Ескерту. Күші жойылды - ҚР Мемлекеттік қызмет істері агенттігі Төрағасының 08.12.2020 № 173 (алғашқы ресми жарияланған күнінен бастап қолданысқа енгізіледі) бұйрығымен.
"Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабы 1) тармақшасына сәйкес БҰЙЫРАМЫН:
1. "Мемлекеттік қызмет мәселелері бойынша мемлекеттік қызметтер стандартын бекіту туралы" Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 21 желтоқсандағы № 96 бұйрығына (Нормативтік құқықтық актілердің мемлекеттік тіркеу тізілімінде № 14632 болып тіркелген, 2017 жылғы 17 қаңтарда Қазақстан Республикасының Нормативтік құқықтық актілерінің эталондық бақылау банкінде жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген "Қазақстан Республикасы Президентінің жанындағы Мемлекеттік басқару академиясына оқуға қабылдау" мемлекеттік көрсетілетін қызмет стандартында:
3-тармақтың екінші бөлігі мынадай редакцияда жазылсын:
"Өтініштерді қабылдау және мемлекеттік көрсетілетін қызметтердің нәтижелерін беру:
1) "электрондық үкімет" веб-порталы (бұдан әрі – портал);
2) көрсетілетін қызмет беруші.";
4-тармақтың 1) тармағы мынадай редакцияда жазылсын:
"1) құжаттарды қабылдау мерзімі аяқталған сәттен бастап – 29 (жиырма тоғыз) күнтізбелік күн ішінде;
9-тармақ мынадай редакцияда жазылсын:
"9. Көрсетілетін мемлекеттік қызметті алу үшін қажетті құжаттар тізбесі:
1) Көрсетілетін қызметті берушіге жүгінген кезде:
осы стандартқа 1-қосымшаға сәйкес нысан бойынша өтініш;
жоғары білім туралы құжаттың көшірмесі қосымшасымен (магистратураға түсу үшін) немесе жоғары оқу орнынан кейінгі білім туралы құжаттың көшірмесі қосымшасымен (докторантураға түсу үшін);
APTIS, IELTS немесе TOEFL тестін тапсырғаны туралы сертификаттың көшірмесі (ағылшын тілі оқыту тілі болып табылатын білім беру мекемелерінде дәреже алған талапкерлер бұл талаптан босатылады);
еңбек қызметін растайтын құжат (мемлекеттік қызметшілер үшін қызметтік тізім, басқа адамдар үшін кадр есебі жөніндегі жеке іс парағы немесе еңбек кітапшасының көшірмесі);
Қазақстан Республикасының Денсаулық сақтау министрі міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілердің мемлекеттік тіркеу тізілімінде № 6697 болып тіркелген) бекітілген денсаулық сақтау ұйымдарының бастапқы медициналық құжаттама нысаны бойынша медициналық анықтама (бұдан әрі – денсаулығы туралы медициналық анықтама);
мемлекеттік органның саяси мемлекеттік қызметшісі немесе жауапты хатшысы немесе аппарат басшысы, ал жоғарыда аталған лауазымдар енгізілмеген мемлекеттік органдарда мемлекеттік органның басшысы қол қойған осы стандартқа 2-қосымшаға сәйкес нысан бойынша жолдама (мемлекеттік білім тапсырысы бойынша оқуға түсушілер үшін);
осы стандартқа 3-қосымшаға сәйкес нысан бойынша екі эссе (магистратураға түсушілер үшін);
осы стандартқа 4-қосымшаға сәйкес нысан бойынша бар болған жағдайда эссе, зерттеу жұмысының жоспары (research proposal), ғылыми еңбектердің тізімі (докторантураға түсушілер үшін).
Шетелдік оқу орындары берген білім туралы құжаттар қазақ немесе орыс тілдеріндегі нотариалды расталған аудармасымен бірге ұсынылады. Бұл құжаттар Қазақстан Республикасы Президентінің жанындағы Мемлекеттік басқару академиясына оқуға қабылданған күннен бастап үш ай ішінде нострификациялау рәсімінен өтуі тиіс.
Шетелдік жоғары оқу орындарының Қазақстан Республикасының азаматтарына – "Болашақ" халықаралық стипендиясының иегерлеріне берген, сондай-ақ халықаралық шарттар (келісімдер) шеңберіндегі білім туралы құжаттар Қазақстан Республикасында тану немесе нострификациялау рәсімінен өтпей-ақ танылады.
Осы тармақта көрсетілген құжаттардың көшірмелерімен қоса салыстырып тексеру үшін түпнұсқалары беріледі. Түпнұсқалары салыстырып тексерілгеннен кейін қайтарылады.
