Ескерту. Күші жойылды - Қарағанды облысы Теміртау қалалық мәслихатының 29.07.2020 № 59/4 (алғаш ресми жарияланған күннен кейін күнтізбелік он күн өткен соң қолданысқа енгізіледі) шешімімен.
Теміртау қаласы әкімінің бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы ұсынысын Қазақстан Республикасының 1995 жылғы 17 наурыздағы "Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы" Заңына сәйкес қарастырып, қалалық мәслихат ШЕШІМ ЕТТІ:
1. Қосымшаға сәйкес Теміртау қаласы және Ақтау кенті аумағында бейбіт жиналыстар, митингілер, шерулер, пикеттер және демонстрациялар өткізу тәртібі қосымша реттелсін.
Ескерту. 1-тармақ жаңа редакцияда - Қарағанды облысы Теміртау қалалық мәслихатының 13.07.2016 № 5/5 (алғаш ресми жарияланған күннен кейін күнтізбелік он күн өткен соң қолданысқа енгізіледі) шешімімен.2. Қалалық мәслихаттың 2016 жылғы 15 қаңтардағы "Бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы" № 51/5 шешімі (нормативтік құқықтық актілерді мемлекеттік тіркеу тізілімінде № 3640 болып тіркелген, 2016 жылдың 01 ақпанында "Әділет" ақпараттық-құқықтық жүйесінде жарияланған, 2016 жылғы 03 ақпандағы № 5 "Вечерняя Караганда" газетінде жарияланған) күшін жойды деп танылсын.
3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы, | |
| мәслихат хатшысы | В. Свиридов |
КЕЛІСІЛДІ
|
"Теміртау қаласының ішкі саясат бөлімі" мемлекеттік мекемесінің басшысы ___________ Д. Жүнісова |
"19" сәуір 2016 жыл
| Теміртау қалалық мәслихатының 2016 жылғы 19 сәуіріндегі № 2/4 шешімімен бекітілді |
Бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу
1. Теміртау қаласы және Ақтау кентінде осы бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу (әрі қарай - Тәртіп) Қазақстан Республикасының 1995 жылғы 17 наурыздағы "Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы" Заңының 10 бабына сәйкес әзірленген және Теміртау қаласы және Ақтау кентінде жиналыстар, митингілер, шерулер, пикеттер мен демонстрациялар өткізу тәртібін қосымша реттейді.
2. Теміртау қаласында бейбіт жиналыстар және митингілер өткізу орындары:
1) Ескі қала саябағы, Республика даңғылы, 134;
2) мәдениет және демалыс саябағы, Республика даңғылы, 13/1;
3) "Металлург" стадионының артындағы алаң.
3. Ақтау кентінде бейбіт жиналыстар және митингілер өткізу орыны: Карл Маркс, 5 көшесіндегі, "Ақтау" мәдени - бос уақыт өткізу орталығы" коммуналдық қазыналық мемлекеттік мекемесі алдындағы алаң.
4. Теміртау қаласында бейбіт шерулер және демонстрациялар өткізу үшін маршруттар:
1) Панфилов көшесімен мен Республика даңғылы қыйылысқан жерден, Республика даңғылы, 134 орналасқан, ескі қаланың саябағына дейін;
2) Блюхер көшесімен Республика даңғылы қыйылысқан жерден, Республика даңғылы, 13/1, мәдениет және демалыс саябағына дейін;
3) Калинин көшесі мен Победа көшесі қиылысқан жерден, Республика даңғылы, 13/1, мәдениет және демалыс саябағына дейін;
4) Мичурин көшесі мен Комсомол даңғылы қиылысқан жерден, "Металлург" стадионы артындағы алаңға дейін.
5. Ақтау кентінде бейбіт шерулер және демонстрациялар өткізу үшін маршрут, Спартак көшесінен Карл Маркс көшесі бойымен Карл Маркс 5, көшесіндегі, "Ақтау" мәдени - бос уақыт өткізу орталығы" коммуналдық қазыналық мемлекеттік мекемесі алдындағы алаңға дейін.
6. Қала әкімдігі басқа азаматтардың құқықтары мен бостандықтарын, қоғамдық қауiпсiздiктi, сондай-ақ көлiктiң, инфрақұрылым объектiлерiнiң қалыпты жұмыс iстеуiн, жасыл желектер мен шағын сәулет нысандарының сақталуын қамтамасыз ету мақсатында, қажет болған жағдайда, өтiнiш жасағандарға шараны өткiзудiң өзге уақыты, жерiн және маршрутын ұсынады.
7. Жиналыс, митинг, шеру, пикет немесе демонстрация өткiзу туралы өтiнiш оны өткiзудiң белгiленген күннінен кемiнде 10 күн бұрын жазбаша нысанда берiледi.
