"Органикалық өнім өндіру туралы" 2015 жылғы 27 қарашадағы Қазақстан Республикасы Заңының 7-бабы 1-тармағының 4) тармақшасына сәйкес БҰЙЫРАМЫН:
1. Қоса беріліп отырған органикалық өнім өндіру кезінде қолданылатын, рұқсат етiлген құралдар тізімі бекітілсін.
2. Қазақстан Республикасы Ауыл шаруашылығы министрлігінің Өсімдік шаруашылығы өнімдерін өндіру мен қайта өңдеу департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына және "Әділет" ақпараттық-құқықтық жүйесіне ресми жариялауға, сондай-ақ бес жұмыс күні ішінде Қазақстан Республикасы нормативтік құқықтық актілерінің эталондық бақылау банкіне орналастыру үшін "Республикалық құқықтық ақпарат орталығы" республикалық мемлекеттік кәсіпорнына жіберілуін;
3) осы бұйрықтың Қазақстан Республикасы Ауыл шаруашылығы министрлігінің интернет-ресурсында және мемлекеттік органдардың интранет-порталында орналастырылуын қамтамасыз етсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының | |
Ауыл шаруашылығы министрі | А. Мырзахметов |
"КЕЛІСІЛГЕН"
Қазақстан Республикасының
Ұлттық экономика министрі
___________ Қ. Бишімбаев
2016 жылғы 30 мамыр
| Қазақстан Республикасы Ауыл шаруашылығы министрінің 2016 жылғы 23 мамырдағы № 231 бұйрығымен бекітілген |
Органикалық өнім өндіру кезінде қолданылатын, рұқсат етiлген
құралдар тізімі
1-тарау. Тыңайтқыштар мен топырақты жақсартатын заттар
Органикалық өнімдер өндіретін шаруашылықтан алынған көң және құрғақ құс саңғырығы;
органикалық өнімдер өндіретін шаруашылықтардан алынған, көң, саңғырық негізіндегі қордалар;
шымтезек;
саңырауқұлақ қалдықтары мен вермикулиттің қордасы мен субстраты;
вермиқорда, зооқорда;
өсімдіктерден алынатын жанама өнімдер қордасы;
қасапханалар мен балық* зауыттарынан алынып, өнделген мал шаруашылығы өнімдері;
теңіз балдырлары және олардан жасалған өнімдер;
ағаш үгінділері, қабығы және қалдықтары;
қордаланған қабық;
ағаш күлі;
табиғи фосфаттар; алюминий-кальций фосфаты;
томас-шлак;
калий тұздары (каинит, сильвинит және тағы басқалар);
калий сульфаты (патенкали және басқалар);
аммиак төбін қоспағанда, төп және төп сіріндісі;
табиғи түрдегі кальций карбонаты (бор, мергель, әк, фосфатқұрамдас бор);
табиғи түрдегі магний жыныстары;
табиғи түрдегі әк-магний жыныстары;
эпсолит (магний сульфаты);
тек табиғи көздерден алынған табиғи гипс (кальций сульфаты);
қант өндірісінің жанама өнімдері (мысалы, төп);
күкірт;
микроэлементтер (мысалы, бор, мыс, темір, марганец, молибден, мырыш);
натрий хлориді;
тас ұнтағы (ұсақтаған базальт);
саз балшық (мысалы, бентонит, перлит, цеолит);
органикалық өнімдер өндіретін шаруашылықтан алынған ауыл шаруашылығы дақылдарының қалдықтары мен сидераттар;
органикалық өнімдер өндіретін шаруашылықтардан алынған сабан және басқа да жабын;
тамақ және тоқыма өнеркәсібінің технологиялық қосалқы заттармен өнделмеген жанама өнімдері;
тамақ және тоқыма өнеркәсібінің технологиялық қосалқы заттармен өнделмеген жанама өнімдері;
вермикулит;
табиғи түрдегі гумини қышқалдары (тек су және сілті сірінділері);
хлоры әк;
қорыс;
органикалық өнімдерді өңдеу кезінде алынған жанама өнімдер.
* Қасапхана өнімдерін өңдеу кезінде алынған тыңайтқыштарды, жаңа қанды, сондай-ақ несепнәрді және чили нитратын пайдалануға жол берілмейді.
2-тарау. Өсімдіктерді қорғау құралдары мен агрохимикаттар ретінде қолданылатын, жануарлардан немесе өсімдіктерден
алынатын заттар
Мелия (азадирахтин) Azadirachta indica негізіндегі өнімдер;
ара балауызы;
желатин;
лецитин;
өсімдіктер және жануарлар майлары (мысалы, жалбыз, қарағай, зере майы);
құрамында синергистер болуы мүмкін Chrysanthemum Cinerariaefolium-нан алынған пиретриндер негізіндегі препараттар;
quassia amara негізіндегі препараттар;
derris elliptica, Lonchocarpus, Thephrosia түрлерінен алынған ротенон негізіндегі препараттар;
ryania speciosa негізіндегі препараттар;
казеин;
прополис; табиғи қышқылдар (мысалы, сірке су қышқылы);
саңырауқұлақтан ферменттелген өнімдер;
саңырауқұлақтар сіріндісі (Shiitake fungus);
хлорелла сіріндісі;
табиғи түрдегі хитиндік әрекеттегі нематицидтер;
биопрепараттар;
табиғи өсімдік препараттары (темекі негізіндегі препараттарды қоспағанда);
сабадилла.
3-тарау. Зиянкестермен және аурулармен биологиялық күресу үшін пайдаланылатын микроорганизмдер мен жәндіктер және
олар бөлетін заттар
Биоагенттер (энтомофагтар);
микроорганизмдер (бактериялар, вирустар және саңырауқұлақтар);
саңырауқұлақтан алынатын препараттар (мысалы, спиносад);
паразиттердің, жыртқыштардың және стерильденген жәндіктердің қалдықтары;
вирустық препараттар (мысалы, гранулез вирусы).
4-тарау. Ұстағыштар мен тозаңдатқыштарда пайдалану үшін
рұқсат етілген заттар
Диаммоний-фосфат;
феромондар;
неғұрлым жоғары ұйымдасқан жануарларды үркітуге арналған, сондай-ақ, тозаңдатқыштарда пайдаланылатын, құрамында репелленттер бар метальдегид негізіндегі препараттар;
пиретроидтер (тек дельтаметрин немесе лямбда-цигалотрин);
қорғаныштық торлар, спиральды тосқауылдар, тұзақтар, жабысқақ ленталар, жабындар.
5-тарау. Жемшөптерге арналған бастапқы өнімдер
1-параграф. Өсімдіктерден алынатын бастапқы өнімдер
Дәнді дақылдар, дәндер, олардың өнімдері жанама өнімдер:
дән, қауыз, жемдік ұн, кебек түріндегі сұлы;
дән, ақуызды және жемдік ұн түріндегі арпа;
ұрықтық күнжара түріндегі күріш;
дән түріндегі егілетін тары;
дән және жемдік ұн түріндегі қара бидай;
дән түріндегі құмайжүгері;
дән, жемдік ұн, кебек, глютегендік жемшөп, дән маңызы және ұрық түріндегі бидай;
гүлтәжінің тұқымы мен гүлтәжі жомы, оның ішінде глютенсіз жемшөп ретінде;
дән түріндегі спельта;
дән түріндегі тритикале;
дән, кебек, жемдік ұн, ұрықтық күнжара және дән маңызы түріндегі жүгері;
қылтандар;
сыра төбі.
Майлы тұқым, майлы дақылдар, олардың өнімдері және жанама өнімдері:
рапс тұқымы, рапс күнжарасы және рапс қабығы;
бумен қыздырылған қытайбұршақ бұршақтары;
қытайбұршақ күнжарасы және қытайбұршақ бұршақтарының қабығы;
күнбағыс тұқымы және күнбағыс күнжарасы;
мақта тұқымы және мақта өсімдігінің күнжарасы;
зығыр тұқымы мен зығыр күнжарасы;
сезам күнжарасы;
пальмоядролық күнжара;
қышабас тұқымының күнжарасы;
зәйтүн, зәйтүн кесінділері;
өсімдік майы (механикалық бөліп алу арқылы).
Дән-бұршақ дақылдары, олардың өнімдері және жанама өнімдері:
дән, жемдік ұн және кебек түріндегі ноқат;
дән, жемдік ұн және кебек түріндегі жасымық;
жылумен өңдеуге тартылған дән, жемдік ұн және кебек түріндегі әйкен;
дән, жемдік ұн және кебек түріндегі асбұршақ;
бұршақ (Vicia faba L) дән, жемдік ұн және кебек түріндегі бұршақтар;
дән, жемдік ұн және кебек түріндегі сиыржоңышқа;
дән, жемдік ұн және кебек түріндегі бөрібұршақ.
Түйнектер, тамырлар, олардың өнімдері және жанама өнімдері:
қант қызылшасының сығындысы;
картоп;
түйнек түріндегі багат;
картоп үгіндісі (крахмал алғанда алынатын жанама өнім);
картоп крахмалы;
картоп ақуызы;
маниок.
Басқа тұқымдар және жемістер, олардың өнімдері және жанама өнімдері:
мүйізше ағаш жемістері (цареград бұршаққыны);
мүйізше бұршаққыны (толық немесе ұнтақталған);
асқабақтар;
цитрустылар күнжарасы;
алмалар, айва, алмұрттар, шабдалы, інжір, жүзім және жүзім сығындылары;
талшындар;
грек жаңғағының күнжарасы;
орман жаңғағының күнжарасы;
какао-бұршағының қабыршағы және какаоның күнжарасы;
емен жаңғағы.
