Заң консультанттары палаталарының қызметі саласындағы тәуекел дәрежесін бағалау өлшемшарттарын және тексеру парағының нысанын бекіту туралы

Жаңа

Қазақстан Республикасы Әділет министрінің 2019 жылғы 27 желтоқсандағы № 627 және Қазақстан Республикасы Ұлттық экономика министрінің 2019 жылғы 30 желтоқсандағы № 99 бірлескен бұйрығы. Қазақстан Республикасының Әділет министрлігінде 2020 жылғы 8 қаңтарда № 19848 болып тіркелді

      Қазақстан Республикасының 2015 жылғы 29 қазандағы Кәсіпкерлік кодексінің 141-бабының 3-тармағына және 143-бабының 1-тармағына, Қазақстан Республикасының 2018 жылғы 5 шілдедегі "Адвокаттық қызмет және заң көмегі туралы" Заңының 97-бабының 2-тармағына сәйкес БҰЙЫРАМЫЗ:

      1. Мына:

      1) осы бірлескен бұйрыққа 1-қосымшаға сәйкес заң консультанттары палатасының қызметі саласындағы тәуекел дәрежесін бағалау өлшемшарттары;

      2) осы бірлескен бұйрыққа 2-қосымшаға сәйкес заң консультанттары палаталарының қызметі саласында тексеру парағы бекітілсін.

      2. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті заңнамада белгіленген тәртіппен:

      1) осы бірлескен бұйрықтың мемлекеттік тіркелуін;

      2) осы бірлескен бұйрықты Қазақстан Республикасы Әділет министрлігінің интернет-ресурсында орналастыруды қамтамасыз етсін.

      3. Осы бірлескен бұйрықтың орындалуын бақылау жетекшілік ететін Қазақстан Республикасы Әділет вице-министріне жүктелсін.

      4. Осы бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.


Қазақстан Республикасының
Ұлттық экономика министрі
__________Р. Даленов
27 желтоқсаны 2019 жылғы

Қазақстан Республикасының
Әділет министрі
__________М. Бекетаев
27 желтоқсаны 2019 жылғы

 

      "КЕЛІСІЛДІ"

      Қазақстан Республикасы

      Бас прокуратурасының Құқықтық

      статистика және арнайы есепке

      алу жөніндегі комитеті

  Қазақстан Республикасы
Әділет министрінің
2019 жылғы 27 желтоқсандағы
№ 627
Қазақстан Республикасы
Ұлттық экономика министрінің
2019 жылғы 30 желтоқсандағы
№ 99 бірлескен бұйрыққа
1- қосымша

Заң консультанттары палатасының қызметі саласындағы тәуекел дәрежесін бағалау өлшемшарттары

1-тарау. Жалпы ережелер

      1. Осы Заң консультанттары палатасының қызметі саласындағы тәуекел дәрежесін бағалау өлшемшарттары (бұдан әрі – Өлшемшарттар) 2015 жылғы 29 қазандағы Қазақстан Республикасының Кәсіпкерлік кодексіне (бұдан әрі – Кодекс), 2018 жылғы 5 шілдедегі Қазақстан Республикасының "Адвокаттық қызмет және заң көмегі туралы" Заңына (бұдан әрі – Заң) және Қазақстан Республикасы Ұлттық экономика министрінің міндетін атқарушының 2018 жылғы 31 шілдедегі № 3 бұйрығымен бекітілген Мемлекеттік органдардың тәуекелдерді бағалау жүйесін қалыптастыру қағидалары және тексеру парақтарының нысанына (Нормативтік құқықтық актілерді мемлекеттік тіркеу тізілімінде № 17371 болып тіркелген) сәйкес, заң консультанттары палаталарының қызметін жүзеге асыратын бақылау субъектілерін (объектілерін) тәуекел дәрежелеріне жатқызу үшін әзірленді.

