«Электрондық құжат және электрондық цифрлық қолтаңба туралы» 2003 жылғы 7 қаңтардағы Қазақстан Республикасы Заңының 5-бабының 1-тармағы 7) тармақшасына сәйкес, БҰЙЫРАМЫН:
1. Қоса беріліп отырған объектілік сәйкестендіргіштердің қазақстандық сегментіндегі объектілік сәйкестендіргіштерді тіркеу, қайта тіркеу және олардың күшін жою қағидалары бекітілсін.
2. Қазақстан Республикасы Инветициялар және даму министрлігінің Байланыс, ақпараттандыру және ақпарат комитеті (Т.Б Қазанғап):
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап бес жұмыс күні ішінде Қазақстан Республикасы нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберуді;
3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;
4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.
4. Осы бұйрық оның алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының
Инвестициялар және даму
министрінің міндетін атқарушы Ж. Қасымбек
Қазақстан Республикасы
Инвестициялар және даму министрінің
міндетін атқарушының
2016 жылғы 17 наурызда
№ 281 бұйрығымен
бекітілген
Объектілік сәйкестендіргіштердің қазақстандық сегментіндегі объектілік сәйкестендіргіштерді тіркеу, қайта тіркеу және олардың күшін жою қағидалары
1. Жалпы ережелер
1. Осы объектілік сәйкестендіргіштердің қазақстандық сегментіндегі объектілік сәйкестендіргіштерді тіркеу, қайта тіркеу және олардың күшін жою қағидалары (бұдан әрі – Қағидалар) «Электрондық құжат және электрондық цифрлық қолтаңба туралы» 2003 жылғы 7 қаңтардағы Қазақстан Республикасы Заңының (бұдан әрі- Заң) 5-бабы 1-тармағының 7) тармақшасына сәйкес әзірленді және объектілік сәйкестендіргіштердің қазақстандық сегментіндегі объектілік сәйкестендіргіштерді тіркеу, қайта тіркеу және олардың күшін жою тәртібін айқындайды.
2. Осы Қағидаларда мынадай ұғымдар мен қысқартулар пайдаланылады:
1) ақпараттандыру саласындағы уәкілетті орган (бұдан әрі – уәкілетті орган) – ақпараттандыру және «электрондық үкімет» саласындағы басшылықты және салааралық үйлестіруді жүзеге асыратын орталық атқарушы орган;
2) объектілік сәйкестендіргіштің қазақстандық сегменті – жеке және заңды тұлғалар атына объектілік сәйкестендіргіштерді тіркеу, қайта тіркеу және жою үшін ISO/IEC JTC1/SC6/WG9 Стандарттау жөніндегі халықаралық ұйымымен/Халықаралық Электротехникалық Комиссиясымен бөлінген, объектілік сәйкестендіргіштің халықаралық дарағының тармағы {iso(1)member-body(2)kz(398)};
3) объект – электрондық құжатайналым үшін жеке және заңды тұлғалармен қолданылатын алгоритм, ақпараттық жүйе, сондай-ақ басқа элементтер;
4) объектілік сәйкестендіргіш (бұдан әрі – ОС) – объектімен байланысқан және объектілердің әлемдік адрестік кеңістігінде ауыстырмай сәйкестендіретін цифрлардың бірегей жиынтығы;
5) ОС тармағы – ОС халықаралық дарағы құрылымының бөлігі;
6) ОС тіркеу – ОС объектіге беру және оны объектілік сәйкестендіргіштің қазақстандық сегментіне қосу;
7) өтініш беруші – ОС тіркеуге қайта тіркеуге құжаттарды ұсынған жеке немесе заңды тұлға;
8) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың анықтығын, оның тиесілігін және мазмұнының өзгермейтіндігін растайтын электрондық цифрлық нышандар жиынтығы;
9) эмитент – сәйкес ОС бар жаңа (қосымша) объектіні құруын бастамашылық ететін субъект;
3. Уәкілетті орган ОС тармақтардан тұратын, иерархия бойынша {iso(1)member-body(2)kz(398)} тармағынан бір саты төмен орналасқан қазақстандық сегментінің келесі құрылымына сәйкес ОС тіркейді, қайта тәркейді және жояды:
1) 1.2.398.1 – байланыс операторы;
2) 1.2.398.2 – бағдарламалық қамтамасыз етуінің әзірлеушілері;
3) 1.2.398.3 – куәландыру орталықтары;
4) 1.2.398.4 – екінші деңгейлі банктер;
5) 1.2.398.5 – мемлекеттік органдар;
6) 1.2.398.6 – басқа ұйымдар;
7) 1.2.398.7 – ақпараттық жүйелер.
