қағидасы (бұдан әрі – Қағида) "Жол жүрісі қағидаларын, көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы" Қазақстан Республикасы Үкіметінің 2014 жылғы 13 қарашадағы № 1196 қаулысына, "Автомобиль көлігімен жолаушылар мен багажды тасымалдау қағидасын бекіту туралы" Қазақстан Республикасы Үкіметінің 2011 жылғы 2 шілдедегі № 767 Қаулысына сәйкес әзірленген және Казталов ауданының шалғайдағы елді мекендерінде тұратын балаларды жалпы білім беретін мектептерге тасымалдаудың қағидасын айқындайды.

2. Балаларды тасымалдау тәртібі

2. Балалар топтарын ұйымдастырылған түрде тасымалдау кемінде екі есігі бар, техникалық жай-күйі көлік және коммуникация саласындағы уәкілетті орган бекіткен автомобиль көлігімен жолаушыларды және багажды тасымалдау ережелерінде белгіленген талаптарға жауап беретін автобустармен жүзеге асырылады.
Ұйымдастырылған балалар топтарын тасымалдауға арналған автобустар сары түсті жарқылдауық маякпен жабдықталады. Бұл автобустардың алдына және артына "Балалар тасымалы" деген таным белгісі орнатылады.
Балалар топтарын ұйымдастырылған түрде жасы кемінде жиырма бесте, тиісті санаттағы жүргізуші куәлігі және кемінде бес жыл еңбек өтілі бар жүргізушілердің тасымалдауына рұқсат етіледі. Автобус шанағында тасымалданатын балалардың саны орындық санынан аспауы тиіс.
3. Оқу орындарында тасымалдауды ұйымдастыру кезінде тасымалдаушы жергілікті атқарушы органдармен және оқу орындарының әкімшілігімен бірлесіп маршруттарды және балаларды отырғызудың және түсірудің ұтымды орындарын белгілейді.
4. Автобусты күтіп тұрған балаларға арналған алаңшалар, олардың жүріс бөлігіне шығуын болдырмайтындай жеткілікті үлкен болуы тиіс.
Алаңдарда жайластырылған өту жолдары болуы және жолаушыларды және багажды автомобильмен тұрақты тасымалдау маршруттарының аялдама пункттерінен бөлек орналасуы тиіс.
Егер балаларды тасымалдау тәуліктің қараңғы мезгілінде жүзеге асырылса, онда алаңшалардың жасанды жарығы болуы тиіс. Күзгі-қысқы кезеңде алаңдар қардан, мұздан, кірден тазартылуы тиіс.
5. Балаларды оқу орындарына тасымалдауға тапсырыс беруші балаларды отырғызу және түсіру орындарының жай-күйін тұрақты түрде (айына кемінде бір рет) тексереді.
6. Балалар топтарын 22.00-ден бастап 06.00 сағатқа дейін автобустармен тасымалдау, сондай-ақ көрінім жеткіліксіз жағдайда (тұман, қар жауған, жаңбыр және басқалар) рұқсат етілмейді.
Тасымалдау қауіпсіздігіне қатер төндіретін жол және метеорологиялық жағдайлардың қолайсыз өзгеруі кезінде, автобустардың қозғалысын уақытша тоқтату туралы қолданыстағы нормативтік құжаттарда көзделген жағдайда тасымалдаушы рейсті алып тастауға және бұл туралы тапсырыс берушіге дереу хабарлауы керек.
7. Автобустардың қозғалыс кестесін тасымалдаушы мен тапсырыс беруші келіседі.
Жол жағдайларының қолайсыз өзгеруі кезінде, басқа жағдайлар кезінде (қозғалысқа шек қою, уақытша кедергілердің көрінуі, бұл жағдайда жүргізуші кестеге сәйкес жылдамдықты жоғарылатпай жүре алмайды), кесте жылдамдықты төмендету жағына (қозғалыс уақыттарының артуына) түзетіледі. Кестенің өзгеруі туралы тасымалдаушы тапсырыс берушіге хабарлайды, ол балаларды дер кезінде хабарландыру бойынша шаралар қабылдайды.
8. Балаларды жаппай тасымалдауға және алыс жерлерге балаларды тасымалдауға дайындық кезінде тасымалдаушы тапсырыс берушімен бірлесіп балалардың жиналу пунктінде және келу пунктінде автобустардың аялдауы үшін алаңшалардың болуын, отырғызу алаңшаларының болуын тексереді. Отырғызу және түсіру орындары автобус тұрағынан кемінде 30 метр қашықтықта орналасады.
9. Балаларды жаппай тасымалдауды және балаларды алыс қашықтықтарға тасымалдауды тасымалдаушы, балаларды оқытушылар немесе арнайы тағайындалған ересек адамдар (15 балаға бір ересек адам) алып барған жағдайда ғана орындауы мүмкін.
10. Балалардың ұйымдастырылған топтарын тасымалдауларына жеті жастан кіші емес балалар рұқсат етіледі.
Жеті жасқа толмаған балалар білім беру мекемесі жұмысшыларының, сондай-ақ ата-анасымен және Қазақстан Республикасының заңнамасына сәйкес оларды ауыстыратын адамдармен жеке алып жүруі кезінде ғана жол жүруге рұқсат етілуі мүмкін.
11. Балаларды тасымалдау кезінде автобустың жүргізушісіне мыналар рұқсат етілмейді:
1) сағатына 60 километр артық жылдамдықпен жүруге;
2) жүру маршрутын өзгертуге;
3) балалар бар автобус салонында қол жүгі мен балалардың жеке заттарынан басқа кез келген жүкті, багажды немесе құрал жабдықтарды тасымалдауға;
4) автобуста балалар болған кезінде, соның ішінде балаларды отырғызу және түсіру кезінде автобус салонынан шығуға;
5) автомобиль легінде жүру кезінде алда жүрген автобусты басып озуға;
6) автобуспен артқа қарай қозғалысты жүзеге асыруға;
7) егер ол көлік құралының өздігінен қозғалуын немесе оны жүргізуші жоқ болғанда пайдалануын болдырмау шараларын қолданбаса, өз орнын тастап кетуге немесе көлік құралын қалдыруға.