      2. Осы Өлшемшарттарда мынадай ұғымдар пайдаланылды:

      1) тәуекел – бақылау субъектісінің (объектісінің) қызметі нәтижесінде оның салдарының ауырлық дәрежесін ескере отырып, жеке және заңды тұлғалардың заңды мүдделеріне зиян келтіру ықтималдығы;

      2) тәуекелдерді бағалау жүйесі – профилактикалық бақылауды тағайындау мақсатында бақылау органы, бақылау субъектісіне (объектісіне) бара отырып жүргізетін іс-шаралар кешені;

      3) тәуекел дәрежесін бағалаудың объективті өлшемшарттары (бұдан әрі – объективті өлшемшарттар) – қызметтің тәуекел дәрежесіне байланысты бақылау субъектілерін (объектілерін) іріктеу үшін пайдаланылатын және жеке бақылау субъектісіне (объектісіне) тікелей тәуелді емес тәуекел дәрежесін бағалау өлшемшарттары;

      4) тәуекел дәрежесін бағалаудың субъективті өлшемшарттары (бұдан әрі – субъективті өлшемшарттар) – нақты бақылау субъектісі (объектісі) қызметінің нәтижелеріне байланысты бақылау субъектілерін (объектілерін) іріктеу үшін пайдаланылатын тәуекел дәрежесін бағалау өлшемшарттары;

      5) тексеру парағы – сақтамауы жеке және заңды тұлғалардың, мемлекеттің заңды мүдделеріне қатер төндіретін бақылау субъектілерінің (объектілерінің) қызметіне қойылатын талаптарды қамтитын талаптар тізбесі;

      6) бақылау субъектісі (объектісі) – "Адвокаттық қызмет және заң көмегі туралы" (бұдан әрі-Заң) Қазақстан Республикасының 2018 жылғы 5 шілдедегі Заңына сәйкес заң консультанттары палаталары;

      7) өрескел бұзушылықтар – Қазақстан Республикасының заңнамасында белгіленген заң консультанттарының қызметі саласындағы заң консультанттарының палатаға мүшелігіне, заң консультанттары палатасының ішкі құжаттарын мемлекеттік органдармен міндетті келісуге, палата мүшелерінің тізілімін енгізуге, тексеру комиссиясының болуына, уәкілетті органға ақпарат беруге қатысты талаптарды бұзу;

      8) елеулі бұзушылықтар – Қазақстан Республикасының заңнамасында белгіленген заң консультанттарының қызметі саласындағы ақпаратты интернет-ресурста орналастыруға, тексеру комиссиясының құрамында заң консультанттары палатасының алқалы немесе атқарушы басқару органдары мүшелерінің болуына, палатаның бекітілген стандарттарына сәйкес өз мүшелерінің біліктілігін арттыруды қамтамасыз етуге, кәсіби мінез-құлық ережелерінің және Кәсіби этика кодексінің болуына қатысты талаптарды бұзу;

      9) елеусіз бұзушылықтар – Қазақстан Республикасының заңнамасында белгіленген заң консультанттарының қызметі саласындағы палата мүшелерінің тізілімін тиісінше жүргізуге, кешенді әлеуметтік заң көмегін көрсетудің белгіленген көлемінің, тәртібінің және палата мүшелігіне қабылдау шарттарының болуына қатысты талаптарды бұзу, сондай-ақ өрескел және елеулі бұзушылықтарға жатқызылмаған өзге де бұзушылықтар.

2-тарау. Бақылау субъектісіне (объектісіне) бару арқылы жүргізілетін профилактикалық бақылау тәсілдері

      3. Заң консультанттары палаталарының қызметі саласындағы бақылау субъектісіне (объектісіне) бару арқылы профилактикалық бақылау үшін тәуекел дәрежесін бағалау өлшемшарттары субъективті және объективті өлшемшарттар арқылы қалыптастырылады.

1-Параграф. Объективті өлшемшарттар

      4. Объективті өлшемшарттар бойынша бақылау субъектілеріне (объектілеріне) заң консультанттарының палаталары жатады.