4. ОС тіркегеннен кейін, өтініш беруші эмитент мәртебесін алады және бұдан былай өзінің ОС тармағынан төмен қосымша ОС құруын бастамашылық ете алады. Эмитент өзінің ОС тармағынан төмен қосымша ОС тіркеу үшін осы Қағидаларға 1-қосымшаға сәйкес нысан бойынша объектілік сәйкестендіргіштердің қазақстандық сегментіндегі объектілік сәйкестендіргіштердің тармағын тіркеуге және (немесе) қайта тіркеуге өтінішті ұсынады.
5. ОС қайта тіркеу ОС өзгеру жағдайында жүзеге асырылады.
2. Объектілік сәйкестендіргіштердің қазақстандық сегментіндегі объектілік сәйкестендіргіштерді тіркеу, қайта тіркеу тәртібі
6. ОС тіркеу және (немесе) қайта тіркеу үшін өтішін беруші уәкілетті органға осы Қағидаларға 1-қосымшаға сәйкес нысан бойынша объектілік сәйкестендіргіштердің қазақстандық сегментіндегі объектілік сәйкестендіргіштерді тіркеуге және (немесе) қайта тіркеуге өтінішті (бұдан әрі – өтініш) ұсынады;
7. ОС тіркеу және (немесе) қайта тіркеу уәкілетті органмен өтініш түскен күнінен бастап 10 (он) жұмыс күні ішінде жүргізіледі.
8. ОС қазақстандық сегментіндегі ОС-ны тіркегеннен және (немесе) қайта тіркегеннен кейін ОС өтініш берушісіне осы Қағидаларға 2-қосымшаға сәйкес нысан бойынша объектілік сәйкестендірулерді беру туралы куәлік беріледі.
9. Уәкілетті орган мынадай жағдайда, егер:
1) өтініш беруші осы Қағидаларға 1-қосымшаға сәйкес келмейтін нысан бойынша өтініш берсе;
2) өтініш беруші анық емес мәліметтерді ұсынса;
3) ОС, ОС тармағында болса, басқа эмитент атына тіркелген болса ОС тіркеуден және (немесе) қайта тіркеуден бас тартады.
10. ОС-ны тіркеуден және (немесе) қайта тіркеуден бас тартқан жағдайда, уәкілетті орган ОС өтініш берушісі өтінішті тапсырған күнінен бастап 2 (екі) жұмыс күні ішінде өтініш берушіні хабарландырады.
11. www.root.gov.kz интернет-ресурсына ОС қазақстандық сегментіндегі тіркелген ОС туралы мәліметтер тізімі орналастырылады.
3. Объектілік сәйкестендіргіштердің қазақстандық сегментіндегі объектілік сәйкестендіргіштерді жою тәртібі
12. ОС жою уәкілетті органмен эмитент атына тіркелген ОС осы Қағидаларға 3-қосымшаға сәйкес нысан бойынша объектілік сәйкестендіргіштерді жою туралы өтініштің негізінде эмитент талабы бойынша жүзеге асырылады.
13. ОС жою эмитентпен осы Қағидаларға 3-қосымшаға сәйкес нысан бойынша объектілік сәйкестендіргіштерді жою туралы өтінішті тапсыру күнінен бастап 5 (бес) күні ішінде жүзеге асырылады.
