"Монументті өнердің жаңа құрылыстарын орнату қағидаларын бекіту туралы" Қазақстан Республикасы Мәдениет және спорт министрінің 2015 жылғы 2 желтоқсандағы № 371 бұйрығына өзгеріс енгізу туралы

Күшін жойған

Қазақстан Республикасы Мәдениет және спорт министрінің 2018 жылғы 29 желтоқсандағы № 390 бұйрығы. Қазақстан Республикасының Әділет министрлігінде 2019 жылғы 4 қаңтарда № 18151 болып тіркелді. Күші жойылды - Қазақстан Республикасы Мәдениет және спорт министрінің 2020 жылғы 28 сәуірдегі № 103 бұйрығымен

      Ескерту. Күші жойылды – ҚР Мәдениет және спорт министрінің 28.04.2020 № 103 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Тарихи-мәдени мұра объектілерін қорғау және пайдалану туралы" 1992 жылғы 2 шілдедегі Қазақстан Республикасы Заңының 19-бабы 14-10) тармақшасына сәйкес БҰЙЫРАМЫН:

      1. "Монументті өнердің жаңа құрылыстарын орнату қағидаларын бекіту туралы" Қазақстан Республикасы Мәдениет және спорт министрінің 2015 жылғы 2 желтоқсандағы № 371 бұйрығына (Нормативтік құқықтық актілерді мемлекеттік тіркеу тізілімінде № 12497 болып тіркелген, "Әділет" ақпараттық-құқықтық жүйесінде 2015 жылғы 30 желтоқсанда жарияланған) мынадай өзгеріс енгізілсін:

      көрсетілген бұйрықпен бекітілген Монументті өнердің жаңа құрылыстарын орнату қағидалары осы бұйрыққа қосымшаға сәйкес редакцияда жазылсын.

      2. Қазақстан Республикасы Мәдениет және спорт министрлiгiнiң Мәдениет және өнер істері департаменті Қазақстан Республикасының заңнамасында белгіленген тәртіпте:

      1) осы бұйрықтың Қазақстан Республикасы Әділет министрлiгiнде мемлекеттік тіркелуін;

      2) осы бұйрықты мемлекеттік тіркелген күннен бастап күнтізбелік он күн ішінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) қолданысқа енгізілгеннен кейін екі жұмыс күні ішінде осы бұйрықты Қазақстан Республикасы Мәдениет және спорт министрлігінің интернет-ресурсында орналастыруды;

      4) осы тармақта көзделген іс-шаралар орындалғаннан кейін екі жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы мәдениет және спорт вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасы
Мәдениет және спорт министрі
А. Мұхамедиұлы

  Қазақстан Республикасы
Мәдениет және спорт
министрінің
2018 жылғы 29 желтоқсандағы
№ 390 бұйрығына
қосымша
  Қазақстан Республикасы
Мәдениет және спорт
министрінің
2015 жылғы 2 желтоқсандағы
№ 371 бұйрығымен
бекiтiлген

Монументті өнердің жаңа құрылыстарын орнату қағидалары

1-тарау. Жалпы ережелер

      1. Осы Монументті өнердің жаңа құрылыстарын орнату қағидалары (бұдан әрі – Қағидалар) монументті өнердің жаңа құрылыстарын орнату тәртібін анықтайды.

      2. Монументті өнердің жаңа құрылыстарын орнату аса көрнекті тұлғаларды, маңызды тарихи оқиғаларды мәңгі есте қалдыру мақсатында жүзеге асырылады.

2-тарау. Монументті өнердің жаңа құрылыстарын орнату тәртібі

      3. Мемлекеттік органдар, заңды және жеке тұлғалар тоқсанның соңғы айының 25-күніне дейін тарихи-мәдени мұраларды қорғау және пайдалану саласындағы уәкілетті органға (бұдан әрі – уәкілетті орган) монументті өнердің жаңа құрылыстарын (бұдан әрі – жаңа құрылыс) орнату жөніндегі ұсыныстарын жолдайды.

      4. Мемлекеттік органдардың, заңды және жеке тұлғалардың жаңа құрылыс орнату туралы ұсыныстарын қарау үшін уәкілетті орган монументті өнердің жаңа құрылыстарын орнату жөніндегі комиссия (бұдан әрі – Комиссия) құрады.

