"Мемлекеттік статистика туралы" Қазақстан Республикасының 2010 жылғы 19 наурыздағы Заңының 12-бабының 5) тармақшасына және Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұлттық экономика министрлігі туралы ереженің 17-тармағының 258) тармақшасына сәйкес БҰЙЫРАМЫН:
1. Қоса беріліп отырған Тұрғын үй қоры статистикалық тіркелімін жүргізу және өзектендіру бойынша әдістеме бекітілсін.
2. Қазақстан Республикасы Ұлттық экономика министрлігі Статистика комитетінің Статистикалық тіркелімдер және жіктелімдер басқармасы Заң басқармасымен бірлесіп заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық мемлекеттік тіркелген күннен бастап күнтізбелік он күн ішінде оның көшірмесін қазақ және орыс тілдерінде қағаз және электрондық түрде ресми жариялану және Қазақстан Республикасы нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;
3) осы бұйрық мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялануға жіберілуін;
4) осы бұйрықтың Қазақстан Республикасы Ұлттық экономика министрлігі Статистика комитетінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Ұлттық экономика министрлігі Статистика комитеті төрағасының орынбасарына (Г.М. Керімханова) жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Ұлттық экономика министрлігі Статистика комитетінің төрағасы |
Н. Айдапкелов |
| Қазақстан Республикасы Ұлттық экономика министрлігі Статистика комитеті төрағасының 2017 жылғы 22 мамырдағы № 75 бұйрығымен бекітілді |
Тұрғын үй қоры статистикалық тіркелімін жүргізу және өзектендіру бойынша әдістеме
1-тарау. Жалпы ережелер
1. Тұрғын үй қоры статистикалық тіркелімін жүргізу және өзектендіру бойынша әдістеме (бұдан әрі - Әдістеме) халықаралық стандарттарға сәйкес қалыптастырылатын және "Мемлекеттік статистика туралы" Қазақстан Республикасының 2010 жылғы 19 наурыздағы Заңына (бұдан әрі - Заң) сәйкес бекітілетін статистикалық әдіснамаға жатады.
2. Осы Әдістеменің мақсаты тұрғын үйлер мен тұрғын үй-жайлар (пәтерлер) бойынша деректерді қалыптастыру мен жинақтау және үй шаруашылықтарын зерттеу іріктемелерін қалыптастыру болып табылады.
3. Осы Әдістеме Қазақстан Республикасы Ұлттық экономика министрлігі Статистика комитетінің (бұдан әрі - Комитет), статистиканың аумақтық органдарының, "Қазақстан Республикасы Ұлттық экономика министрлігі Статистика комитетінің Ақпараттық-есептеу орталығы" шаруашылық жүргізу құқығындағы республикалық мемлекеттік кәсіпорнының тұрғын үй қоры статистикалық тіркелімінің ақпараттық жүйесін жүргізу мен өзектендіру кезінде пайдалануына арналған.
4. Әдістемеде Заңда айқындалған мәндердегі ұғымдар пайдаланылады.
2-тарау. Тұрғын үй қоры статистикалық тіркелімінің мәліметтері мен міндеттері
5. Тұрғын үй қоры статистикалық тіркелімінің ақпараттық жүйесі (бұдан әрі – ТҚСТ АЖ) Қазақстан Республикасы тұрғын үй қоры туралы деректерді жинау, сақтау және бейнелеудің орталықтандырылған ақпараттық жүйесін білдіреді.
ТҚСТ АЖ Қазақстан Республикасы аумағында орналасқан барлық тұрғын үйлер мен тұрғын үй-жайларды (пәтерлер) қамтиды.
Оларға:
тұрғын үй-жай (пәтер);
бір пәтерлі (жеке) үй;
екі пәтерлі үй;
үш және одан да көп пәтерлі үй жатады.
ТҚСТ АЖ-да тұрғын үй қоры туралы және пәтерлерде тұратын адамдар саны туралы деректер бар және негізгі екі модульден:
1) үйлер каталогы;
2) пәтерлер каталогынан тұрады.