2) Қазақстан Республикасының азаматтары порталға жүгіну кезінде:
осы стандартқа 1-қосымшаға сәйкес электрондық құжат нысанындағы сұрау салу;
жоғары білім туралы құжаттың электрондық көшірмесі қосымшасымен (магистратураға түсу үшін) немесе жоғары оқу орнынан кейінгі білім туралы құжаттың электрондық көшірмесі қосымшасымен (докторантураға түсу үшін);
APTIS, IELTS немесе TOEFL тестін тапсырғаны туралы сертификаттың электрондық көшірмесі (ағылшын тілі оқыту тілі болып табылатын білім беру ұйымдарында дәреже алған талапкерлер бұл талаптан босатылады);
еңбек қызметін растайтын құжаттың электрондық көшірмесі (мемлекеттік қызметшілер үшін қызметтік тізім, басқа адамдар үшін кадр есебі жөніндегі жеке іс парағы немесе еңбек кітапшасының көшірмесі);
денсаулығы туралы медициналық анықтаманың электрондық көшірмесі;
мемлекеттік органның саяси мемлекеттік қызметшісі немесе жауапты хатшысы немесе аппарат басшысы, ал жоғарыда аталған лауазымдар енгізілмеген мемлекеттік органдарда мемлекеттік органның басшысы қол қойған осы стандартқа 2-қосымшаға сәйкес нысан бойынша жолдаманың электрондық көшірмесі (мемлекеттік білім тапсырысы бойынша оқуға түсушілер үшін);
осы стандартқа 3-қосымшаға сәйкес нысан бойынша екі эссенің электрондық көшірмесі (магистратураға түсушілер үшін);
осы стандартқа 4-қосымшаға сәйкес нысан бойынша бар болған жағдайда эссенің, зерттеу жұмысы жоспарының (research proposal), ғылыми еңбектер тізімінің электрондық көшірмесі (докторантураға түсушілер үшін).
Жеке басын куәландыратын құжаттар туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.
Көрсетілетін қызметті беруші осы стандартқа 5-қосымшаға сәйкес нысан бойынша құжаттарды қабылдаған тұлғаның тегі мен аты-жөнін, қабылдау күні мен уақытын көрсете отырып беретін талон осы стандарттың 9-тармағында көрсетілген құжаттарды қабылдаудың расталуы болып табылады.
Портал арқылы жүгінген жағдайда көрсетілетін қызметті алушының "жеке кабинетінде" мемлекеттік қызметтер көрсету үшін сұратуды қабылдау туралы мәртебе көрсетіледі.
Көрсетілетін қызметті алушы осы стандартта көзделген тізбеге сәйкес құжаттардың толық емес пакетін және (немесе) әрекет ету мерзімі өткен құжаттарды ұсынған жағдайда көрсетілетін қызметті беруші осы стандартқа 6-қосымшаға сәйкес құжаттарды қабылдаудан бас тарту туралы қолхат береді.".
10-тармақтың бірінші бөлігі мынадай редакцияда жазылсын:
"10. Көрсетілетін қызметті берушінің және (немесе) оның лауазымды адамдарының мемлекеттік көрсетілетін қызметтер көрсету мәселелері бойынша шешімдеріне, әрекеттеріне (әрекетсіздігіне) шағымданған жағдайда, шағым осы стандартқа 12-тармақта көрсетілген мекенжай бойынша көрсетілетін қызметті берушінің басшысының атына немесе Агенттік басшысының атына мына мекенжай бойынша беріледі: 010000, Астана қаласы, Абай даңғылы, 33а, телефоны: 8(7172) 75-34-86.";
14-тармақ мынадай редакцияда жазылсын:
"14. Көрсетілетін қызметті берушінің анықтама қызметтерінің байланыс телефондары: 8 (7172) 75-34-06, Бірыңғай байланыс орталығы: 1414, 8 800 080 7777.";
мемлекеттік көрсетілетін қызмет стандартына 1, 2 және 3-қосымшалар осы бұйрыққа 1, 2 және 3-қосымшаларға сәйкес редакцияда жазылсын;
мемлекеттік көрсетілетін қызмет стандарты осы бұйрыққа 4, 5 және 6-қосымшаларға сәйкес редакцияда 7, 8 және 9-қосымшалармен толықтырылсын.
