Ескерту. Күші жойылды – ҚР Энергетика министрінің 10.12.2018 № 493 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
РҚАО-ның ескертпесі!
Осы бұйрық 01.01.2020 ж. бастап қолданысқа енгізіледі
"Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасының Заңы 18-бабының 23-3) тармақшасына сәйкес БҰЙЫРАМЫН:
1. Қоса беріліп отырған Өндірістік объектілерді есепке алудың бақылау аспаптарымен жарақтандыру және есепке алудың бақылау аспаптарының жұмыс істеуін қамтамасыз ету қағидалары бекітілсін.
2. Қазақстан Республикасының Энергетика министрлігінің Мұнай өнеркәсібін дамыту департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмесін Қазақстан Республикасының нормативтік құқықтық актілерінің Эталондық бақылау банкіне қосу және ресми жариялау үшін Қазақстан Республикасының Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;
3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;
4) осы бұйрықты Қазақстан Республикасының Энергетика министрлігінің интернет-ресурсында орналастырылуын;
5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасының Энергетика министрлігінің Заң қызметі департаментіне осы тармақтың 2), 3) және 4) тармақшаларында көзделген іс-шараларды орындағаны туралы мәліметтер ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Энергетика вице-министріне жүктелсін.
4. Осы бұйрық 2020 жылғы 1 қаңтардан бастап қолданысқа енгізіледі және ресми жариялауға жатады.
|
Қазақстан Республикасының Энергетика министрі |
Қ. Бозымбаев |
"КЕЛІСІЛДІ"
Қазақстан Республикасының
Инвестициялар және даму министрі
_____________ Ж. Қасымбек
2017 жылғы 15 қыркүйек
| Қазақстан Республикасы Энергетика министрінің 2017 жылғы 29 маусымдағы № 227 бұйрығымен бекітілген |
Өндірістік объектілерді есепке алудың бақылау аспаптарымен жарақтандыру және есепке алудың бақылау аспаптарының жұмыс істеуін қамтамасыз ету қағидалары
1-тарау. Жалпы ереже
1. Осы Өндірістік объектілерді есепке алудың бақылау аспаптарымен жарақтандыру және есепке алудың бақылау аспаптарының жұмыс істеуін қамтамасыз ету қағидалары (бұдан әрі – Қағидалар) "Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасының Заңы 18-бабының 23-3) тармақшасына сәйкес әзірленді және мұнайды өндіру және оның айналымы саласындағы қызметті жүзеге асыратын субъектілердің өндірістік объектілерді есепке алудың бақылау аспаптарымен жарақтандыру және есепке алудың бақылау аспаптарының жұмыс істеуін қамтамасыз ету тәртібін айқындайды.
2. Қағидаларда мынадай ұғымдар қолданылады:
1) мұнайды есепке алудың ақпараттық жүйесі – мұнайды өндіру, шығару, дайындау, өңдеу, тасымалдау, сақтау, өткізу, тиеп-жөнелту, оның ысырабы, оны Қазақстан Республикасының аумағына әкелу және Қазақстан Республикасының аумағынан әкету көлемдері туралы ақпаратты қамтитын жүйе, сондай-ақ мұндай ақпаратты жинауды, өңдеуді, сақтауды және пайдалануды қамтамасыз ететін бағдарламалық-техникалық құралдар;
2) есепке алудың бақылау аспаптары (бұдан әрі – ЕБА) – мұнайды өндіру, шығару, дайындау, өңдеу, тасымалдау, сақтау, өткізу, тиеп-жөнелту, оның ысырабы, оны Қазақстан Республикасының аумағына әкелу және Қазақстан Республикасының аумағынан әкету көлемдерін өлшеуді, сондай-ақ мұнайды есепке алу ақпараттық жүйесінің операторына ақпаратты нақты уақыт режимінде беруді қамтамасыз ететін, Қазақстан Республикасының өлшем бірлігін қамтамасыз ету саласындағы заңнамасына сәйкес қолдануға рұқсат етілген техникалық құрылғылар кешені;
3) мұнайды есепке алу ақпараттық жүйесінің операторы (бұдан әрі – Оператор) – дауыс беретін акцияларының (қатысу үлестерінің) елу және одан көп пайызы мемлекетке тиесілі, мұнайды есепке алу ақпараттық жүйесінің жұмыс істеуін қамтамасыз ететін, мұнай және газ саласындағы уәкілетті органның қарамағындағы заңды тұлға;
4) мұнайды өндіру және оның айналымы саласындағы қызметті жүзеге асыратын субъектілер (бұдан әрі – Субъектілер) – мұнайды өндіру, шығару, дайындау, өңдеу, тасымалдау, сақтау, өткізу, тиеп-жөнелту, Қазақстан Республикасының аумағына әкелу және Қазақстан Республикасының аумағынан әкету саласындағы қызметті жүзеге асыратын жеке және заңды тұлғалар;
5) шикі мұнай – қалыпты атмосфералық температура мен қысым кезінде жер қойнауынан сұйық күйінде алынатын, оның ішінде табиғи газдан табиғи конденсаттау жолымен түзілген, үлес салмағына қарамастан кез келген көмірсутектер.