Үйлер каталогында үйдің типін, үйдің сыртқы қабырғаларының материалдарын, үйдегі пәтерлер санын, жалпы және тұрғын алаңын сипаттайтын әрбір үй туралы мәліметтер болады.
Пәтерлер каталогында алаң көлемі, бөлмелер саны, тұрғындар саны туралы мәліметтермен бірге белгілі бір үйге кіретін тұрғын үйдің әрбір тұрғын үй-жайы (пәтер) туралы мәліметтер болады.
Үйлер каталогындағы әрбір жазба пәтерлер каталогындағы жазбаларға сәйкес келеді және үйдің сәйкестендіру кодымен байланысты болады. Әрбір каталог атрибуттарының өз құрамы бар. ТҚСТ АЖ атрибуттары (үйлер каталогы) және ТҚСТ АЖ атрибуттарының (пәтерлер каталогы) мысалдары осы Әдістемеге сәйкес 1 және 2-қосымшаларда келтірілген.
ТҚСТ АЖ-ны жүргізудің негізгі міндеттері:
тұрғын үйлер мен тұрғын үй-жайлар (пәтерлер) туралы деректерді жинақтау;
тұрғын үй қоры бойынша статистикалық ақпаратты (болуы, жай-күйі, пайдалануға беру, шығарылуы) қалыптастыру және өзектендіру;
ТҚСТ АЖ негізінде іріктемелі зерттеулер жүргізу және статистикалық әзірлемелерде пайдалану;
ТҚСТ АЖ-ны өзектендіру үшін үй шаруашылықтарына іріктемелі зерттеулер жүргізу болып табылады.
6. Келесі деректер ТҚСТ АЖ-ны өзектендіру болып табылады:
1) әкімшілік дереккөздерден тіркелген тұрғын үйлер мен тұрғын үй-жайлар (пәтерлер) туралы мәліметтер;
2) осы Әдістемеге 3-қосымшада келтірілген әкімшілік дереккөздерден тұрғын үйлердің апаттылығы туралы мәліметтер;
3) осы Әдістемеге 4-қосымшада келтірілген әкімшілік дереккөздерден әр шаруашылық бойынша есепке алу мәліметтері;
4) үй шаруашылықтарын іріктемелі зерттеуден тұратындардың саны бойынша мәліметтер.
3-тарау. ТҚСТ АЖ-ны жүргізуді ұйымдастыру
7. ТҚСТ АЖ міндеттердің белгілі бір тобын шешуге бағытталған әрекеттерді автоматтандыруға мүмкіндік береді және келесі блоктардан тұрады:
1) деректерді жинау, өңдеу және талдау;
2) есептерді қалыптастыру;
3) сыртқы дерекқорды "е-Статистика" интеграцияланған ақпараттық жүйесінің компоненттерімен интеграциялау.
8. Деректерді жинау, өңдеу, талдау кезінде келесі үдерістерді бақылау және автоматтандыру жүзеге асырылады:
ТҚСТ АЖ-ны қалыптастыру;
әкімшілік деректерден алынған деректер негізінде ТҚСТ АЖ деректерін өзектендіру;
үйлер мен пәтерлер каталогын жүргізу және өзектендіру.
9. Деректерді жинау, өңдеу және талдау кезінде бастапқы қалыптастыруға, өзектендіруге және ТҚСТ АЖ-ға енгізуге байланысты міндеттерді шешеді.
Деректерді өңдеу, түзету негізінде ай сайын (белгілі бір кезеңге) республикалық деңгейде кескін қалыптастырылады.
ТҚСТ АЖ-дан ұйғарынды кестелерді қалыптастыру кезінде кескін пайдаланылады.
Ай сайынғы кескін есептер мен деректердің әртүрлі іріктемелерін қалыптастыруды қамтамасыз етеді.