Ескерту. 7-тармаққа өзгеріс енгізілді – ҚР Мемлекеттік қызмет істері агенттігі Төрағасының 14.05.2020 № 79 (алғашқы ресми жарияланған күнінен бастап қолданысқа енгізіледі) бұйрығымен.2. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Мемлекеттік қызмет департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың мемлекеттік тіркелген күнінен бастап күнтізбелік он күн ішінде Қазақстан Республикасының Нормативтік құқықтық актілерінің Эталондық бақылау банкінде орналастыру үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;
3) осы бұйрықтың Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының мемлекеттік қызмет мәселелеріне жетекшілік ететін орынбасарына жүктелсін.
4. Осы бұйрық алғашқы ресми жарияланған күнінен бастап қолданысқа енгізіледі.
|
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының міндетін атқарушы |
А. Шайымова |
"КЕЛІСІЛДІ":
Қазақстан Республикасының
Ақпарат және коммуникациялар министрі
___________ Д. Абаев
2017 жылғы 26 мамыр
"КЕЛІСІЛДІ":
Қазақстан Республикасының
Ұлттық экономика министрі
___________ Т. Сүлейменов
2017 жылғы 29 мамыр
| Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасы міндетін атқарушысының 2017 жылғы 25 мамырдағы № 112 бұйрығына 1-қосымша |
Ескерту. Күші жойылды – ҚР Мемлекеттік қызмет істері агенттігі Төрағасының 14.05.2020 № 79 (алғашқы ресми жарияланған күнінен бастап қолданысқа енгізіледі) бұйрығымен.
| Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасы міндетін атқарушысының 2017 жылғы 25 мамырдағы № 112 бұйрығына 2-қосымша |
Ескерту. Күші жойылды – ҚР Мемлекеттік қызмет істері агенттігі Төрағасының 14.05.2020 № 79 (алғашқы ресми жарияланған күнінен бастап қолданысқа енгізіледі) бұйрығымен.
| Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасы міндетін атқарушысының 2017 жылғы 25 мамырдағы № 112 бұйрығына 3-қосымша |
Ескерту. Күші жойылды – ҚР Мемлекеттік қызмет істері агенттігі Төрағасының 14.05.2020 № 79 (алғашқы ресми жарияланған күнінен бастап қолданысқа енгізіледі) бұйрығымен.
________________________________________________________________________________
(тегі, аты, әкесінің аты (бар болған жағдайда)
________________________________________________________________________ тұратын
(тұрғылықты жерінің мекенжайын көрсету)
________________________________________________________________________________
________________________________________________________________________________
жеке куәлігінің немесе төлқұжатының мәліметтері_____________________________________
________________________________________________________________________________
(№, қашан және кім берді, әрекет ету мерзімі)
Өтініш
Мені ___________________________________________________ мамандығы бойынша
(мамандықты көрсетіңіз)
___ жыл оқу мерзімімен магистратураға/докторантураға бюджеттік/ақылы
(қажеттісінің астын сызыңыз)
негізде оқуға түсу үшін қабылдау емтихандарына жіберуіңізді сұраймын.
Өзім туралы мына мәліметтерді хабарлаймын:
1. туған күні (күні, айы, жылы)______________________________________________________
2. ұлты__________________________________________________________________________
3. азаматтығы ____________________________________________________________________
4. жынысы_______________________________________________________________________
5. отбасы жағдайы________________________________________________________________
6. ЖОО атауы, мамандығы және бітірген жылы________________________________________
________________________________________________________________________________
7. диплом бойынша жалпы рейтинг балы (дипломның № көрсетіңіз)_______________________
________________________________________________________________________________
8. жұмыс орны___________________________________________________________________
________________________________________________________________________________
9. лауазымы_____________________________________________________________________
10. жалпы еңбек өтілі ____, оның ішінде мемлекеттік қызметтегі өтілі_____________________
11. саяси немесе мемлекеттік әкімшілік қызметші
(қажеттісінің астын сызыңыз)
12. санаты (мемлекеттік әкімшілік қызметшілер үшін)__________________________________
13. кім жіберді (жолдамасы болған жағдайда)_________________________________________
________________________________________________________________________________
14. телефон нөмірлері:
қызметтік_______________________________________________________________________
үй______________________________________________________________________________
ұялы____________________________________________________________________________
қосымша байланыс _______________________________________________________________
15. электрондық пошта мекенжайы:__________________________________________________
16. жатақхана қажет/қажет емес (қажеттісінің астын сызыңыз)
Мен күмәнді мәліметтерді берген жағдайда, бұл жайт қабылдау емтихандарына жібермеуге немесе кейіннен Академиядан оқудан шығаруға негіз болатындығы жөнінде хабардармын және онымен келісемін.