2-тарау. Өндірістік объектілерді есепке алудың бақылау аспаптарымен жарақтандыру және есепке алудың бақылау аспаптарының жұмыс істеуін қамтамасыз ету тәртібі
3. ЕБА Субъектілердің өндірістік объектілерінің технологиялық схемасына (бұдан әрі – Схема) сәйкес орнатылады.
4. Субъектінің ЕБА орнату схемасы:
Субъектінің технологиялық процестерінде қолданылатын кіріс ағындарды (сұйықтық, мұнай, газ, газ конденсаты, су);
Субъектінің өндірістік қызметтері нәтижесінде алынған шығыс ағындарды толық және тұтас есепке алу мақсатында Субъектінің нақты технологиялық талаптарына қарай анықталады.
5. Субъектілердің өндірістік объектілеріне ЕБА орнату Заңның 18-бабының 23-2) тармақшасына сәйкес бекітілетін есепке алудың бақылау аспаптарымен жарақтандырылуға жататын өндірістік объектілердің тізбесіне сәйкес жүзеге асырылады.
6. ЕБА көлемдерін өлшеу аттестатталған және өлшем бірліктерін қамтамасыз ету жүйесінің мемлекеттік тізілімінде тіркелген өлшеулерді жүргізу әдістемесінің негізінде "ӨБҚМЖ. Мұнай және мұнай өнімдерінің салмағы. Өлшеулерді жүргізу әдістемелеріне жалпы талаптар" 8.587-2006 МемСТ талаптарына сәйкес келетін ауытқуымен анықталады.
7. Өлшем бірліктерін қамтамасыз ету жүйесінің мемлекеттік тізілімінде тіркелген және өлшем бірліктерін қамтамасыз ету саласындағы Қазақстан Республикасының заңнамасына сәйкес қолдануға рұқсат етілген ЕБА-ны қолдану рұқсат етіледі. ЕБА-ның технологиялық және метрологиялық сипаттамалары есепке алудың белгіленген дәлдігін қамтамасыз етеді.
8. Субъектілердің Схемаларында орналасқан ЕБА-дағы ақпарат олардың бағдарламалық қамтамасыздандыруында сақталады және өңделеді.
9. ЕБА-дағы өңделген ақпараттарды мұнайды есепке алу ақпараттық жүйесіне беру Субъектілердің бағдарламалық қамтамасыздандыруы арқылы жүзеге асырылады.
10. Мұнайды есепке алудың ақпараттық жүйесі қабылданған ақпаратты Қазақстан Республикасы Энергетика министрінің 2015 жылғы 18 наурыздағы № 211 "Мұнайды есепке алу ақпараттық жүйесінің қалыптасуы және жұмыс істеу қағидасын бекіту туралы" бұйрығына (Нормативтік құқықтық актілерді мемлекеттік тіркеу тізілімінде № 10828 болып тіркелген) сәйкес порталға немесе Оператордың электрондық мекенжайына беруді жүзеге асырады.
