Нұр-Сұлтан қаласында қатты тұрмыстық қалдықтарды жинауға, әкетуге, кәдеге жаратуға, қайта өңдеуге және көмуге арналған тарифтерін бекіту туралы

Нұр-Сұлтан қаласы мәслихатының 2019 жылғы 25 желтоқсандағы № 476/60-VI шешімі. Нұр-Сұлтан қаласының Әділет департаментінде 2019 жылғы 30 желтоқсанда № 1256 болып тіркелді

Ескерту. 01.01.2020 бастап қолданысқа енгізіледі – осы шешімнің 2-тармағымен.

Қазақстан Республикасы 2007 жылғы 9 қаңтардағы Экологиялық кодексті, Қазақстан Республикасы 2001 жылғы 23 қаңтардағы "Жергілікті мемлекеттік басқару және өзін-өзі басқару туралы" Заңды басшылыққа ала отырып, Нұр-Сұлтан қаласының мәслихаты ШЕШІМ ҚАБЫЛДАДЫ:

1. Осы шешімге қосымшаға сәйкес Нұр-Сұлтан қаласында қатты тұрмыстық қалдықтарды жинау, әкету, кәдеге жарату, қайта өңдеу және көму тарифтері бекітілсін.

2. Қабылданған шешім 2020 жылдың 1 қаңтарынан бастап қолданысқа енгізілсін.

Нұр-Сұлтан қалалық мәслихат
сессиясының төрағасы	А. Табулдина
Нұр-Сұлтан қалалық мәслихатты
хатшысының міндетін атқарушы	М. Шайдаров

Нұр-Сұлтан қаласы мәслихатының 2019 жылғы 25 желтоқсандағы № 476/60-VI шешіміне қосымша

Нұр-Сұлтан қаласында қатты тұрмыстық қалдықтарды жинау, әкету, кәдеге жарату, қайта өңдеу және көму тарифтері

№ п/п	Тариф атауы	Тариф (теңге)
1.	Абаттандырылған үй шаруашылықтарында тұратын жеке тұлғаға (1 жеке тұлға айына)	390*
2.	Абаттандырылмаған үй шаруашылықтарында тұратын жеке тұлғаға (1 жеке тұлға айына)	414*
3.	Заңды тұлғалар және заңды тұлғалар болып табылмайтын кәсіпкерлік субъектілеріне арналған тариф (1 текше метр үшін)	2 144

* Ескерту: Келесі жеңілдіктер мөлшері қарастырылған:

100% жеңілдік - Ұлы Отан соғысына қатысушыларға;

50% жеңілдік - Ұлы Отан соғысына қатысушыларға теңестірілгендерге, көп балалы аналарға, I-топтағы мүгедектерге;

25% жеңілдік – II-топтағы мүгедектерге, жасы бойынша зейнеткерлерге