10. Есептерді қалыптастыру блогы келесі міндеттерді қамтиды:
кескіндерді қалыптастыру;
іріктемелерді қалыптастыру;
ұйғарынды ақпаратты қалыптастыру.
11. Интеграция блогы ақпараттық жүйені сыртқы дерекқордың компоненттерімен интеграциялауды қамтамасыз етеді және келесі міндеттерді қамтиды:
1) "Метадеректер" ақпараттық жүйесімен өзара іс-қимыл;
2) агрегатталған көрсеткіштердің дерекқорымен өзара іс-қимыл;
3) "Халықтың статистикалық тіркелімі" ақпараттық жүйесімен өзара іс-қимыл;
4) "Ауылшаруашылығы тіркелімі" ақпараттық жүйесімен өзара іс-қимыл;
5) ішкі интранет-порталмен өзара іс-қимыл.
12. ТҚСТ АЖ-ға ақпаратты енгізу және түзету өңірлік деңгейде жүзеге асырылады. Ақпаратты енгізу және түзету кезінде келесі кезеңдер сақталады:
1) анықтамалық ақпараттың барлығы мәзірден таңдалады;
2) жеке үй болған кезде "пәтер нөмірінің" жиегіне "нөл" енгізіледі;
3) екі және одан да көп пәтерлі үйлер болған кезде "пәтердің нөмірі" жиегіне тиісті "пәтердің нөмірі" қойылады;
4) "үй пайдаланудан шыққан" жағдайда пәтердің жағдайына "тұрғын емес" себебі қойылады бұл ретте барлық пәтерлердің тұрғын алаңы жойылады, ал жалпы алаңы қалады;
5) пәтердің жағдайы "тұрғын емес" болса, тұратындар саны мен үй шаруашылықтарының саны жойылады;
6) пәтер тұрғын үй қорынын шығарылған кезде, "пәтердің пайдаланудан шығарылу себебі" жиегі міндетті түрде толтырылады;
7) "үйдің карточкасында" "қабаттылығы" бағанында "бірден жоғары" белгісін енгізу көзделген;
8) үйдің немесе пәтердің жағдайы "шығарылған" болса, "шығарылу себебі" және "шығарылған күні" жиектері міндетті түрде толтырылуы керек, басқа жағдайларда бұл жиектер толтырылмайды;
9) бақылау кезінде пәтердің жалпы алаңы пәтердің тұрғын алаңына тең болуына жол беріледі;
10) ТҚСТ АЖ базасында кез келген өзгеріс болған кезде "өзектендірудің соңғы күні" атрибутына автоматты түрде жүйелік күн енгізіледі;
11) бақылау кезінде үйдің жалпы алаңына үйдегі шығарылған пәтерлердің жалпы алаңы кіреді;
12) бақылау кезінде үйдің тұрғын алаңына шығарылған пәтерлердің тұрғын алаңы кірмейді;
13) бақылау кезінде үйдің тұрғын алаңына "тұрғын еместен" "тұрғынға" өзгергенде енгізілген пәтерлердің тұрғын алаңы кіреді;
14) "жапсаржай" бойынша деректер түскен кезде "жапсаржай" алаңы тұрғын үйдің жалпы алаңына қосылады;
15) ТҚСТ АЖ базасына түзетулер енгізілген кезде өзгерістер түскен деректер ғана ауыстырылады, ал қалған деректер өзгертілмейді;
16) ТҚСТ АЖ базасына өзгеріс енгізілген кезде "өзектендіру туралы мәліметтер" атрибутына автоматты түрде жүйелік күн енгізіледі;
17) ТҚСТ АЖ базасында тұрғын үйлер мен тұрғын үй-жайлар (пәтерлер) туралы жазбалар болмаған кезде жазбалар қосылады;
18) тұратындар, үйдің жағдайы, тұрғын үй-жайлардың (пәтерлердің) жағдайы, бөлмелер саны, сыртқы қабырға материалдары, көше типінің атаулары, көше атаулары, үй (пәтерлер) нөмірі туралы деректерде сәйкессіздіктер анықталған жағдайда ТҚСТ АЖ-ға тиісті түзетулер енгізіледі;