      5. Бақылау субъектілеріне (объектілеріне) қатысты жоспардан тыс тексерулер, профилактикалық бақылаулар бақылау субъектісіне (объектісіне) бару арқылы және бармай жүргізіледі.

      6. Бақылау субъектісіне (объектісіне) бару арқылы жүргізілетін профилактикалық бақылау, бақылау субъектісіне (объектісіне) бару арқылы жүргізілетін профилактикалық бақылаудың жарты жылдық тізімдері негізінде жүргізіледі.

2-Параграф. Субъективті өлшемшарттар

      7. Субъективті өлшемшарттарды анықтау мынадай кезеңдерді қолдана отырып жүзеге асырылады:

      1) деректер базасын қалыптастыру және ақпарат жинау;

      2) ақпаратты талдау және тәуекел дәрежесін бағалау.

      8. Деректер базасын қалыптастыру және ақпарат жинау Қазақстан Республикасының заңнамасын бұзған бақылау субъектілерін (объектілерін) анықтау үшін қажет.

      Тәуекел дәрежесін бағалау үшін мынадай ақпарат көздері пайдаланылады:

      1) бақылау субъектісі (объектісі) ұсынатын, оның ішінде автоматтандырылған ақпараттық жүйелер арқылы, мемлекеттік органдар жүргізетін есептілік пен мәліметтер мониторингі нәтижелері;

      2) бақылау субъектісіне (объектісіне) бару арқылы жүргізілген алдыңғы тексерулер мен профилактикалық бақылаудың нәтижелері;

      3) расталған шағымдар мен өтініштердің болуы және саны;

      4) мемлекеттік органдар ұсынатын мәліметтерді талдау нәтижелері.

      9. Қолда бар ақпарат көздерінің негізінде субъективті өлшемшарттар үш дәрежедегі бұзушылықтар болып бөлінеді: өрескел, елеулі, елеусіз.

      Субъективті өлшемшарттарды талдау және бағалау неғұрлым ықтимал тәуекелі бар бақылау субъектісіне (объектісіне) қатысты бақылау субъектісіне (объектісіне) бару арқылы жүргізілетін профилактикалық бақылауды шоғырландыруға мүмкіндік береді.

      Бұл ретте талдау және бағалау кезінде нақты бақылау субъектісіне (объектісіне) қатысты бұрын ескерілген және пайдаланылған субъективті өлшемшарттардың деректері, не Қазақстан Республикасының заңнамасына сәйкес талап қою мерзімі өткен деректер қолданылмайды.

      10. Мүмкін болатын тәуекелге және мәселенің маңыздылығына, бұзушылықтардың даралығына немесе жүйелілігіне, әрбір ақпарат көзі бойынша бұрын қабылданған шешімдерді талдауға байланысты тәуекел дәрежесін бағалау өлшемшарттарына сәйкес өрескел, елеулі және елеусіз бұзушылық дәрежесіне сәйкес келетін субъективті өлшемшарттар айқындалады.

      Бақылау субъектісі (объектісі) қызметінің тәуекел дәрежесін бағалауға арналған субъективті өлшемшарттар осы Өлшемшарттарға қосымшада баяндалған.

      11. Тәуекел дәрежесін бағалау өлшемшарттарына сәйкес қолданылатын ақпарат көздерінің басымдығына сүйене отырып, субъективті өлшемшарттар бойынша тәуекел дәрежесінің жалпы көрсеткіші 0-ден 100-ге дейінгі шкала бойынша есептеледі.

      Бақылау субъектісінің (объектісінің) тәуекел дәрежесінің көрсеткіштері бойынша:

      1) жоғары тәуекел дәрежесіне жатқызылады – 61-ден 100-ге дейін қоса алғанда тәуекел дәрежесінің көрсеткіші кезінде және оған қатысты бақылау субъектісіне (объектісіне) бару арқылы профилактикалық бақылау жүргізіледі.;

      2) жоғары тәуекел дәрежесіне жатқызылмайды – 0-ден 60-қа дейін қоса алғанда тәуекел дәрежесінің көрсеткіші кезінде және оған қатысты бақылау субъектісіне (объектісіне) бару арқылы профилактикалық бақылау жүргізілмейді.

