Қазақстан Республикасының 2016 жылғы 6 сәуірдегі "Құқықтық актілер туралы" Заңының 50-бабының 2-тармағына сәйкес БҰЙЫРАМЫН:
1. "Тауарлармен электрондық сауданы жүзеге асыратын және Қазақстан Республикасы салық заңнамасының корпоративтік табыс салығының есептелген сомасын азайту, дара кәсіпкер кірісінің салық салынатын сомасын дара кәсіпкердің салық салынатын кірісіне азайту, жеке тұлғаның салық салынатын кірісін дара кәсіпкердің салық салынатын кірісіне азайту бөлігіндегі нормаларын қолданатын тұлғалар осындай қызмет жөніндегі ақпаратты беру қағидаларын, мерзімдерін және нысанын бекіту туралы" Қазақстан Республикасы Қаржы министрінің 2018 жылғы 16 ақпандағы № 222 бұйрығына (Нормативтік құқықтық актілерді мемлекеттік тіркеу тізілімінде № 16503 болып тіркелген, Қазақстан Республикасының Нормативтік құқықтық актілерінің эталондық бақылау банкінде 2018 жылғы 13 наурызда жарияланған) мынадай өзгеріс енгізілсін:
көрсетілген бұйрықпен бекітілген Тауарлармен электрондық сауданы жүзеге асыратын және Қазақстан Республикасы салық заңнамасының корпоративтік табыс салығының есептелген сомасын азайту, дара кәсіпкер кірісінің салық салынатын сомасын дара кәсіпкердің салық салынатын кірісіне азайту, жеке тұлғаның салық салынатын кірісін дара кәсіпкердің салық салынатын кірісіне азайту бөлігіндегі нормаларын қолданатын тұлғалар осындай қызмет жөніндегі ақпаратты беру қағидаларында, мерзімдерінде және нысанында:
13-тармақ мынадай редакцияда жазылсын:
"13. Қағаз жеткізгіштегі ақпарат екі данада жасалады оған жеке тұлға, заңды тұлғаның басшысы және (немесе) заңды тұлғаның құрылымдық бөлімшесінің басшысы қол қояды.
Бұл ретте бір данасы кіріс нөмірін көрсете отырып міндетті түрде мемлекеттік кірістер органының белгісімен тұлғаға қайтарылады.
Қағаз жеткізгіштегі ақпарат бір мезгілде электрондық жеткізгіштегі (Microsoft Excel нысанында) ақпарат болып беріледі.
Одан әрі ақпарат тіркеледі және олар бойынша мемлекеттік кірістер органының ақпаратты компьютерлік өңдеуге мүмкіндік беретін ақпараттық жүйесіне деректерді енгізу жүзеге асырылады.
Қағаз жеткізгіштегі ақпараттарды ұсыну күні мемлекеттік кірістер органының қағаз жеткізгіштегі ақпараттарды қабылдау күні болып табылады.".
2. Қазақстан Республикасы Қаржы министрлігінің Мемлекеттік кірістер комитеті заңнамада белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.
3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Премьер-Министрінің Бірінші Орынбасары- Қаржы министрі |
А. Смаилов |