19) тұрғын үй қорын абаттандыруды өзектендіру кезінде жабдықталған тұрғын үй-жайлар туралы мәліметтер енгізіледі. Тұрғын үй-жай:
егер үйде электр өткізгіш болса, электрмен;
егер еденүсті электр плитасы немесе еденүсті электр плитасы орнатылған бөлек тұрған асүйі (асүйге арналған арнаулы күрделі ғимарат) бар үй болса, еденүсті электр плитасымен;
егер желілік табиғи газбен жабдықталған еденүсті газ плитасы болса, желілік (табиғи) газбен;
егер сұйытылған газбен (газ тәрізді заттарды сақтауға арналған баллондағы немесе газгольдерлердегі-резервуарлардағы) жабдықталған еденүсті газ плитасы болса, сондай-ақ сұйытылған газбен жабдықталған еденүсті газ плитасы орнатылған бөлек тұрған асүйі бар газдандырылған деп саналатын үй сұйытылған газбен;
егер үйде жылу қазандығы, орамдық немесе аудандық қазандық, жылу электр орталықтары, сондай-ақ автоматты газды су жылытқыштары орнатылған болса, орталықтан жылытумен;
жеке қондырғылардан жылытумен: егер жылу қондырғыларынан немесе дәстүрлі тұрғын үйдің ішінде тұрған немесе үлкен жеке үйлердің немесе коттедждердің және уақытша шағын үйлердің иелерінде айрықша жағдайлар үшін қосымша нұсқа ретінде газбен, қатты немесе сұйық отынмен жағылатын жабдықтан жылытылатын болса, пешпен жылытумен;
егер үйдің ішінде су орталықтандырылған су құбырынан немесе артезиандық ұңғымадан түсетін тарату желісі болса, үйдегі (пәтердегі) су құбырымен;
егер үйдің (жеке тұрған ас үй немесе үйден тыс ұқсас үй-жайлар) сыртында су орталықтандырылған су құбырынан немесе артезиандық ұңғымадан түсетін тарату желісі болса, үйден (пәтерден) тыс су құбырымен;
егер үй ауласында құдық немесе су таратқыш шүмек (колонка) немесе сумен жабдықтаудың ұқсас көздері болса, құдықпен, колонкамен немесе сумен жабдықтаудың ұқсас көздерімен;
егер үйде жоғарыда көрсетілген сумен жабдықтау көздері болмаса көлікпен жеткізу басқа өңірлерден, алыс орналасқан су көздерінен немесе сумен жабдықтаудың ұқсас көздерінен көлікпен жүзеге асырылса, ауыз суды жеткізумен;
егер үйдің ішінде көшедегі кәріз желісіне шаруашылық нәжіс суларының ағуына арналған кәріз құрылғысы немесе сорғыш құдықтар болса, орталық кәрізбен. Су құбыры жоқ, сондай-ақ биодәретханасы бар болған жағдайда тұрғын үй-жай кәрізбен жабдықталған тұрғын үй деп есептелмейді;
егер жеке ванна бөлмесімен қатар осы мақсаттар үшін арнайы жабдықталған бөлмеде ыстық судың түсу тәсіліне қарамастан, стационарлық ванна немесе себезгімен, бұл ретте ванна (себезгі) орнатылған, ал кәрізі жоқ тұрғын үй ваннамен немесе себезгімен жабдықталған деп есептелмейді;
егер тұрғындардың тұрмыстық мұқтаждығы үшін ыстық суды орталықтан беретін арнайы су құбыры болса, орталық ыстық сумен қамтамасыз етумен;
егер шағын жылу қазандықтарын қоса алғанда, пәтерде су жылытқыштардан, газды (отынды) колонкалардан ыстық су беретін арнайы су құбыры болса, жеке су жылытқыштар арқылы ыстық сумен қамтамасыз етумен жабдықталған болып есептеледі.