3-тарау. Субъективті өлшемшарттар бойынша тәуекел дәрежесінің жалпы көрсеткішін есептеу

      12. Бақылау субъектісін (объектісін) тәуекел дәрежесіне жатқызу үшін тәуекел дәрежесінің көрсеткішін есептеудің мынадай тәртібі қолданылады. Бір өрескел бұзушылық анықталған кезде бақылау субъектісі (объектісі) тәуекел дәрежесінің көрсеткіші 100-ге теңестіріледі және оған қатысты бақылау субъектісіне (объектісіне) бару арқылы профилактикалық бақылау жүргізіледі.

      Егер өрескел бұзушылықтар анықталмаса, тәуекел дәрежесінің көрсеткішін анықтау үшін елеулі және елеусіз дәрежедегі бұзушылықтар бойынша жиынтық көрсеткіш есептеледі.

      Елеулі бұзушылықтардың көрсеткішін анықтау кезінде 0,7 коэффициенті қолданылады және осы көрсеткіш мынадай формула бойынша есептеледі:

      ЅРз = (ЅР2 х 100/ЅР1) х 0,7,

      онда:

      ЅРз - елеулі бұзушылықтар көрсеткіші;

      ЅР1 - елеулі бұзушылықтардың талап етілетін саны;

      ЅР2 - анықталған елеулі бұзушылықтар саны;

      елеусіз бұзушылықтардың көрсеткішін анықтау кезінде 0,3 коэффициенті қолданылады және осы көрсеткіш мынадай формула бойынша есептеледі:

      ЅРн = (ЅР2 х 100/ЅР1) х 0,3,

      онда:

      ЅРн-елеусіз бұзушылықтар көрсеткіші;

      ЅР1-елеусіз бұзушылықтардың талап етілетін саны;

      ЅР2 - анықталған елеусіз бұзушылықтар саны;

      Тәуекел дәрежесінің жалпы көрсеткіші (ЅР) 0-ден 100-ге дейінгі шкала бойынша есептеледі және келесі формула бойынша елеулі және елеусіз бұзушылықтардың көрсеткіштерін қосу жолымен анықталады:

      ЅР = ЅРз + ЅРн

      онда:

      ЅР-тәуекел дәрежесінің жалпы көрсеткіші;

      ЅРз - елеулі бұзушылықтар көрсеткіші;

      ЅРн-елеусіз бұзушылықтар көрсеткіші.

      13. Тәуекел дәрежесін талдау және бағалау кезінде бақылаудың нақты субъектісіне (объектісіне) қатысты бұрын ескерілген және пайдаланылған субъективті өлшемшарттардың деректері қолданылмайды.

      14. Бақылау субъектісіне (объектісіне) бару арқылы профилактикалық бақылауды жүргізу еселігі жүргізілетін талдау және субъективті өлшемшарттар бойынша алынатын мәліметтерді бағалау нәтижелері бойынша айқындалады және жылына бір реттен жиі болмауға тиіс.

      15. Бақылау субъектісіне (объектісіне) бару арқылы жүргізілетін профилактикалық бақылау Кодекстің 141-бабының 3-тармағына сәйкес реттеуші мемлекеттік органның бірінші басшысы бекіткен, жүргізілетін талдау және тәуекел дәрежесін бағалау нәтижелері бойынша жарты жылға қалыптастырылатын бақылау субъектісіне (объектісіне) бару арқылы профилактикалық бақылауды жүргізудің жартыжылдық тізімдері негізінде жүргізіледі.

      16. Бақылау субъектісіне (объектісіне) бару арқылы жүргізілетін профилактикалық бақылаудың тізімі субъективті өлшемдер бойынша тәуекел дәрежесінің ең жоғары көрсеткіші бар бақылау субъектісінің басымдығы ескеріле отырып жасалады.