Жасыл және ірі жемшөптер:
жоңышқа;
жоңышқадан жасалған шөп ұны;
беде;
бедеден жасалған шөп ұны;
гүлтәжінің көгінен жасалған шөп ұны;
жасыл жемшөп (азық өсімдіктерінен алынатын);
шөп ұны;
пішен;
сүрлем;
астық сабаны;
жасыл азыққа арналған тамырлық көкөністер.
Басқа өсімдіктер, олардың өнімдері және жанама өнімдері:
сірне;
теңіз балдырларынан алынған ұн (кептіру және ұнтақтау нәтижесінде және соңғы ретте құрамындағы йодты азайту үшін жуылған теңіз балдырларынан алынған);
өсімдіктер ұнтағы мен сірінділері;
өсімдіктерің ақуыз сірінділері (тек төлдер үшін);
дәмдеуіштер;
түрлі шөптесін.
2-параграф. Жануарлардан алынатын бастапқы өнімдер
Сүт және сүт өнімдері:
шикі сүт;
құрғақ сүт;
майсыздандырылған сүт, майсыздандырылған құрғақ сүт;
майсу, құрғақ майсу;
сарысу, жартылай қантсыздандырылған құрғақ сарысу, сарысу ақуызының ұнтағы (физикалық өңдеу нәтижесінде бөліп алынған);
казеин ұнтағы;
сүт қантының ұнтағы;
сүзбе және қатық.
Балық, басқа теңіз жануарлары, олардан алынатын өнімдер мен жанама өнімдер:
Тек мынадай шектеулерді сақтау шартымен: тек шөппен қоректенбейтін жануарларды азықтандыруда пайдалануға рұқсат етілетін тек қана тұрақты балық шаруашылығының өнімдері:
балық;
балық майы және нәлім майы, тазартылмаған;
балықтардың, омыртқасыздардың немесе шаян тәрізділердің балық аутолизаттары;
тек төлге арналған ферменттік жолмен алынған, еритін немесе ерімейтін гидролизаттар мен протеолизаттар;
балық ұны.
Жұмыртқа мен жұмыртқа өнімдері:
осы кәсіпорында алынған құстарды азықтандыруға арналған жұмыртқа мен жұмыртқа өнімдері.
3-параграф. Минералдан алынған бастапқы өнімдер:
Натрий:
тазартылмаған теңіз тұзы;
натрий сульфаты;
натрий карбонаты;
натрий бикорбонаты;
натрий хлориді.
Калий:
калий хлориді.
Кальций:
Lithotamne (балдырлы әктас) және қызыл балдырлар (Maerl);
басаяқтылардың гладиустарын қоса алғанда су жануарларының қабыршығы;
кальций карбонаты;
кальций лактаты;
кальций глюконаты.
Фосфор:
фторсыз кальцийдің қос фосфаты;
фторсыз кальцийдің монофосфаты;
натрий монофосфаты;
кальций және магний фосфаты;
кальций және натрий фосфаты.
Магний:
магний оксиді (құрғатылған магний);
магний сульфаты;
магний хлориді;
магний карбонаты;
магний фосфаты.
Күкірт:
натрий сульфаты.
6-тарау. Мал шаруашылығында қолдануға арналған жемшөп
қоспалары мен белгілі субстанциялар
1-параграф. Жемшөп қоспалары*
Азықтанудың физиологиялық нормаларына сәйкес келетін қоспалар.
Дәрумендер:
жемшөпте табиғи түрде болатын шикізаттан алынған дәрумендер;
моногастриттерге арналған табиғиға ұқсас синтетикалық дәрумендер;
күйіс қайыратын малдарға арналған табиғиға ұқсас синтетикалық А, Д және Е дәрумендері, экологиялық күйіс қайыратын малдарды азықтандыру рационында аталған дәрумендердің қажетті мөлшерінің бар-жоғын тексерудің негізінде берілген ЕО-ға мүше елдердің алдынғы рұқсаты бар болған жағдайда;
Микроэлементтер:
Е1 Темір: темір карбонаты, темір сульфаты, моногидрат немесе гептагидрат, темір тотығы;
Е2 Йод: кальций-йод, ангидрит, кальций-йод, гексагидрит, натрий йодиді;
Е3 Кобальт: кобальт сульфаты, моногидрат немесе гептагидрат, кобальттың бір негізді карбонаты, моногидрат;
Е4 Мыс: мыс тотығы,мыстың бір негізді карбонаты, моногидрат, мыс сульфаты, пентагидрат;
Е5 Марганец: марганец карбонаты, марганец тотығы, марганец сульфаты, моно және тетрагидрат;
Е6 Мырыш: мырыш карбонаты, мырыш тотығы, мырыш сульфаты, моно және гептагидрат;
Е7 Молибден: Аммиакты молибдат, натрий молибдаты;
Е8 Селен: натрий селенаты; натрий селені.