      5. Комиссия төрағадан, төраға орынбасарынан, мүшелерден құралады. Комиссия мүшелерінің саны тақ саннан тұрады. Хатшы Комиссия мүшесі болып табылмайды.

      Комиссияның төрағасы оның қызметіне жетекшілік етеді, Комиссияның отырыстарын өткізеді. Төраға болмаған уақытта оның функцияларын төрағаның орынбасары атқарады.

      Комиссия өзінің қызметін уәкілетті органның шешімі негізінде тоқтатады.

      6. Жаңа құрылыс орнату жөніндегі келіп түскен ұсыныстар Комиссиямен:

      1) аса көрнекті тұлғаның Қазақстан Республикасы алдындағы еңбек үлесінің және (немесе) Қазақстан Республикасы үшін тарихи маңыздылығының болуына;

      2) осы Қағидалардың 2-тармағының талаптарына сәйкестілігіне қаралады.

      7. Комиссия үш жұмыс күні ішінде келесі шешімдердің бірін қабылдайды:

      1) келіп түскен ұсынысты қолдау және осы Қағидалардың 9-тармағында көрсетілген құжаттарды, жаңа құрылыстың макетін ұсыну туралы ұсыным беру;

      2) аса көрнекті тұлғаның Қазақстан Республикасы алдындағы еңбек үлесінің және (немесе) Қазақстан Республикасы үшін тарихи маңыздылығының болмауына және осы Қағидалардың 2-тармағының талаптарына сәйкессіздігіне орай жаңа құрылысты орнатуға қарсылық көрсету.

      8. Комиссия шешімі хаттамамен рәсімделеді және мемлекеттік органдарға, жеке және заңды тұлғаларға қол қойылған күнінен бастап үш жұмыс күні ішінде жолданады.

      9. Жаңа құрылысты орнату жөніндегі ұсыныстар қолдау тапқан жағдайда, мемлекеттік органдар, заңды және жеке тұлғалар уәкілетті органға тоқсанның соңғы айының 25-күніне дейін келесі құжаттарды және жаңа құрылыстың макетін жолдайды:

      1) аса көрнекті тұлғаны және (немесе) маңызды тарихи оқиғаны мәңгі есте қалдыру туралы ерікті нұсқадағы хат;

      2) аса көрнекті тұлғаның еңбек үлесін және (немесе) маңызды тарихи оқиғаның маңыздылығын растайтын архивтік және өзге құжаттардың көшірмелері;

      3) жаңа құрылысты орнату үшін бөлінген жер телімін растайтын құжат (шешім, қаулы);

      4) жаңа құрылысты қаржыландыру көздерін растау;

      5) жаңа құрылыстың нобайлық жобасы:

      жаңа құрылыстың атауын және оның орналасатын орнын;

      жаңа құрылыстың авторларының (сәулетші, мүсінші) тегі, аты, әкесінің аты (болған жағдайда) және олардың қолтаңбаларын;

      жаңа құрылыстың қысқа негіздемесін және сәулеттік-көркемдік, композициялық шешімдерін, конструкциялық сипаттамасын және аумақты абаттандыру элементтерін, болжамды жүзеге асыру мерзімін мазмұндайтын түсіндірме жазбаны;

      жаңа құрылыстың қалақұрылысы құрылымындағы жерде орналасуының дүниенің төрт бағыты көрсетілген ситуациялық схемасын;

      1:500 (1:200) масштабтағы жаңа құрылыстың абаттандыру элементтерімен бас жоспары.

      10. Комиссиямен ұсынылған құжаттардың толықтығы және анықтылығы, жаңа құрылыстың макеті көркемдік бейнелілігі тұрғысынан қаралады. Көркемдік бейнелілік тұлғаның шынайы бет бейнесімен ұқсастығын, жаңа құрылыс сұлбасының көлемі мен формасының, дененің жеке мүшелері, киім бөлшектерінің, заттарының үйлесімділігін қамтиды.

      11. Комиссия отырысы нәтижесінде жаңа құрылыстарды орнатуды қолдау немесе қолдамау туралы шешім шығарылады.

      Комиссия шешімі хаттамамен рәсімделеді және мемлекеттік органдарға, жеке және заңды тұлғаларға қол қойылған күнінен бастап бес жұмыс күні ішінде жолданады.

      Жаңа құрылыс Комиссияның оң шешімі негізінде орнатылады.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады