"Алматы қаласы аумақтарының функционалдық аймақтарында құрылыс салудың қалақұрылыстық регламенттерін жүзеге асыру жоспарын бекіту туралы" ІІІ сайланған Алматы қаласы мәслихатының 2006 жылғы 20 қарашадағы XXVІ сессиясының № 284 шешіміне толықтыру енгізу туралы

Алматы қаласы мәслихатының V сайланған LI сессиясының 2016 жылғы 11 наурыздағы № 417 шешімі. Алматы қаласының Әділет департаментінде 2016 жылғы 12 сәуірде № 1277 болып тіркелді

"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6 бабына, Қазақстан Республикасы Үкіметінің 2002 жылғы 19 желтоқсандағы № 1330 қаулысымен бекітілген Aлматы қаласының Бас жоспарына және Aлматы қаласы әкімінің ұсынуына сәйкес, қалалық ортаны кешенді көріктендіру және эстетикалық ұйымдастыру және экологиялық қолайлы, қауіпсіз және әлеуметтік ыңғайлы тіршілік ортасын құру мақсатында, V сайланған Aлматы қаласының мәслихаты ШЕШІМ ЕТТІ:
1. ІІІ сайланған Aлматы қаласы мәслихатының ХХVI сессиясының 2006 жылғы 20 қарашадағы № 284 "Aлматы қаласы аумақтарының функционалдық аймақтарында құрылыс салудың қалақұрылыстық регламенттерін іске асыру жоспарын бекіту туралы" шешіміне (нормативтік құқықтық актілердің мемлекеттік тіркеу Тізілімінде № 720 тіркелген, 2006 жылғы 21 желтоқсандағы "Aлматы ақшамы" және "Вечерний Aлматы" газетінде жарияланған) келесі толықтыру енгізілсін:
аталған шешіммен бекітілген Aлматы қаласы аумақтарының функционалдық аймақтарында құрылыс салудың қалақұрылыстық регламенттерін іске асыру жоспарының 4 қосымшасындағы:
Ж-З Шағын қабатты құрылыс салу (2-3 қабат) жер телімінсіз аймағы тарауының бөлігі келесі мазмұндағы соңғы азатжолмен толықтырылсын:
"Шығыс айналма жолының (ШAAЖ) параметрлерін белгілеу Әл-Фараби даңғылының, Саин, Жандосов көшелерінің (Саин көшесінен қала шекарасына дейін) оңтүстігінде орналасқан барлық құрылыс түрлеріне шығыңқы іргелік қабатты қоспағанда үш қабаттан көп емес етіп белгілеу, биіктігі жер деңгейінен жақтаудың ұштауына (жабынның ұшы) дейін он екі метрден аспайтын және ені он бес метрден көп емес, жерасты бөлігінде паркинг орналастыру кезінде ғимараттың енін он жеті метрден асырмай (ендік бағытта), ауа лебін өткізу үшін ғимараттарды меридиан бағытында орналастыру".
2. Осы шешімнің орындалуын бақылау Aлматы қаласы мәслихатының қала құрылысы, көріктендіру және коммуналдық меншік мәселелері бойынша тұрақты комиссиясының төрағасы Б.С. Шинге және Aлматы қаласы әкімінің орынбасары Б.О. Сауранбаевқа жүктелсін.
3. Осы шешім әділет органдарында мемлекеттік тіркелген күннен бастап күшіне енеді және ол алғаш ресми жарияланғаннан кейін күнтізбелік он күн өткен соң қолданысқа енгізіледі.

V сайланған
Aлматы қаласы мәслихаты
LІ сессиясының төрағасы	Ә. Нәбиев
V сайланған
Aлматы қаласы мәслихатының
Хатшысы	Қ. Қазанбаев