4-тарау. Тұрғын үй қоры статистикалық тіркелімінен жиынтық ақпаратты қалыптастыру
13.Тұрғын үй қорының болуы және жағдайы туралы жиынтық деректер мен уәкілетті орган бекітетін тиісті жылға арналған статистикалық жұмыс жоспарына сәйкес "Қазақстан Республикасының тұрғын үй қоры туралы" статистикалық жинағында жыл сайын қалыптастырылатын тұрғын үй қорының болуы мен абаттандырылуын сипаттайтын статистикалық көрсеткіштер ТҚСТ АЖ-дан алынатын ұйғарынды ақпарат болып табылады.
| Тұрғын үй қоры статистикалық тіркелімін жүргізу және өзектендіру бойынша әдістемеге 1-қосымша |
ТҚСТ АЖ атрибуттары (үйлер каталогы)
№ | Атрибуттар атауы | ТҚСТ дерекқорындағы атрибуттардың атауы |
1 | Үй коды | HOUSE_ID |
2 | Кадастрлық нөмірі | KADASTR_NU |
3 | ӘАОЖ | KATO |
4 | ӘАОЖ атауы. Rus | KATO_FN_RU |
5 | ӘАОЖ атауы. Kaz | KATO_FN_KK |
Мекенжай мәліметтері | ||
6 | Көше типі 2-ші деңгей. Коды | STREET2_ID |
7 | Көше типі 2-ші деңгей. Атауы RUS | STREET2_TYPE |
8 | Үйдің құрылымданбаған мекенжайы. Атауы RUS | ADDRESS_RU |
9 | Үйдің құрылымданбаған мекенжайы. Атауы KAZ | ADDRESS_KK |
10 | Үй нөмірі | HOUSE_NUMB |
11 | Мекенжайды тіркеу коды | МТК |
Үйдің сипаттамалары | ||
12 | Үй жағдайы | HOUSE_SITU |
13 | Үй типі | HOUSE_TYPE |
14 | Үйдің қабаттылығы | FLOOR_NUMBER |
15 | Пайдалануға берілген күні | INPUT_DATE |
16 | Үйді салушы | HOUSE_BUIL |
17 | Пайдалануға беру шарттары | HOUSE_INPU |
18 | Қабырға материалдары | HOUSE_WALL |
19 | Пайдаланудан шығарылған күні | LEAVE_DATE |
20 | Пайдаланудан шығарылу себептері | HOUSE_LEAVE |
Жиынтық көрсеткіштер | ||
21 | Жалпы алаңы | FULL_SQUAR |
22 | Тұрғын алаңы | LIVING_SQU |
23 | Барлық пәтерлер | FLATS |
24 | Олардан: тұрғын | INFABITED_ |
25 | Олардан: тұрғын емес | UNINHABITE |
26 | Барлық тұратындар | RESIDENT_N |
27 | Барлық үй шаруашылықтары | HOUSEHOLD |
Өзектендіру туралы мәліметтер | ||
28 | Өзектендіру күні | ACTUA_DATE |
29 | Дереккөзі. Коды | ACTUAL_SOU |
30 | Негіздеме | ACTUA_BASI |
31 | Үйдің абаттандырылуы: Коды | HOUSE_ACCO |
| Тұрғын үй қоры статистикалық тіркелімін жүргізу және өзектендіру бойынша әдістемеге 2-қосымша |
ТҚСТ АЖ атрибуттары (пәтерлер каталогы)
№ | Атрибуттар атауы | ТҚСТ дерекқорындағы атрибуттардың атауы |
1 | ӘАОЖ коды | KATO |
2 | Үй коды | HOUSE_ID |
3 | Пәтер коды | FLAT_ID |
4 | Кадастрлық нөмірі | CADASTRALN |
5 | Мекенжайдың тіркелім коды | МТК |
6 | Үй-жай типі. Коды | FLAT_TYPE |
7 | Пәтер нөмірі | NUM |
8 | Пәтер жағдайы. Коды | FLAT_SITUA |
9 | Меншік түрі. Коды | FLAT_OWNER |
10 | Пайдалануға беру шарты. Коды | FLAT_INPUT |