8. Өтiнiште шараны өткiзу мақсаты, нысаны, өткiзiлетiн жерi немесе қозғалыс маршруттары, оның басталатын және аяқталатын уақыты, қатысушылардың ықтимал саны, уәкiлдердiң (ұйымдастырушылардың) және тәртiптiң сақталуына жауапты адамдардың тегi, аты, әкесiнiң аты, олардың тұратын және жұмыс iстейтiн (оқитын) жерi, өтiнiштiң берiлген күні көрсетiледi. Өтiнiштiң берiлген мерзiмi қала әкімдігінде тiркелген күнiнен бастап есептеледi.
9. Осы тәртіптің 7, 8 тармақтарының талаптары орындалмаған жағдайда өтініш берушіге жол берілген кемшілікті жаңа өтініш беру жолымен жоюды ұсына отырып, түсіндіру мазмұнындағы жауап қайтарылады. Жаңа өтінішті қарау мерзімі оның түскен күнiнен бастап есептеледi.
10. Түсіндіру мазмұнындағы жауапта, ұйымдастырушылар барлық дайындық шараларын тоқтатуға және бұл туралы ықтимал қатысушыларды хабардар ету бойынша шаралар қабылдауға жазбаша нұсқалады.
11. Жиналыстар, митингiлер, шерулер, пикеттер және демонстрациялар, сондай-ақ оларға қатысушылардың сөз сөйлеуi өтiнiште көрсетiлген мақсатқа сәйкес, белгiленген мерзiмде және келiсiлген жерде өткiзiледi.
12. Жиналыстарды, митингiлерде, шерулердi, пикеттердi, демонстрацияларды өткiзу кезiнде уәкiлдер (ұйымдастырушылар), сондай-ақ басқа да қатысушылар қоғамдық тәртiптi сақтауы керек.
13. Уәкілеттілер (ұйымдастырушылар) жиналыстар, митингілер, шерулер, пикеттер және демонстрацияларға сот әрекет қаблеттілігі жоқ деп таныған тұлғалардың, алкогольдік немесе есірткілік масаң күйдегі тұлғалардың қатысуына жол бермеуі керек.
14. Уәкілеттілер (ұйымдастырушылар) және басқа да қатысушылар жиналыстарда, митингілерде, шерулерде, пикеттерде, демонстрацияларда жеке басын анықтауға қиындық келтіретін бетперде және басқа да бұйымдарды қолдануға жол берілмейді.
15. Уәкілеттілер (ұйымдастырушылар) және басқа да қатысушылар жиналыстар, митингілер, шерулер, пикеттер және демонстрациялар өтетін орында алкогольдік ішімдік ішуге, есірткі, психотроптық заттарды, олардың балама түрлерін және прекурсорларды қолдануға, қоғамдық тәртіпті бұзуға, қылмыс жасауға шақыратын, біреудің ар-намысына тиетін, транспаранттарды, ұрандарды қолдануға, сондай-ақ көпшілік алдындағы сөздерге жол берілмейді.
16. Егер: өтініш берілмеген болса, тыйым салу туралы шешім шығарылса, өткізу кезінде Қазақстан Республикасын заңнамаларында көзделген тәртіп бұзылған жағдайда, сондай-ақ азаматтардың өмірі мен денсаулығына қауіп төнетін, қоғамдық тәртіп бұзылатын жағдайда бейбіт жиналыстар, митингілер, шерулер, пикеттер мен демонстрациялар қала әкімдігі өкілінің талап етуі бойынша тоқтатылуға тиіс.
17. Қоғамдық тәртіпті, сонымен қатар пикетке қатысушылардың қауіпсіздігін қамтамасыз ету мақсатында, қала әкімдігі бір күнде, бір уақытта және бір объектіде үшеуден аспайтын жеке дара пикетті өткізуге рұқсат беруі мүмкін.
18. Қоғамдық тәртіпті қамтамасыз ету мақсатында, сонымен қатар пикетке қатысушылардың қауіпсіздігі мақсатында түрлі жеке дара пикетке қатысушылар бір-бірінен 50 метрден кем емес қашықтықта орналасады.
Ескерту. 18-тармақ жаңа редакцияда - Қарағанды облысы Теміртау қалалық мәслихатының 06.10.2016 № 7/5 (алғаш ресми жарияланған күннен кейін күнтізбелік он күн өткен соң қолданысқа енгізіледі) шешімімен.19. Пикет өткізу кезінде пикет өткізілетін объектінің алдында тұруға, отыруға, көрнекі үгіт құралдарын пайдалануға, пикеттің тақырыбы бойынша қысқа ұрандарды айтуға, ұран сөздерді (өз даусының мүмкіндігімен) жол беріледі.
Ескерту. 19-тармақ жаңа редакцияда - Қарағанды облысы Теміртау қалалық мәслихатының 06.10.2016 № 7/5 (алғаш ресми жарияланған күннен кейін күнтізбелік он күн өткен соң қолданысқа енгізіледі) шешімімен.