14. Уәкілетті орган мынадай жағдайда, егер:
1) эмитент осы Қағидаларға 3-қосымшаға сәйкес келмейтін нысан бойынша өтініш берсе;
2) эмитент анық емес мәліметтерді ұсынса ОС жоюдан бас тартады.
15. ОС жоюдан бас тартқан жағдайда, уәкілетті орган өтінішті тапсырған күнінен бастап 2 (екі) жұмыс күні ішінде эмитентке жазбаша дәлелді жауап жібереді.
Объектілік сәйкестендіргіштердің
қазақстандық сегментіндегі объектілік
сәйкестендіргіштерді тіркеу, қайта
тіркеу және олардың күшін жою
қағидаларына 1-қосымша
Нысан
Объектілік сәйкестендіргіштердің қазақстандық сегментіндегі объектілік сәйкестендіргіштер тармағын тіркеуге және (немесе) қайта тіркеуге өтініш
Өтініш беруші:_______________________________________________________
Заңды мекенжайы: ____________________________________________________
Жеке сәйкестендіру нөмірі (бизнес-сәйкестендіру нөмірі):_____________
Өтініш берушінің ___ деңгейдегі |
Сізден объектілік сәйкестендіргіштердің мынадай объектілік
сәйкестендіру тармақтарын тіркеуді және(немесе) қайта тіркеуді
сұраймын:
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
Қолы ____________ Тегі Аты Әкесінің аты
(болған кезде)
_________________
Күні 201__ ж. «___» _______
Мөр орны (болған кезде)
Объектілік сәйкестендіргіштердің
қазақстандық сегментіндегі объектілік
сәйкестендіргіштерді тіркеу, қайта
тіркеу және олардың күшін жою
қағидаларына 2-қосымша
Нысан
Объектілік сәйкестендіргіштерді тіркеу (қайта тіркеу) туралы куәлік
№ __________
Осы куәлік
_____________________________________________________________________
_____________________________________________________________________
(Уәкілетті органның атауы)
Объектілік сәйкестендіргіштердің қазақстандық сегментін
(http://www.oid-info.com/cgi-bin/display?oid=1.2.398&action=display)
жүргізу құқығына сәйкес берілді
және «____» жылғы «__» «__________» бастап
_____________________________________________________________________
_____________________________________________________________________
(Мемлекеттік органның, ұйымның немесе ақпараттық жүйенің атауы)
Объектілік сәйкестендіргіштердің қазақстандық сегментінде тіркелгенін
(қайта тіркелгенін) және
_____________________________________________________________________
_____________________________________________________________________
_____________________________________________________________________
объектілік сәйкестендіргіштің (ОС) берілгенін растайды.
Мөр орны (болған кезде)
________________
Басшы
Объектілік сәйкестендіргіштердің
қазақстандық сегментіндегі объектілік
сәйкестендіргіштерді тіркеу, қайта
тіркеу және олардың күшін жою
қағидаларына 3-қосымша
Нысан
Объектілік сәйкестендіргіштерді жою туралы өтініш
Эмитенттің сәйкестендіргіш деректері:
Жеке сәйкестендіру нөмірі (бизнес-сәйкестендіру нөмірі):_____________
Тегі: _______________________________________________________________
Аты: ________________________________________________________________
Әкесінің аты (болған кезде):_________________________________________
Ұйымның атауы: ______________________________________________________
Облыс атауы: ________________________________________________________
Қала: _______________________________________________________________
Телефон:_____________________________________________________________
Объектілік сәйкестендіргіштердің сәйкестендіру деректері:
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
ОС тіркелген және (немесе) қайта тіркелген күні:_____________________
Күні: 20___ ж. «________» ____________________
Жеке тұлғаның немесе заңды тұлғаның (жеке тұлға немесе заңды тұлға
өкілінің) қолы ___________________
Мөр орны (болған кезде)