      17. Тексеру парағы осы бірлескен бұйрықтың 2-қосымшасына сәйкес нысан бойынша қалыптастырылады.

  Заң консультанттары
палаталарының қызметі
саласындағы тәуекел
дәрежесін бағалау
өлшемшарттарына
қосымша

Бақылау субъектілерінің (объектілерінің) қызметінде тәуекел дәрежесін бағалаудың субъективті өлшемшарттары

Өлшемшарттар

Бұзушылық дәрежесі

1-бөлім. Бақылау субъектісі (объектісі) ұсынатын есептілік пен мәліметтер мониторингінің нәтижелері бойынша, оның ішінде мемлекеттік органдар жүргізетін автоматтандырылған ақпараттық жүйелер арқылы

1

мүшелікте кемінде елу заң консультантының болуы

өрескел

2

палата мүшелерінің тізілімін жүргізу

өрескел

3

соттарда адамдардың мүдделерін білдіру түрінде заң көмегін көрсету үшін заң консультантының басқа заң консультанттарының палаталарында мүшелікте болмауы

өрескел

4

Қазақстан Республикасының адвокаттық қызмет және заң көмегі туралы заңнамасының, заң көмегін көрсету қағидалары мен стандарттарының, Кәсіптік әдеп кодексінің талаптарын бұзғаны үшін адам заң консультанттары палатасы мүшелерінің тізілімінен шығарылған жағдайда, егер шығарылған күннен бастап үш жылдан аз уақыт өтсе, заң консультанттары палатасы мүшелегінде болмауы

өрескел

5

заң консультанттары палатасы мүшесінің шартқа сәйкес заң көмегі көрсетілетін үшінші тұлғаларға зиян келтіру салдарынан туындайтын міндеттемелер бойынша кәсіби жауапкершілікті сақтандыру шартының болуы

өрескел

6

Палатаның интернет-ресурсында мынадай ақпараттардың болуы:
өз мүшелерінің құрамы туралы;
палата мүшелерінің жауапкершілігін қамтамасыз ету шарттары, тәсілдері мен тәртібі туралы;
заң консультанттары палатасындағы өз мүшелiгін тоқтатқан мүшелер және олардың мүшелiгiн тоқтату негiздері туралы;
заң консультанттары палатасына мүшелік шарттары туралы;
заң консультанттары палатасының қағидалары мен стандарттарының мазмұны туралы;
заң көмегі сапасының өлшемшарттары туралы;
заң консультанттары палатасы басқару органдарының және мамандандырылған органдарының құрылымы мен құзыреті, заң консультанттары палатасының алқалы басқару органының, атқарушы басқару органының сандық және дербес құрамы, заң консультанттары палатасының жеке-дара атқарушы басқару органының функцияларын жүзеге асыратын тұлға туралы;
заң консультанттары палатасы мүшелерінің жалпы жиналысы мен алқалы басқару органы қабылдаған шешімдер туралы;
заң консультанттары палатасының мүшелерін Қазақстан Республикасы адвокаттық қызмет және заң көмегі туралы заңнамасының, қағидалар мен стандарттардың, Кәсіптік әдеп кодексінің талаптарын бұзғаны үшін жауаптылыққа тарту жағдайлары туралы;
заң консультанттарының палатасы берген, сондай-ақ палатаға қатысты соттарға берілген кез келген талап-арыздар мен өтініштер туралы;
қаржылық-шаруашылық қызмет туралы, әрбір өзіндік ерекшелік бойынша жеке-жеке барлық түсімдер мен шығыстар туралы ақпарат қамтылатын есеп жөнінде ақпарат.