11 | Пайдаланудан шығарылу себептері. Коды | FLAT_CAUSE |
12 | Пайдаланудан шығарылған күні | DATEOFRETI |
13 | Жалпы алаңы | FULL_SQUAR |
14 | Тұрғын алаңы | LIVING_SQU |
15 | Бөлме саны | QUAN_ROOM |
16 | Үй шаруашылықтарының саны | QUAN_HHOL |
17 | Тұратындар саны | QUAN_HABI |
18 | Қабаты | LEVEL_NUMB |
19 | Өзектендіру күні | ACTUAL_DATE |
20 | Дереккөзі. Коды | ACTUAL_ID |
21 | Негіздеме | ACTUAL_BAS |
22 | Жаңартылған күні | REFRESH_DA |
23 | Пайдаланушы. Логині | USERNAME |
24 | Сатып алу-сату шарты бойынша мәміле сомасы | TRANSA_SUM |
25 | Күніне сатып алу-сату шарты бойынша мәміле сомасы | TRANSA_DAT |
26 | Салық салу мақсатындағы құны (мың теңге) | TAX_COST |
27 | Күніне салық салу мақсатындағы құны (мың теңге) | TAX_ESTIMA |
28 | Пәтер иесі. ТАӘ RUS | PRAVOOBLAD |
| Тұрғын үй қоры статистикалық тіркелімін жүргізу және өзектендіру бойынша әдістемеге 3-қосымша |
Әкімшілік дереккөздерден үйлердің апаттылығы туралы мәліметтер
Елді мекен (ауыл, кент): | ||||||||
№ | Әкімшілік-аумақтық объектілер жіктеуші (ӘАОЖ) бойынша код | Үй типі (жеке, екі пәтерлі, үш және одан да көп пәтерлі үйлер) | Мекенжайдың тіркеу коды (МТК) | Мекенжай мәліметтері: облыс, қала, аудан/қаладағы аудан, ауылдық округ, елді мекен (кент, ауыл), көше атауы, үйдің нөмірі, пәтер нөмірі | Құқық иеленушінің тегі, аты, әкесінің аты (ол бар болған жағдайда) | Үнемі тұратындар саны, адам | Тұрғын үй қорынан шығарылу (бұзылу) себебі мен күні | Ескертпе |
1 | ||||||||
2 | ||||||||
3 | ||||||||
4 | ||||||||
... | ||||||||
| Тұрғын үй қоры статистикалық тіркелімін жүргізу және өзектендіру бойынша әдістемеге 4-қосымша |
Әкімшілік дереккөздерден шаруашылықтар бойынша есепке алу мәліметтері
Үй коды | Кадастрлық нөмірі | Көше атауы | Үйдің нөмірі | Пәтер нөмірі | Жалпы алаңы | Тұрғын алаңы | Бөлмелер саны | Тұратындар саны | Үй шаруашылықтарының саны | Үй иесінің ТАӘ |
Абаттандыру | |||||||||||||||||||
электр | сумен жабдықтау | кәріз | жылыту | ванна немесе себезгі | ыстық сумен қамтамасыз ету | газ | еденүсті электр плитасымен | ||||||||||||
орталықтан жылыту | жеке құрылғылармен жылыту | ||||||||||||||||||
үйдегі су құбыры | үйден тыс су құбыры | құдық, колонка немесе басқалар | орталық | басқа | пешпен жылыту | одан | өзге | орталық | жеке су ысытқыштардан | желілік (табиғи) газ | сұйытылған (баллондағы) газ | желілік (табиғи) газ | сұйытылған (баллондағы) газ | ||||||
қатты отынды | сұйық отынды | газбен | |||||||||||||||||
Үй жағдайы | Пәтер жағдайы | Қабырғалардың материалдары | Үй типі | Меншік түрі |