Академияға оқуға Қабылдау қағидаларының талаптарымен таныстым және оларды сақтауға міндеттенемін.
"____" ___________ 20__ ж. _________________________
(қолы)
Жолдама
________________________________________________________________________________
(қызметкерді оқуға жіберетін мемлекеттік органның немесе ұйымның атауы)
________________________________________________________________________________
(тегі, аты, әкесінің аты (бар болған жағдайда), лауазымы, санаты, өтілі)
магистратураға/докторантураға (қажеттісін сызып көрсету) __________________ мамандығы
бойынша 1 жылдық /2 жылдық/3 жылдық оқу мерзіміне (қажеттісін сызып көрсету) оқуға
жібереді.
Үміткер оқуға қабылданған жағдайда, Академия, оқуға жіберген мемлекеттік орган
және білім алушылар арасында үш жақты шарт жасасуға кепілдік береміз.
"____" ___________ 20__ ж.
_________________ __________ _______________________________
(лауазымы) (қолы) (мемлекеттік органның саяси мемлекеттік
қызметшісінің немесе жауапты хатшысының
не аппарат басшысының, жоғарыда аталған
лауазымдар енгізілмеген мемлекеттік
органдарда мемлекеттік орган басшысының
тегі және аты-жөні)
Эссе
Магистратураға оқуға түсушілер үшін
эссе жазу бойынша ұсынымдар
1. Мотивациялық эссе.
Қазақстан Республикасы Президентінің жанындағы Мемлекеттік басқару академиясына оқуға түсу себептері мен дәлелдері көрсетілуі қажет. Мемлекеттік қызметтегі жеке мансаптық жоспарлау мақсаттары мен міндеттеріне магистратура бағдарламасының қаншалықты сәйкес келетінін, оқу аяқталғаннан кейін алған білімі мен құзыреттерін кәсіби қызметте қалай пайдалануға болатынын түсіндіру қажет. Эссе көлемі 500 сөзден аспауы тиіс.
2. Мамандық бойынша берілген тақырыпқа эссе.
Эссе мақсаты сыни ойлаудан, академиялық хат пен зерттеудің пәндік саласын кәсіби түсіну дағдыларын көрсетуден тұрады. Эссе көлемі 500 сөзден (библиографияны қоспағанда) аспауы тиіс.
Талаптар:
1) эссе құрылымы кіріспеден, негізгі және қорытынды бөлімнен тұрады;
2) эссе осы тақырып бойынша нормативтік құқықтық актілерді, мемлекеттік бағдарламалық құжаттарды, ғылыми және басқа дереккөздерді талдауды қамтиды;
3) эсседе ойды логикалық және дәлелді баяндау дағдыларын меңгергені көрсетіледі;
4) қажет болған жағдайда, әртүрлі талдау әдістерін, мысалы, "шығындар-пайдалар" (cost-benefitanalysis), pest-талдау (pestanalysis), көптеген критерийлер бойынша шешімдерді талдау (multi-criteriadecisionanalysis) және басқаларды қолданады;
5) дереккөздерге кемінде бес сілтемеден тұратын библиография көрсетіледі.
Эссе
Докторантураға оқуға түсушілер үшін
эссе жазу бойынша ұсынымдар
Мотивациялық эсседе Қазақстан Республикасы Президентінің жанындағы Мемлекеттік басқару академиясына оқуға түсу себептері мен дәлелдері көрсетілуі қажет. Мемлекеттік қызметтегі жеке мансаптық жоспарлау мақсаттары мен міндеттеріне докторантура бағдарламасының қаншалықты сәйкес келетіні, оқу аяқталғаннан кейін меңгерген құзыреттері мен зерттеу нәтижелерін кәсіби қызметте қалай пайдалануға болатыны түсіндіріледі. Эссе көлемі 500 сөзден аспауы тиіс.
Зерттеу жұмысының жоспары (Research proposal)
Зерттеу жұмысының жоспарын (Research proposal)
рәсімдеу бойынша нұсқаулық
Зерттеу жоспары конкурстық комиссияның мыналарды айқындауына мүмкіндік береді:
1) талапкер өзінің зерттеу тақырыбы бойынша әдебиеттер мен зерттеулерді жақсы біледі;
2) ғылыми тақырыбының өзектілігі дәлелденген;
3) зерттеу тақырыбы мемлекеттік басқару мен дипломатияның басты бағыттарына сәйкес келеді;
4) талапкердің өзінің зерттеу жұмысын жоспарлауға қабілеттілігі.