елеулі

7

палата мүшелері беретін деректер негізінде, құпиялылық туралы талаптарды сақтай отырып, палата мүшелері көрсететін заң кызметтерінің алдыңғы кезең үшін қалыптастырылатын орташа құны туралы жиынтық-талдамалық ақпарат соңғы орналастырылған күннен бастап осы ақпараттың жылына кемінде бір рет өзінің интернет-ресурсында орналастырылуының қамтамасыз етілуі

елеулі

8

ревизиялық комиссиясының құрамында заң консультанттары палатасының алқалы немесе атқарушы басқару органдары мүшелерінің болмауы

елеулі

9

Палатаның бекітілген стандарттарына сәйкес өз мүшелерінің біліктілігін арттыруды қамтамасыз етуі

елеулі

10

кәсіптік мінез-құлық қағидалары және Кәсіптік әдеп кодексінің болуы

елеулі

11

палата мүшелігіне қабылдау шарттарының болуы

елеусіз

12

кешенді әлеуметтік заң көмегін көрсетудің белгіленген көлемі мен тәртібінің болуы

елеусіз

13

палатаның жарғысында белгіленген тәртіппен палатаның бақылау органының (ревизиялық комиссиясының) болуы

өрескел

14

бақылау субъектісінің (объектісінің) заң консультанттары палатасы мүшелерінің тізілімін тиісінше жүргізуі, атап айтқанда тізілімде мынадай мәліметтердің болуы:
заң консультанттары палатасы мүшесінің тіркеу нөмірі, оны тізілімде тіркеу күні;
заң консультанттары палатасы мүшесінің тегі, аты, әкесінің аты (ол бар болған жағдайда), туған күні, жеке басын куәландыратын құжаттың деректері, тұрғылықты жері, жеке сәйкестендіру нөмірі (жеке тұлға үшін), байланыс телефондарының нөмірлері;
заң консультанттары палатасы мүшесінің мүліктік жауаптылығын қамтамасыз ету туралы мәліметтер;
палата мүшесіне заң консультанттары палатасы жүргізген тексерулердің нәтижелері және оған тәртіптік және өзге де жазалар қолдану фактілері туралы мәліметтер;
заң консультанттары палатасындағы мүшелікті тоқтата тұру және тоқтату күні туралы мәліметтер және мұндай тоқтатудың негізі туралы мәлімет.

елеусіз

2-бөлім. Бақылау объектілеріне бару арқылы жүргізілген алдыңғы профилактикалық бақылаудың нәтижелері (ауырлық дәрежесі төмендегі көрсетілген талаптарды сақтамаған кезде белгіленеді)

15

заң консультанттары палатасы мүшесінің келесі талаптарға сәйкес келуі:
жоғары заң білімінің болуы;
заң мамандығы бойынша кемінде екі жыл жұмыс өтілінің болуы;
аттестаттаудан өтуі.

өрескел

16

заң консультанттары палатасы мүшелігінде сот тәртібімен әрекетке қабілетсіз не әрекетке қабілеті шектеулі деп танылған адамның болмауы

өрескел

17

заң консультанттары палатасы мүшелігінде заңда белгіленген тәртіппен жойылмаған немесе алынбаған сотталғандығы бар адамның болмауы

өрескел

18

уәкілетті органмен келісілген заң көмегін көрсету сапасы өлшемшарттарының болуы

өрескел

19

уәкілетті органға мүшелерді заң консультанттары палатасына енгізу, мүшелікті тоқтата тұру және мүшеліктен шығару туралы тоқсан сайынғы ақпаратты ұсынуы

өрескел

20

заң консультанттарының палатасына кіруі үшін уәкілетті органмен келісілген аттестаттау жүргізу ережесінің болуы

өрескел

21

уәкілетті органмен және өзін-өзі реттеу саласындағы уәкілетті органмен келісілген заң көмегін көрсету стандарттарының және өзін-өзі реттейтін ұйым қағидаларының болуы

өрескел

22

палата мүшелеріне (қатысушыларына) тексеруді ұйымдастыру және жүргізу тәртібі туралы уәкілетті органмен және өзін-өзі реттеу саласындағы уәкілетті органмен келісілген қағидалардың болуы