Зоотехникалық қоспалар:
энзимдер және микроорганизмдер;
залалсыздандырылған, кептірілген екпе жауын құртының ұнтағы.
Технологиялық қоспалар:
консерванттар:
Е 200 сорбин қышқылы;
Е 236 құмырсқа қышқылы (*);
Е 260 сірке қышқылы (*);
Е 270 сүт қышқылы (*);
Е 280 пропион қышқылы(*);
Е 330 лимон қышқылы(*)
(*) сүрлем үшін табиғи жағдайларға байланысты тиісті ашу мүмкін болмаған жағдайда ғана қолдануға рұқсат етіледі.
Антиоксидирлеуші әсері бар заттар:
Е 306 токоферолы бар табиғи текті құнарландырылған сірінділер.
Дәнекерлеуші заттар мен ағымдағы қосалқы заттар:
Е 470 табиғи текті кальций стеарты;
Е 551в силицийдің коллоидты диоксиді;
Е 551с диатомит;
Е 558 бентонит;
Е 559 каолинитті балшық;
Е 560 стеатиттер мен хлоридтердің табиғи қоспалары;
Е 561 вермикулит;
(Е 562 сепиолит;
Е 599 перлит.
Сүрлемді өндіру кезіндегі қоспалар:
энзимдер, ашытқылар мен бактериялар сүрлемді өндіру кезінде қоспа ретінде қолданыла алады. Сүрлемді өндіру кезінде ауа-райы жағдайларының нәтижесінде тиісті ашу мүмкін болмаса, сүт, құмырсқа, пропин және сірке қышқылын пайдалануға рұқсат етіледі.
*Ескертпе: Қазақстан Республикасында және (немесе) Еуразиялық экономикалық одаққа мүше мемлекеттерде тіркелген жемшөп қоспаларын пайдалануға жол беріледі.
2-параграф. Мал шаруашылығында қолдануға арналған ерекше заттар
Сыра ашытқылары:
saccharomyces cerevisiae;
saccharomyces carlsbergiensis.
3-параграф. Сүрлемді өндіру үшін пайдаланылатын заттар
теңіз тұзы;
шикі тасты тұз;
сарысу;
қант;
қызылша сығындысы;
астық ұны;
сірне.
7-тарау. Ауыл шаруашылығынан алынған органикалық заттарды өңдеу
кезінде пайдалануға рұқсат етілген заттар мен өнімдер
Су;
кальций хлориді;
кальций карбонаты;
кальций гидроксиді;
кальций сульфаты;
магний хлориді;
калий карбонаты;
натрий карбонаты;
сүт қышқылы;
лимон қышқылы*;
ас сірке суы;
натрий гидроксиді;
күкірт қышқылы*;
тұз қышқылы;
аммоний гидроксиді;
сутегі пероксиді;
көміртек диоксиді;
азот;
этанол;
илік қышқылы;
ақуыз альбумині;
казеин;
желатин
балық желатині;
өсімдік майы;
гель немесе коллоидты ерітінді түріндегі силиций диоксиді;
белсендірілген көмір;
тальк;
бентонит;
каолин*;
целлюлоза*;
кизельгур*;
перлит*;
орман жаңғағының қабығы*;
күріш ұны;
балара балауызы;
табиғи бал;
bock Garnauba.
Ескертпе: *Қолданылуы шектеулі.
8-тарау. Ветеринариялық препараттар
Қазақстан Республикасында және (немесе) Еуразиялық экономикалық одаққа мүше мемлекеттерде тіркелген ветеринариялық препараттар.
9-тарау. Басқа да заттар
Гидрототық, хлортотық (үшнегізді), сульфат, шала тотық, бордос және бургун сұйығы нысанындағы мыс;
этилен;
калийдің майлы қышқылдарының тұздары (сұйық сабын);
күкіртті әк (полисульфид);
парафин майы;
минералды майлар (мұнайдан басқа);
калий перманганаты;
кварц құмы;
күкірт;
минералды ұнтақтар (тасты ұнтақ, силикаттар, бентонит);
диатомды жер;
натрий силикаты;
натрий бикарбонаты;
темір фосфаты;
сөндірілген әк;
калий гидрокарбонаты;
сутегі асқын тотығы;
химиялық өндеуге ұшырамаған теңіз балдырлары, балдырлар ұны мен сірінділері, теңіз тұздары және тұзды су;
көмірқышқыл газы;
азот;
этиль спирті;
биодинамикалық препараттар;
омеопатиялық және аюрведтік препараттар;
шөптен жасалған және биодинамикалық препараттар.