Зерттеу жоспары міндетті түрде мынадай компоненттерді қамтуы тиіс:
1) зерттеу жұмысының жұмыс атауы;
2) зерттеуші қарастыратын мәселелерді (сұрақтарды) белгілеу;
3) әдебиеттерге қысқаша шолу және зерттеу жаңалығын негіздеу;
4) зерттеу әдіснамасы – деректерді жинау, өңдеу және талдау әдістері;
5) алдын ала зерттеу сызбасы кесте түрінде – зерттеу кезеңдерінің жүйелілігі және әрбір кезеңді іске асыру үшін қажет болатын уақыт;
6) библиография – жобаның сипаттамасында көрсетілген әдебиет, сондай-ақ зерттеу тақырыбы бойынша басқа да маңызды ғылыми зерттеулер.
Нысан
Ғылыми еңбектердің тізімі
________________________________________________________________________
(тегі, аты, әкесінің аты (бар болған жағдайда)
№ | Атауы | Жұмыстың сипаттамасы * | Басып шығару мәліметтері | Жалпы көлемі, б.т., оның ішінде ізденушінің үлесі | Теңавторлар |
1 | 2 | 3 | 4 | 5 | 6 |
* монография, оқулық, оқу құралы, мақала және т.с.с.
"____" ___________ 20__ ж. _________________________
(қолы)
Құжаттарды қабылдау туралы талон
1) өтініш;
2) жоғары білім туралы құжаттың көшірмесі қосымшасымен (магистратураға түсу үшін) немесе жоғары оқу орнынан кейінгі білім туралы құжаттың көшірмесі қосымшасымен (докторантураға түсу үшін);
3) жеке куәліктің немесе паспорттың көшірмесі;
4) APTIS, IELTS немесе TOEFL тестін тапсырғаны туралы сертификаттың көшірмесі (ағылшын тілі оқыту тілі болып табылатын білім беру ұйымдарында дәреже алған талапкерлер бұл талаптан босатылады);
5) еңбек қызметін растайтын құжат (мемлекеттік қызметшілер үшін істеген қызметтерінің тізімі, басқа тұлғалар үшін кадр есебі жөніндегі жеке іс парағы немесе нотариалды расталған еңбек кітапшасы);
6) Қазақстан Республикасы Денсаулық сақтау министрінің м.а. 2010 жылғы 23 қарашадағы № 907 бұйрығымен бекітілген (Қазақстан Республикасының Әділет министрлігінде 2010 жылы 21 желтоқсанда № 6697 болып тіркелген) денсаулық сақтау ұйымдарының бастапқы медициналық құжаттама нысаны бойынша медициналық анықтама;
7) мемлекеттік органның саяси мемлекеттік қызметшісі немесе жауапты хатшысы немесе аппарат басшысы, жоғарыда аталған лауазымдар енгізілмеген мемлекеттік органдарда мемлекеттік органның басшысы қол қойған жолдама (мемлекеттік білім тапсырысы бойынша оқуға түсушілер үшін);
8) екі эссе (магистратураға түсетін абитуриенттер үшін);
9) эссе, зерттеу жұмысының жоспары (research proposal), ғылыми еңбектердің тізімі бар болған жағдайда (докторантураға түсетін абитуриенттер үшін).
Құжаттарды тапcырды ______________ Құжаттарды қабылдады ____________
"____"______20___ ж. "____"______20___ж.
Құжаттарды қабылдаудан бас тарту туралы қолхат
"Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңының 19-бабын басшылыққа ала отырып, Қазақстан Республикасы Президентінің жанындағы Мемлекеттік басқару академиясы "Қазақстан Республикасы Президентінің жанындағы Мемлекеттік басқару академиясына оқуға қабылдау" мемлекеттік қызметті көрсетуге (бұдан әрі – мемлекеттік қызмет) құжаттарды қабылдаудан Сіздің мемлекеттік көрсетілетін қызмет стандартында көзделген тізбеге сәйкес құжаттардың толық емес пакетін және (немесе) әрекет ету мерзімі өткен құжаттарды ұсынуыңызға байланысты бас тартады, атап айтқанда:
Жоқ құжаттардың және (немесе) әрекет ету мерзімі өткен құжаттардың атауы:
1)____________________________;
2)____________________________;
3)____________________________.
Осы қолхат әр тарапқа бір-бірден 2 данада жасалды.
Тапсырдым: Т.А.Ә./ көрсетілетін қызметті берушінің қолы__________________
Алдым: Т.А.Ә./ көрсетілетін қызметті алушының қолы_____________________
20____ жылғы "___" _________