өрескел

3-бөлім. Расталған шағымдар мен өтініштердің болуы және саны

23

палата мүшелігінен шығарудың негізсіздігі туралы адамдардың шағымдары мен өтініштерін қарау

өрескел

24

тексеру нәтижесінде Қазақстан Республикасы заңнамасының талаптарын, палатаның мүшелігі (қатысу) қағидалары мен стандарттарын, шарттарын бұзу фактісі анықталған жағдайда, палата мүшесіне қатысты ықпал ету шараларын қолдану

өрескел

  Қазақстан Республикасы
Әділет министрінің
2019 жылғы 27 желтоқсандағы
№ 627
Қазақстан Республикасы
Ұлттық экономика министрінің
2019 жылғы 30 желтоқсандағы
№ 99 бірлескен бұйрығына
2- қосымша

Заң консультанттары палаталарының қызметі саласында тексеру парағы

      Қазақстан Республикасының Кәсіпкерлік кодексіне сәйкес заң консультанттары

      палаталарының қызметі аясында/саласында

      _________________________________ заң консультанттары палатасына қатысты

      бақылау субъектілерінің (объектілерінің) біртекті тобының атауы

      Тексеруді тағайындаған мемлекеттік орган _________________________

      __________________________________________________________________

      Бақылау субъектісіне (объектісіне) бару арқылы жүргізілетін

      тексеруді/профилактикалық бақылауды тағайындау туралы Акт

      __________________________________________

      __________________________________________________________________

                        ( № , күні)

      Бақылау субъектісінің (объектісінің) атауы ____________________________

      __________________________________________________________________

      Бақылау субъектісінің (объектісінің) (жеке сәйкестендіру нөмірі) бизнес- сәйкестендіру

      нөмірі ____________________________________

      __________________________________________________________________

      Орналасқан мекен-жайы ______________________________________________

Талаптар тізбесі

Талап етіледі

Талап етілмейді

Талаптарға сәйкес келеді

Талаптарға сәйкес келмейді

1

2

3

4

5

6

1

заң консультанттары палатасы мүшесінің келесі талаптарға сәйкес келуі:
жоғары заң білімінің болуы;
заң мамандығы бойынша кемінде екі жыл
жұмыс өтілінің болуы;
аттестаттаудан өтуі.





2

заң консультанттары палатасы мүшелігінде сот тәртібімен әрекетке қабілетсіз не әрекетке қабілеті шектеулі деп танылған адамның болмауы





3

заң консультанттары палатасы мүшелігінде заңда белгіленген тәртіппен жойылмаған немесе алынбаған сотталғандығы бар адамның болмауы





4

уәкілетті органмен келісілген заң көмегін көрсету сапасы өлшемшарттарының болуы





5

уәкілетті органға мүшелерді заң консультанттары палатасына енгізу, мүшелікті тоқтата тұру және мүшеліктен шығару туралы тоқсан сайынғы ақпаратты ұсынуы





6

заң консультанттарының палатасына кіруі үшін уәкілетті органмен келісілген аттестаттау жүргізу ережесінің болуы





7

уәкілетті органмен және өзін-өзі реттеу саласындағы уәкілетті органмен келісілген заң көмегін көрсету стандарттарының және өзін-өзі реттейтін ұйым қағидаларының болуы





8

палата мүшелеріне (қатысушыларына) тексеруді ұйымдастыру және жүргізу тәртібі туралы уәкілетті органмен және өзін-өзі реттеу саласындағы уәкілетті органмен келісілген қағидалардың болуы





      Лауазымды тұлға(лар):

      ___________________________________ _________________________ _____

      (лауазымы)                                     (қолы)

      __________________________________________________________________

      (тегі, аты, әкесінің аты (болған жағдайда) лауазымы)             (қолы)

      Бақылау субъектісінің (объектісінің) басшысы _________________________

                                                      (лауазымы)       (қолы)

      __________________________________________________________________

                              (тегі, аты, әкесінің аты (болған жағдайда)

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады